Saturday 13 June 2009

ياه ياه ياه

مظاهرات جامدة قوي في ايران
الاف في الشارع
طب ما يقدموا شكوى للجنة اللي مراقبة الانتخابات، ماهي مراقبة دوليا
اهو اهو
بيضربوا بعض

43 comments:

مواطن مصري said...

هههههههه يا نوارة الانتخبات اتلعب فيها

Kalimalhus said...

عاجبك كده؟؟

قعدت تقولى المفروض نحقد عليهم و نبصلهم فى إنتخاباتهم.. أهوه.. علقت بيناتهن.. على رأى اللبنانية..

Kalimalhus said...

if you're not doing so already follow @iranelection on twitter

Kalimalhus said...

أهو مواطن جه يشمت فينا .. إفرح يا مواطن و إشمت فينا .. ما هى الدنيا كلها تعمل إنتخابات و يطلعوا مظاهرات و إحنا اللى قاعدين زى خيبيتها و بنشوف الحياة فيديو على اليوتيوب

Unknown said...

اه
انا الظاهر نبرت عليهم بالجامد
ما كنتش اعرف ان عيني وحشة كده

مواطن

اولا
مش داخل دماغي ابدا انها اتلعب فيها
ازاي اتلعب فيها وهي مراقبة دوليا؟
ومين اللي ح يلعب في الانتخابات

وبعدين

لو الانتخابات اتلعب فيها فعلا
بمنتهى البساطة يقدموا شكوى للجنة مراقبة الانتخابات واللجنة الدولية ويعيدوا الانتخابات تاني بعد التحقيق

لما تبقى اللجنة ترفض يبقى يعملوا مظاهرات
انما المظاهرات على طول كده ولسة لحد اللحظة دي ما قدموش ولا شكوى
ده دليل على انهم زعلانين من النتيجة
لو متأكدين انها اتلعب فيها كانوا قدموا شكوى فورا

ثالثا

فين بقى المرشد اللي انت حاطه في دماغك؟ واللي حاكم البلد زي ما انت بتقول؟

اذا كان قال لهم اهدوا وما تعملوش مظاهرات وما سمعوش كلامه وعملوا مظاهرات برضه

انا بقى اللي حاسة ان المظاهرات دي هي اللي ملعوب فيها

وبكرة تشوفوا

عشان انا كل مرة اقول حاجة وتهزأوني وبعدين يطلع كلامي هو اللي صح

Kalimalhus said...

المظاهرات فى طهرن..

http://www.youtube.com/watch?v=nifgnonH-BU

دى أكبر واحدة شفتها لغاية دلوقت..

Kalimalhus said...

نوارة..

لجان مراقبة الإنتخابات مش ضمان للنزاهة .. و خصوصا نزاهة رصد النتايج و دى اللى مشكوك فيها..

حكاية الشكاوى دى ما بيتجيبش نتيجة..

أنا مصدق إن شعبية نجاد إنخفضت بعد الإنتخابات اللى فاتت لأن الظروف الإقتصادية تدهورت فى عهده و لأنه تراجع عن بعض إصلاحات خاتمى الداخلية..

دى أمور داخلية إيرانية و مالهاش علاقة مين كان مساندته أقوى للحقوق الإسلامية و العربية..

دودو said...

فعلا انتى جبتى من الاخر


ان المظاهرات دي هي اللي ملعوب فيها

مواطن مصري said...

يعني يا نوارة الالف الي طلعو بردو ملعوب بيهم و امريكا اشترتهم؟

mohamad said...

والعبرية من ساعتين تلاتة بتقول إن رفسنجاني "رئيس مجلس تشخيص مصلحة النظام إستقال "

ربنا يستر . . طيب والله الواحد متنكد

هرطقة said...

يا بختهم
بيعرفوا يعملوا مظاهرات

Kalimalhus said...

الطلبة بيمتحنوا الثانوية العامة بالماسكات
http://www.youm7.com//News.asp?NewsID=108388

لبنــــــــــى said...

مظاهرات لانوا انصار الموسوي اللي كانوا مقتنعين فيه كتير انصدموا
و صدقوا فكرة التلاعب بالانتخابات
هاي ناس لما بتنتخب بتكون مقتنعة ببرنامج و منهاجية الشخص اللي بتنتخيوا
ناس متعودة على الانتخابات مع انو بالحقيقة المظاهرات صدمتني
بس عندي سؤال ؟
ليش لما تطلع كلمة تزوير بنصدقها لما اللي بنجح من الناس اللي ضد المعسكر الاوبامي
لو نجح خاتمي و صارت مظاهرات لقالوا انصار نجاد ارهابيين ما بتقبلوا الطرف الاخر
يا رب بس اشارك لو مرة وحدة بانتخابات حتى لو صار بعدها انقلاب و تغيرت الحكومة

Kalimalhus said...

