Monday 22 June 2009

في انتظار الثورة الخراوي

المقال ده بيقول ان السي اي ايه طايح في العالم ثورات ملونة، اه والله، اسمها كده ثورات ملونة، وانه بيتغلغل في اي مجتمع من خلال المجتمع المدني وجايب بالتأريخ موافقة الكونجرس من سنتين على مشروع الاطاحة بالنظام الايراني
كدهون يعني... وش مافيش فصال
بالنوسبة لنا احنا في حال ما يزهقوا من سونة ويجيبوا لنا ثورتنا الخراوي (ماهو يدوبك على قدنا احنا عندنا الوان ايه هنا؟) ان شاء الله بقى ح تلاقوا العالم كله لابس لون خراوي تضامنا مع الكام خرية اللي ح يعملوها، وطبعا، زي موسوي كده، مش ح يصابوا بخدش والناس هي اللي ح تموت
حبيت بس اقترح اللون من دلوقت عشان نخلص النية كده وربنا يكرمنا
المقال ده عن وهمية ثورة التويتر، وان معظم اللي بيقولوا انهم ايرانيين اللوكيشن بتاعهم في كندا وامريكا، وان اي حد في الدنيا يقدر يقول على نفسه ايراني ويهبل في الكلام ويدي معلومات غلط
الا انا شفت واحد اسمه
persiankiwi
باينه مجنون وللا ايه؟ عامل زي جنرال الكازوزة وعمال يدي اوامر كده:
بيبول (ايها الناس يعني) ما تدفعوش فواتير التليفون ولا الكهربا
بيبول لو عندكوا ارصدة في البنوك اسحبوها كلها مرة واحدة عشان نهدم الدولة
بيبول ماحدش يروح الشغل عطلوا الدولة احنا عايزين نهدم اركان الحكومة
بيبول بكرة الساعة اربعة اتصلوا بالامن وادوهم معلومات غلط عن اماكن المظاهرات
وابن المجنونة كاتب اللوكيشن بتاعه في ايران؟ وهو لو في ايران ح يعرف يقول الكلام ده؟ ثم حد في الدنيا يعمل تنظيم سري على التويتر؟
ده غير التضارب بقى في حكاية البنت المسكينة اللي ح يتاجروا بدمها من هنا للصبح، شوية يقولوا كانت واقفة بتتفرج، وشوية يقولوا لا دي كانت في المظاهرة، مع ان ما كانش حواليها مظاهرة، وشوية يقولوا كانت بتشتري حاجات
 كام سؤال بيمغص في نفسيتي:
هو نجاد ليه بيستخدم الرصاص الحي في تفريق المتظاهرين؟ مش فيه اختراع اسمه خراطيم مية؟ مش حتى فيه اختراع اكثر وحشية اسمه القنابل المسيلة للدموع والرصاص المطاطي؟ ليه الرصاص الحي يعني؟ ازاي يعني مش عارف يحتوي الموقف ويهدي بدل ما بيعند معاهم؟ حد يعند مع مليون بني ادم؟
السؤال التاني: بجد يعني انا عايزة اعرف النظام الحالي اللي في ايران عمل لنا احنا ايه؟ الناس اللي محروقة من نظام ما تعرفش عنه حاجة وهم اصلا عندهم مبارك دول وضعهم ايه من الاعراب؟ قال على راي المثل، فوقيهم خرا وتحتيهم خرا ويقولوا اف ريحة خرا، طب اليكم المفاجأة، النظام ده حايش عنا عنصرية كتير من الايرانيين ضد العرب، وبكرة يمشوا وييجي اوساخ زي الشاه، وللا زي الشاه ليه؟ ما واحد شيخ طالع (تبع رفسنجاني) بيقول: المرشد بيقول لنا ان نظامنا ديمقراطي مقارنة بالانظمة اللي حوالينا؟ طب هم ايش جابهم لينا دول؟ احنا الشعب الايراني شعب عظيم ومختلفين عن الكل... بلا بلا بلا
وبالنوسبة للمصريين اللي ح يتهربوا من واقعهم الاليم ويقولوا احنا مش عرب، فلا معلش، احنا بندخل في المناقشة دي على سبيل الفراغ والفضا وبناخد اللي بيقولوا الكلام ده على قد عقله زي ما انا باخد زينب اختي على قد عقلها لما بتقنعني انها بيضا وعينيها عسلي وشعرها اصفر، ساعات اقول لها: لا يا زينب انت سمرا وعينيكي سودا وشعرك اسود، وساعات اسيبها
بس احنا عرب، تاريخيا، وثقافيا، واثنيا، وجغرافيا، ورسميا، وعرفيا و.... مش عارفة اقول لكوا ايه؟ دي مناقشة فعلا عاملة زي مناقشاتي مع زينب لما باحاول اقنعها انها مش بيضا ومش عينيها عسلي ومش شعرها اصفر
يعني لو احنا مش عرب يبقى الدنيا دي مافيهاش عرب، كانوا ح يتولدوا ازاي؟ ما احنا اللي ولدناهم
المهم يعني ح يرجع تاني اخويا الامير بظرميط الايراني يدينا بالجزمة زي ما كان بيدينا زمان واحنا نلحس الارض من تحتيه وساعتها طبعا ما حدش ح يسأل عن الجزر ولا عن المد الشيعي ويوم ما ترجع ايران ترسانة لحماية ضهر اسرائيل ماحدش ح يسأل عن مشروعها التوسعي، ولا حتى عن اسلحتها النووية، عشان اللي جايين دول من عينة الواد اللي قال لي: 
الملالي بيساووا ما بينا وبين العرب، وانتوا ايش اوصلكوا لينا يا جرابيع، احنا دولة حضارة واياك تجيبي سيرة الحضارة المصرية انتوا ناس كل كلب احتلكوا وانضف ناس احتلوكوا هو احنا، لكن احنا عندنا كرامة، والملالي دول بيساووا ما بينا وما بين السنة وبيقولوا عليهم مسلمين زينا، بقى انتوا مسلمين زينا؟ ده انتوا اللي بوظتوا الاسلام، والملالي بيدعوا انهم ايرانيين وشيعة، بس هم عرب وسنة كمان
(ده على اساس ان العرب والسنة دول شتيمة)
هو ده البديل اللي جاي
اشربوا بقى ياللي مش عاجبكوا الملالي، طب والله ح يتكيفوا ويتمزجوا، احنا اصلنا بنعمل دماغ تهزيء واللي يحترمنا يبقى كأنه سب لنا الدين
انا بس كل اللي مزعلني ان الدولة الوحيدة اللي لها سيادة في المنطقة جاية لنا في السكة، اهلا وسهلا
join the club 

