Monday 29 June 2009

هي حماس عملت ايه؟/ خلاص عرفت الغلابة عملوا ايه

تحديث:
المدون الايراني رد عليا، انا اصلي كنت بعت له اقول له: هو احنا عملنا لكوا ايه؟ انت باعت تقول لي الكلام ده؟ طب بقى انا اللي زعلانة، احنا سمعنا كلام زي الزفت عننا، انتوا بتتخانقوا مع الريس بتاعكوا، احنا نتشتم ليه ويتقال علينا شحاتين وانتوا ايش اوصلكوا لينا يا جرابيع وكل الكلام السم ده؟ ده انتوا ذليتوا انفاسنا يا راجل، وواحد اقول له انا خايفة عليكوا ما تلموا الموضوع يقوم يبعت لي يقول لي: اصل احنا بندور على الحرية، حاجة كده ما تفهموش انتوا فيها! وكمان انت اللي زعلان؟ راح باعت لي الرد ده


I apologize for the things you hear about Arabs etc. The fact is that the government of Nejad is also responsible in making some people feel that way. But please understand that most of these people are influenced by pro Shah organizations. As you might know they are still active around the world. As you mentioned Israel has also some people to spread these nonsense things. Fortunately, majority of our people and mr. Mousavi are aware of these.
انا باعتذر عن الحاجات اللي سمعتيها عن العرب. الحقيقة نجاد كمان مسئول عن ان ناس تحس بالموضوع ده، لكن ارجوك تفهمي ان فيه ناس متأثرة بالمنظمات الموالية للشاه. زي ما انت عارفة انهم لسة نشطين في العالم (لا وربنا ما اعرف). وزي ما قلتي اسرائيل كمان لها ناس بتنشر الكلام الفارغ ده بين الناس. بس الحمد لله غالبية الناس والسيد موسوي عارفين كده كويس.
Another source of this problem stems from what some Arab countries claim about the Persian Gulf. I believe these governments do this to open a new front and to take our attention from Israel.
سبب تاني للمشكلة الحاجات اللي بتقولها بعض الدول العربية عن الخليج الفارسي. اعتقد ان الحكومات دي بتعمل كده عشان تفتح جبهة لاسرائيل
(في دي صدق)
Many countries have not recognized Nejad's election and it would have been better for Hamas and Hizbullah to wait until things are settled down.
I also appreciate for your concern regarding myself. I am okay but people are under severe tension in here. Most of the web sites are closed, journalists are jailed, newspapers are banned, many well known politicians are imprisoned . . .the country is almost ruled by the military!!... so we don't have a normal life and God knows what will happen next.
ناس كتير ما اعترفتش بانتخاب نجاد، وكان احسن لحماس وحزب الله انهم يستنوا لما الامور تستقر. (انا بعت له وقلت له مش ممكن ابدا حماس ولا حزب الله يقدروا يعملوا حاجة زي دي ابدا انت عايز تلبسهم في حيطة؟) متشكر على قلقك عليا، انا كويس، بس الناس تحت ضغط كبير هنا. معظم المواقع مقفولة، صحفيين مقبوض عليهم، صحف اتمنعت، سياسيين معروفين كتير اتقبض عليهم.. تقريبا البلد محكومة بالعسكر!! فعشان كده مش عايشين حياة طبيعية، وربنا وحده يعلم ايه اللي ح يحصل.
-----
خلصت رسالته، موضوع نجاد مسئول عن ثقب الاوزون دي وسعت شوية، ماله نجاد ومال الكلام السم اللي سمعته؟ ما داهية يكونوا بيفكروا زي ما مهندس حر قال لي على التويتر: اصله تاهمينه انه بيخونهم معانا وطالبين الطلاق.
