Tuesday, 9 June 2009

نص خطاب نتانياهو الاسبوع القادم


ان شاء الله ح يبقى للعالم الاسلامي برضه، ماهو اصل العالم الاسلامي بيشتغل تليفونيست دلوقت، كل اللي يشوفه يخاطبه
انا باقول الكابتن نتانياهو بعد اللي شافه يوم اربعة يونيو، ح يكتب خطاب ما يخرش المية، وانا عندي شخصيا تصور كده لخطاب نتانياهو:
بسم الله الرحمن الرحيم
وإن جنحوا للسلم فاجنح لها وتوكل على الله
اخوتي في العالمين العربي والاسلامي، السلام عليكم ورحمة الله وبركاته
(صريخ)
انني اتوجه بخطابي هذا لكم، بعد ان استمعت الى خطاب اخي، وحبيبي، وفلذة كبدي، باراك حسين محمد عبد السميع حمزة عبد المتعال اوباما. ولكم تأثرت تأثرا شديدا بكلماته التي مست شغاف قلبي، فانهمرت دموعي واتقلبت علي المواجع.
حقا
لقد عانى الاسلام والمسلمون، على مدى ثمانية اعوام، من انكار لجميل الحضارة الاسلامية على الشرق والغرب
(تصفيق حاد وصريخ)
 واشعلت الحروب بيننا وبين ابناء عمومتنا، اخوتنا، الذين طالما فتحوا لنا قلوبهم وبلادهم بل... وبيوتهم. وما العجب في ذلك؟ فالقرآن الكريم يقول: وإن أحد من المشركين استجارك فأجره. فكيف بنا نحن اخوتهم، وابناء عمومتهم، يجمع بيننا ختان الذكور وكره الخنازير التي حرمها الله تعالى: "إنما حرم عليكم الميتة والدم ولحم الخنزير وما أهل لغير الله به" صدق الله العظيم 
(واحدة اغمى عليها)
ان القرآن الكريم، ليذكر نبي اليهود موسى باجلال واحترام غير مسبوق، ولا ملحوق، وهو ان دل على شيء، فانما يدل على احترام الاسلام لكل الديانات، واحترامه للديانة اليهودية بالتحديد. اقول للجهلاء، الذين يتهمون الاسلام والمسلمين، بمعاداة السامية، اننا، نحن اليهود، لم يعرف تاريخنا معاملة افضل من معاملة المسلمين، ولا قلبا احن من قلب المسلمين، ولا يدا اخف في اعطاء الحقنة من يد المسلمين. ولا يوجد، بين كل الشعوب التي خالطها اليهود، ارقى من المسلمين، ولا احلى من المسلمين، ولا اشيك من المسلمين، يا عيني على المسلمين، هو انا خلفت غير المسلمين؟ ده الادب المسلمين، والاخلاق المسلمين
(وي لاف يو نتانياهو)
لقد عاش المسلمون مع اليهود جنبا الى جنب، وأوى إليهم اليهود مستغيثين بكرمهم من اضطهاد الاوروبيون لهم، ووجدوا يدا حانية، وعينا باكية، واغنية زاهية، وسماء عالية، وبيوت غالية، فكانت ليلى مراد مطربة مصر الاولى يهودية مصرية
وكما يقول عبد الوهاب: الدنيا ليل والنجوم طالعة تنورها. ولقد غنتها المطربة اليهودية المصرية العربية المسلمة ليلى مراد في الفيلم اللي فيه القط الاسود اللي سمت فيه ابنها لطفي واللي كان كل شوية احمد سالم يفقد الذاكرة ويتجوز ويرجع يفقد الذاكرة وينسى انه اتجوز.
(تصفيق حاد وصويت)
ولقد وقف الرسول الاكرم نبي الاسلام محمد صلى الله عليه وسلم
(زغاريد)
لجنازة يهودي وقال: اوليس نفسا؟
ولأن العالمين العربي والاسلامي يعلمون حق العلم معاناة الشعب اليهودي، فهم بالتأكيد، يرفضون معي كل محاولة سافلة، منحطة، حقيرة، بنت وسخة، لانكار الهولوكوست، او التقليل من شأنه، او عدم احترامه والوقوف كلما ذكر والاحتفال بذكراه قبل الاكل وبعد الاكل وقبل الاذان وبعد الاذان ومع خواتيم الصلاة. واعلم ان هناك بعض من المتطرفين من يقولون: واحنا مالنا يا عم انت؟
لكنني اراهن على الروح الاسلامية الكريمة، التي ستقول له: ميل على جنابك يا موكوس. فليس من شيم المسلم ان يرد من استجار به، حتى وان جاء ليسكن في بيته، حتى وان قتله، فالقرآن الكريم يقول: لئن بسطت يدك إلي لتقتلني ما أنا بباسط يدي إليك لأقتلك. إن فجر الاسلام يشهد بكرم الانصار الذين تركوا بيوتهم، بل ونساءهم، للمهاجرين المكلومين، وقد كان من بين اهل المدينة يهودا عقدوا معاهدة مع النبي الاكرم صلى الله عليه وسلم
(نسوان بتزغرد ورجالة بيقولوا الله اكبر)
نص فيها على ان لنا ما للمسلمين وعلينا ما عليهم. ان المسلم الحق هو الذي عرفه التاريخ، ذلك الكريم، الذي يجوع ليطعم غيره، ينام في العراء ليسكن غيره، يموت، ليعيش غيره. هكذا كانت الحضارة الاسلامية دوما
(صريخ وناس بتقطع في شعرها)
لقد هربنا الى الارض المقدسة منذ اكثر من ستين عاما، لننعم بدفء احضان الحبايب. لكن الاستعمار البائد هو من اشعل الحروب بين ابناء العمومة، ونحن الآن نريد السلام، ولا شيء غير السلام، هذي يدي امدها اليكم بالسلام