30 comments:

mado said...

صباح الخير يانوارة.
انا عايز افهم حاجة بس انتي ضد ان تقوم ثورة علي نظام مبارك ؟
مش مؤيديه يعني للفكرة دي؟

انا عارف وواثق طبعا ان عمر ما هتحصل
ثورة.

بس عايز اعرف رايك.
وليه معترضة.

بالنسبة لايران طبعا في ناس كتير كانت بتنشر اخبر غلط عن طريق تويتر.

بس في حجات كانت واضحة وضوح الشمس صور المتظاهرين الي بيتم ضربهم وسحلهم بطريقة وحشية الفيديوهات.

طبعا غير البنت الي اتقلت.
ومش هتفرق اتقتلت ليه ببتفرج او بتشتري حاجة او في مظاهرة المهم انها اتقتلت.

بالنسبة ليا انا ميهمنيش غير المتظاهرين بس هما دول الي يهموني غير كدا مليش دعوة.

اما النظام الايراني الحالي اسرائيل نجحت انها تحطة في مواجة مع العرب وخصوصا دولة زي مصر .اسرائيل نجحت انها تخلي ايران عدو ودا في مصلحتها بدل ما اسرئيل هي العدو التقليدي لينا نجحت انها تحط ايران في الصورة بدلها.

hope said...

العربي أصبح مسبة يا نوارة!!!!الرسول صلى الله عليه وسلم عربي

من أنسانة كويتية عاشرت كثير من العجم أقول لك أن معظمهم ما زال يعيش مرارة سقوط دولتهم على يد العرب ويحلمون بعودتها وهم يعطلون أعمالهم يوم واحد لعيد الفطر وخمسة عشر يوماللاحتغال بالنيروز

الشخصية الفارسية تنظر بنظرة متعالية للعرب وتعتبرهم بدو حفاة والملالي اتخذوا كغيرهم القضية الفلسطينة مدخلا لقلوب المسلمين

أدخلي إلى موقع الأحواز وسترين كيف يسومون العرب الشيعة أمر العذاب

lebneneyeh said...

salam nawara
ana 2elt men el marra el madeyeh enni ma ra7 3ala2 ba3d heik bas ma 2deret bas shefet hal maqal 2elt baddi 3ale2.

ana ma fhemet 3layki kteer inti msad2a men kel 3a2lik enno ahmadi najad momken yodrob el motazaheereen bel nar? w ba3dein ma shefti mbere7 3al tv keef 3tarafo hal majmoo3at yalli keno 3am yetzaharo w ya3mlo el shaghab ennon madsooseen men el american w enno ken yottoslo fihon w ywajhoohon shou ya3mlo w wein yroo7o ?

fa khalas el 2ossa bayanet lal ness yalli ma bta3ref ba3d w ma 3enda khebra bel 7ayet ,bas hyda el shi ken wade7 men zamenn w ma3roof meen warah.

w baddi 2ool shaghli yalli byekrah iran w byekrah el nizam tab3a w 3a wajh el ta7deed byekrah el shee3a ana b2ello bas khod nos se3a men wa2tak w 2o2ra 3an iran wel nizam 3endon w bel akhas el shee3a w ba3dein ta3a ne2esh yalli baddak eyeh.