بصوا، هي حاجة توجع، انه يعامل اللي برة كويس ويعامل الناس جوة وحش، دي بتوجع قوي، بتوجعنا احنا لما الحكومة بتهتم بالاجانب وبتدينا على قفانا، وكانت بتوجع العراقيين لما صدام كان بيعاملهم وحش وبيعامل المصريين كويس، وبتوجع كل العرب لما السعودية تعاملهم وحش وتعامل الامريكان كويس، طبيعي يعني. بس احنا مالنا يعني؟ مش كفاية اللي احنا فيه؟ احنا غلابة قوي يا سيد. موضوع ان اسرائيل بتلعب في الامور، طب لما هم عارفين، مش يتبطوا شوية؟ ايه الزمبليطة اللي هم عاملينها دي؟
موضوع الجزر والخليج الفارسي اللي واكل دماغهم ده، يعني هم شافوا حد خد منهم حاجة؟ احنا قادرين نمشي؟ اهم بقين الامارات بتقولهم وخلاص، هو احنا يعني اخدنا الكلام بجد؟ وللا مصدقين ان الحكومات العربية اللي سايبة تلات دول محتلة مهتمة قوي بكام جزيرة؟ طب ما يتنيلوا يحرروا بلدهم من القواعد العسكرية الامريكية اللي فيها، المهم عيالنا اللي في الجزر يعاملوهم كويس وخلاص، هم مال الموضوع واكل في نفسهم كده؟
اه
الفراغ، هو الفراغ يعمل اكتر من كده، انا واحدة صاحبتي قالت لي: عاملين زي اللي جوزها مدلعها ولما ما رضيش يكتب البيت باسمها طلبت الطلاق، ماهو لو كان كل يوم بيرنها علقة ما كانتش اتدلعت كده
احنا بقى جوزنا كل يوم بيرننا علقة، يعملوا اللي هم عايزينه ويسبونا احنا في اللي احنا فيه
قال حماس وحزب الله ما يعترفوش بالحكومة دي قال، هو ايه خيالاته عنهم؟ هم عارفين يقعدوا في بلدهم لما يتحشروا لحد؟ ده كانوا اتشنيروا واتقطعوا ستين حتة
ادي اخرة الدلع
متشكرين يابابا حسني عشان بتربينا تربية عسكرية، ادي فايدة انك تدخل الجيش وانت قاعد في بيتكوا يا كلب انت وهو وهي ادددددددددددددببببببببببببببببب
بالنسبة للمعتقلين، انا جبت الايميل بتاع وزارة الداخلية الايراني وبعت لهم عشان يفرجوا عن المعتقلين ويبطلوا يضربوا في الناس، طبعا مهندس حر قال لي ولا ح تفرق معاهم، بس المدون الايراني قال لي اعملوا اي حاجة احنا طالع ميتينا، انا شايفة ان لما ناس عادية تبعت التماس (بس بادب والنبي اللي ح يقل ادبه ذنب الغلابة اللي في السجن في رقبته، لو عايز تفيد المعتقلين كلم المسئولين بالراحة والادب الايرانيين عندهم هسهس ادب ومش بيقبلوا اي تجاوز ولو بهزار، دول الوحيدين في العالم اللي قالوا لاوباما: "انت قليل الادب" مش مرة واحدة، مرتين، مرة لما بعت لهم معايدة نوروز ومرة لما اتكلم عن المظاهرات ههههه) بالافراج عن المعتقلين وعدم استخدام العنف ضد المتظاهرين، متهيالي ده مش تدخل في شأنهم لاننا مش ح نتكلم عن الانتخابات، ولا احنا حكومات
والنبي ابعتوا ينبكوا في الغلابة ثواب يمكن ربنا يقعدهولنا في عينا وعافيتنا واحنا هنا معرضين في اي لحظة نبقى مكانهم
الميل اللي شغال اهو هنا
------------

المدون الايراني باعت يقول لي: مش ح اقدر اتكلم معاك كتير، بس انا ما كنتش اتوقع كده ابدا من حماس! هم بيحكموا على الامور من قبل ما يتبينوا ليه؟ ياريت تفهموا ان اللي ما بيخافش على شعبه مش ح يخاف عليكوا

!!!!!!!!!!!!!!
هم عملوا ايه؟ اللي عارف يقول اللي مش عارف ما يألفش، انا بعت اسأله بس مش قادرة استنى لحد ما يرد عليا لانه بيرد كل فين وفين عشان قاطعين عنه النت
وماحدش يجيب لي معلومات من التويتر، هو نفسه بيقول لي العيال اللي على التويتر دول معظمهم زبالة
حد عارف؟ بس يكون عارف بجد

41 comments:

mido said...

