Monday 8 June 2009

ودي اول مكافأة لينا على حسن استقبالنا لاوباما

انا مش لاقية الخبر ده بالانجليزي
لاقياه بس في مصراوي
والسياسي
واسلام اون لاين
والمصري اليوم
حد لقاه بالانجليزي؟ وما حدش يجيب لي من كايرو نيوز وللا من يو اس كوبتس
----

مش بس بالصويت في القاهرة، لا وبالانتخابات اللبنانية كمان
وجاءت المكافأة على قد كرم العاطي الوهاب
انت لحقت يا راجل؟ ده اللي هللوا لك لسة شعرهم مبلول على اثر زيارتك الميمونة
احسن
احسن
عشان تنبسطوا
صوتوا، صوتوا قوي خللي الجيران يخبطوا ويقولوا: فيه ايه يا حاج؟

113 comments:

Kalimalhus said...

إقتباس:

ويطلب القانون من وزيرة الخارجية الأميركية هيلاري كلينتون ما يصفه "بالعمل باجتهاد لتسهيل التدفق المنتظم للناس والسلع المشروعة داخل وخارج غزة على المعابر الحدودية المُقامة"
---------------------------------
والله ما جصروا!!

يعنى برضك أحسن من النظام بتاعنا اللى تباهى بإعدام أطنان من المواد الغذائية و الإمدادات الطبية اللى إتصادرت من الأنفاق.. يعنى لو كانت حركة المواد دى اللى هى مشروعة متسهلة كان ممكن حد يهربها فى الأنفاق؟؟

بس كلمة الحق.. أوباما مالوش دعوة بالحكاية دى لأن الكونجرس يقدر يطلع القرارات اللى من النوع ده بدون الرجوع ليه .. و الواضح إن الناس أعضاء الكونجرس ما كانوش مبسوطين من الخطاب بتاعه أصلا بما فى ذلك الديموقراطيين..

و حتى لو أوباما ليه يد .. حد سمعه قال إنه هايعمل على رفع الحصار عن غزة؟؟ و لا الهوا..

Unknown said...

رأى حضرتك ايه
فى فوز قوى 14 اذار
فى الإنتخابات اللبنانية
؟!

مواطن مصري said...

رائي ان الشعب عاوز يعيش في لبنان يا بدراوي

mido said...

77%

فى المية من المصريين

مبسوطين بأوباما

على حسب استطلاع رأى اتنشر على تلفزيون الدولة

Unknown said...

مواطن
هو حزب الله كان بيسمهم وللا حاجة؟
وللا عايز يعيش كلب حي احسن من سبع ميت زي ما احنا عايشين؟


المهم

يا بدراوي

طبعا ده نتيجة خطاب باراك اوباما
وكده احسن

لو حزب الله نجح، واوباما طلع نصاب، (وقطعا ح يطلع نصاب)
ح يلزقوها في حزب الله: لولا اللبنانيين انتخبوا حزب الله كان زمان اوباما ما زعلش
انتوا اصلكوا جرحتوا مشاعره

كده احسن
ده وقت حرج ومش كويس ان المقاومة تتحمل مسئولية زي دي

عشان احنا بنحضر نفسنا لبـ...وص كبير

مافيش داعي اي من اطراف المقاومة يبقى في الحكاية دي احسن ما بيصدقوا يلزقوا فيهم فشلهم وخيبتهم

امال يعني ح يقولوا: احنا اللي خنازير وما عندناش كرامة؟

لا طبعا
ح يقولوا المقاومة هي السبب عشان ربنا خلقها

Kalimalhus said...

مواطن..

تقدر تقولى ماذا تعرف عن الإنتخابات اللبنانية؟ .. و ماذا تعرف عن تأثير نتيجة الإنتخابات فى الواقع و على الأرض و حدود التغيير اللذى يمكن أن تحدثه؟

و ألا يا ترى إن شمتان كده على الفاضى و خلاص؟

المهندس said...

