Wednesday 24 June 2009

الواحد مش عارف يضحك وللا يعيط

The Daily Show With Jon StewartMon - Thurs 11p / 10c
Crisis in Iran
thedailyshow.com
Daily Show
Full Episodes
Political HumorJason Jones in Iran

The Daily Show With Jon StewartMon - Thurs 11p / 10c
Crisis in Iran - Westerners Are to Blame
thedailyshow.com
Daily Show
Full Episodes
Political HumorJason Jones in Iran

الاتنين اللي جايين دول مؤلمين قوي

The Daily Show With Jon StewartMon - Thurs 11p / 10c
Jason Jones: Behind the Veil - Persians of Interest
thedailyshow.com
Daily Show
Full Episodes
Political HumorJason Jones in Iran

The Daily Show With Jon StewartMon - Thurs 11p / 10c
Ebrahim Yazdi's Arrest
thedailyshow.com
Daily Show
Full Episodes
Political HumorJason Jones in Iran

50 comments:

lebneneyeh said...

I'm really really speechless...

bas fi matal 3enna bel lebneni bi2ool :ana w khayee 3a ebn 3ami w ana w ebn 3ami 3al ghareeb . bas bi hyda el 3aser sar el matal: ana wel ghareeb 3a khayee w 3a ebn 3ami .

Unknown said...

لبنانية

بس انا ماليش دعوة بالمثل ده
انا ليا دعوة بكلام الرسول: انصر اخاك ظالما او مظلوما
وتنصره وهو ظالم ازاي؟
انك تمنعه عن ظلمه

ايا كان الموقف اللي بيحصل ده ظلم
الناس اللي اتقبض عليها بالزوفة دي ظلم
والميت واحد اللي ماتوا دول اللي قتلهم واللي ادا الامر بقتلهم ح يتحاسب عليهم
دول كانوا بيقعوا وعمالين يقولوا حاجة كده شبه مدد يا حسين مدد اللي احنا بنقولها
احنا لينا حق نخاف على ان دولة لها سيادة تسقط
بس اللي مش عايزها تسقط ينصحهم النصيحة الصح
اللي هم بيعملوه ده غلط غلط
وربنا ح يحاسبهم عليه
ايه واحد طالع يقول: ما الباسيج كمان فيهم ناس اتقتلت

طيب يعني ايه يعني؟ مش بني ادمين دول؟ يموتوا ليه؟ ايه اللي يوصل الموضوع لكده؟
وبعدين انا ح اقول حاجة ممكن الناس تستعبطني عليها بس انا مقتنعة بيها
ازاي واحد متدين يضرب الناس؟ ويموتهم؟ لو واحد عمل كده مالوش ناس تقول له اتقي الله؟

وبعدين يمنعوا لعيبة الكورة اللي كانوا لابسين شارات خضرا من اللعب؟

دي تصرفات ناس عاقلة دي؟

الكلمة نور said...

اه انتى بتنشرى اللى على مزاجك وبتشيلى اللى مش على مزاجك
مش موضوع الطائفين الوحشين
والعنصرين اللى شكلهم وحش بس
انتى مسحتى التعليق بتاعى اللى بعته لعاشق مصر فى البوست بتاع امبارح وكأن ماليش حق ارد عليه لان الموضوع مش على هواكى
وانا فى حد دخل امبارح
قاللى الكلام ده بس مصدقتوش دى حقيقة بقى

lebneneyeh said...

mowara 3azizti

ana ken saba2 bi ta3lee2 sebe2 bi gheir maqal kint sa2altik so2al bas ma ba3ref iza shfetih aw la2
baddi 2es2alik so2al w ana met2akdi ennik ra7 tkooni 7a2aneyeh
yalli sar bi 7 ayar bi beirut el seni el madeye ta2riban , inti shefti kel shi 3al tv w shou ken 3am yen7aka 3an 7ezballah w 3an el moqawami sa7?

shou ken ra2yeek bi hydak el wa2et w hal sada2ti yalli ken 3am yen2al 3an el moqawami w 3an el 2atl w darb w iraqet dime2 ahl balado?
bas esma3 mennik bkamel fekerti yalli baddi 2oosalla.

Unknown said...

الكلمة نور

بس بس بس

انت داخل تألف

فيه تعليق كنت بتشتم فيه الراجل وما نزلتوش مش عارفة كنت باعته على انهي موضوع
بس انا نزلت تعليق على موضوع في انتظار الثورة الخراوي وقلت لك عايز تشتم اشتمنى انا، عشان انا ما نزلتش تعليقات شتيمة فيك عشان انت تشتم الناس هنا

وما مسحتش اي تعليقات

وانت داخل تتخانق وتتبلى انت واللي حد بتاعك اهلا وسهلا

انا مستعدة اطلع تلاتينك انت وعشرة زيك

ده ايه القرف ده

الكلمة نور said...

انتى بتكدبى
ودى حاجة انا متاكد منها لانى عارف انا بعت ايه وامتى
وربنا يعلم انك بتكدبى
انا بعت تعليق على موضوع بتاع يالاهوى اللى هوا قبل دا على طول
ويظهر ان التعليق وجعك شوية لان واضح انك مش بتدونى لوجه الله
وانا مش محتاج اتبلى عليكى
وبعدين ايه اصلا اتبلى عليكى؟
هوا احنا فى حارة
ايه اخلاق الشوارع دى؟
تطلعى تلاتين مين؟
انتى مجنونة
ولا ايه؟
وانا عمرى ما شتمت حد لا انتى ولا غيرك
ومحدش شتمنى الا انتى دلوقتى
انا كنت بارد على عاشق مصر
المهم لان كل دا مش مهم
انتى حتى خسارة فيكى الكلام
دورى على دكتور نفسى كويس

Unknown said...