(شريف منير: شلوووووووووووووم)
وانني بهذه المناسبة اود ان اتكلم عن بعض النقاط
1- تفكيك المستوطنات:
اعلم ان في قلوب اخوتنا الفلسطينيين غصة، ويعلم الله وحده كم ان آلام الفلسطينيين تدمي قلبي، وتبكي عيني، وتوجع بطني، وتضرب كلاويا.
(تصفيق حاد)
الا انني لا يمكنني ان اصحح خطأ بخطأ أكبر منه، فإن كان البعض قد اخطأ في بناء المستوطنات وطرد الفلسطينيين من ارضهم، فانني يجب الا اكرر هذا الخطأ بهدم المستوطنات وطرد امهات، واطفال ابرياء، والعجائز حول نار المدفأة، يسكنون المستوطنات يا قلبي بمنتهى الحب والحنين والحنان. فكيف لي ان افعل معهم تلك الجريمة الشنعاء التي فعلها اجدادي القدماء من حوالي عشرين سنة؟ او ثلاثين سنة؟ او ستين سنة؟
الذين يريدون ان يعيشوا في الماضي ليس لهم مستقبل
2- تجميد بناء مستوطنات جديدة
ان الاسلام هو دين السماحة والرحمة، وعلينا الا ننسى الماضي، والا ننسى معاناة الشعب اليهودي في محارق النازي. ان عدد المواطنين يزداد، قولوا لي بالله عليكم يا ابناء عمومتي، اين يذهبون؟ هل ترضون ان يعودوا الى اوروبا حيث تنتظرهم محارق جديدة؟ ان العالم العربي واسع رحب فسيح، وهو يسع من حبايب ملايين، وان بيوت المسلمين مفتوحة للفلسطينيين اللاجئين في كل مكان فالمسلم اخو المسلم كما قال رسول الله صلى الله عليه وسلم
(تصفيق حاد وصويت وزغاريد)
اما نحن، فليس لنا الا كرمكم، وسماحتكم، فاتركونا نبني المستوطنات وشوفوا لكوا حتة ناشفة اقعدوا فيها لأن الأرض لله يورثها من يشاء كما ورد في القرآن الكريم
(تصفيق حاد)
3- انشاء الدولة الفلسطينية
ان هذه الامة الاسلامية، من مشرقها الى مغربها، هي جسد واحد، اذا اشتكى منه عضو تداعى له سائر الاعضاء بالسهر والحمى كما قال معلم البشرية محمد، واحد من اعظم الرجال الذين غيروا التاريخ
(زغاريد)
لم تعرف الدويلات المتفرقة الا بعد اتفاقية سايكس بيكو التي قسمت جسد الوطن العربي والمسلم الى اجزاء صغيرة رغبة في التفتيت
هذا الاستعمار اخوتي، الذي القى بنا في نار المحرقة، هو ذاته من القى بكم في نار الاستغلال، هذا الاستعمار اخوتي الذي استخدمنا كأداة في الحرب العالمية الثانية، هو ذاته من قسم جسدكم الواحد ومزقه
لكن، من قال اننا لابد ان نظل عبيدا لشروط الاستعمار وتقسيماته
فلتحيا دولة اسرائيل في احضان ابناء عمومتها العرب والمسلمين، ولتأخذ امتدادها الطبيعي في ظل كرم الاسلام وقوته
ان دولة اسرائيل هي في الحقيقة احدى اكبر الدول العربية، فان لدينا في اسرائيل اكثر من مليون ونصف عربي من تعداد السكان الذي يبلغ سبعة ملايين، ومن هذا المنطلق فإن اسرائيل دولة عربية
(تصفيق وصريخ وعياط وزغاريد)
وليعش اخوتنا الفلسطينيون في اي دولة عربية او اسلامية شاءوا، في ظل دولة اسلامية مترامية الاطراف، لا تعترف في جوهرها المعنوي بالحدود، وان التزمت بها وفقا للقانون الدولي، وعندئذ، ماذا يريد الاخ فلسطيني من دويلة صغيرة، قد تسبب مع جيرانها بعض المشاكل، وهو امامه العالم الاسلامي برحابته وحضارته العتيدة؟
(تصفيق حاد، والاسعاف بتشيل اللي جات لهم ازمة قلبية)
وبهذا نجد اننا لسنا في حاجة ملحة الان لما يسمى بالدولة الفلسطينية.
لقد تعايش المسلمون مع اليهود في الاندلس في سلم وامان، وذبحوا سويا على مطارق محاكم التفتيش الدموية، فكيف بعد ان قتلنا سويا، يقتلنا بعض اخوتنا الفلسطينيون؟ ان الصاروخ الذي يأتي من حماس ليشعل قلوبنا حزنا، ليس لخطورة صوته العالي الفظيعة على اعصاب المستوطنين ومشاعرهم الحساسة، ولكن لانه جاء من اخي الفلسطيني، فلو جاءت الطعنة من اوروبي لما احزنتنا، اخوتي، انتم تعلمون ما فعلت بنا اوروبا، فعلت بنا ما فعلته بكم، الا ان الضنا غالي بصحيح كما تقول ماما كريمة مختار
(تصفيق حاد)
لقد كنا سلالة واحدة، اختلطت دماء اجدادنا الزكية مرارا وهم يضحون من اجل رفعة البشرية، وسنظل هكذا دوما فكبروا دماغكوا الله يخليكوا وهاتوا بوسة بقى، ولن اطيل عليكم فقد حان الآن موعد صلاة الظهر حسب التوقيت المحلي لمدينة القدس وعلى السادة المقيمين خارجها مراعاة فروق التوقيت وانا باعرف ادن على فكرة حتى بصوا
(بيدن)
والسلام عليكم ورحمة الله وبركاته
واحلى حاجة في الخطاب ده اننا مش ح نلاقي مذيعين متخلفين لان كلهم ح يبقوا في المستشفى من فرط السعادة

