Sunday 14 June 2009

صور احداث العنف في ايران

دي صور من عند مدون ايراني ضد احمدي نجاد
اتفرجت على الصور وصعب عليا عمال المحلة قوي، يا عيني ما عملوش اي حاجة وقالوا عليهم بلطجية
على رأي فنون، احنا صعبانين عليا قوي
وده تحليل في الجارديان لكيفية نجاح نجاد في الانتخابات، واحد طبعا مش بيحبه (انا بجد مش عارفة امخاخ الناس كده في كل حتة؟ هم بيكرهوا الشخص؟ زي ما العرب بيكرهوا شخص بوش الامريكان بيكرهوا شخص نجاد؟ طب الحمد لله مش احنا اللي معاتيه بس) وبيقول ان نجاح نجاد كان حتمي، طبعا بعد وصلة ندب طويلة
طب خلاص، ادبحوا الشعب بقى
المقال جبته من عند حسام الحملاوي
والصور من على التويتر
وخلاص يا شباب ما تاخدوش الموضوع على اعصابكوا، احنا الموضوع ما يخصناش في حاجة، انا بس فرحانة طبعا ان اوباما اتكبس ودمه انحبس وان نجاد واقف لاسرائيل في زورها بالعرض ونجح دي حاجة كويسة
بس كده
وعلى رأي مهندس حر، الفقرا هم اللي بيحبوا نجاد، والفقرا لا عندهم بلوجات ولا بيبعتوا على تويتر
ما تعيشوش الدور بقى وتتحمقوا كأن الحكاية تخصنا، او كأنه ح يفرق معانا، احنا ايه اللي يفرق معانا احنا؟ يعني دلاديل اموركا وسونة اجدع ناس خايفين علينا لبعدين نطمع احنا كمان في انتخابات؟
ابدا
احنا مبسوطين كده، اهو، في قمة السعادة والانبساط، واديكوا كلكوا شفتوا اخرة الانتخابات والمشي البطال وصلهم لفين

26 comments:

mido said...

حكمة مبارك حمت مصر


:))

mido said...

شفتى بقى الايرانيين دمهم حامى ازاى؟

الله اعلم على حق و لا لأ


بس دى مش اول مظاهرة بالشكل ده

كان 1999

انتفاضة للطلبة

Unknown said...

على فكرة
ناس بتقول ان المظاهرات ديه
تمهيداً
لإسقاط نظام الثورة الإسلامية
و الثورة ضد الملالى

شوفى النوت ديه على الفيس بوك

http://www.facebook.com/home.php?ref=home#/note.php?note_id=209325485105&id=631336018&ref=nf

Kalimalhus said...

الأخ اللى بيشيل علامة ممنوع الوقوف ده شكله إتهف كام مخالفة فى الحتة دى قبل كده..

ههههههههههههههههههه

لأ بجد بيخلعوا العلامات المرورية ليه؟؟

أنا هاغير رأيى و أصدق إن فيه ريحة مش ولابد!!

Kalimalhus said...

النتن هايلقى خطاب النهاردة فى جامعة!!!

تفتكرى هايستعين بالخطاب اللى كنتى عاملاهوله؟؟

أنا لو منه أنظر بجدية فى الإقتباس من الخطاب بتاعك.. لو عمل كدة مش بعيد تلاقى مصريين كتير بيبعتوا خطابات لبابا أوباما عشان يسمح للمستوطنات بالنمو الطبيعى .. يعنى معقولة برضه يقولوا للمستوطنين الغلابة ما يجيبوش بيبيهات عشان أوباما أمر بتجميد المستوطنات .. طب لو واحدة مستوطنه حامل ياعين أمها يعملوا فيها إيه يحطوها فى الفريزر؟؟

على فكرة الصهاينة و أذنابهم فى الصحافة الأمريكية بيقولوا كلام شبه ده.. يعنى بيقولوا إن النمو الطبيعى للمستوطنات هو لإستيعاب الأطفال الجدد!!!

Unknown said...

ح يخطب في الجامعة برضه؟

هو ايه موضوع الجامعات ده؟

يا بدراوي
اللنك مش بيفتح
بس لا ما اعتقدش ان ح يبقى فيه ثورة في ايران ولا حاجة
طبعا السي اي ايه شغال

بس على الاقل مش ح يبقى فيه دلوقت
وبعدين احنا طرطشنا بهبلنا على الايرانيين كمان وجالهم تصور انهم ممكن يعملوا ثورة من الفيس بوك؟

طب والله مصر لسة لها ريادة
كل الهبل اللي بنعمله بيبخ على البشرية

والله مرة حسام الحملاوي قال لي كده، وقال لي الناس في مصر لازم تتصرف بمسئولية عشان ذنب الناس ح يبقى في رقبتنا
وانا ما صدقتوش وقلت ده لسة عنده اوهام مصر الريادة

طب بص بقى يا بدراوي
لو الفيس بوك ح يعمل ثورة في مصر
يبقى يعمل ثورة في ايران

هأأوأوأو

Unknown said...