المراقبين شافوا ان حماس اتخذت موقف محايد من الأحداث أكثر من حزب الله


هو ده انه مدون في الاتنين ؟ اللي بيقول العرب جرب :))

Unknown said...

لا
ده المدون الكويس
اللي مالي المدونة بتاعته: فري بالاستاين
وزيونيزم ايز نازيزم

وهو حزب الله عمل ايه اكتر من انه كان محايد؟

لو كانوا محايدين ما كانش زعل منهم ده بيقول لي بيحكموا على الامور من قبل ما يتبينوا

قال لي كده بالظبط:


I did't expect Hamas to make that support before finding out about the problem and the truth in Iran.

mido said...

لأ ده مش هنا شكله حماس قالت فيما معناه ان احنا مع اي طرف يصل للحكم
لو عنده لينك لحاجة يقلنا

حزب الله موقفه كان أوضح و قال

فشلت مساعي البعض لتقويض نظام الجمهورية الاسلامية

مواطن مصري said...

هههههه الي قولتة حصل عشان تعرفو حماس على حقيقتها بس





و بعدين الامن الايراني كان بيستعمل عناصر من حزب الله لضرب المتظاهرين زي كدة فرق كراتية

الي عندنا

عشان تبقى تصدقيني بس يا نوارة


متعرفيش المتش بكرة امتى؟

مواطن مصري said...

بيقولك البنك الدولي وافق على قناة البحرين يعني ضرب رسمي نظمي لقناة السويس مش كفاية القراصنة لا كمان قناة البحرين

http://www.youm7.com/News.asp?NewsID=112752

البنك الدولى يوافق على مشروع قناة البحرين

Unknown said...

انا مش قلت اللي مش عارف ما يألفش؟

خبر الاستعانة بعناصر حزب الله وحماس ده اتكدب واصلا اللي اشاعوه كانوا العيال بتوع التويتر

ومعظم اللي على التويتر وبيقولوا انهم ايرانيين مش ايرانيين اصلا معظمهم امريكان ومن جنسيات تانية
وده كلام المدون الايراني والولدين التانيين اللي على ماي سبيس بما فيهم حسين بتاع العرب جرب
ثم ان الولد اشتكى لي من حماس مش من حزب الله، وما قالش بيقتلونا، قال اخدوا موقف متسرع

ده خبر تأليف يا مواطن
ما تجيبش اخبار تأليف
انا عايزة اعرف هي حماس طلعت تصريح؟

بهيج لما أشوفك said...

والنبي ياأبلتي أنا عندي سؤال ديني، هل تعاطي الحشيش المغشوش حلال واللا حرام؟

Unknown said...

http://www.masrawy.com/News/Egypt/Politics/2009/june/28/iranprotests.aspx


azon dah el sabab

Unknown said...

طب يعني حتى كمان الاخوان واخدين صف المعارضة اهو

امال ايه بقى؟

انا بعت له ميل بعد شوية اتخانقت معاه

هي الناس كلها بتضطهدنا ليه؟

انا ابتديت اتضايق بجد

مواطن مصري said...

هو محمد حبيب بقى المرشد ولا دة مؤقت؟

soreal said...

all i could find is this

http://www.jpost.com/servlet/Satellite?cid=1245184851049&pagename=JPost/JPArticle/ShowFull


in a way there are parallels between what happened to hamas after the election and what is happening in iran at the moment..
nevertheless, only jpost is reporting such claims, highly doubtable.