72 comments:

مواطن مصري said...

هههههههههههههههههههههههههههه

ههههه بجد بجد انتي مفروض تنافسي بلال فضل في افلام الكوميديا الساخرة


اكثر حتة

(شريف منير: شلوووووووووووووم)


ههههههههههههههههههه

انتي حتاة لية في دماغك لعملك هو كمممثل تمثيلة حلو اوي

Sosso said...

Enti moch ma32oola ! To7fa !! bass el5of la elgame3a elli ketbou el obama yerfa3o 2adeyya 3achan el copyright .

جبهة التهييس الشعبية said...

لا

الخوف ان مكتب نتانياهو ينقل الخطاب ده بجد

حـنــّا السكران said...

هههههههههه

ههههههههههههههههه

حـنــّا السكران said...

الخوف انه المخابرات عندكم ترسل هالخطاب لنتياهو و تتمنى عليه يقوله متل ما هو ..منشان مصلحة الطرفين ..و الأمة طبعا ..

كأني شايف عوكل بيقول و هم بيعرضوه عليه : ده خطاب هايل ..ابعتوه على طول ..مين اللي كاتبه ؟ إكسلانت ؟

Sosso said...

7yen2elou be ezni we7idin a7ad

جبهة التهييس الشعبية said...

هههههههههههه
لو على كده يبقى الريس يشوفني بقى

يدفع لي بقية اقساط العربية
هههههههههههههه

مواطن مصري said...

ههههههههههههههه
اة و الله مش بعيد
هههههههههه

الحقي قولي جميع الحكوك محفوظة

لمالكت المدونة
ههههههههههه
ه
ه
هههههههههههههههههه

مواطن مصري said...

على فكرة احسن تدوينة قريتها السنادي


تستحقي لقب احسن تدوينة

Sosso said...

Law e7tagti lechouhoud ahou elmehayyesin kethir wel7amdoulellah (ana momken amasselik fe Europe, we bebalach lellah )

جبهة التهييس الشعبية said...

ههههههههه
ان شالله تشكر يا مواطن

سوسو
او ابقى مستشارة نتانياهو للشئون الاسلامية ويبقى اسمي نوارة مجاهد
اوب مستشارة حسني مبارك للشئون الاسلامية برضه
ساعتها ح اخدك معايا ونفتح مكاتب في العالم ونبيع ونكسب
هههههههههههههههه

مواطن مصري said...

متنسنيش يا نوارة لما تبقى مستشارة
:D

جبهة التهييس الشعبية said...

ههههههههه
ح اخدك مستشار الجماعات الاسلامية

عشان انت بتحبهم

Sosso said...

Ya saleeeeem elfat7a ! sabbouba baraktak ya 3amm obama

أفندينا said...

هههه
ههههههه
هههههههههههههههههه
هههههههههههههههههههههههه
مش باقي إلا أنه يقول أشهد أن لا إلاه إلا الله محمد رسول الله .... الله يجازيكي كل خير

عزيز عيني said...

ههههههههههههههههههههه
الله يحظك ضحكتيني وانا باكل وكنت هاموت

متخيل شكل شيرف منير لما يفط من علي كرسيه ويقوله اي شالوم يو
ويخلص الخطاب ويروح يعمل عٌمره جنب ابوالهول ويطوف حواليه سبع لفات
وبهذه المنوسابه احب سلام يا ام المطاهر

مهندس حر said...

هههههههههههههههههههههههههه
الله يحظك بجد..

كنت فعلا محتاج حبة الضوحك دول..

أهو كده ممكن أنسى النكد اللى نكدتيه علينا قبل كده..

بس لو بيبي قال خطاب زى ده ساعتها أنا نفسى أستمناه..

هههههههههههههههههههههههههههههه

سبهللة said...

ههههههههههههههه
الاسعاف بتشيل اللى جت لهم ازمة قلبية
انتى دماغك دى فظيييييعة
ربنا يبارلك فيها
بموت فيكى يا شيخة
هههههههههه
بس الخوف لياخدوا مقاطع منها
ولا المصيبة لا ياخدوها كلها كوبى وبست
والله وباضت لك فى القفص
واحتمال تبقى مستشارة وزارة الدفاع الاميكى لشئون اليهود

عزيز عيني said...