ملحوظة واحدة بس

رفسنجاني فعلا حرامي وفاسد ومليونير

Unknown said...

على رأى ميدو
حكمة مبارك حمت مصر

الا لو حضرتك مشوفتيش حواره للتليفزيون المصرى
!!!!

ههههههههه الصل الريس ده عليه كلام
عسل بجد

شوفى قايل ايه من ساعت ما قريتها واقع على نفسى من الضحك

البرلمان الايطالي هناك بيضربوا بعض الحمد لله احنا عندنا شتيمة بس

بهجت الاباصيري said...

الواد برضه جايب شوية صور جامدة وعامل تغطية جامدة
http://shooresh1917.blogspot.com/2009/06/blog-post_13.html
بس اللي يضايق ان في وسط الصور اللي مليانه جرحي وتخريب , في صورة رقم 6واحد بيطلع نمرة من علي الموبايل تحت لمبة محروقة ....... وتقريبا الرجل ده كان بيطلع نمرة احمدي نجاد عشان يقوله كل تمام يا معلم

Rasim Marwani said...

ميدو

ههههههههههههههه

بعض من تراهم بهذا العنف والدم الحامي يعيش في جيرة آلاف عيادات التجميل في ظل حفلات منزلية لاتنتهي من الهارد روك الى الهيفي ميتل ...الى آخره.
وهم من النوع الذي يوصف بالناعم عادة في مجتمعاتنا

حـنــّا السكران said...

هناك أمر يجب الإنتباه له برأيي عند قراءة ما حدث من شغب بعد الانتخابات و هو خروج موسوي بعد أن أدلى بصوته و قبل أن تقفل صناديق الإقتراع , و إعلان فوزه بنفسه , هذا غريب جدا , فلم يكن هناك أي مؤشر على فوز الرجل , و لا حتى استطلاع رأي واحد .. كل المؤشرات كان تشير إلى أرجحية نجاد بفارق كبير , فمالذي دفع موسوي إلى ذلك ؟ هل كان يتوقع أن صوته هو المرجّح للإنتخابات ؟. فعلا شيء غريب .
هذا أمر يساعد في تأليب و تشكيك الناس .
ـ الإصلاحيين موجودين و لهم شعبيتهم , و سبق أن فازوا في عهد خاتمي , لكن هذه المرة كان الإقبال على الانتخابات بكثافة لم تشهدها إيران منذ قيام الثورة حتى الان , الغريب أيضا و كما سمعت من أكثر من خبير بالشؤون الإيرانية أن هذا الشغب بدا و كأنه محضّر له من قبل ,
المضحك هو تغطية بعض القنوات العربية خصوصا تلك الناطقة أو المحسوبة على الديمقرياطيات العربية العريقة , طبعا تعرفون عن من أتكلم .و اليوم جريدة الشرق الأوسط ( واحة الديمقراطية ) تعنون بأن إيران انقسمت ..كما عنونوا في اليوم الثاني لصدور نتائج الانتخابات اللبنانية بأنهم ( انكسروا ) تقصد أن لبنانيين انكسروا ..المعارضة يعني .. الحقيقة الشرق الاوسط و العربية و الإعلام الناطق باسم الديمقراطيات العربية , هو النكتة الحقيقية ,أما الإيرانيين فقد مارسوا ديمقراطيتهم و شغبهم أيضا كما أرادوا و كما شاؤوا , و لديهم جميعهم , ثوابتهم التي لا يحيدون عنها و التي يؤمنون بها جيدا و يلتفون حولها وقت الجدّ . و لا عزاء لنا نحن الرازحون تحت نير ديكتاتوريات و رجال أعمال و مصاصّي دماء و أوطان ... و يتكلمون و يُعلّقون على ديمقراطيات و انتخابات الاخرين ... شرّ البلية ما يضحك ..لااا و يطلع واحد من عندنا يقول لك ( هذه إرادة الشعب هناك ) .. عن جد نحنا ما بنستحي .

مواطن مصري said...

http://www.masrawy.com/News/Arts/AFP/2009/June/13/818896.aspx

واعلن الشيخ مولد احمد قائد قوات الامن في مدينة كيسمايو الساحلية في بيان ان "مشاهدة الافلام محرمة تماما حتى في المنازل".
واضاف "لا يحق للناس مشاهدة التلفزيون سوى للاطلاع على الاخبار من قنوات اخبارية مثل الجزيرة" (القطرية) موضحا انه سيتم التحقق من ذلك في المنازل ومن يخالف التعليمات سيعاقب.