Unknown said...

mazonesh 2enno saf el mo3arda awy kal 3aada byan maye3 men el 2e5wan 3ashan mayza3alosh 7ad :))

Unknown said...

اخبرتني جارتي الايرانية الطالبة ببوسطن ان والديها المقيمين في طهران قابلا افراد امن يبدو انهم غير ايرانيين يتكلمون بلهجة عربية و لا يفهمون الفارسية.
و هذه معلومات مباشرة من طهران و ليست عن طريق التويتر او النت. من المحتمل ان افراد امن من حزب الله كانوا في مهمة تدريبية في ايران قد تم الدفع بهم اما لمساعدة الامن او كجزء من تدريبهم.

قد لا استغرب الصمت الرسمي لكثير من دول المنطقة حيال احداث ايران و لكن صمت حزب الله و حسن نصر الله لا استطيع فهمه. فاذا كانت الانتخابات صحيحة و لم تزور فعلي حزب الله ان يعلن مساندته لنجاد و استنكاره للمظاهرات و تهديد تماسك الجبهة الداخلية و اذا كانت الانتخابات قد شابها التزوير فعلي حسن نصر الله مساندة المعارضة و حث الاغلبية الايرانية علي تصحيح الاوضاع. فالاحداث تثبت ان هناك شئ غلط و هناك طرف ما اخطأ. ياريت حد يكون فاهم يوضح لنا سر صمت حسن نصر الله.

مواطن مصري said...

نوارة انا عاوز اسئلك سؤال ممكن تجاوبيني علية؟


اية الفرق بين الاخوان و اخواتها و الكلو كلس كلان؟
k k k

يا ريت اجابة صريحة لان انا شايف الاتنين زي بعض

Unknown said...

هم عملوا ايه فعلا؟

Unknown said...

بينك
حزب الله ماله ومال الموضوع ده؟

انت نفسك تقدر تجزم الانتخابات مزورة وللا لا؟
اصلا الاتنين تصرفاتهم مريبة

مواطن مصري

والنبي تقول لي انت تعرف ايه عن ال
kkk
عشان انت اللي بتتصرف زيهم

مواطن مصري said...

يا سلام قال بتصرف زي ال kkk

mido said...

نوارة :

انسي مواطن مصري تماما لأنه افكاره بقت مكررة و مملة و أسئلته مرحة أوي

mido said...

Pink

‏ حزب الله اعلن اعترافه بالانتخابات الايرانية و نجاد علي لسان نعيم قاسم

yousef said...

للتوضيح فقط بخصوص اللي كتبه مواطن مصري عن مشروع قناة البحرين

قناة البحرين عبارة عن مواسير لنقل المياه من البحر الاحمر الى البحر الميت

وبرغم قناعتي ان اي مشروع مشترك مع الاسرائيليين لا يمكن ان يأتي بخير لأي دولة عربية ، الا انه وجب التوضيح لمواطن مصري ان السفن التي تعبر من قناة السويس لا يمكنها بأي حال ان تمر عبر هذه المواسير فيما لو تم تنفيذ المشروع فعلا

حـنــّا السكران said...