وبعدين ماقولتيش الخطاب ها يقراه منين ؟؟؟ من كلب الامه العربيه برضه\\؟؟؟ المفروض بقي يغير احنا صحيح شعب عاتشفي وبنحب لغة الكلوب بس برضه لغه صايعه وبتقلب علي غامق ف الاخر يعني دباديب بقي وحاجات اصفره

جبهة التهييس الشعبية said...

افندينا

ما قلت بقى لو عوكل عجبه الخطاب وشافني مش ح انساكوا
ح اشكل بيكوا وزارة

عزيز عيني

رشي الملح سبع مرات تمن مرات تسع مرات

مهندس حر

والله الاخ الغالي اوباما علمنا ازاي الواحد يسب الدين لواحد واللي بيتسب له يبقى مبسوط

سبهللة

ما تخافيش
اول ما يبعتوا لي جواب التعيين ح اخدك معايا انت كمان
ياللا انت غلبانة وصاحبة عيال

بدراوى said...

هههههههههههههه
نوارة
انا وقعت من الضحك
انا اول ما شوفت عنوان البوست افتكرته انفراد ليكى
طلع خطاب تخيلى
بس عسل عسل عسل
هههههههههههههههه
ههههههههههههههههههه
هههههههههههههههههههههههههههههههه

الا بقول ايه
اكيد التحليلات حتقول
ان نتنياهو هو رجل مؤمن من ال فرعون
يكتم ايمانه
ههههههههههههههههههههههههههههههه

بجد تحفة و حلو
هههههههههههههههههههههههههههههههه

مواطن مصري said...

وان بيوت المسلمين مفتوحة للفلسطينيين اللاجئين في كل مكان فالمسلم اخو المسلم كما قال رسول الله صلى الله عليه وسلم


ههههههههههههههههههههههه
هههههههههههههههههههههههه
هههههههههههههه
مش بعيد و يعملوها و ينفذو كلامك
:DDDDd

مهندس حر said...

بما إنك بتوزعى مناصب فياريت تخلينى مستشار أيتها حاجة و تعملى كام لجنة على كام مجلس إدارة تخلينى عضو فيهم خلى الواحد يقلب عيشه و آخدلى شقة محندقة بتاع 500 متر كده فى سان إستيفانو عشان العيال يقعدوا فى صالة الألعاب طول النهار و المدام تعمل شوبنج فى المول و ساونا فى الفور سيزونز و أنا أشوف نفسى..

مهندس حر said...

لأ يا شيخة بلاش تجنى على الراجل .. دى حاجة فى الجينات عندنا.. يعنى الواحد من دول يتسبله ميت مله يقوم يهيج وعروق رقبته تنطر و لو حد ميل عليه و قاله ده بيهزر معاك تلاقيه فشخ ضبه و قالك .. أنا برضه كنت بقول كده..

الصراحة ناس ذووق ذووق عالآخر..

أكون أو لا أكون said...

هههههههههااااااااي... هههههههههههههههههههههههه
هع هع هع

خطاب بيضرب على الوتر الحساس... وتر التبعيه لأياً كان بيردد أيات قرآنيه مش في وقتها ولا في محلها


بجد الراجل اللي في الفيديو اللي فات"أظن اسمه الشيخ مبروك" حـرام الراجل بجد مبروك ههههههه مش فاهم حاجه وماشي على البركه زي ما بيقول إخوانا السوريين على " الهبل"... حرام قطع لي قلبي



الست الوالده بآلاف الرجال... ست مايهمهاش حد طالما إنها بتتكلم بالحق...
الله يعطيها الصحه والعافيه... ويجازيها كل خيــــــــر يارب...

سلامي وتحياتي لها... وقبله على جبهتها العاليه...

جبهة التهييس الشعبية said...

بدراوي

انت بتقول فيها
والله شفت ناس بيقولوا على اوباما مسلم وهو اللي ح يعيد مجد الخلافة الاسلامية من امريكا بس هو مخبي

وانه زي ما رأفت الهجان وصل لاعلى المناصب
:)
ما اعرفش رفعت الجمال وصل لاعلى المناصب فين؟ ده كان عنده شركة سياحة

كمان اوباما مزروع
هههههههههههههههههههه

مواطن

لا باقول لك ايه
ما تلبسنيش مصيبة احسن الفلسطينيين يتلككوا ويمسكوا في رقبتني انا

انا مالي يا اخويا ماهم طلعان عينهم من زمان


مهندس حر

سان استيفانو يا فقري؟

وانا اللي كنت ح اعينك مبعوثنا في باريز عشان تكتب تخليص الابريز

جبهة التهييس الشعبية said...

طب عبده البرماوي بيقول لي واحد من امانة شباب الحزب الوطني وقف يخطب قام ابتدى خطبته يقول للجمهور: وجعلنا من بين ايديهم سدا ومن خلفهم سدا

ههههههههههههههه
قلت له والناس ضحكت؟ قال لي دول كانوا في منتهى الخشوع

AbdElRaHmaN Ayyash said...

هههههههههههههههههه
مش ممكن
بجد مش ممكن :D:D:D:D::D

أكون أو لا أكون said...