Me7'o said...

"بس احنا عرب، تاريخيا، وثقافيا، واثنيا، وجغرافيا، ورسميا، وعرفيا و.... مش عارفة اقول لكوا ايه؟ "
قولى

خزياً وعرياً

Anonymous said...

فعلا احنا ساعات ما بنفرقش بين مصلحتنا ومصلحه الاخرين ....... المفروض نشوف مصلحتنا مع اي نظام ونؤيده
ولو ملناش مصلحه مع حد زي في حاله ايران ..... يبقا مفيش داعي للاستنكار والتهليل ع الفاضي والمليان ........ وكفايه تبعيه للغرب بقا

بس فعلا انا شايفه ان نجاد بيتعامل بعنف مع المتظاهرين زي ما يكونوا اعداء الوطن ...... انا حاسه انها مظاهرات احتجاج على فوز اراده الفقراء على اراده الاغنياء ..... يعني مظاهرات اثبات ذات ...... يا ريت يحتوي غضب الشباب دول

محمد حلمي مخلوف said...

مقال قوي يا نواره
بس مفيش لون غير ده هههههههه
انا بصراحه ضد تزوير ارادة الناخبين في أي بلد في العالم واولهم مصر
وبعدين قمع المتظاهرين بالشكل ده شئ وحشي جدا
ومعروف دايما السياسين الكبار قاعدين في تكيفات والشعب طالع عين امه تجارة يا عزيزتي
سلميلي علي عم أحمد
والسلام أمانة

حسن على said...

امبارح وفى جديث تلفونى مع صديقى مدير السى اى اية ...عاتبتة على اختيار اللون "الخراوى" لثورتنا الملونة المقبلة فقال: اولا عوكل" خربان" وينحدر من اصول ارمنية من عائلة " مادريان" وعلى ذلك فأسمة الكودى هو: "خريان مادريان " وهوة دة السبب فى اختيار اللون المذكور اعلاة يابوعلى ... اللة ... ماتصحى للون امال!!! ثم انقطعت المكالمة لنفاذ رصيدة

Unknown said...

هههههههههههههههههه
ههههههههههههههههههههههه
حسن علي كل ما يدخل يخليني اكركع

Dr. Ahmed Wagih said...

نوارة، كل اللي أعرفهم من الأيرانيين على الفايس بوك عملوا الشعار الأخضر بتاع الثورة ودول ليسوا عملاء لأحد ولكنهم ايرانيين قح!

النظام الديني الأيراني هو نظام مستبد اكثر من نظام حسني مبارك! على الأقل في ظل نظام حسني محدش بيقولك تأكل ايه وتشرب ايه وتمشي مع مين!

احمد سعيد said...

وكسه مصر

لا فض فوك يا اخى

انا دخلت عندك وعرفت مواطن مصرى جاب كلمه الظلاميين دى منين

بس الشهادة لله

الراجل بيقول ظلاميين

وانت بتقول اظلاميين

امعانا فى المبالغه طبعا

روح ياشيخ

الهى ربنا ينورك بكابل ضغط عالى يقع فوق نافوخك وانت ماشى حافى فى ليله ممطرة

محمود خاطر said...

بحاول أقنع نفسي بحكاية ان احنا عرب دي بس مش قادر
العرب في شبه الجزيرة العربية
واحنا المصريين فراعنة ورومان وبطالمة واغريق وقبط تاريخ اسود من الاحتلال قبله تاريخ باهر من الحضارة اللي بسببها سموا مصر ام الدنيا عشان كنا دولة مركزية قبل ما يكون فيه حاجة في العالم اسمها دولة
المهم بعد كدة مع الفتح العربي غيرنا لساننا للعربية فبقينا عرب
يعني لو باكستان غيرت لسانها للعربية هتكون دولة عربية زي موريتانيا وجيبوتي وجزر القمر مش عارف انا محتار ومش فاهم ومحتاج حد يفهمني

Rasim Marwani said...