دول الظلامين في الصومال و لسة

ربنا يحرقهم بجاز وسخ مع الجزيرة

Che_wildwing said...

انتخابات ومظاهرات وناس بتقول رأيها وتدي اصواتها وتختار اللى هي عايزاه
دي فين البلد دي

حـنــّا السكران said...

انا كتبت تعليق تاني ما بعرف اذا وصل ..النت تعبان .
المهم ..بخصوص ( رفسنجاني مليونير ) هي منازلة بين الفقراء و الأثرياء .. نجاد ابن رجل فقير يعمل حدّاد ..و هناك في كلّ مكان من لا يريد لابن حدّاد كنجاد أن يصل إلى ما وصل إليه .. أنا معجب جدا بنجاد ..هذا الرجل العصامي البسيط الواثق بنفسه .. الذي خرج من العدم و وصل إلى ما هو عليه اليوم ..يملك بيتا عاديا , و عليه أقساط للبنوك يسددها كل اّخر شهر , و يملك سيارة يأنف أي وغد صغير من أبناء وحوش السياسة و المال عندنا أن يركن سيارة مثلها قرب بيته أو بالأحرى قرب قصره .. نجاد هو المثال , و ليس أوباما قطعاً .

Fatma said...

بمناسبة الانتخابات صحيح

ايام ما عملوا الانتخابات بتاعتنا اللي كان فيها ابو طربوش اللي انتخب الريس والاخ ايمن نور والحاجات دي

انتخبتي ؟

لو آه انتخبتي مين ؟

أنا بفكر اعمل بطاقة انتخابية عشان اكمل جو الحالة الجميلة اللي احنا عايشينها

وبردو سبحان الله ماحدش عارف
يمكن تحصل معجزة في يوم من الايام

يساري نوبي said...

هما فاكرين كدا البوليس بيتدخل
الله يمسيه بخير الأمن المركزي بتاعنا لو كان هناك كان زمانه معلق العيال دي من صوابع رجليها في الشوارع

يساري نوبي said...

واضح من الصور ان في عربيات هما حرقوها و كسرها و حرقوا صناديق الزباله و كسروا العلامات بتاعت المرور
هي دي الديمقراطيه و لا دا الإصلاح اللي بيتكلموا عنه
مايروحوا يشتكوا للي بيراقبوا للإنتخابات
و بعدين اشمعني المره دي الغرب مابيقلش أعمال تخريب و ارهابين و لا هي مطبوخه عندهم

محمود خاطر said...

بس أكيد اللي بيأيدوه أكتر لكن مشغولين بالحتفال بانتصاره وفوزه في الانتخابات ومش فاضيين يعملوا هم كمان مظاهرات

إيران سبقت مصر كتير في العقدين الأخيرين

حلم بيعافر said...

هما الناس عندهم حساسية قوى من ايران كده ليه؟

Unknown said...

regarding Obama Speech, an american friend of mine sent asking about "the perspective of people's thoughts Re:
President Obama's visit and speech there in Cairo?",
can you help me sending him an honest reply?

على باب الله said...

يزعم القائد الرئيس الإيراني .. أحمدي نجاد .. أنه يجالس الإمام الغائب
!! الذي غاب منذ أكثر من عشرة قرون
يزعم أنه يجالسه , و يراجع معه خططه السياسية و الحربية

فكيف بهذا الشيخ الروحاني ان ينهزم في حتة إنتخابات صغننة لا راحت و لا جت ؟؟

الكلمة نور said...

@على باب الله
يا راجل بلا غايب بلا حاضر

الحكمة ضالة المؤمن اينما وجدها فهو احق بها

دور على اللى يهمك

Abo-alela Junior said...

ليه متحاملين علي الإصلاحيين كده؟


الناس عاوزين إصلاحات حقيقية .. و عاوزين حكم حقيقي للرئيس
أحمدي نجاد مجرد دمية بيحركها المرشد
الشباب قاموا بمظاهرات سنة 99 و يأسوا لما ملقوش فيه أمل

و دلوقتي بعدها بعشر سنين مش عاوزين يسكتوا

Anonymous said...

قلتي كلمه حكمه....احنا مالنا
طب دي بلاد فيها ديموقراطيه.....ولا احنا كلنا ضغطنا واطي وعايزيين نعليه من الغيظ
وبعدين امريكا دي موش تبطل حركات القمص والعيال دي
خدت ايه من الاصلاحيين لما فاكره هتاخده دلوقتي
ولا لازم اللي يفوز في اي انتخابات في العالم يلبس كاجوال وياخد السلم في نطتين

Anonymous said...

بالنوسبه للمظاهرات
هما بيضربوا جامد.....بس العيال عاملين شغب جامد برضه

Kalimalhus said...

فتاة من الصعيد
---------------
اللى جاى عندنا متعود ياخد السلم كله فى نطة واحدة تقوليش سبيدر مان