كلا ... معني فوز تيار 14 اذار ... هو ان الاذكياء عندما يختارون ... لايختارون الاعلي صوتا ...ولا الذي يريدها حربا كونية من اجل نظام الملالي ... في ايران.
كان من اطرف ما سمعته ... هو زعم "حزب الله " ان سيظل محتفظا بسلاحه ...حتي يتم تحرير " فلسطين " ... وطبعا "اهه" كله كلام ... من اجل ان يظل حائزا للسلاح ... من اجل ان يرفعه في وجه وصدور اخوانه اللبنانيين ...كما فعل ... في فعلته المخزية ... يوم 7 ايار " مايو " 2008
وبعدين ... هل هذا رأي حضرتك الخاص ... ان ذلك احسن لتيار المعارضة ؟ ام رأيهم هم ؟ ولو كان الامر كذلك ... لماذا لم يحسموها من البداية ... ويعلنوا انهم يريدون فقط ان يستمروا كتيار معارض قوي فقط ؟ ...ان " حسن نصر الله " اعلن من قبل ... انه سيشكل الحكومة بمفرده ... في حال انتصار تيار المعرضة ... وانه ليس في حاجة الي مشاركة تيار " الموالاة " في الحكومة.... فهل انقلب الموقف لعكسه بسبب خطبة اوباما ؟ ... اذن فهذا تيار هش للغاية الذي تقلب ثوابته ... مجرد خطبة من رئيس دولة علي ارض دولة اخري
لماذا لايتم اعلانها علي الملاء ... وهو انه كما ذكر الاخ " مواطم مصري " ان الناس تريد ان تعيش .... شعب تخلص من الاحتلال مرتان ...مرة من الاحتلال الاسرائيلي ... ومرة من الاحتلال " السوري " ... شعب رأي بعينيه ...كيف يتم " اغتيال " قادته وزعمائه... فقط لانهم رفضوا الانصياع للاملاءات الخارجية .... هل تريدونه ... ان يجلب لنفسه قوي احتلال من نظام " الملالي " عبر صناديق الاقتراع ؟...

Kalimalhus said...

حسم الإنتخابات كان فى إيد الطائفة المارونية .. و لللأسف القوى التقليدية الممثلة للطائفة المارونية و أهمها حزب الكتائب هى فى جانب 14 أذار و فى لبنان من السهل اللعب على العصبية الطائفية و خاصة إذا كان البطريرك نصرالله صفير ظهر منه الميل للموالاة و ده له قيمة كبيرة عند كتير من الموارنة..

فى المقابل التيار الوطنى الحر حزب ميشيل عون يعتبر قوة حديثة التشكل و بالرغم من أن عون شخصيا له شعبية كبيرة فى الشارع المسيحى إلا إن شعبيته على نطاق وطنى و مش مركزة فى دوائر بعينها و بالتالى لا تصلح لحسم التنافس على المقاعد خصوصا إن مرشحى الحزب أغلبهم غير معروفين بالقدر الكافى و بيتنافسوا مع سياسيين مخضرمين أو أبناء عائلات سياسية لها تاريخها..

فى النهاية الإنتخابات اللبنانية هى إنتخابات مغلقة بمعنى إن الخيارات فيها ليست مفتوحة و التصويت لا يتم على أسس وطنية عامة بل على أساس طائفى ضيق..

Unknown said...

اااااااااه اهو ده عيبه بقى

انا شخصيا شايفة ان النتيجة دي في مصلحة المقاومة

لكن العيب الوحيد بقى اننا ح نسمع خرا كتير من هنا للصبح

يا استاذ المهندس

شفيتم

TAFATEFO said...