حكومة احمدي نجاد استخفت بثورة الكلفن كلاين، واعتقدت بوجود تقوى تمنع موسوي وداعميه من العبث بمستقبل بلادهم

والى الآن لا زالت حكومة احمدي نجاد تتصرف على انها جندي من جنود الامة، وماتقوم به من واجبات لا علاقة له بردود فعل الدول العربية

محور موسوي، يرى ان المزاج العربي بمافيه الشعبي، لم يستطيع حماية الدور الايراني الداعم للقضايا العربية وعليه، يجب ان لا يكون الايرانيين ملكيين اكثر من الملك، وعليهم العودة لقضايا الداخل ورفع شعار ايران اولاً.

هم يدركون ان الانتخابات الايرانية كانت نزيهة، ولكنهم يمارسون الضغط على المرشد الاعلى ليطلب من نجاد الخضوع لابتزازهم

ويظن بعضهم ان المرشد والحكومة المنتخبة لايدركون حقيقة مايجري في محيطهم العربي ويضرون انفسهم وبلادهم وانهم الاقدر على صيانة الدولة الايرانية وابعادها عن مواجهة عسكرية يظنون انها قد تشمل العالم باسره

واحدهم الذي كان ضيفاً في مزرعة محمد حسنين هيكل في مصر منذ مدة بسيطة، قدم اقتراحاً للمرشد قبل الانتخابات يعود بموجبه رئيساً للجمهورية ضمن معادلة متشدد امريكي = متشدد ايراني
معتدل امريكي= معتدل ايراني
ولكن المرشد الذي ضاق ذرعاً بالاصلاحيين وفشلهم خلال 8 سنوات في تحقيق اي وعد قطعوه على انفسهم، بخصوص الاقتصاد والعلاقة مع العالم، رفض ان يوفر للسيد خاتمي مايلزمه للنجاح ...

فاانسحب خاتمي من السباق لعلمه المسبق
بشعبية احمدي نجاد الكاسحة وقدم موسوي كواجهة لمشروعه على امل ان تؤدي المسرحية الحالية الى اجبار المرشد على الضغط على من يطيعه بقصد اما التنحي او انشاء حكومة لهم فيها اليد الطولى

وآخر انجازات ثورة الكلفن كلاين مهاجمة ثكنات عسكرية للباسيج بهدف التسلح، وهناك سقطت معظم الضحايا، نظراً لخطورة السماح باستباحة الثكنات ومخازن ذخيرتها

لو وافق المرشد او احمدي نجاد على الخضوع لهذا الابتزاز، لن يكون لحكم المؤسسات والقانون اي اثر في المستقبل.
وكل انتخابات مستقبلية لا تحمل نتائج ترضي احد المعسكرين سيلجأ الخاسر منهما الى الشارع ولن يبقى هناك شيء مقدس او محترم

Unknown said...

عاشق مصر
الحمد لله انك جيت

بيضرب رصاص حي على الناس ليه؟ بيضرب الناس بالرصاص ليه؟ مافيش حاجة في الدنيا تبرر انه يقتل الناس في الشارع حتى لو بيقولوا تحيا اسرائيل

Rasim Marwani said...
This comment has been removed by the author.
Rasim Marwani said...

لا مبرر للرصاص الحي ابداً

ولكن هناك مايفسره ولا يبرره
تمت مهاجمة ثكنات للباسيج، وشاهدتهم بنفسي يحاولون ابعادهم عن البوابات بالقنابل المسيلة للدموع، وعندما بدأت محاولات الاقتحام وخلع البوابات اطلق الحرس النار
لان اولى واجبات العسكر هو حماية ثكناتهم والعتاد الموضوع تحت حمايتهم
ولو نهبت اسلحتهم وذخائرهم لرأينا الوف الضحايا في الشوارع


الجريمة بنظري، هي الاستخفاف بثورة الكلفن كلاين، وعدم القاء القبض الى الآن على المحرضين الكبار

Unknown said...

هههههههههههه
معلش يا شباب عاشق مصر مش مصري

عاشق مصر
كلمة لبؤة عندنا عيب في مصر
:)

Rasim Marwani said...

انا آسف جدا

Rasim Marwani said...

العزيزة lebneneyeh



السيدة نوارة مزاجية، ولها حساباتها الخاصة بما يتعلق بضيوفها في هذا المكان

معظمنا لم يتلق دعوة للقدوم ولا فنجان قهوة او حتى كوب من الشاي

ونتصرف هنا براحتنا، لا يعتب احد على احد.
والمدونة مفتوحة لكل الملل والنحل والجنسيات مع ضوابط لها علاقة بكره صاحبة المدونة للتحريض العنصري او الديني او الميول الارتزاقية

وبخلاف ذلك، تتحول النمرة الى قطة هادئة تأكل من يد ضيوفها عندما تتعرف عليهم جيداً

ارجو ان تتقبلي ترحيبي كضيف يرحب بضيفة، واعذري السيدة نوارة بالنهاية الكمال لله

Unknown said...