انا بقى اللي مش بادون لوجه الله وللا انت اللي مش بتعلق لوجه الله

انا يا شاطر معروف اولي فين واخري فين وباشتغل ايه وباكل عيش منين من ايام ما كنت انت بالشورت

واخلاق الشوارع دي تعرفها انت

اولا يا غبي يا بتتغابى وبتفهم الكلام غلط
ثانيا داخل تتخانق من غير ماحد يعمل لك حاجة وتتهم الناس بالتطبيل مع ان مافيش حد اتفق مع حد في حاجة

يا غبي

يا امى محتاج محو الامية
كل واحد قال رأي مختلف، انت دخلت ما قلتش اي اراء
دخلت تتهم الناس بالتطبيل وانا مش عارفة مين اللي بيطبل اصلا ولا بتتهم مين

وقعدت تشتم
والراجل رد عليك رد، مش عاجبك رد عليه دخلت تقول له استحمى من النجاسة والتدليس ومش عارفة ايه

انتوا المية مقطوعة عندكوا ونفسك اي حد يستحمى نيابة عنك؟

انا ما اعرفش انت بعت التعليق فين
بس انا نزلت الرد على التعليق الوحيد اللي انا ما نزلتوش على بوست في انتظار الثورة الخراوي على الاعتبار ان النقاش كان داير فيها

وقلت لك ما نزلتوش لانك قليت ادبك

وربنا ينتقم منك يا منافق يا كداب يا مفتري عشان انت اللي بتكدب وانت اللي بتتهم غيرك

وانت عمرك ما شتمت حد امال تدخل تقول للناس استحموا يا مدلسين وتتهم الناس في ذممهم

يا نصاب يا مختل عقليا
لا حد كلمك ولا حد جه جنبك وداخل تتخانق مع الناس وتتهمهم في نزاهتهم

هو احنا نعرف انت مين؟ وللا ايه حيثيتك؟ وللا بتشتغل ايه؟ وللا بتاخد فلوسك منين؟ عشان تدخل تتهم الناس في نزاهتهم وذمتهم؟

وغور من هنا ما تجيش تاني

Unknown said...

وبالمناسبة

طبعا حاضر، ح اروح لدكتور نفسي عشان اقول له فيه واحد مخلول بيدخل مدونات الناس يشتمهم ويتهمهم في ذمتهم من غير سبب ويتهمهم بالنجاسة والتدليس وانهم ما بيشتغلوش لوجه الله

عشان مش عارفة والله؟ والله ولا حتى عارفة ايه اللي مزعله بس هو داخل يشتم كده

وانت ما ردتش على حد
انت دخلت تقل ادبك وبس

احمد سعيد said...

طب واحدة واحدة كدة


اولا حنيه القلب بتاع دول الاعتدال العربى والغرب وقلبهم اللى انفطر على الشباب الايرانى الوطنى العظيم , اظن واضح اوى ومعروف سببها
ومش محتاجه كلام يعنى
مابين بهايم ومتخلفين عايزين مصيبه ويشبعوا فيها لطم ومابين نظم غربيه نفسها تطربق البلد وعماله تصطاد فى الميه العكرة


خلصنا من النقطه دى

نيجى لتانى نقطه

الناس اللى شافت الفيديوهات بتاع المظاهرات

ملاحظتوش حاجه غريبه ؟؟؟

يعنى 99فى الميه واكتر كمان , من اللى فى المظاهرات شباب , وشباب من طبقه معينه طبقه واحدة
شباب من اعلى الطبقه المتوسطه والطبقه الغنيه

بس

هما دول بس اللى عمالين يجعروا ويجعجعوا

ودول قله على فكرة

مش دول الشعب الايرانى ولاحتى ربعه

ميغركوش الاعداد الكبيرة

اصلا الشعب الايرانى شعب ثورجى من زمان

مظاهرة فيها كام الف ولا حتى مليون متعتبرش حاجه ولا تعبر عن تيار عام


يعنى اتفقنا ان اللى عامل القلق دة كله هما ولاد الناس المستريحين

طيب

المعروف ان الشعب , اى شعب , مش ممكن يعمل ثورة او يقلب النظام بدون مشاركه الطبقات الدنيا فى المجتمع

لان دول هما القوة الفعاله وهما بس اللى عندهم القدرة على تحدى النظام


يعنى لو اى بلد قامت فيها ثورة للطبقه المتوسطه والغنيه بس , فهذة الثورة ستفشل قبل ان تبدأ

فما بالك ببلد قوى ونظام شمولى ذو قبضه حديديه زى النظام الايرانى ؟؟؟

يعنى مش نظام ضعيف

ومش ممكن هزة او هدمه بسهوله

يعنى مش شويه الشباب السيس دول هما اللى هيقلبوا النظام

والنظام قادر على مسحهم باستيكه فى اقل وقت ممكن


طيب اللى احنا شايفينه غير كدة

شايفين الحكومه عماله تسايسهم وعادت فرز الانتخابات علشان خاطرهم والمرشد طلع يتحايل عليهم

طب نفهم من كدة ايه ؟؟

نفهم ايه من المسايسه دى , على الرغم من ان النظام عندة القدرة على سحقهم

نفهم انه نظام محترم

واكثر احتراما الف مرة من نظامنا الوسخ اللى قتل الناس فى المحله لمجرد انهم نزلوا الشارع
وقالوا للظباط بالحرف اى كلب يفتح بقه اضربوة بالنار

ولا اشمعنى بتوع المحله بلطجيه وبتوع ايران ابطال ؟؟؟

العيال اللى عاملين القلق دول عيال وسخه وسيس
واغبيا
ومش بيكتفوا بالتظاهر
بيحرقوا وبيدمروا وبيكسروا
ودة واضح يعنى فى الكليبات