موسوى دعا مؤيديه إلى الهدوء و قال إنه سيتابع شكواه

Kalimalhus said...

يمكن يهمك رأى الإسرائيلببن فى الإنتخابات الإيرانية قبل النتائج..
http://www.shorouknews.com/ContentData.aspx?id=55746

التقرير بيقول إن موسوى أيام رئاسته لمجلس الوزراء أسهم فى وضع أسس البرنامج النووى الإيرانى..

الفرق بين الإتنين فيما يخص الملف النووى هو إن نجاد بيرفض التفاوض مع أحد عن هذا الملف بخلاف وكالة الطاقة النووية الدولية فى حين موسوى مستعد للتفاوض مع الدول دائمة العضوية فى مجلس الأمن بالإضافة لألمانيا ..

موقف نجاد قانونيا أصح لأن المفروض إن مش من حق أى دولة تتدخل فى الأمر و الوكالة بس من حقها تتكلم على أساس إن إيران موقعة على معاهدة منع إنتشار الأسلحة النووية..

لكن موسوى غالبا كان عايز يبيع بعض الضمانات المطمئنة للغرب فى مقابل رفع العقوبات الإقتصادية .. و كمان فيه حاجات تانية ممكن مناقشتها مع أمريكا و غيرها بخلاف البرنامج النووى.. يعنى يمكن نجاد مقفل دماغه زيادة عن اللزوم..

mido said...

يا مواطن مصر يا حقود

كفاية حقد على النماس بقى

يساري نوبي said...

والله يانواره عندك حق
المظاهرات دي شكلها ملعوب فيها و الريحه دي احنا عرفينها كويس ......هي الريحه الامريكاني بنت التيييت دي
و بعدين موضوع الاعلام الخضرا اللي شايلينها انصار موسوي من اول الانتخابات شكلها بيلعبوا علي نقطة الثورات المخمليه اللي اجتاحت شرق اوروبا و اسقطت المعسكر الشرقي كله
و دا معناه ان الموضوع هاياخد ابعاد تانيه في الفتره الجايه و المواجهات هاتشتد في ايران
ربنا يستر

Unknown said...

اخص
ليه كدة
بس

ليه تشمتى يا نوارة

لا شماته فى الموت
و لا شماته فى الإنتخابات
:-)
!!!

لا تشمتى بكره يطلع سيد كرارة
هو اللى نجح

و علاء عبد المنعم يتقاله اسكت يا فتاة

و قد اعلن السيد حبيب العادلى
فوز السيد الرئيس
ب 99
%
من الأصواات
:-(

Kalimalhus said...

يعنى إيه مظاهرات ملعوب فيها؟؟

إزاى واحد قاعد هنا فى مصر يبقى عنده يقين سواء فى إن الإنتخابات ملعوب فيها أو المظاهرات ملعوب فيها؟؟

يا سادة لا داعى لإطلاق أحكام مبسطة بالشكل ده؟؟

لسه حالا فى الجزيرة قيل إن نجاد يتجه لتشكيل حكومة إئتلاف وطنى مراعاة لمشاعر المتظاهرين!!!!

ده معناه بقى إيه اللى ملعوب فيه إذا كان فيه حاجة إتلعب فيها أصلا.. ليه ما تكونش الإنتخابات سليمة و تكون المظاهرات رد فعل طبيعى لناس كان عندها تصورات خاطئة و شعرت بالغضب ظنا إن أحلامها تم وأدها؟؟

Unknown said...

فيه واحد هنا سبق وطردته ومافيش فايدة برضه الابعد ما عندوش دم

Kalimalhus said...

يا ناس موسوى مش عميل أمريكانى .. موسوى كان رئيس وزراء و كان ليه دور فى البرنامج النووى و دور فى توثيق العلاقات مع حركات المقاومة ..

تانى و تالت ..

إحنا يهمنا ثوابت السياسة الخارجية الإيرانية .. و دى لن تتأثر بمن تم إختياره..

خيارات الإيرانيين الخاصة بشئونهم الداخلية هى شأنهم الخاص وليس لنا أن نطلق أحكامنا عليها ..

Unknown said...

لا طبعا
موسوي مش عميل امريكا
قطعا مش عميل امريكا
موسوي بتاع المثقفين ونجاد بتاع الفلاحين والفقرا
والاتنين زي بعض
وماحدش فيهم عميل امريكاني

اسرائيل نفسها قالت: مش ح يفرق معانا مين فيهم ينجح

بس يا مهندس حر

المظاهرات ملعوب فيها ومسير الايام تثبت لك اللي باقوله

mido said...

المهندس


رافنسجانى لم يستقل

لو عندك دليل او رابط عكس الكلام ده


هاتو

Unknown said...