لبنانية
معلش لسة قارية تعليقك دلوقت

انا مصدقة انه بيضرب الناس؟ ماهو يا بنتي طالع في التلفزيون

اذا فيه مدسوسين صحيح مش ممكن مئات الالاف يبقوا مدسوسين

وما ينفعش معالجة الامر بالطريقة دي ابدا

ابدا ابدا ابدا
ابدا

يعني هو لو مظلوم بيحول نفسه ظالم
كده شبه موقف حماس لما كانت مظلومة واساءت التصرف وادت اعداءها المبرر انهم يهاجموها

مين يقدر يدافع عن قتل المتظاهرين في الشارع يا لبنانية؟

خليكي حقانية: ولا يجرمنكم شنآن قوم على ألا تعدلوا، اعدلوا هو اقرب للتقوى

دلوقت فيه احتمالين

ان مئات الالاف دول فعلا عندهم سبب للغضب ووسطهم مندسين
يبقى المسألة تتحل بالحكمة مش بالعنف

او ان مئات الالاف دول عملاء فعلا

لو فيه نظام نايم على ودانه لحد ما السي اي ايه تعرف تجند في بلده مئات الالاف يبقى ده نظام غير صالح
امال هو بيعمل ايه؟

وبعدين عاشق مصر

معلش انت بتقول انهم هجموا على مخازن السلاح
بس اللي شفناهم ناس في الشارع مش جنب مخازن السلاح

ماحدش يركب العند مع الجماهير حتى لو الجماهير غلطانة
وما ينفعش يتهددوا
ما ينفعش المرشد والحرس الثوري يهددهم
كده بيكسر مناخيرهم وما حدش يقدر يكسر مناخير اعداد كبيرة كده

الامور تتحل بالحكمة

وانا فعلا سمعت من انصار موسوي كلام كتير مقرف جدا

فيه اللي قال موسوي ده سلمة عشان نقلب نظام الحكم

وفيه اللي قال زي الواد ده انتوا عرب وسنة وجرابيع ايش جابكواا لينا نظام الملالي عايز يساوينا بالعرب والسنة؟ هو انتوا مسلمين اصلا؟

وفيه اللي قال لا احنا ح نغير نظام الحكم بس ملتزمين بثوابتنا

وفيه اللي قال مش ح نغير نظام الحكم بس مش عايزين نجاد

وفيه اللي قال نجاد انتخب من قبل فلاحين جهلة ليهم وزن الكم لكن مالهم وزن الكيف ومش هم دول اللي ح يقرروا لنا مصيرنا واحنا متعلمين ومثقفين

بس هو بيركب نفسه الغلط

لما هو عارف ان من سنتين فيه خطة للاطاحة بايران واحتواءها

الحكمة واللين على الاقل تتمكن من قسم معارضينة وتفتيتتهم لانهم هم اصلا مش متفقين على وجهة نظر واحدة

يقدر ياخد صف حد فيهم

لكن قمعهم ح يوحدهم ويركبهم العند

Unknown said...

لبنانية

ويا ستي ماحدش بيكره الشيعة هنا

Kalimalhus said...

نحن نحتاج إلى تعلم الإختلاف مع أصدقائنا و إلى أن نكون قادرين على رؤيتهم على حقيقتهم بما فيها من إيجابيات و سلبيات..

لا شك أن النظام الإيرانى فى الفترة الماضية قد قام بدور كبير فى مساندة الحق العربى من خلال دعمه لحركات المقاومة و هذا يجعل منه صديقا إضافة إلى كونه جزء من العالم الإسلامى و جار قريب يجمعنا به تاريخ طويل..

و لكن هذا كله لا يعنى أن نغفل سلبيات النظام الأساسية و التى أدت فى النهاية إلى ما نراه اليوم..

النظام الإيرانى قام على فكرة أصبحت مستحيلة التحقق فى واقعنا اليوم .. و هى فكرة قولبة البشر فى إطار يشمل حتى أدق تفاصيل ممارستهم لحياتهم اليومية و هذه الفكرة تتجاهل تماما أن البشر من طبيعتهم التنوع فى الأفكار و المعتقدات و التطلعات..

و فى عصر السماوات المفتوحة و الشبكة العنكبوتية لم يعد بالإمكان السيطرة على مايصل إلى عقول الناس و بالتالى لم يعد ممكنا أن تفرض على الناس قالبا واحدا موهما إياهم بأنه لا بديل له أو أن البديل كريه و فاشل.. فالآن يمكن للناس أن يتعرفوا على البدائل و يمكنهم أن يكونوا آراءهم الشخصية عنها..