هم عرفوا ايه الكلمه السريه اللي بتفتح باب المغاره المغموره...
قالوا طب احنا خسرانين ايه...؟ ما نقولهم ونضحك عليهم... وأهو احنا بكل الأحوال كسبانين...

بجد شعوب عاطفيه...

Abdou Basha said...

هو ده التهييس الأصلي
ماستربيس
:)

مهندس حر said...

باريز إيه و تخليص بربريز إيه؟ .. حد قالك عايز أشتغل فى الجمرك؟ و لو إنه ما يضرش هاتى الجمرك برضة ممكن نطلع منه بلقمة طرية و ساعتها أخلصلك كل البربريز اللى إنتى عايزاه..

أنا عايز أقعد فى سان إستيفانو عشان آخد العيال و نطلع بحلة المحشى نقعد على البحر فى الأزاريطة..

حسن على said...

نفسى فى ف مخرج (مضروب بالفن) ينفذ السناريو دة بدون تعديل...انشالة حتى انيماشين ...نفسى اشوفة صوت وصورة فى يو تيوب ع الاقل ... واعتقد ان نوارة حترحب بالفكرة ...البوست دة جامد قوى قوى قوى

Dena said...

ههههههه...الخطاب ده ما خيالي تماما..أنا فعلا قابلت صهاينة بيتكلموا بمنطق قريب من كلامك ده..أي نعم هم بيعتبروا قلة مندسة و إنهم أصحاب عقيدة منحرفة و ضالة لكن هم فعلا موجودين

:D

كنز أيامى said...

هو حلو اوى يا نوارة بس كنت تقفليه سادتى "ربنا لا تؤخذنا ان نسينا او اخطانا"

طالب ثانوى said...

تحفة مع مواطن مصرى احسن تدوينة السنة دى

عمرو said...

هههههههههههه
يخرب عقل شيطانك يا نواره
أقترح تعيينك مستشارة نتنياهو للشئون العربيه و الاٍسلاميه

واحدة مفروسة said...

ههههههههههههههههههههههههههههه
انتى مش ممكنه بصراحة
بس عارفه لو اتنقل الخطاب باللملى انتى الجانيه على نفسك
و لعلمك انتى كده غششتيه هوه حيقول ايه
و لعلمك و الله لا استبعد ان الاسرائيلين اللى بيدخلو مدوناتنا ياخدو بكلامك
هههههههههههههه

Me7'o said...

((فكبروا دماغكوا الله يخليكوا وهاتوا بوسة بقى))

يخرب عقلك حقيقى خطاب تاريخى

بس الملاحظ هنا إن العرب برضه لسه مغفلين وماتعلموش من درس أوباما اللى زود المعونة الأمريكية لإسرائيل لذمة إحكام الحصار على غزة

حقيقى

العرب أحباب الله
.
.

نوبي من شبرا said...

ههههههههههههههههه
هي ماما كريمه مختار و صلت لحد هناك
دا ناقص يغني حسنين و محمدين

مهندس مصري said...

هههههههههههههههههههه
انتي بتقولي فيها
لو نتانياهو ما تبناش الخطاب ده ممكن ليفني تتبناه و تتخذه برنامج لمخاطبة العالم الإسلامي من موقعها في المعارضة الإسرائيلية

مهندس مصري said...

ذكرت صحيفة هآرتس أن رئيس الوزراء الإسرائيلي بنيامين نتنياهو يعتبر أن الرئيس الأميركي باراك أوباما يسعى إلى مواجهة مع إسرائيل وإظهار الخلافات معها من أجل إرضاء العالم العربي.

وأضافت الصحيفة أن نتنياهو أبلغ مقربين منه بأنه استنتج من خطاب أوباما في القاهرة الخميس الماضي أن أوباما وإدارته يسعون إلى تحسين العلاقات بين الولايات المتحدة والعالم العربي ولذلك فإن إظهار وجود خلافات مكشوفة مع إسرائيل بإمكانه أن يخدم هذه السياسة.

وتابعت أن نتنياهو يترقب استعراض أوباما لخطته السياسية للسلام في الشرق الأوسط في الشهر المقبل، ويتخوف من أن يعرض أوباما مواقف غير مريحة بالنسبة لإسرائيل مثل مطالبتها بالانسحاب من الضفة الغربية إلى حدود الرابع من يونيو/حزيران 1967.

يذكر أن نتنياهو أعلن خلال اجتماع حكومته الأحد الماضي عن نيته إلقاء خطاب الأسبوع المقبل بهدف عرض السياسة الخارجية لحكومته فيما يتعلق بعملية السلام في المنطقة عموما واستئناف المفاوضات مع الفلسطينيين خصوصا.

وقالت هآرتس إن نتنياهو تحدث هاتفيا مع أوباما أمس وأبلغه بنيته إلقاء خطاب سياسي يوم الأحد المقبل، في حين وعده الرئيس الأميركي بالاستماع لخطابه باهتمام واتفق الاثنان على الحفاظ على اتصال مفتوح ومتواصل.

ران وديفد
ونقلت الصحيفة عن شخصيات سياسية مقربة من نتنياهو قولها إن رئيس طاقم البيت الأبيض ران عمانوئيل ومستشار أوباما السياسي ديفد أكسلرود هما اللذان يقفان وراء الخلافات العلنية الحاصلة في العلاقات بين الإدارة الأميركية وإسرائيل.