أنا مبسوط ان حزب الله مفازش بالأكثرية

مينفعش

الإجراءات التي تستبع فوز حزب الله بالأكثرية لا يقدر عليها حزب الله ولن تتحملها لبنان

وبعدين في حاجه

المعارضة كانت تمتلك 55 مقعد .. دلوقت بقى ليها 52 و 6 جايين يعني 58

مش شايفها هزيمة

النتيجه مريحه .. حزب الله سيفقد بريقه ويخضع لتوازنات سياسيه أعقد فيما إذا فاز بالأكثرية

المهندس said...

شكرا جزيلا ... علي ردك " المهذب جدا " علي التعليق ....واحمد الله كثيرا ان منحي والدين ... قد علماني جيدا كيفية ادارة حوار... حتي مع " المهذبين جدا "

أكون أو لا أكون said...

بركاتك يا شيخ اوباما...

TAFATEFO said...

وزي ما نوارة بتقول (حتى من فترة كان نفس الكلام اتقال) .. الأكثرية -في رأيي- مش في مصلحة المقاومة وشئ مخيف وينذؤ بمواجهات صعبة لا تتحملها المقاومة ولا حزب الله

Unknown said...

لا يا مصطفى

لو كانت النتائج دي قبل الهيجان على اوباما
ما تآخذنيش بس هي مالهاش اسم تاني

كنت اتضايقت من هزيمة حزب الله

لان، لو كان قبل خطبة اوباما اللي بلفنا فيها، لو كان حزب الله فاز كان ح يبقى فيه فرصة انه يتشال من قائمة الارهاب وانه ياخد شرعية

لانه ما كانش ح يحصل معاه اللي حصل مع حماس

لان الفلسطينيين عملوا زي اللي فرشت العفش في الشارع لانها لسة ما اشترتش الشقة

ما عندهمش بلد وبيعملوا انتخابات

لكن لبنان وضع مختلف

لكن بعد حالة الهياج الجماعي على اوباما ما ينفعش حزب الله دلوقت يبقى في السلطة

ليه؟

لان اوباما ح يبعبصنا
من الاخر كده

ومش في مصلحتنا، بما اننا فعلا تبين اننا ناس مرضى وعندنا عقدة دونية حقيقي، ان يحصل في الخريطة السياسية في اي بقعة عربية اي تغير

خالص

ده راجل جه وشايفنا مرميين على الارض والناس حاطة عليه امل انه ح يحطنا في الاسعاف وينقلنا المستشفى

لو حركنا صباعنا وهو خلي بينا وحطم امال الهائجون في الارض ح يقولوا: شفتوا؟ لولا انكوا حركتوا صباعكوا كان زمانه نقلكوا المستشفى
انتوا السبب

دلوقت ما ينفعش اي تغير في الخريطة السياسية

وكده كده ان شاء الله المقاومة ح تاخد شرعية


سواء اوباما ادانا على قفانا
(وده الارجح تسعة وتسعين في المية)

او واحد في المية مش ح يدينا على قفانا

يبقى منتظر برضه ان حزب له ثقل سياسي زي حزب المقاومة برضه ياخد الشرعية الدولية

وفي كل الاحوال هو حاليا مافيش اي خطر عليه

Kalimalhus said...

الشباب اللى فرحان قوى فاكر إن اللى كسب فى لبنان يبقى الحزب الوطنى!!

لبنان تركيبته لا تسمح لأحد بالإنفراد بالسلطة.. و اللى يوزه شيطانه يلعب ألعاب خطرة يبقى هو اللى عايز يولع فيها نار.. واهو إنتوا اللى جيبتوا سيرة 7 أيار..

TAFATEFO said...