pink

تحياتي

أعتقد حسب ما فهمت من كلامك أنك تعيش في أمريكا و إلا كنت قلت لك أن تتابع المنار قليلاً , كنت لاحظت و بشكل واضح موقف حزب الله , و اعرف ان القناة ممنوعة تحت ظلّ ديمقراطية الرجل الأبيض .
المهم أنّ السيد حسن تكلّم عن الموضوع منذ الأيام الأولى , و قال بوضوح مخاطبا المراهنين على سقوط نظام الثورة ,أنّ ما يجري هناك هو بين أطراف كلها تحت ظلّ مبادئ الثورة , كلهم أبناء هذا النظام و لم يخرجوا عليه , لذلك هي خلافات البيت الواحد .فلا تراهنوا أن هناك فريقا يعمل لمصلحة الغرب و يريد تدمير الثورة , هذا كان معنى تصريح السيد حسن .
لكن المتابع للمنار خصوصا بعد أول اسبوع , بعد أن تفاقمت الأزمة , يلاحظ الانحياز لنجاد , أي لصف المرشد أو الفقيه , لكن ليس هناك أي كلمة ضد موسوي , و لا أي تصريحات فجّة سواء لصالح نجاد أو ضد موسوي , و هذا هو الطبيعي بالنسبة لحزب الله المعروف عنه أنه يحسب مواقفه السياسية و تصريحاته بحكمة , فكيف اذا كان الشأن إيراني , و إيران هي السند الأساسي للمقاومة اللبنانية .
ـ جزب الله يركّز على مواقف المرشد و ينحاز لها دون أن يوحي أنه يتدخل بالشأن الإيراني الداخلي , هم حريصون على ذلك .

و لا تنسى أن الموقف دقيق جدا في الداخل اللبناني الان , هناك مرحلة مهمة جدا و دقيقة و الجميع في وسطها , لا يريد الحزب أن يفتح جبهات سياسية جديدة تعطي الفرصة لخصومه للّت و العجن من جديد , فقد شهدت فترة الانتخابات طواحين كذب لم تهدأ , كانت كلها موجهة ضد حزب الله و ميشال عون و ضد ما أسماه الخصوم : المحور الإيراني و ما إلى ذلك من كلام قيل , لا داعي للإستفاضة بشأنه هنا .

تحياتي لك مرة أخرى .

Unknown said...

ما يقدروش يهاجموا موسوي لان موسوي لما كان في السلطة كان داعم بشدة لحزب الله

حـنــّا السكران said...

هو ده معنى كلام السيد حسن يا نوارة

انهم كلهم تحت مبادئ الثورة و كلهم بيتبنّوا قضاياها .. لذلك ما في داعي حزب الله ياخد طرف .

Unknown said...

@ حنا السكران

شكرا جزيلا علي التوضيح

مهندس مصري بيحب مصر said...

أنا لما دورت في جوجل ما لقتش غير الخبر ده بس ده قديم

حماس ترحب بنتائج الانتخابات الإيرانية:
وحول ردود الفعل على نتائج الانتخابات الإيرانية، قال فوزي برهوم الناطق باسم حركة المقاومة الإسلامية الفلسطينية حماس في قطاع غزة: "فوز أحمدي نجاد في هذه الانتخابات يعطي دفعة للمسئولين في هذه المنطقة حيال احترام الخيارات الديمقراطية للشعب الإيراني والتعامل بايجابية مع طهران".
وأضاف برهوم: "نأمل أن تستمر إيران في دعمها للمقاومة ولإرادة الشعب الفلسطيني وحقه في اتخاذ خياراته بطريقة ديمقراطية".
http://www.islammemo.cc/akhbar/Asia-we-Australia/2009/06/13/83467.html

احمد سعيد said...

يامواطن

اسمها

كوكلوكس كلان

اكتبها صح الاول

دى حاجه

تانى حاجه بقى

ياريت توضح ايه اوجه التشابه اللى بين الاخوان وبين دول

Unknown said...

dah 5etab el sayed 7assan 2elly 2al feh ra2yo 3an 2ent5abat iran
http://wa3ad.org/index.php?show=news&action=article&id=48185

Unknown said...