وبحسب هآرتس، فإن وزير الدفاع الإسرائيلي ايهود باراك، الذي عاد من الولايات المتحدة في نهاية الأسبوع الماضي، يعتقد أنه لا توجد لدى إدارة أوباما مشكلة شخصية مع نتنياهو، وأن الأميركيين لا يسعون الى إسقاط الحكومة الإسرائيلية.

ويرى باراك أن اعتبارات أوباما اعتبارات إستراتيجية، ومفادها أنه تعهد بسحب الجيش الأميركي من العراق ويسعى إلى إنهاء الحرب في أفغانستان، وهو بحاجة على دعم الدول العربية المعتدلة.

ويعتبر باراك أن هذه هي الخلفية للمواقف تجاه إسرائيل التي عبر عنها أوباما ولا يدور الحديث عن ملاحقة سياسية ضد نتنياهو.

يذكر أن رئيس الوزراء الإسرائيلي رفض حتى الآن مطالب متكررة من جانب الرئيس الأميركي ومسؤولين كبار في إدارته بتجميد الاستيطان والاعتراف بحل الدولتين للصراع الإسرائيلي الفلسطيني.

وفي هذه الاثناء، يبدأ المبعوث الأميركي الخاص إلى الشرق الأوسط جورج ميتشل اليوم بإجراء سلسلة مباحثات مع إسرائيل والمنطقة، ويتوقع أن يطالب المسؤولين الإسرائيليين بأجوبة على المطالب الأميركية المتعلقة بعملية السلام في المنطقة.
المصدر: الصحافة الإسرائيلية
http://www.aljazeera.net/NR/EXERES/02CB7087-2390-409E-B317-E5C416F2219B.htm

عابر سبيل said...

إلا انتى صحيح "حاتة" شريف منير فى دماغك ليه؟ ....متلعيه من دماغك أحسن يعملك صداع!!

مهندس مصري said...

مصر تكشف ثمانية أنفاق مع غزة
تقول الشرطة المصرية إنها عثرت هذا العام على نحو 300 نفق تحت خط الحدود (الجزيرة نت-أرشيف)
عثرت الشرطة المصرية على ثمانية أنفاق على الحدود مع قطاع غزة, في حملة مداهمات بمنطقة صلاح الدين ومنطقتي الصرصورية والجبور.

وقالت مصادر الشرطة لرويترز إنه تمت مصادرة كميات كبيرة من البضائع التي كان يجري تهريبها في الأنفاق الثمانية.

يشار إلى أنه أثناء هجوم إسرائيلي واسع على قطاع غزة استمر 22 يوما في ديسمبر/ كانون الأول ويناير/ كانون الثاني, شنت الطائرات الحربية الإسرائيلية غارات مكثفة على ما قالت إنها فتحات أنفاق على الجانب الفلسطيني من الحدود مع مصر.

وتقول الشرطة المصرية إنها عثرت هذا العام على نحو 300 نفق تحت خط الحدود.

معبر رفح
على صعيد آخر فتحت السلطات المصرية معبر رفح أمس بصورة استثنائية لعبور 78 طفلا فلسطينيا ومعهم ثمانية مرافقين متوجهين إلى بولندا لمعالجتهم من الآثار النفسية التي خلفتها العمليات العسكرية الإسرائيلية الأخيرة على غزة.

ويأتي علاج هؤلاء الأطفال في بولندا في إطار اتفاقية وقعها الرئيس البولندي ليخ كاتشينسكي مع رئيس السلطة الفلسطينية محمود عباس.

وكان في استقبال الأطفال ومرافقيهم مندوب سفارة بولندا لدى القاهرة، حيث رافقهم إلى العاصمة المصرية، على أن يتوجهوا منها إلى بولندا.
المصدر: وكالات
http://www.aljazeera.net/NR/EXERES/8F5E7284-9847-4F21-84D3-8F7EF79C5093.htm

مهندس مصري said...

إصابة طالبين بها قادمين من الولايات المتحدة
إنفلونزا الخنازير تهدد الجامعة الأميركية بالقاهرة
المبنى السكني الذي فرضت عليه السلطات المصرية حجرا صحيا لمنع انتشار المرض (الفرنسية)

فرضت السلطات المصرية حجرا صحيا على مجمع سكني بحي الزمالك بالقاهرة, حيث يقيم أكثر من 110 طلاب و124 من أعضاء هيئة التدريس في الجامعة الأميركية بالقاهرة, وذلك بعد الكشف عن حالتي إصابة بمرض إنفلونزا الخنازير.

كما قررت الجامعة وقف الدراسة بها إلى يوم الأحد المقبل 14 يونيو/ حزيران تحسبا لانتشار المرض بين طلابها والعاملين بها.

ووقف رجال الشرطة مرتدين الأقنعة الطبية الواقية عند حواجز أمنية وضعت خارج السكن الجامعي المؤلف من عدة طوابق والذي يقيم فيه بعض الطلبة الأجانب من دول غربية وعربية وأعضاء هيئة التدريس ومنعت الشرطة من الدخول والخروج من المبنى.