المهندس

كلام حضرتك مليان بمغالطات

الموالاة هي من قالت أنها لن تشارك في حالة فوز المعارضة .. وحزب الله كان قايل انه سيشكل حكومة ائتلافية .. وبعد ما قالته الموالاة قال انه لن يتاج

حسن نصر الله قال ان حزب الله لا يمكن يخسر .. هو في المعارضة وإذا استمر في أداء دوره كما هو فهو ما يبتغي ولا يتحمل مسؤوليات وتبعات موقع السلطه .. وأنهم هم من يخشون خسارة الأكثرية

الوضع ده أفضل ميت مليون مره لحزب الله

كلام حضرتك عن رفع السلاح في صدور البعض .. مردود عليه لو تحب نتناقش .. بس أظن ان تفكيك شبكة الاتصالات اللي هي أساس المقاومة هو عمل من شأنه كشف حزب الله والقضاء على المقاومة ولا يقوم به إلا خائن ومتآمر

هل الجيش اللبناني قادر على الدفاع عن لبنان .. ولا التعريض قادر على ذلك؟؟ أليس قادة الهاينة هم من قالوا أنهم قادرون على احتلال لبنان واجتياحه بفرقة موسيقية؟؟

ألم يرد حزب الله الاجتياح الإسرائيلي وينتصر عليهم باعترافهم؟؟

TAFATEFO said...

مفيش أوضاع مختلفة

السلطة ليها حساباتها .. ومفيش حاجه اسمها أبقى مقاومة وسلطة

ده اسمه تخريف

السلطه يعني سياسة .. يعني تعامل مع جميع القوى .. يعني اعتراف بالجميع .. اللي حماس عملته ده اسمه تخريف ومجرش غير كل وبال

كنت بقول لحضرتك كده من أكتر من شهر .. فوز حزب الله بالأكثرية لم يكن ليتحمله حزب الله ولا لبنان .. وهيبقى ذريعة لتدخل مسلح من جانب إسرائيل وأمريكا والكل .. ولم يكن ليستمر

كده أفضل مليون مره حسب رأيي التخريفي المتواضع

TAFATEFO said...

وبالله عليكي من غير زعل

مش كل ما واحد يعطس تقولي علشان أوباما .. ده كلام لا محل له من الإعراب يا نواره هانم ويضحك طبعاً

TAFATEFO said...

وبعدين التيمة دي طاااااالت وباااااااخت

طب أوباما زي بوش -بالرغم من هلامية القول- وماكين كان أحسن -بالرغم من التخريف البادي- .. أنعم وأكرم .. يعني مفيش جديد

المهندس said...

رغم مستوي الحوار " المنحط " علي المدونة ... لكني لن انسحب ... لما انتوا شايفين انه كده احسن للمعارضة ... لمذا لم يسافر وفد منكم لمقابلة " حسن نصر الله " واقناعه ان يشترك في عدد معين من الدوائر الانتخابية بدلا من ...كلامه الكبير " عن تشكيل حكومة " من تيار 8 اذار فقط ؟
لا تكونوا ملكيين اكثر من الملك نفسه... هم هزموا واعترفوا بهزيمتهم ... وانت هنا تحاولون اقناعنا بالعكس ؟ ... اين انت ياحمر الخجل

Unknown said...

يا راجل؟
وتهديدات امريكا انها ح تقطع المعونة
وزيارة بايضن
وتهديدات اسرائيل
ولما هي تضحك عملوا قرد وشقلبظات ليه؟

ووصول المقاومة للسلطة مش تخريف في ظل ظروف تانية

يعني مثلا مصر في يوم من الايام المقاومة هي اللي كانت السلطة

بس مش عشان احنا اتوكسنا لازم كل الناس تتوكس
ولو ان واقعا ده حصل

والنبي انت شكلك حضرت خطاب اوباما وقعدت تصقف هناك
:)
اقطع دراعي من لغلوغه

يساري نوبي said...

مداااااااااااااااااد
بركاتك ياشيخ أوباما بركاتك ياشيخنا
مداااااااااااااااااااد

Unknown said...

المهندس

"رغم مستوي الحوار " المنحط " علي المدونة ... لكني لن انسحب"


ده انت غلس قوي يا اخي

Unknown said...

مصطفى
والله ما حد بيخرف غيرك

هههههههههههههه

ربنا يخلي لك اوباما ويسعدكوا مع بعض

من لغلوغه

TAFATEFO said...