البلد لو مشيت ورا الشباب دول والله العظيم هتخرب وهتنزل الارض

يعنى الاتخابات والاغلبيه اختارت نجاد

ودول مش عاجبهم , ازاى تساووا بين اصواتنا واصوات الفقرا الجرابيع ؟؟

محايله ومسايسه ومافيش فايدة

اعادة فرز وبرضه مش نافع

والمشكله انهم اساسا مش عارفين هما عايزين ايه

بس عايزين يمشوا على حل شعرهم وياكلوا كنتاكى

وتبقى ايران ولايه امريكيه

حبه يقولوا احنا مش ضد النظام احنا ضد نجاد بس

وحبه يقولوا لا اصل النظام بالاساس نظام فاشل ولازم يتغير

ونازلين تكسير وحرق فى البلد

طب بالله عليكم لو دة حصل فى مصر الداخليه هتعمل معاهم ايه ؟؟؟

وساعتها ولا كلب هيفتح بقه
وهيتقال شويه بلطجيه وشباب مش عارف مصلحته

وبعدين ايه حكايه الناس اللى بتضرب نار وتقتل فى وسط الزحمه ومحدش عارفها دى ؟؟؟

جم منين ؟؟؟

حطوا نفسكوا مكان الحكومه الايرانيه

يعنى غلطانين
واقليه
ومش عاجبكم نتيجه الانتخابات
وعايزين تفرضوا رائيكم بالبلطجه والعنف

وعمالين يكسروا فى البلد
ومديين الفرصه للكلاب بتوع امريكا واروربا علشان بتدخلوا ويخربوا البلد

مسايسه مش نافع

محايله مش نافعه

نصايح من اكبر الرموز الدينيه مافيش فايدة

تهديديات من الامن , ولا هما هنا

خراطيم ميه مش نافعه

قنابل مسيله للدموع مافيش فايدة

طب نعيد فرز الاصوات , برضه مش عاجب

طب عايزين ايه

ماهو يااما نسيبهم براحتهم والبلد هتخرب فى ظرف اسبوع
ومش بعيد نتنقلب حرب اهليه

اما اننا نحافظ على البلد

وعلشان نحافظ على البلد

فالناس دى للاسف مش مديه فرصه للنظام انه يتفاهم معاهم

وعليه

مافيش الا العنف

والنظام هناك لجأ للعنف بعد ما فاض بيه الكيل

مش اول استفتاح زى ما العادلى بيعمل عندنا

وان كان برضه الموضوع هناك مش بالشكل الضخم والارقام الغريبه اللى بتتقال

لان اللى بيقولوها اكيد طرف فى المشكله

فاكيد هيبالغوا ومش هيقولوا الحق

وياريت يانوارة تبطلى المثاليه الزايدة دى

الكلام اللى انتى بتقوليه دة كان ممكن ايام عمر ابن الخطاب

دلوقت دى سياسه

يعنى لعبه قذرة

واديكى شايفه اللى بيحصل

النظام الايرانى قادمه ايه يعمله ومعملوش مع الشباب الوسخ دة ؟؟؟؟؟

هما اللى عاملين زى البقر
فوضى ومولد ومش عارفين هما عايزين ايه اصلا

فرة وطاحت فيهم

Unknown said...

احمد
الشباب مش وسخ
الشباب ايديولجيا انا مختلفة معاه تماما
دي ثورة برجوازية وانا ايديولوجيا مش متعاطفة معاها
لكن هم شجعان
وجدعان
والنظام الايراني ظلمهم بالقمع ده وظلم نفسه اصلا
مافيش قمع بينفع مع الناس خصوصا لما يبقوا ناس بالعند ده

دول قتلوا اكتر من ميت واحد يا احمد
ح يعملوا فيهم ايه دول؟
ده دم ناس بريئة
ح يعملوا فيه ايه؟
مش هم ناس متدينين بقى؟ ماتوا ليه وبمناسبة ايه؟ دمهم في رقبة اللي ادا الامر واللي نفذ
ح يقولوا لربنا ايه؟
البنت المسكينة اللي ماتت قدامنا

من المؤكد الباسيج هو اللي موتها يا احمد لسبب بسيط
ان الدولة ما حققتش في مين اللي قتلها
اتقتلت ليه دي؟ دمها في رقبة مين؟
ح يقولوا لربنا ايييييييييييييييييييييه

احمد سعيد said...

طيب يانوارة

معلش

خدينى على قد عقلى

انتى معايا ان اللى بيحصل دة لازم ينتهى ولا لأ ؟؟


طب ايه الحل

ايه اللى الحكومه المفروض تعمله ؟؟؟

ردى عليا لو سمحتى

Unknown said...

لبنانية

يا حبيبتي مافيش اي مقارنة ما بين احداث سبعة ايار وما بين اللي بيحصل في ايران

اللي حصل في لبنان فريقين سياسيين واللي في السلطة كانت بيستغل سلطاته واعتدى على المعارضة والمعارضة قاعدة في حالها ما عملتلوش حاجة اصلا
وكانوا عايزين يسلموهم لاسرائيل

وشبكة الاتصالات دي كان فيها رقبة نصر الله نفسه


ومهم ما عملوش حاجة غير نزلوا الشارع وقفلوا الطريق

تخيلي بقى الموالاة تنزل قوات زي الباسيج كده وتنزل فيهم قتل وضرب

تخيلي حاجة زي دي تحصل

يبقى ايه رأيك؟

الكلام اللي بينحكى

طب والقتلا دول بنحكوا برضه؟ مش فيه ناس ماتت؟ فيه ناس ماتت وللا لا؟ فيه ناس انضربت قدامنا وهم شباب عزل وللا لا