المتظاهرون فى إيران هم أناس غاضبون لأنهم يشعرون بأن أبسط حرياتهم الشخصية تقمع يوميا .. قد تبدو بعض هذه الحريات تافهة لبعضنا و لكنها تبقى هامة فى نظر المحروم منها قسرا..

هناك من بين المتظاهرين من يرغبون فى هدم النظام كله.. و لكن البعض الآخر يرغب فقط فى تغييرات من الداخل.. و مواجهة الكل بالقمع يؤدى بالفريق الثانى إلى اليأس من إمكانية تغيير النظام مع الحفاظ عليه فيتحول إلى فكرة هدم النظام كليا..

هذه ملامح متكررة فى ثورات سابقة قامت فى البداية بهدف تحقيق مطالب بسيطة مع الحفاظ على النظام القائم و لكن تعامل النظام مع هذه المطالب بالقمع و الصلف أدى إلى تحول الثورة إلى العنف و إلى الإطاحة بالنظام كله.. حدث هذا فى ثورة البرلمان فى إنجلترا ثم فى الثورة الفرنسية و فى غيرهما..

لا يمكن إتهام الجماهير بعدم العقلانية لأن الجماهير لا يمكن لها أن تكون عقلانية فى حين أن القيادات و الأنظمة يمكنها ذلك و قد أتيحت لخامينئى الفرصة لأن يثبت أنه الملاذ الأخير للغاضبين و كان بإمكانه أن يتوصل إلى حل وسط يرضى على الأقل أغلبية المتظاهرين و يفرز المعادين للنظام فى جوهره عن المطالبين فقط ببعض المرونة فيه.. و لكنه آثر أن يعيد الأخطاء التاريخية التى أودت بأنظمة أخرى كثيرة..

التمرد و الثورة و الإنقلابات هى دائما و أبدا مسؤلية النظم إلا فى حالات نادرة كان التدخل الخارجى فيها حادا و واضحا و لكن ليست هذه هى الحال فى إيران فهى ليست أحد جمهوريات الموز اللاتينية..

حـنــّا السكران said...