el faqra el mohema aheh
( الانتخابات الايرانية شأن داخلي) , وبين هلالين ايضا انا انصح قوى 14 آذار وقياداتهم ومحلييهم وسائل اعلامهم وسياسييهم ان يتركوا موضوع الانتخابات الايرانية, فامر لا يفهمون فيه يعذبوا انفسهم به. (وبعد قليل سيصبح الرئيس احمدي نجاد في 8 آذار ومير حسين موسوي في 14 آذار, فما هذه السخافة) على كل حال اوباما التقط الموضوع بالامس بشكل واضح فهناك لا يوجد 8 و14 آذار , نعم يوجد التباسات لها علاقة بالانتخابات وهناك من دخل على الخط وحرقوا وقتلوا وفجروا ودمروا لان هناك اعداء للنظام, وبالامس سماحة السيد الخامنائي قال بوضوح ان المخربين لا ينتمون إلى مؤيدي أي من المرشحين, وهم معروفون ومكشوفون وبشعون ايضا, في كل الاحوال العالم لا يقف امام اربعين مليون ايراني وفقوا منذ الصباح إلى المساء لينتخبوا في ظل النظام الاسلامي وتحت عباءة الولي الفقيه, فاين يوجد هذا في العالم, انتخابات رئاسية تجري بثمانين بالمائة من الناخبين يدلون باصواتهم, نعم بعض الاصدقاء في ايران خربوا هذا العرس بسبب الخلاف على موضوع فرز الاصوات , وعادة في ايران كان يحدث بعض المشاكل من هذا النوع لكن ببركة وجود ولاية الفقيه ووجود سماحة السيد القائد ووجود وعي كبير لدى المسؤولين واخلاص كبير لدى الشعب الايراني, انا احب ان اؤكد لكم واطمأنكم بان ايران تتجاوز هذه المحنة بسهولة ان شاء الله, وكل الذين يعلقون ويحللون ويبنون آمال, انا اقول لهم بان آمالهم ليست سوى اوهام وسراب.

Unknown said...

هو ما اشتكاش من حزب الله
هو اشتكى من حماس
وما ردش لسه
يارب ما يكونش اتقبض عليه وللا حاجة

Kalimalhus said...

نوارة أكيد قريتى مقال د. عزمى بشارة النهاردة

http://www.shorouknews.com/Columns/Column.aspx?id=64976

فيه نقط كتير مثيرة للإهتمام

Kalimalhus said...

أستأذنك أعلن عن جروب على الفيس بوك لمساندة عمال طنطا للكتان و جميع عمال مصر

http://www.facebook.com/group.php?gid=17311949738

Kalimalhus said...

على فكرة صديقك رافسنجانى اللى كنتى بتدورى عليه .. قب بعد ما كان غطسان!!

http://www.aljazeera.net/NR/EXERES/23417304-01DC-476D-ADDA-3A26C0BAADB3.htm

الراجل شكله كان بيصيف و إن ماكانش يبقى هايصيف قريب!!

مواطن مصري said...

انتي اية رائيك في ضرب النار الي بين امل و المنستقبل


كويس ان امل مبقتش في لسلطة

mido said...

صاحب الانوثة الطاغية أصبح فى السلطة يا مواطن

مش محتاجين امل خلاص

:D

حـنــّا السكران said...

رح ينقطع الأمل الباقي بهاليومين ...يا مواطن .

ـ نبيه بري هو رئيس حركة أمل , و هو رئيس مجلس النواب .

و سوسو رئيس تيار المستقبل , و رئيس الحكومة المكلّف .

يعني كلهم في السلطة ما عدا القتلى .

اللي ماتوا أو انجرحوا , هم اللي خارج السلطة .

ما في أمل .

Unknown said...

شوفى الخبر ده
!!!!!


في استطلاع رأي لأكبر مؤسسة أمريكية محايدة شمل 20 دولة
مبارك أكثر زعماء العالم تمتعاً بثقة شعبه
الرئيس يتفوق علي أوباما وميركل وبراون وبان كي مون


http://www.algomhuria.net.eg/algomhuria/today/fpage/detail00.asp

Kalimalhus said...

الكلام اللى قولتهولك عن إن بعض الإيرانيين شايفين نجاد بيساند القضايا العربية على حساب إيران قاله عزمى بشارة برضه و إدى مثال بدول أوروبا الشرقية اللى ساندت قضية فليسطين أيام ما كانت شيوعية لأسباب أيديولوجية..