وبعدين أنا بدي أفهم حاجه .. مش الغرب هو اللي سعى مؤخراً للحوار مع حب الله .. أمريكا وبريطانيا

كان وقتها معارضة ولا أكثرية؟؟

كان وقتها على لائحة المنظمات الإرهابية ولا اتشال؟؟

وايه اللي كان ممكن يضاف لحزب الله بالأكثرية غير وش ووجع دماغ ابن كلب وكل شوية تبريرات واتهامات وبلا أزرق

ويتحمل هو كل شئ في تجربة غير منطقية ولا يعقل أن يكتب لها النجاح

اللي عايز السلطة يسيب السلاح .. مش يبقى مقاومة وسلطة .. ده اسمه تخريف .. ولازم يفشل

ahmed samir said...

اوباما يا نوارة اشار للموارنة في خطابه في القاهرة و انا كتبت الجملة عندي في المدونة

ده معناه ايه؟
اضطهاد ايه اللي بيتكلم عليه عم اوباما

Kalimalhus said...

نوارة.. أوباما لن يعطى الشرعية الدولية لحزب الله أو لحماس إلا بنفس شروط بوش اللى هى شروط إسرائيل و تتلخص فى إلقاء السلاح و الإنخراط فى الرقص السياسى على إيقاع الرومبا و التسوية السلمية على نار هادية قوى جدا خالص..

فوز قوى 8 أذار كان من شأنه أن يجبر أوباما على إعتراف غير مباشر بحزب الله لأنه أعلن صراحة إنه سيتعامل مع أى حكومة لبنانية قادمة..

أما حكاية يخلى بينا فهو ها يخلى بينا و ساعتها المهللين ها يلاقوا ميت صباع فى لا مؤاخذة و ها يتهموها فى حماس و حزب الله و إيران و الست اللى بتنشر الغسيل فى البلكونة و يمكن ينوب المدونين صباع فى الموضوع ما تقلقيش عليهم فى موضوع الصوابع ده..

Unknown said...

يا مصطفى


التخريف هو اللي انت بتقوله معلش يعني

وبعدين اللي عرفته دلوقت من جو ومهندس حر ان مرشحين حزب الله كلهم نجحوا

لكن تحالف حزب الله هو اللي سقط

اللي كان معتمد على الموارنة اللي ذكرهم اوباما في خطابه زي احمد بيقول



وبطل بقى في بدي افهم وبدي ما افهمش

مين بقى اللي بعت لك الدعوة؟

اوعى تطلع في الاخر شريف منير؟ هيهيهيهيهيييييييييي

TAFATEFO said...

تاني من غير زعل

هو ليه حضرتك بتفترضي اني متيم بأوباما (زي السادات وسعد الدين إبراهيم) .. بقول ان أوباما مختلف وأفضل من بوش وأفضل من ماكين قطعاً

وبعدين مين يا أبله اللي كان مقاومة (مقاومة ايه بالظبط) وسلطة علشان أفهم؟؟

وياريت تقوليلي كانت هتكون ايه مكاسب حزب الله في حالة فوزه بالأكثرية ,, ايه هي المخاطر؟؟

ومين اللي يعترف بحزب الله في حالة فوزه بالأكثرية .. وبأمارة ايه؟؟ بأمارة حماس مثلاً؟؟

TAFATEFO said...

طب وده شئ مفهوم ان مرشحين حزب الله كلهم يندحوا .. ده معروف من قبل الانتخابات

وبعدين سكوبي اللي بعتتلي الدعوة .. أصلي منوفي وبفشر

:D:D

ربنا يخليهملك ويجعله عامر

المهندس said...