ميدو

ماهو المهندس ده اللي انا طردته قبل كده ومافيش فايدة فيه

ياللا يا بابا من هنا
ح نرش بيرسول

Kalimalhus said...

يا نوارة
---------
شباب متحمس كان عايز يشوف تغيير معين و تم شحنه و تحفيزه فى الفترة اللى فاتت و وصلهم إنطباع خاطئ بإن مرشحهم هايكسب و بعدين خرجت النتيجة مخيبة لآمالهم..

إنفجارهم غير مسئول بس طبيعى و مافيش داعى نقول ملعوب و لا مش ملعوب..

كنت هاصدق إنها ملعوب فيها لو الموضوع فضل فى حدود الصور و الفيديوهات الأولانية .. الأعداد كانت بسيطة و الأماكن محدودة ..

لكن فى الصور الأحدث الأعداد كبيرة جدا و منتشرة فى كل مكان .. غسان بن جدو كان بيذيع من طهران و سوط القنابل المسيلة للدموع واضح فى الخلفية .. دى مش مجرد لعبة..

mido said...

مهندس

مصادر للجزيرة :مصادر إيرانية مطلعة تنفي أنباء استقالة هاشمي رفسنجاني

Unknown said...

مهندس حر

ماهو مشكلتك انك مش مصدق ان البشريات بالهيافة دي

لا

الناس بالهيافة دي

والايام بينما

Kalimalhus said...

نوارة..

أنا كنت رديت عليكى من شوية على التويتر بس عشان جديد مش عارف الرد وصلك و ألا لأ..
Twitter username >> kalimakhus

mido said...

مش لاقيك على تويتر

يا تامر

الكلمة نور said...

سؤال
ايه اللى كان هيحصل لو موسوى كسب؟
او لو حتى وصل لاهادة ممكن يحتشد ليها ويحذر تلاعب حكى عنه؟
ما الجديد الذى يجعل موسوى مخيف لدرجة طحن المظاهرات؟
ثم عندما تظاهر الطلبة من قبل فى الانتخابات الماضية او قبل الماضية
هل تغير شيء ولو قليل فى ايران؟
هل تغير شئ فى العالم غير خطاب اوباما فى الجامعة؟
هل المظاهرات عليها هين امريكية فقط ام معها دعم غير مرئى؟
حد يعرف يدلنى ينوبه ثواب

Kalimalhus said...

الكلمة نور
---------
إجابة أسئلتك ممكن تكون عند واحد إيرانى قاعد هناك و يفهمنا كلنا الحقيقة بالضبط ..

أنا فاقع مرارتى كل الكلام اللى بيتقال و إحنا كلنا قاعدين هنا فى مكانا و معلوماتنا فوق الصفر بحته .. ده حتى مافيش حد يعرف فارسى فينا..

الكلمة نور said...

انا اعرف واحد ايرانى
واعرف اللى فارسه
انما فارسى صعب

Unknown said...

الحاج ده اللي مسمي نفسه مهندس وهو مش مهندس ولا حاجة

انا عارفاك يا بتاع تانية تالت

روح كل عيش وحلل القرشين اللي بتاخدهم في حتة تانية انا مش ح انزل لك تعليقات تاني

mido said...

مين المهندس !؟

Unknown said...

انا عارفة يا اخويا؟
اهي بلاوي وبتتحدف علينا

Kalimalhus said...

نوارة
-----
ما فيش تعليقات هنا بإسم الأخ اللى إسمه المهندس..

كده التهمة لابسة فيا..

Rasim Marwani said...

مير حسين موسوي يمثل كتلة وطنية ايرانية ضخمة تعبر عن مصالح ميسوري الحال، وهي على اخلاصها لبلدها تؤمن بأن المحافظين يدفعون ايران للذهاب بعيداًً في عداءها للغرب ولصالح اجندة غير وطنية، وغير مبررة.

ويعيبون عليهم تدخلهم في ملفات اقليمية لا يتشدد اصحابها في المطالبة بحقوقهم كما يفعل هؤلاء بالنيابة عنهم

ويدعون الى تدعيم الاقتصاد من خلال التجارة النشطة مع دول العالم، ونبذ مايمكن ان يؤثر عليها من ملفات غير وطنية

Rasim Marwani said...