بصي
انا مافيش حد من العيال بتوع الثورة الخضرا ده اتكلمت معاه الا وكنت عايزة اتف في وشه من كتر الرأسمالية والأمركة والعنصرية والطبقية اللي بتنضع من كلامه

مافيش غير واحد بس اللي قال كلام كويس والباقيين خرا خرا خرا

بيطلعوا خرا من بقهم

ومع ذلك

مش عشان انا مختلفة معاهم ايديولوجيا يبقى يتقتلوا في الشارع ويعتقلوا من غير سبب وينضربوا بالطريقة الوحشية دي

مافيش اي مبرر ولا اي مسوغ حتى شرعي
ربنا ح يحاسبهم

ثم العيال دي
عددهم على الاقل مليون واحد

دول طلبة جامعة
يعني تربية الثورة
يعني لو دماغهم فيها صراصير وطبقية وتغريب ووساخة

فدي رباية الثورة
المفروض ان الجيل ده هو الجيل انتاج الثورة
اه هي ربتهم على انهم ما يسكتوش على حقهم وانهم يبقوا ثائرين وعندهم كرامة وما يقبلوش شبهة تزوير الخ

بس هي كمان اللي ربتهم بيقولوا على اللي انتخبوا نجاد: دول الفلاحين الجهلاء ومش هم اللي ح يحددوا لنا مستقبلنا

اذا كانت غلطت في تربيتهم وتعليمهم

ما تضربهمش في الشارع
ما ينضربوش ولا يتقتلوا ولا يعتقلوا

ويخرجوا فورا من السجن هم عملوا ايه؟

وانا مش بانام الليل من ساعة ما شفت البنت بتطلع في الروح في الفيديو

ومش عارفة اللي قتلها ح يقابل ربنا ازاي

Unknown said...

ثانية واحدة يا شباب عشان فيه واحد يا اما مجنون وعنده انفصام في الشخصية يا اما نصاب

بس يا اخ اسمك الكلمة نور ده

انا مش ح انزل لك تعليقات تاني

عشان انت يا مجنون يا مدسوس

Unknown said...

احمد سعيد

باللين
باللين والحكمة
اصلا المرشد غلط غلط كبير قوي لما اخد صف على حساب صف وحسسهم بعدم الامان كده

ثانيا نفس صفوف المعارضين دول فيهم ناس بتقول كلام وناس بتقول كلام تاني وتالت ورابع

طيب هم كانوا يقدروا يميلوا لجانب او اتنين بحيث لو جزء منهم هدي يمكن احتواء الجزء الباقي باللين

انما ينزلوا عليهم هبد كده؟

انا باسألك: قدام ربنا، اللي ضرب واللي قتل واللي اعتقل مظلومين ح يقول ايه لربنا؟

احمد سعيد said...

باللين ايه ؟؟

امال هما بقالهم كام يوم شغالين فى ايه؟؟

يعنى هل مثلا اول ما العيال دى نزلت الشارع

الحكومه دورت فيهم الضرب ؟؟؟

ماهما اللى بهايم ومش عايزين يفهموا

احمد سعيد said...

وبعدين لو المرشد عمل زى ماتبقولى كدة هيبقى كلامه عامل زى كلام اوباما الدجال

وبعدين الشباب دة معندوش ايديولوجيه اساسا

يعنى ممكن الواحد فيهم يكون براى معين

وبكرة يطلع براى تانى


مش تيارات يعنى علشان الحكومه تحتوى بعضها على حساب الاخر وفرق تسد


دول مش منظمين للدرجه دى

ودة بيخلى التعامل معاهم اصعب

Unknown said...

انت ظابط فعلا
امال زعلان ليه من عبد الناصر؟ ماهو دماغه زيك: عيال وعايزين يتربوا

لا، مدام العدد ده غضبان يبقى اكيد لهم حق
ولازم النظام يراجع نفسه عشان يعرف عمل ايه عشان يزعل كل دول او على الاقل ما يعرفش يربيهم

lebneneyeh said...

ahmad sa3eed ana ma b2ool ella yeslam temmak 3al ta7leel elli 100% sa7 w lakhaset el mawdoo3 w sahalto 3layee 3ashen ken sarli 2 or 3 days 3am 7ewel fahem nawara bi hal wejhet el nazar bas ma zabtet ma3i bi hal wodoo7 fa shokran elak w ya3tik el 3afeye.

احمد سعيد said...

النظام يراجع نفسه

دة اكيد

واكيد فيه حاجه غلط

بل حاجات غلط

لازم تكون فيه مراجعه

علشان السيناريو دة ميتكررش تانى


بس دلوقت

اللى بيحصل دة فتنه

ولازم تنتهى

لانها مش فى صالح ايران
ولا فى مصلحه الشعب الايرانى ولا حتى الشباب دول

ومش فى صالح حركات المقاومه

ومش فى صالح كل الشعوب العربيه

اللى بيحصل دة مسخرة

مسخرة ومهزله

Kalimalhus said...

إذا حصرنا كلامنا بالأحداث ذاتها فقدامنا الآتى:
- إنتخابات لم يثبت يقينا أنها زورت و بالتالى المفروض يتم القبول بنتيجتها..

- ناس مقتنعين تماما بأن الإنتخابات زورت و مافيش و سيلة لإقناعهم بالعكس..

لو الموضوع كله فى الإطار ده يبقى الناس دى خارجين على القانون و لابد من مواجهتهم بالقوة المناسبة.. القوة المناسبة هنا لا تبرر إستخدام أسلحة قاتلة لمواجهة متظاهرين عزل..

بس الواقع إن الموضوع لا يمكن حصره فى هذا الإطار الضيق..