طبعا ... لان امثالك ممن لا يملكون حجة ولا منطقا سوي " الصوت العالي " الذي يريدون فرضه فرضا علي زوار المدونة ... يخافون ممن يقارعهم الحجة بالحجة ... فقط ... انا اريد ان اعرف ...كيف لمن تكون والدتها ... سيدة عظيمة " كصافيناز كاظم " ان تكون بمثل هذة الحقارة في الالفاظ
انني اشك ... في انك تعملين لحساب جهة " ما " لوصم المعارضين بانهم ينتمون لهذا المستوي المنحط في التعبير

Unknown said...

مهندس حر

ماهو قطعا مش ح يديهم شرعية دولية

بس لو كان - قبل خطاب ليلة الزفاف اللي عمله ده - نجح ائتلاف حزب الله كان الموقف ح يبقى حرج جدا

عشان كده عملوا قرد من اول تنظيم حزب الله لزيارة بايضن لتصريحات هيلاري: لو انتخبتوا ائتلاف حزب الله ح نقطع المعونة
لتهديدات اسرائيل

كل ده اثارة وتشويق

لحد ما جه اوباما العريس
وجاب سيرة الموارنة
لولولولولولوولييييي
وقولوا لابوها ان كان جعان يتعشى

كده احسن
لان المرحلة الجاية اغلب الظن مش ح تبقى لطيفة قوي

فخلي اللوم يترمي على اصحابه بدل ما يدوروا على الشماعة

طفاطيفو

حماس ايه؟
انت عمال تهطرس
حد تاني بقى يرد عليه

TAFATEFO said...

هيهيهيهيهي

انتي بجد ضحكتي على النكته الجميله دي؟؟ قلت لحضرتك بطلي تتفرجي على تامر أمين

ahmed samir said...

يمكن وجهة نظر مصطفى صح ان حصول حزب الله على الاكثرية كان حيسبب مشاكل كتير خصوصاً
مع التهديدات الاسرائيلية الصريحة و الامريكية المبطنه ..

لكن اللي مختلف معاه فيه ان اوباما مش بعيد عن اللعبة و الجملة بتاعته مقصودة
ازاي يجمع اضطهاد المسيحين في مصر مع اضطهاد الموارنة

الموارنة في النظام الطائفي بيمسكوا منصب رئيس الجمهورية اضطهاد ايه اللي يقصده ..

TAFATEFO said...

أوضح حماس دي مع انها باينة

حماس فازت بالأكثرية .. حصل؟

خل ده أدى لاعتراف دولي بيها مثلاً؟؟ ولا كل اللي حضرتك بتتوهمي انه كان هيحصل من عينة موقف محرج جداً وكل الكلام ده؟

Unknown said...

المهندس

لا ده انت غلس بجد
ههههههههههههه
ايه ده؟
مين ده؟

طفاطيفو
ههههههههههه
لا ياخويا انا اتفرج على آمر تمين ليه؟
هو انا حزب وطني؟
كرررررررررررررر

TAFATEFO said...

ملحوطة بس كنتي ممكن حضرتك تقريها في الجزيرة مثلاً بمناسبة الانتخابات اللبنانية وفوز مرشحي حزب الله

المقاعد الغير محسومة كانت 30 أغلبها في المناطق المسيحية

غير كده كله نتايجه معروفة

Unknown said...

حماس وضعها مختلف
لان الفلسطينيين مالهمش بلد اساسا

يعني قفلوا الباب عليهم قاموا ماتوا

لكن لبنان وضعها مختلف

بس دلوقت كده احسن عشان ائتلاف حزب الله ما يتحملش مسئولية اللي ح يحصل بعد كده

Unknown said...

وحماس اتسابت تنجح

وائتلاف حزب الله ما اتسابش ينجح
عملوا قرد عشان ما ينجحش لان الموقف ح يبقى اصعب في لبنان منه في فلسطين

اشعال الصراع في فلسطين وبين الفصائل ده ياريت
ياريت
دي بالنسبة لهم نعمة واللي يكرهها يعمى

لكن مش كويس حد يدوس على ديل حزب الله
فيا نحلة لا تقرصيني ولا عايز عسل منك

Kalimalhus said...