المحافظون يقولون ان الجمهورية الاسلامية قدرها الوقوف مع المظلومين والمستضعفين والا لا مبرر لوجودها.
وان جحود بعض دول المنطقة للمساندة الايرانية الصادقة لقضاياهم المحقة لا يسقط التكليف الشرعي ، لانهم لا ينتظرون المكافأة من البشر بل ممن خلقهم
وان التجارة العالمية ليست الا وسيلة للاعتياد على التبعية للخارج، وشراء بضاعة المترفين وهي ليست اولوية في نظرهم في ظل سعيهم الحثيث لتطوير الاقتصاد الايراني بحيث يكون قادراً على الاكتفاء الذاتي
وهم الى الآن يبرزون ارقاماً تثبت انهم استطاعوا تأمين
الاستقلال الغذائي بالكامل
الاستقلال التسليحي بنسبة 80 بالمائة
الاستقلال الصناعي بنسبة 60 بالمائة
ويشيرون الى ان ايران التي كانت تصنع الابرة وترسلها للصين لثقبها اصبحت تنتج وبكفاءة عالية تسعين بالمائة من احتياجاتها في شتى المجالات
من السيارة وادوات المنزل الى الصواريخ الفضائية والاقمار الصناعية
ناهيك عن اتمام الدورة النووية وتخطي عتبة اللاعودة في هذا المجال

Unknown said...

مهندس حر

لا انت مهندس حر

انما الاخ التاني اللي انطرد قبل كده اسمه

المهندس

الظاهر بيصنع مكرونة

Unknown said...

اه
انا مسحت تعليقه

Rasim Marwani said...

في هذا الاستحقاق بالذات، تجمع مايسمى بالمعسكر الاصلاحي وبعض رموز معسكر المحافظين على ضرورة تغيير رأس النظام، لكونه استفز العالم وتجاوز على اصنام يقدسها الغرب ويحميها من مجرد النقاش الامر الذي لا يفعله مع الخالق تبارك وتعالى
الصنم الاول الهلوكوست
الصنم الثاني حق اسرائيل بالوجود
الصنم الثالث تحدى الاحادية الامريكية وطرح ايران كمتحدي لها في العالم لا في الاقليم
الصنم الثالث الاعلان عن تحول ايران الى دولة نووية والاعلان عن وجود وسائط لايصالها الى دول الغرب ... الصواريخ بعيدة المدى

Rasim Marwani said...

احمدي نجاد وداعميه في ايران يردون على هؤلاء بالقول:
كنتم في السلطة لمدة 8 سنوات في عهد خاتمي وقدمتم تنازلات وصلت حد تجميد التخصيب مدة سنتين واعلنتم على الملأ ان ايران تلتزم بما يوافق عليه العرب بخصوص الصراع العربي الاسرائيلي وقدمتم احتراماتكم لاصنامهم من الهلوكوست الى آخره فماذا كان الرد ؟
ظنوا اننا ضعفاء فاتت جيوشهم تطوق ايران من جبهتين
ولولا تحويلنا العراق وافغانستان الى رمال متحركة تبتلع ماعليها من جيوش وعتاد لكنا اليوم نقاتلهم على اسوار طهران
وماذا فعلتم لغير المترفين في ايران في 8 سنوات ؟
نجحتم في جعل حفنة من الشركات تكسب الملايين من تعاملاتها الخارجية ... ماذا كانت حصة ثلثي الشعب الايراني من هذا الانفتاح؟
وهل النجاح الاقتصادي يقاس بخلق مليونيرات او من خلال كفاية الشرائح الضعيفة في المجتمع؟

Rasim Marwani said...

في حواري مع مهندس حر ذكرت بوضوح ان هناك خطر داهم من انقلاب ابيض في ايران يصب في غير مصلحتنا كعرب، بغض النظر عن فائدته لايران.
وان هناك اسبوع حساس سيعقب انتخاب نجاد او موسوي
لان اجهزة الرصد في مركزنا لاحظت انهمار عدة الثورات البرتقالية على حملة موسوي من قبل ايرانيين مقيمين في لوس انجلوس
ولاحظنا ان الميل يتجه للتمرد على النتائج، وفرض حالة عدم استقرار قد تفرض على احمدي نجاد القبول بتقييد صلاحياته كرئيس والسماح بمشاركتهم في السلطة في وقت يعتبرون انه حساس للغاية
وماحدث من تظاهرات لم يكن عفوياً، والاعتداء ابتداءاً على الممتلكات العامة وقطع الطرقات ورشق رجال حفظ النظام بحجارة ليست متوفرة في شوارع معبدة ومغسولة يومياً.ورسائل الهاتف الخلوي ورسائل البريد الاليكتروني ونصوصها الواضحة تؤكد ان التظاهرات كانت مدبرة
ورفسنجاني دخل على خط الاحداث قبل الانتخابات بتوجيه اتهامات الى نجاد رد عليها الاخير باهانة غير مسبوقة للرجل الثاني في النظام والملقب بثعلب السياسة الايرانية والمتحدر من اسرة ارستقراطية فاحشة الثراء
وصعق رفسنجاني كما غيره من ديناصورات السياسة الايرانية من حجم التأييد الشعبي للرجل الذي ظن البعض انه ظاهرة عابرة في السياسة الايرانية