- واضح أن المعترضين ليسوا معترضين على تزوير الإنتخابات فقط و بالتالى حتى إقناعهم بإن الإنتخابات لم تزور لن يكون كافيا..

- واضح برضه إن بداية من يوم الجمعة اللى فات النظام إعتبر المتظاهرين خارجين على النظام و ساعين للتخلص منه و بدأ من يوم السبت يتعامل معاهم على هذا الأساس..

الكلام كده يبقى مختلف.. الإعتراض فى إطار نظام ما ينبغى على الأقلية أن تلتزم فيه بحكم الأغلبية و لكن إذا تعلق الأمر بالنظام نفسه و أصبح الإعتراض على هذا النظام فلابد أن (يحتوى) النظام معارضيه..

يعنى إيه ؟.. نظام الدولة لا يقوم على خيار الأغلبية و لكن يقوم على توافق المواطنين جميعا و لابد أن يتحقق له الحد الأدنى من رضا الجميع عليه..

مثلا ما ينفعش تيجى تعمل جمهورية إسلامية فى مصر و تقول فى الدستور إن المسيحيين محرومين من الخدمة العسكرية و عليهم دفع الجزية .. فعلى الرغم من إن المسيحيين أقلية فلازم يكونوا راضيين عن النظام العام للدولة اللى بينتموا ليها..

فى المقابل لو إنت فى دولة مدنية أغلبيتها مسلمين و ترشح لمنصب الرئيس مسيحى أمام مسلم و فاز المسلم بأغلبية الأصوات على المسيحيين قبول إختيار الأغلبية و ما ينفعش إنهم يعترضوا عليه و يعتبروه إضطهاد..

تانى لا يجوز للنظام أن يتجاهل مطالب أقلية إذا تعلقت هذه المطالب بطبيعة النظام نفسه و لكن من حقه ألا يقبل هذه المطالب إذا تعلقت بأمور حسمتها الأغلبية بشكل قانونى وفقا لقواعد سبق قبولها من الجميع..

حسن على said...

http://www.al-araby.com/docs/article2142181383.html دة مقال عبدة اللة السناوى لجريدة العربى من طهران

مواطن مصري said...

http://www.youtube.com/watch?v=AC3wZIYrmsc
استشهاد الاصلاحية ندا سلطان شهيدة الحرية في طهران على يد ارهابين نجاد

http://www.youtube.com/watch?v=76W-0GVjNEc

كليب عن ندا سلطان رمز الحرية في طهران

يا ريت تتفرجي على الفيديو دة عشان تشوفي الحقيقة و تبطلي تدعمي نظام مجرم ارهابي قمعي

فليسقط نجاد و خامئني

مواطن مصري said...

http://www.youtube.com/watch?v=AC3wZIYrmsc
استشهاد الاصلاحية ندا سلطان شهيدة الحرية في طهران على يد ارهابين نجاد

http://www.youtube.com/watch?v=76W-0GVjNEc

كليب عن ندا سلطان رمز الحرية في طهران

يا ريت تتفرجي على الفيديو دة عشان تشوفي الحقيقة و تبطلي تدعمي نظام مجرم ارهابي قمعي

فليسقط نجاد و خامئني

Unknown said...

مواطن مصري
انت قديم قوي
ومين هنا اللي بيدعم نظام قمعي غيرك؟ انت مش بتحب حسني مبارك؟

مواطن مصري said...

امتى قولت بحب حسني مبارك؟
ها امتى؟

عشان انا بتفق في بعض السياسات الخارجية لمصر يبقى بقيت احبة


مانتي بتحبي نجاد

بردو

Unknown said...

والله انت بتتفق مع سياسة واحد خاين وعميل لاسرائيل رسمي نظمي فهمي باعتراف اولمرت وشارون نفسهم اللي قالوا: احنا محتاجين حسني مبارك عشان بيحافظ على امن اسرائيل

مبروك عليك

انا بقى باخاف على مصلحتي كعربية ومصرية

نجاد راح نجاد جه انا ما يهمنيش غير ان يفضل في المنطقة دولة ذات سيادة بتدعم مصالح المقاومة العربية ضد اسرائيل بما ان ما عندناش حد بيعمل كده فاي حد يعمل كده

ووالله بقى الايرانيين ما بيحصلهمش اكتر من اللي بيحصلنا

يعني مئات من عمال المحلة ماتوا زي العيال دي واكتر في يوم واحد
وماحدش عمل عليهم المناحة دي

عشان مبارك الابن المدلل لاسرائيل
لكن نجاد هو البطة السودا
طب نجاد كلها اربع سنين اقصى حد ويمشي
مبارك ح يدفنا كلنا
ونجاد بيتصرف بحماقة مع المتظاهرين
لكن مبارك بيتصرف بخيانة معانا
وانا ليا حق اخاف على نفسي اكتر ما اخاف على اي حد تاني

هم دولة ذات سيادة وفيها قانون وفيها عيال بينزلوا بالمليون واحد وح يعرفوا يتصرفوا ويحلوا مشاكلهم
سواء بقى يعيدوا الانتخابات وللا يعيدوا الاقتراع وللا حتى يعزلوا خامنئي هم في ايدهم يعملوا ده كله

لكن احنا في ايدينا ايه لما حدودنا تنضرب تلات اسابيع وما نعرفش نتكلم؟
وفي ايدنا ايه لما دولة بالقوة دي تسقط تحت سيطرة الامريكان وترجع تاني حامي حمى المصالح الاسرائيلية بثقلها الاقتصادي والنووي ده كله؟

ح نعمل ايه احنا حاليا دلوقت؟
سوريا الغلبانة دي ح تعمل ايه؟
مصر اللي ساندينها بعود كبريت ومبارك عمال يقدم تنازلات ومسيره يموت ويسيبنا لمصيرنا
ولما تبقى القوة اللي بتهددنا قوة اسرائيل معاها داعم قوة زي ايران ح نعمل ايه احنا؟ على الاقل عاملة توازن في المنطقة وعلى الاقل فيه شوية امان في دين ام المنطقة
انما دي لو رجعت زي ايام الشاه واحنا بحالتنا الضعيفة دي ح نعمل ايه؟

حسن على said...