وأوضح وزير الصحة المصري حاتم الجبلي أن الحالتين لطالب وطالبة أميركيين قادمين من الولايات المتحدة للدراسة الصيفية بالجامعة الأميركية وأن مقر إقامتهما هو السكن الخاص بالجامعة.

وذكر أن الحالة الأولى لطالب عمره 23 عاما جاء من ولاية نيوجرسي عبر نيويورك ولندن ووصل إلى القاهرة يوم 28 مايو/ أيار الماضي وبدأ ظهور الأعراض عليه في 5 يونيو/ حزيران الحالي.

أما الحالة الثانية فهي لطالبة عمرها 23 عاما من فلوريدا وكانت وصلت إلى القاهرة يوم 28 مايو/ أيار على رحلة قادمة من لندن عبر نيويورك وظهرت عليها الأعراض في 5 يونيو/ حزيران أيضا.

كما أجريت اختبارات للكشف عن الفيروس على جميع المقيمين في السكن الجامعي الموضوع تحت الحجر الصحي, حيث تعلن النتائج خلال ساعات, طبقا لما قاله الجبلي.

من جهته قال المتحدث باسم الحكومة المصرية مجدي راضى إن تقريرا رفعته وزارة الصحة لمجلس الوزراء يشير إلى الاستمرار بتشديد إجراءات الترصد والتتبع لحالات الاشتباه، وللقادمين من الخارج خاصة القادمين من الجهات التي سجلت عددا كبيرا من الإصابات.

في ملف آخر أشار تقرير وزارة الصحة المصرية إلى تسجيل الإصابة رقم 80 بإنفلونزا الطيور لطفلة عمرها أربع سنوات.
المصدر: وكالات
http://www.aljazeera.net/NR/EXERES/46379C80-DAC6-4C8D-A76F-510002FB3D99.htm

3ishreen said...

هههههههههههههههههههههههههههههههههه
ههههههههههههههههههههههههههههه
هههههههههههههههههههههههه

رائع فعلاً ما يطلع ده إلا من إنسانة فعلاً بتحس وبتعرف قد إيه شعوبنا بيضحك عليها بكلمتين معسلين

على فكرة مش بعيد النتن يتبنى بعض أفكارك ويصير في مبادرة بإسمه كمان، يعني حيصير في أوباما مادد إيده والنتن مادد نتانته وإحنا لسه مش (ضاعت لحانا) على رأي المتل بين غزة ورام الله ، وبرضو حيتهمونا بتضييع الفرصة للمره الألف ومش بعيد في كتب التاريخ كمان 60 سنة يقولوا أحنا كنا حنعطيكوا غزة كلها بس دلوقت ما فيش هو المعبر ليكو بس ودي مشكلتوا انتو ومصر إحنا مالناش دعوة

مهندس مصري said...

إرتفاع عدد المصابين بأنفلونزا الخنازير في الجامعة الأمريكية إلى 7 بعد إكتشاف 5 إصابات جديدة في مبنى المدينة الجامعية الخاص بالجامعة في الزمالك و الخاضع للحجر الصحي

عاجل من الجزيرة

مواطن مصري said...

دة دليل يؤكد على ان خلط الخطاب الديني في السياسة ما هو الا تحقيق مصالح شخصية و مكاسب شخصية و اللعب ب الدين عقبال ما الباقي يتعلم و ميقحمش الدين في كل حاجة

Heba said...

mesh momkennnnnnnn
to7fa begad, Allah yenawar 3aleeky ya nawaretna

lazem tesma7elna bel-nashr

جبهة التهييس الشعبية said...

والله يا شباب انا سعيدة اني ضحكتكوا ع الصبح


والاستاذة هبة انا حقوق النشر بتاعة مدونتي محفوظة للانسانية
اي حد عايز ياخد حاجة ياخدها من غير ما يستأذن

حسن مدني said...

نوارة
إنت لازم تشتغلي وزيرة إعلام، أحسن كثير من الإعلام الرائد اللي بنتعذب بيه.

ياخوفي فعلا لا نتنياهو يسرق أفكارك، ونلاقي البصمجية بأيدوها. وواحد يقول مش مهم الأقصى، كفاية اتكلم عننا كويس، وواحد يقول في داهية فلسطين، المهم شكر في الإسلام.

تحياتي

.:.-=- ELGaZaLy-=-.:. said...

اضحك الله ثغرك

Blank-Socrate said...

جاااااااااااامد اخر حاجه
بعد كلامك عنه اكتشفت انى باحب نتانياهو قوووى

بهيج لما أشوفك said...

الحق يتقال ياأبلتي البوست ده حلو وعمال أضحك على طول
Good job

جبهة التهييس الشعبية said...

ياااااااا حتى بهيج ضحك؟
مع اني كنت باكتب البوست ده وانا في اقصى حالات حرق الدم وضغطي كان مية وستين على مية وما رضتش اقول لماما احسن تتخض

مش ح اكتب غير وانا متغاظة عشان تنبسطوا وانا افيص

فوكيره said...

ههههههههههههههههههههههه

جااااااااااامد جداا البوست ده ...

ميخــرش الميه .. ما احنا بنعرف نشتغل
سياسه يهود اهوو :)))

مراقب مصري said...