الحقيقة , يمكن لواحد مثلي أن يكتفي بتعليقات " عاشق مصر " و يعتبر انه قال رأيه .أنا أشكره جداً ..
لكن أريد أن أتكلم في أمر معين بخصوص الغاضبين :
كلّ بلد في الدنيا , سواء كان النظام الإجتماعي ( و السياسي بالضرورة ) عادلاً أو أقرب إلى العدل , أو ظالماً ديكتاتورياً , سنجد في البلد مئات الاّلاف من الغاضبين و من الرافضين لأمور كثيرة في واقعهم .و من المستعدين للمضي في أي ( همروجة ) جديدة .
لدينا الاّن في الأقبية السريّة من هذا العالم . فرق تصنيع ثورات و توزيع ألوان لهذه الثورات , و أجزم أن كلّ شيء كان مُحضّراً له بخصوص إيران , سواء كان مير موسوي يعلم ذلك أم يظن أنّ الشعب انتفض لأجل خاطر عينيه .
أذكر بعد اغتيال الحريري بأيام قليلة , و بينما كان الحزن و الصدمة يسيطران على المعزّين في منزل الحريري , و الأمور تجري كما تجري غالباً في الأيام الأولى بعد كلّ وفاة أو اغتيال , فجأة خرج صوت من بين الجموع و هتف ضد سوريا , مشيراً أن سوريا من اغتالت الحريري , بعد دقيقة من التحفّز , و الإرتباك , أصبح الصوت صوتان ثم ثلاثة و أربعة , فهتف الجميع , و هكذا تم الإمساك بعواطف الناس و بغضبها المزمن ( و الذي كان أبرز أسبابه سياسات الحريري نفسه )إلى أن وصلنا إلى مرحلة , كان كلّ من يذكر سوريا أو أيّ معارض سياسي لطريقة رفيق الحريري في الحكم , هو متهم رئيسي بقتل الحريري , سيطر الجنون على البلد ( و لا زال مستمراً ) و لم يكن باستطاعتك أن تنظري إلى الملايين المجتمعة في ساحة الشهداء تهتف بأن سوريا قتلت الحريري , دون أن تقولي لنفسك : معقول كلّ هؤلاء على خطأ ؟؟ ها غير معقول !! مع أنّ العقل و المنطق و الوقائع السابقة , تشير بشكل قاطع أن الحريري كان الضمانة الأكيدة للوجود السوري في لبنان و قدّ كان الرجل قد صرّح بذلك بنفسه صبيحة اغتياله ( في حديثه الأخير لجريدة السفير ) و كان الغبي و الذكي يعرفان أن اغتيال شخصية كالحريري هو أكبر كارثة لسوريا قبل لبنان نفسه ....ما يجري في إيران الان يتمّ بنفس الطريقة .. هناك غاضبين , و هناك من يشعر بالغبن , و هناك من يريد التغيير , لكن هذا الجنون ذو أساس منظّم ( هذا يعيدنا إلى مصطلح الفوضى الخلاقة ) , و الذين كانوا يضعون صورة رفيق الحريري كرجل يجب تصفيته فوراً على موقعهم على الأنترنت ( ما يسمى بالمجلس العالمي لثورة الأرز و الذي يتواجد أعضاؤه في أمريكا , كانوا قد وضعوا صورة الرجل على اّس الكوبّة , و كانت صورة إيلي حبيقة موجودة و موضوع عليها إشارة على أنه تمّ الإنتهاء منه , و قد بقيت صورة الحريري على الموقع لأسبوع بعد اغتياله ) هؤلاء أنفسهم الذين رفعوا راية الحقيقة و العدالة لأجل ( الشهيد ) الحريري , هناك من يقوم بدورهم في إيران , على تويتر و غيره , و الذين أقاموا الثورة البرتقالية في جورجيا و جعلوا الشعب يقف وراء ساكاشفيلي ( نفس الشعب الذي يريد أن يطيح بساكاشفيلي الان ) هم أنفسهم من يتحكّم بعواطف هؤلاء الغاضبون في إيران و من يشحن الأمور و يصعّدها دقيقة بدقيقة عن طريق إغراق الناس بكمّ هائل من الأكاذيب و المحفّزات الغريزية المدروسة بعناية.و على إيران الدولة أن تدافع عن نفسها بكلّ ضراوة , و إلاّ ستدخل البلد في مرحلة قد تودي بها إلى ما لا تحمد عقباه .
لا أحد أخبرنا بوضوح حتى اللحظة .. مالذي يريده موسوي ؟ و مالذي يريده هؤلاء ؟ إذا كانوا ليسوا ضد الثورة ,و ليسوا ضد النظام الإسلامي كما أرساه الراحل الخميني , و ليسوا مع إيران ضعيفة تابعة , و ليسوا مع خفض الرأس لأمريكا و إسرائيل ..مالذي يريدونه ؟ إصلاح داخلي ؟ و هل الرئيس أحمدي نجاد , الفقير ابن الفقير ( ابن الحداد و له و لكل الفقراء الشرف ) هو سارق ناهب لموارد البلاد ؟ لا يستطيع أحد أن يتهم نجاد بالفساد .حتى ألدّ أعداؤه .و قد جرّب الإصلاحيون الحكم لثماني سنوات , لا شيء اختلف في البلاد , و لم نر إنجازاتهم العظيمة .. مالذي يريده موسوي بالظبط و بوضوح و بجدّية و بعيدا عن الشعارات الفارغة ؟ ما هي الكوارث التي قام بها نجاد لتجعل الناس تـَقتل و تـُقتل في الشوارع ؟ و تجعل موسوي يقول أنه سيواصل حتى الشهادة ؟ هذا كلام لا يُقال إلاّ في ظلّ احتلال أو في ظلّ نظام يرفضه تماماً من قال هذه الكلمة , و ليس نظام يقول موسوي أنه منه و إليه , لكنه مستمر ضده حتى الشهادة !!!

هناك شيء ما عفن في إيران .. على رأس شكسبير .

Rasim Marwani said...

السيدة نوارة

انا لا استطيع شرح الا ماشاهدته بنفسي
سؤالك كان من وحي سقوط اكثر من عشر
ضحايا وعشرات الجرحى في يوم واحد، وهؤلاء سقطوا اثناء اقتحام ثكنات للباسيج

بعض حوادث القتل في الشوارع ليست معروفة حتى للنظام الذي روعه ماحدث وشكل لجنة برلمانية للتحقيق في مقتل مدنيين والنتائج لم تظهر بعد

ارجو التدقيق في الكثير ممانشاهده ونسمعه، نحن نتعامل مع مستر ديسبيشن نفسه، مع كل امكاناته الفنية المعروفة

بخصوص محاولة احتواء المتظاهرين، اصطدمت كل المحاولات بتعنت محور موسوي، الذي يصر على العبث بالخط الذي يفصل مابين النظام والفوضى ... القانون

ولنعود بالذاكرة الى ربيع بكين، عندما حاول الامريكيين تغيير وجه الصين من خلال مليون متظاهر في ساحة تيان آن مين، وردت الحكومة الصينية انها لن تسمح لمليون مواطن ان يملوا ارادتهم على مليار ومائتي مليون مواطن ليسوا موجودين في الشارع

Rasim Marwani said...