نوارة تنفق وقتا ثمينا فى تعليم المواطن المصرى ... وهو مازال يقراء حرف "الثاء" فى كتاب المطالعة الرشيدة والمرسوم علبة ثعبان ... مازال ينطقها : " حنشن " بس خلاص

حـنــّا السكران said...

على فكرة يا مواطن

في شريحة كبيرة من الإيرانيين ما بيطيقوا ذكر العرب ..و بيعتبرونا عرق متخلّف , و معظمهم من اللي انت شايفهم في الشوارع الان ( أنا سامع هالكلام من شخص إيراني , لكن بعرف من زمان انه في قوميين فرس ) , و كتير من اللي انت و انا شايفنهم بالشارع هاليومين , أو اللي عم بيحرّضوا من برّا , عم يرفعوا شعارات و حجج من قبيل : ليش عم تصرفوا من فلوسنا على حركات المقاومة العربية ..و حاكلين قضايانا ما بتخصنا و عم تستعدوا العالم .. الشريحة التانية من الشعب الايراني و اللي هي الشريحة الاكبر .. و منها الشخص اللي كان بيتكلم مبارح .. عم بيقولوا : تحتا مش زعلانين من شماتة الغرب و تحريضه لأنه نحنا متوقعين هالشي و مش مستغربينه , بس اللي حازز بنفسنا هو شو عملنا لهالعرب اللي جنّدوا كل وسائل اعلامهم ضدنا .. و قعدوا يرموا حطب على نار الاكاذيب و شغالين ليل نهار و كأن كل قضيتهم صارت ضدنا نحنا اللي وقفنا معهم أكتر ما وقفوا مع نفسهم .
بالنهاية بيطلع ولد تافه متل ابن شاه ايران و بيقول انه ( النظام الايراني ) استدعى عناصر من حماس و حزب الله منشان يحموا النظام ..و طبعا لا داعي للتعليق على هذه النكتة .. لكن النكتة الأحقر ن تتفرغ قنوات عرب الاعتلال اربعة و عشرين ساعة لترديد هذه الأكاذيب ..
نجاد باقي ..لأنه فاز بطريقة ديمقراطية عمرنا ما نحلم فيها ..و لو نجاد عطى إشارة لأنصاره ينزلوا عالشارع مقابل أنصار موسوي .. كانوا غطّوا شوارع المدن الايرانية , لكن نجاد يتصرف كرئيس و معروف عن نجاد انه لا يمكن استفزازه على المستوى الشخصي .. هو يُستفز لأجل القضايا التي يؤمن بها , لكن يتصرف بعقله لا بقلبه

يتبع

حـنــّا السكران said...

في كتابه ( سكرة القوة ) يشرح نعوم تشومسكي هذا المخطط و كأنه كان يجري أمامه .. يتكلّم عن خطط لدى امريكا و اسرائيل لدفع ايران ( من خلال اعوانهم الايرانيين ) لتتصرف كدولة قمعية و لتبدو كذلم رغما عنها نظرا للظروف التي ستحصل على الارض . و هذا ما يجري الان .. يتكلم عن مخطط تحويل إيران إلى كيانات مجزأة و متناحرة كي لا تقوم لها قائمة بعد ذلك .. ما يسمى بمنظكة خلق و منظمة جند الله و أعوان الملكية , ينفذون الان هذا المخطط كما شرحه تشومسكي ..لكن عندما يرى النظام الايراني أن الأمور قد تخرج عن السيطرة يستطيع أن يُنهي كل هذا بأربع و عشرين ساعة .. لكنه الان لا يريد أن يغامر بسمعته أمام نفسه , أي أمام أبنائه و أنصاره قبل غيرهم .
ـ غير مسموح لإيران أن تحصل على الطاقة .. بنقدور اسرائيل أن تذهب الى العراق و تقصف مفاعل تموز و بمقدورها أن تذهب إلى سوريا و تقصف منشأة دير الزور . لا أحد يسأل اسرائيل من أعطاها الحق يذلك ..و لا نسمع من قحاب الاعتدلال العربي كلمة واحدة , غير مسموح بتوازن في المنطقة , مع اسرائيل .. هل تعون ذلك ؟؟

هل تدركون خطورة أن تعود اسرائيل إلى التفرد بالقوة و الطاقة و الجبروت دون حتى شبح تهديد من أحد ؟؟
أفضل شيء نفعله نحن العرب هو أن نخرس .. نسكت خالص .. نحط جزمة عتيقة في فمنا و نخرس .. لندغ الأمم التي تطلب الحياة و التقدم و السيادة ..تفعل ما تراه مناسبا .. نحن علينا تلقّي الأوامر و الذل فقط .

حملة حسني مبارك المستمرة و المتصاعدة منذ سنوات قليلة حتى الان ضد إيران لم تكن عفوية و لم تكن بسبب أن إيران تهدد مصر أو غيرها .. و لو سألت مبارك و طلبت منه أن يخبرك بماذا تهددنا إيران لما استطاع أن يقنعك بكلمة واحدة .. لأنه ليس لديه ما يقنع نفسه به .. مبارك ينفذ الاوامر هو و غيره من العرب .. في سبيل قضية واحدة لا شريك لها .. و هي الكرسي .
الثورة الايرانية التي استطاعت خلال اقل من ثلاثين عام أن تصل إلى الفضاء و أن تكتفي ذاتيا و تصبح في نفس الوقت قوة عظمى ترعب العالم . رغم أنها خاضت حرب لعشر سنوات من الثلاثين , حرب راح ضحيتها مليون قتيل و صرف فيها مليارات و مليارات الدولارات و استنفذت ما استنفذته ,, و ايران هنا الان .. هذه الثورة لا يستطيع أحد أن ينهيها متى شاء .. لا موسوي و لا أبو الخطابات و المسخرة و الضحك على الدقون , أوباما ,,إمام العرب الجديد بعد رحيل كاهنهم جورج بوش .