دا في حالة إن نتنياهو في حلاوة وذكاء وسحر أوباما وحكمته وخفة دمه

بس الأبعد جحش زي شارون وبوش وما لهومش في الكي واي واللوبريكيشن قبل الممارسة السياسية وكدة... دول بتوع الخوزقة ع الناشف... أما أوباما يا عيني عليه... في الدنيا مفيش أبدا أبدا أحلى من أوباما... نزعل نتعب نشتكي منه لكن بنحبه


لكن أتمنى إن نتنياهو طبعا يتعلم من أوباما... على الأقل رحمة ببواسيرنا المهرية

أحمد عبد الفتاح said...

نواااااااارة
انامش قادر ابطل ضحك
هحاول ابطل ضحك علي بكرة واجي اعلق

مواطن مصري said...

http://www.aljazeera.net/NR/exeres/B81365B7-92A2-4B81-A2AD-FF6B6275E9A5.htm
ال وزير الخارجية الإسرائيلي أفيغدور ليبرمان إن مشكلة إسرائيل الرئيسية هي "وضعها في الرأي العام العالمي". وطالب بتحسين صورتها التي اعترف بأنها "تواجه مشكلة أساسية في الغرب والعالم الحر".

وأشار أثناء اجتماع لجنة الخارجية والأمن التابعة للكنيست اليوم، إلى أنه يوجد خبيران قانونيان فقط في وزارة الخارجية يعتنيان بـ950 دعوى قضائية ضد إسرائيل في العالم.

شكلهم شافو التدوينة

أسماء - فلسطين للأبد said...

ههههههههههههههههههههههههه

جميل بجد يا نوارة تحفة تسلم إيدك

وعموما لما ربنا يفتحها عليكى وتمسكى الوزارة ابقى افتكرينى بأى وظيفة على ذوقك وانا واثقة فى ذوقك

أى حاجة صغننة كده مرتبها بتاع تلات خمس آلاف .. أنا أصلى بارضى بقليلى

Mukhtar Al Azizi said...

مذهل يا نوّارة! مذهل بحق

Bella said...

يخرب مخك يانوارة

مش ممكن ياامي اللى بتعمليه في ده

مش قادرة اتلم على نفسي من ساعة ماقريته وتلاقي الجيران بيقولوا خير اللهم اجعله خير مالهم الجماعة وايه نوبة الضحك دي

ههههههههههههههه

الله يحظك يانوارة ويسعدك

بس فعلا لازم تسجلي الخطاب ده في الشهر العقاري علشان الملكية الفكرية لان نتانياهو تلاقيه ح يسرقه وينسبه لنفسه

الحقي نفسك يابنتي

ههههههههههههه

شوفي العكروت مختار العزيزي كاتب ايه

http://unbrainwasher.blogspirit.com/archive/2009/06/09/nawara.html

باين لي ح ارجع ادون علشان اعلق على التحفة الادبية الجبارة دي

يخرب عقلك

هههههههههههههههههه

دعاء said...

بجد بجد أنتِ مش ممكنه أن فطست من الضحك يا نوارة

يا خوفي صحيح لتلاقي خطابك وبيتقال من الكنيست ذاته الأسبوع الجاي..

الظريف بقى إني واثقة أن ده مش تهريج، وإن لو خطاب زي ده اتقال..

والله لتلاقي كتيييييييييييييييير متعاطفين و بيقولوا الناس صحيح ولاد عمنا..

و خلاص بقى بيمودلنا ايدهم بالسلام نرفضها يعني..

ودي بداية جديدة

و كل واحد فينا هيعترض هيبقى منغلق ، وعايش نظرية المؤامرة و ربما كما بيأيد إيران في خطتها

و والله مرة تانية مبهزر انا واثقة إن خطاب زي ده لو أتقال هتلاقي بالفعل ناس تطعاطف وتحب نتانياهو

ربنا يستر بقى وميعجبهمش الخطاب صحيح :D

جبهة التهييس الشعبية said...

والله انا مبسوطة ان التدوينة دي جابت لي ناس بقالهم زمان مش بيعلقوا عندي
:)

عمرو عزت said...

ملعوبة
:D

محمود خاطر said...

بجد عمري ما شفت تصور لخطاب بالشكل الجميل ده
مشروع خطاب ساخر
كوميدي للغاية
ضحكت حقيقي من قلبي
وفي نفس الوقت حسيت ان لسة في مبدعين في مصر

حسن مدني said...

تكلمة

مش ح نلاقي مذيعين متخلفين لان كلهم ح يبقوا في المستشفى من فرط السعادة

ولا مذيعين بيفهموا، لأنهم ح يبقوا في المستشفى من الضغط، وأزمات قلبية.

تحياتي

mohamad said...

أحييكي
أحلى تعليق قريته لحد دلوفتي على خطاب أوباما

تسلم الأيادي يا نوارة

soreal said...

considerings that mu5tar el3azezy classified this post as a master piece in the art of parody, u probably should become one of the daily show writers :P

better yet, why not create an arabic daily show , jon did similar things several times, bot as good as this :)

قطرات من شواطئ الحياة said...

لأ لأ بجد ماحصلش

موتيني من الضحك في أول زيارة ليا

بجد البوست ده أصاب الهدف

أحييكي بشدة

hartaka said...

مسخرة
:)

mohra said...

just read it
its hilariousssssssssss
maskhara f3ln

ألِف said...

جامدة جدا يا نوارة، من أحسن ما كتبت