ولو حدث ان استجابت الحكومة الصينية للضغوط، لوجدنا امريكا تسهر على تفتيتها وبعثرة كل الانجازات التي دفع الصينيون ارواحهم ثمناً للوصول اليها
واعتقد ان ارقام من طراز :
مائة مليون صيني يموتون جوعاً
عشرات الملايين من الصينيين ضحايا للاوبئة وسؤ الرعاية الصحية
الصين الشرقية تهاجم الصين الغربية وانباء عن مليون قتيل

اعتقد ان هذه الارقام كانت ستملء الشاشات العالمية

Rasim Marwani said...

وروسيا التي تعرضت للنهب على مدى عشر سنوات، وسلمت للمافيا لكي تنشأ نظامها الخاص، وتم تصدير نساءها كعاهرات الى كل اصقاع الدنيا
وتقاضي علماءها مرتباتهم على شكل اكياس بطاطا
واحيطت بشبكة من الدول العدائية
ونصب حلف الاطلسي قواعده العسكرية على تخوم ترابها الوطني

هذه التجربة يجب ان تعلمنا ان لا نسلم اوطاننا لثورات الالوان المتنقلة، حتى ولو كان الثمن فادحاً، لان التسليم ثمنه افدح وادوم واخطر بما لا يقاس

lebneneyeh said...

ya jame3a awalan wallah ana ma asadet enni estakhef bi ra2ey ay 7ada honi wala asdi enno fi 7ada byekrah el shee3a hon , ana ken asdi bi shakl 3am lamma byeji ness w beshenno hojoom 3a enno el shii3a kaza wel shi3a kaza w ta3o s2aloohon so2al aw ne2shihon bel deen ma bya3refo el khamsi men el tamsi . fa ana kint sheyfi ness kteer 3am bihajmo el qa2ed el khamina2i aw el ra2ees najadi fa n2aharet le2ano kel yalli 3am yen2al 3anon kezeb w gheir sa7ee7. w ana baddi 2es2alik ya nawara inti sa7bet 7a2 w ba3ref ma bet2ooli ella dameerik law inti ma 3endik backround 3an el moqawameh wel sayed hassan bi lebnen w shefti yalli sar bi 7 ayar last year bi lebnen ma kinti 2eltei shou hal moqawami yalli bte2tol ahl watana ? ma3 enno elsoora kenet 3aks ma etdewaloha bel e3lem w 3aks ma 7ako 3ana , fa bel nesbi la yalli sar bi iran nafs el 2ossa ya 3ami hydi jomheyereh islameyeh ya3ni nizama w 7okma mabni 3ala kitab allah w rasooloh fa keef byetkhayal 7ada menna enno heik nizam ye2zi namli 7atta?
w ba3dein ya reit 3endi el video yalli feeh e3tirafet el majmoo3at yalli tam tajneedon men kharej iran w jee2a bihon ka iraneyeen fi waqt el entikhabet.
sem7ooni tawalt 3laykon w be3tezer iza 7ada asa2 el fehem bi kalemi ana be7terem kel shakhs 3endo dameer 7ay .

lebneneyeh said...

shokran 3asheq masr .

e7tirami elak .

Unknown said...

انا في الشغل ومش ح اقدر ارد بالتفصيل

بس لاحظت واحد بيقول لي ازاي لو احنا مش عرب يبقى مافيش عرب

عشان كده

عشان هم العرب مين؟ العرب ابوهم عراقي وامهم مصرية

امال هم مين اللي خلفهم؟ مش احنا؟

واللغة العربية تطور لمجموع اللغات السامية اللي كانت في المنطقة واللي من ضمنها المصرية القديمة

اكتب كده اللغات السامية وح تلاقي من ضمنها اللغة المصرية القديمة

وفيه كلام كتير عربي هو في اصله مصري قديم

زي ما فيه كلام عربي وهو اصله سيرياني
لان اللغة العربية تطور اللغات دي
زي ما العرب تطور للاجناس اللي في المنطقة هم والعبرانيين وبعد كده اختلطوا

Rasim Marwani said...

شكرا ياجو ياغالي

اسأل الله ان يجمعنا قريباً



العزيز تامر

تكرم بعرض بعض الحريات الممنوعة في ايران

Unknown said...

الكلمة نور
انا مش عارفة انت مزاجك متعكنن ليه؟

وليه دخلت تشتم الراجل؟
معلش ما نزلتش التعليق
عايز تشتم حد اشتمني انا
لكن هو انا نزلت تعليق شتيمة فيك عشان انت تشتم ضيوفي