Kalimalhus said...

صح لسانك خيى جو .. ياريت الناس تفوق وتفهم بدل ما يصحوا الصبح فى يوم يلاقوا نفسهم عبيد فى شركة أمريكانى بيديرها واحد صهيونى و مايملكوش من تراب بلادهم ولا حتى الحبة اللى هايتمرغ وشهم فيها ليل نهار..

Unknown said...

سلالالالالالالالالالالالالالام
الوجوه المتعددة للأزمة الإيرانية
د. بشير موسى نافع

http://www.alquds.co.uk/index.asp?fname=2009\06\06-25\24qpt92.htm&storytitle=ffالوجوه%20المتعددة%20للأزمة%20الإيرانيةfff&storytitleb=د.%20بشير%20موسى%20نافع&storytitlec=

أمينة

مواطن مصري said...

النظام القمعي الايراني هيدفع ثمن دم ندا الحر غالي


و عمرنا ما هننسى ندا و صرختها للحرية

منظور شامل للحياة السعيده said...

حنا السكران

او جو

صح لسانك

Dr. Kafy said...

إنا لله و إنا إليه راجعون

Unknown said...

أولا مايكل جاكسون مات

ثانيا
انا حبيت بس اصحح خطأ في معلومة

اللي ماتوا في التظاهرات 20 واحد من المتظاهرين وعشرة من باسيج

Unknown said...

باحب بشير نافع قوي

Unknown said...

جو

يسلم مخك وايدك بس انا عندي تحفظ واحد: انت ليه بتحرج بعض الضيوف هنا؟

بجد يعني بتحمل الناس فوق طاقتها يا اخي

اديك قعدت تنتع في قلبك وفي الاخر واحد دخل هتف لك: فليسقط الاستقلال

Unknown said...

هههههههههههههههههه

بهيج بيقول لكوا: مايكل جاكسون مات وابو التعالب ملك الفياجرا قاهر الهكسوس لسة عايش

:)

ومتضايق من اللي بيغلطوا في الاملاء

مين اللي بيغلط في الاملاء هنا جبتوا لنا الكلام

مواطن مصري said...

مايكل جاكسون مات انا زعلان يا نوارة

:(

مواطن مصري said...

بس اية رائيك في الفكرة دي دة الابداع بجد


نيويورك – محرر مصراوى – أفسدت مجموعة من الفتيات الأمريكيات جو احتفالية إسرائيلية كبرى بمدينة نيويورك الأمريكية نظمتها جهات إسرائيلية بمناسبة أطلق عليه أصدقاء الاحتلال الإسرائيلي "الذكرى رقم مائة لأول يوم صيفي في تاريخ تل أبيب".
حيث وقفت الناشطات بملابس البكيني، ويغطي الطين أجسادهن، مرددات هتافات مناهضة لسياسات الاحتلال الإسرائيلي ضد الشعب الفلسطيني.

http://www.masrawy.com/News/Various/General/2009/june/25/girls.aspx

فتيات أمريكيات يفسدن احتفالية إسرائيلية بنيويورك ويدافعن عن الفلسطينيين بالبكيني


:D

Rasim Marwani said...

السيدة نوارة وضيوفها الكرام

عندما بدأت بالتعليق باسم عاشق مصر، كان الامر مجرد اجراء احتياطي لحماية اعزاء من تبعات لا دخل لهم فيها ولايد

وانااود ان ازود اي راغب بشتيمتي او استهدافي، برقم هاتفي واسمي وعنواني،
وعليه فلتيكرم الراغبون بمراسلتي على هذا العنوان:
ashhqmssr@gmail.com

كل ماارجوه، هو ان نحترم هذا المكان الذي جمعنا، وهذه السيدة النادرة المثال الذي تديره
ونخبة الاقلام المحترمة التي تساهم فيه

وبما اني تسببت بهذه الاساءة التي وجهها البعض للسيدة التي احترم واجل، استئذنكم مودعاً مع خالص شكري وامتناني لكل فرد منكم

Unknown said...

عاشق مصر
المدونة مدونتك وانت تقول اللي انت عايزه انت بتحترم الناس هنا وبتفيدنا
ولما بتقول رأيك انت ما أسأتش لحد عشان حد يسيء لك
اللي عايز يرد عليك ويعترض على كلامك يتفضل من غير ما يهين ضيوفي

انا لما حد بيتعصب عليا ويهزأني بانزل تعليقه
لكن مش يجيلي واحد مدي امان وفجأة يلاقي نفسه اتشتم

مواطن مصري باختلف معاه في كل حاجة تقريبا ما عدا اننا زملكاوية زي بعض

بس مش بيغلط في حد

ولما نزلت تعليق من غير ما اقراه ولقيت بيقول لي ده شاتمني مسحت التعليق وانا والله ما كنت شفته انا نزلته والشتيمة كانت في اخر التعليق ما كنتش قريت التعليق للاخر

ولو ما جيتش تاني انا ح ازعل بجد
لاننا بنستفيد من تعليقاتك

مهندس مصري بيحب مصر said...