نجاد برضه بيعلن مساندته للقضايا العربية على أسس أيديولوجية و ده بالرغم من سلامته فكريا إلا إنه خاطئ سياسيا خصوصا إن البعد الأيديولوجى هو واحد من أبعاد متعددة لكن التركيز عليه بيخلى الناس تنسى الأبعاد التانية ومنها إن لإيران مصلحة مباشرة فى مساندة القضايا العربية و ده شيئ مثلا موسوى فاهمه عشان كده ماكانش متوقع منه تغيير السياسة الخارجية بشكل جذرى..

تشدد نجاد دلوقتى ممكن يكون فى غير صالح حتى الأطراف العربية اللى عايزة تستغل إشارات أوباما لتحقيق مكاسب مرحلية و الخروج من تحت ضغط الحصار الغربى..

الكلام ده واضح مثلا فى خطاب مشعل الأخير و يقال إن ما يمنع حماس من ترجمة إشاراتها دى لمرونة فى مفاوضات المصالحة هو فيتو إيرانى..

مشعل فيما أعتقد يريد الحصول على أكبر منفعة ممكنة من المناخ اللى بيوفره أوباما بما فى ذلك الإعتراف بحماس و رفع الحصار عن غزة و التحرك خطوة للإمام فى الحل السلمى حتى مع إعتبارها خطوة مؤقتة و غير نهائية.. على الأقل هو يريد أن تكون الكرة فى الملعب الإسرائيلى و يرفض الإسرائيليون اللعب فيفقدوا أى مساندة غربية (رسمية) لحصارهم لغزة و توسعهم الإستيطانى..

نجاد يفتقد للمرونة السياسية المطلوبة و ده شيئ ماكانش يمثل مشكلة فى مواجهة بوش لكنه مشكلة كبيرة الآن فى مواجهة أوباما..

حسن على said...

لم افهم من "جو غانم" ان كانت اشارتة للسيد نبية برى تنعى الاشادة بة او الاعتراض علية ... شاهدت الرئس نبية برى فى مداخلات كثيرة بالبرلمان وفى الفضائيات ,والجقيقة لم اجد فية الا رجل دولة من طراز رفيع نادر" يحفى "تسعة اعشار حكام العرب للوصول الى عشر قامتة ونزاهتة واعتدادة بوطنة وبنفسة فضلا عن علمة وثقافتة القانونية وتواضعة الشخصى ....وسيعلم اللبنانيون قيمتة اذا - لاقدر اللة - حضروا جلسة برلمان فتحى سرور

حـنــّا السكران said...

الأخ حسن علي

لا , لم أقصد الإعتراض على السيد نبيه بري , بل كنت قد كتبت مقالا السنة الماضية وصفته فيه بالضمانة الوطنية , لأنه رجل ذكي , يعرف جيدا كيف يجمع الجميع حوله عند الأزمات , و هذا رأيي فيه الان أيضا , و كشخص أنا معجب به , لاعتبارات و أسباب كثيرة ليس هنا مجال ذكرها الان .

ـ أنا أعترض على إطلاق النار من الأنصار في كل الجهات , هذه كارثة , أصبحنا نطلق النار عندما نفرح و عندما نغضب و عندما نشعر بالملل قليلاً .

هذا الوضع لم يعد يحتمل .. هذا ما أعترض عليه ..

ذكرت أمل بقصد تصحيح ما قاله مواطن مصري عن أنّ أمل ليست في السلطة و انه شوفوا لو صارت بالسلطة شو رح تعمل .

حسن على said...

الاخ العزيز جو غانم شكرا للتوضيح ,وأراء مواطن مصرى تصلح للنشر فى صحيفة "هائارتس" اكثر من نشرها هنا

Unknown said...

لا
هاآرتس يسارية وكتير بتنتقد السياسات الاسرائيلية

يدعوت احرنوت بقى

:p