معتمر مصري يصاب بإنفلونزا الخنازير

مصر شهدت اليوم سبع إصابات جديدة إحداها لشاب قدم من العمرة (رويترز-أرشيف)

أعلنت مصر اليوم اكتشاف سبع إصابات جديدة بفيروس أتش1 أن1 المسبب لمرض إنفلونزا الخنازير ليرتفع عدد الإصابات بهذا الفيروس في البلاد إلى 48 حالة، وتعود إحدى الإصابات المكتشفة اليوم لشاب قدم من السعودية بعد أداء مناسك العمرة ليكون أول معتمر يصاب بهذا الفيروس.

وبينما واصل الفيروس تحديه للإجراءات الوقائية التي اتخذتها معظم دول العالم للحد من انتشاره، أعلن اليوم العديد من الدول العربية والأجنبية اكتشاف إصابات جديدة، في حين أكدت منظمة الصحة العالمية استقرار الفيروس.

فقد أعلنت مصر أمس الخميس إصابة شاب مصري يبلغ من العمر 28 عاماً وصل إلى مطار القاهرة الدولي يوم الاثنين الماضي بعد أدائه العمرة في السعودية، وذكرت وزارة الصحة أنه تم تحويل الشاب بواسطة فريق الحجر الصحي بالمطار إلى مستشفى بالقاهرة، وتم إعطاؤه العلاج المناسب وحالته الصحية مستقرة.

أما الإصابات السبع الأخرى فيعود أربع منها لمصريين يحملون الجنسية الأميركية قدموا من الولايات المتحدة، واثنتان لفتاتين بريطانيتين كانتا على اختلاط بشاب بريطاني أُعلنت إصابته بالفيروس الاثنين الماضي، وقالت الوزارة إن حالة جميع المصابين مستقرة.

كما أعلنت السلطات التونسية اليوم اكتشاف ثالث إصابة بفيروس "أتش1 أن1" لدى امرأة تونسية عائدة إلى البلاد من مهمة مهنية في السعودية، مؤكدة أن المرأة -التي وضعت تحت المراقبة الصحية بمنزلها- تتلقى العلاج الملائم وأنها تتماثل للشفاء.

وكانت تونس –التي علقت رحلات العمرة إلى أجل غير مسمى خشية تفشي المرض بين المعتمرين التونسيين- أعلنت الاثنين الماضي اكتشاف أول حالتي إصابة بإنفلونزا الخنازير في البلاد لدى طالبتين عائدتين من الولايات المتحدة.


إجراءات الوقاية لم تمنع انتشار الفيروس (الفرنسية-أرشيف)
ومن جهتها سجلت السعودية اليوم خمس إصابات جديدة بفيروس أتش1 أن1 ليرتفع عدد المصابين بهذا الفيروس في البلاد إلى 53 حالة.

وأوضح المتحدث باسم وزارة الصحة السعودية خالد المرغلاني في بيان له أن الإصابات الجديدة تعود لثلاث ممرضات فلبينيات وممرضة سعودية وطفلة ألبانية، مشيراً إلى أن الفيروس انتقل إليهم جميعاً بالمخالطة.

عربيا أيضا أكد وزير الصحة في إقليم كردستان العراق زيران عثمان إصابة خمس لاعبات من أعضاء المنتخب الوطني العراقي لكرة السلة ومدربهن بفيروس أتش1 أن1، وكان الستة عادوا من مدينة شيكاغو الأميركية قبل أسبوع، مؤكداً أن جميع المصابين يتلقون العلاج وأوضاعهم الصحية في تحسن.

وكانت منظمة الصحة العالمية أعلنت أمس الأربعاء أن عدد الإصابات بفيروس أتش1 أن1 أو إنفلونزا الخنازير وصل إلى 55867 إصابة في 117 دولة مما أدى إلى وفاة 238 شخصاً.

مواطن مصري said...

اموت و اعرف لية الامن من وقفة ضد احمدي نجاد في مصر

أدهم الصفتى said...

ايه ده يا نواره ؟ انتي زملكاويه ؟
يا للهوووووووول
يا عيييييييييييييني

معلش يا أختي معلش

الناس على قلبها علّه و انتي على قلبك تسعه
سكة الزمالك كلها مهالك صحيح

انا أهلاوي انتهازي طبعا ، علشان انا مش ناقص التهاب مراره و ضغط و سكّر ، اهي فرقه بتكسب و خلاص ، قال يعني

مواطن مصري said...

شيخ سعد قابل السيد حسن

تفتكري هيجيب نتيجة للوفاق

عابر سبيل said...

وياترى زعلان ليه يا سيد مواطن على مايكل جاكسون؟ علشان طلع فى أول التسعينات وقال إن العرب دول حيوانات وإنه مش ممكن يفكر يعمل حفلات عندهم؟ ولا علشان اللى كان عامله فى وشه؟ ولا علشان شاذ وبتاع عيال؟ ولا علشان الناس اللى مشغلهم فى نيفرلاند ومبيدفعش رواتبهم؟
ولا أقولك أسألك سؤال أسهل من كده؟ تعرف إيه عن مايكل جاكسون؟
عموما الجنازة حتطلع النهارده من لوس أنجيلوس ، ياريت تقوم بقى علشان تلحق العزا ...:-)

عابر سبيل said...

هوا كمان سعد الحريرى بقى اسمه الشيخ؟؟؟

مواطن مصري said...

مايكل جاكسون طلع برائة من تهمة الشذوذ

عابر سبيل said...

والله ؟ طيب ما هشام طلعت هيطلع براءة ..... وبعدين مايكل بتاعك ماطلعش براءة من تهمة سب العرب ، ولا من تهمة النصب والإحتيال ، والا انت شايف ان العرب جرب وشتيمة الأمريكان ليهم وسام على صدرهم؟