مصطفى .. إحنا نحط نص كلامك على نص كلام نوارة يبقى صح و نرمى الباقى البحر..

الوضع فى لبنان فعلا مختلف عن الوضع فى غزة..

إنخراط حماس فى عملية سياسية تحت سقف سلطة أقامتها إتفاقات بترفضها حما أصلا كان تناقض و تخريف فعلا..

لكن لبنان دولة ذات سيادة و إذا إختارت الدولة أن تمنح غطاء سياسى لسلاح المقاومة فماحدش له كلام عليها و ده الوضع اللى كان قائم أيام رفيق الحريرى الله يرحمه بقى..

فوز 8 أذار كان ها يعزز التوافق بين السلطة و المقاومة و ها يمنع من الأساس أى محاولة للتلاعب فى ملف المقاومة و سلاحها.. دلوقت الموالاة هيستغلوا دفعة الفوز بالإنتخابات و غالبا ها يجربوا حظهم فى لعبة جديدة و إلا يبقى إيه لازمة الملايين اللى إتصرفت إيشى دولارات على ريالات ما هو لازم يحللوا الفلوس اللى كالوها فى كرشهم..

و النتيجة هى إنهم ينجحوا فى غفلة من الزمن أو يشعلوا نار حرب أهلية جديدة.. و إحتمال يكون درس 7 أيار خللى ناس كتير عملت حسابها و خزنت سلاح لزوم الظروف المشابهة و بالتالى لن تكون المواجهات محدودة و محسومة كما كان الأمر فى 7 أيار.. و لو الموضوع طول يبقى أمريكا هاتتدخل و إسرائيل يمكن و سوريا تقل عقلها فتبقى فرصة تتضرب و إيران برضه و ماله و أهو مترقدلها من زمان..

القصة مش بسيطة و إلا ما كانش يبقى للإنتخابات دى القيمة اللى خلت العالم كله يتابعها..

TAFATEFO said...

أحمد سمير

ممكن تفهمني براحه تأثير خطاب أوباما على الانتخابات اللبنانية الأول معلش؟؟ وايه مدى التأثير ده؟؟

وهل كل هلاميات الاعتراف الدولي والموقف المحرج والكلام ده ليه أي معنى أو لا؟

هو في سؤال كمان

هو محدش كان عارف ان أمريكا وإسرائيل من قبل كده بكتير بيدعموا الموالاة وموقفهم واضح؟؟

فهمني الأول ونتكلم

TAFATEFO said...

التعليقين الأخيرين دول روعه

أنا مش هبقى غلس بقى .. وهكتم خالص

TAFATEFO said...

كوميديا سوداء

اقروا دي

Unknown said...

والنبي بس انا عايزة حد يفهمني
ايه الاضطهاد اللي بيتعرض له الموارنة عشان اوباما يجيب سيرتهم في النص
طب الاقباط وبياخدوا على قفاهم ياعيني عادي عرفناهم دول

انا ساعة ما قال الموارنة قلت ايه ده؟ الموارنة؟ يمكن والله اعلم يقصد موارنة تانيين غير الموارنة اللي نعرفهم

هو حد بيعرف يضطهد حد في لبنان؟

مواطن مصري said...

احبك يا طفطف بية
:D

Kalimalhus said...

حكاية تأثير خطاب أوماما دى تخريفة الشيئ الوحيد اللى يغير دماغ واحد مسيحى كان بيؤيد 8 أذار هى الضغط الطائفى أو إن مرشح التيار الوطنى الحر فى دايرته مش قد كده.. أو طبعا رشة جريئة و قرشين ينفعوا فى مصاريف المدارس اللى بالدولار زى أى حاجة فى لبنان دلوقت..

TAFATEFO said...

مهندس حر

ملعوبة .. وأنا من اللي بيصقفوا للعبة الحلوة

:D:D:D:D:D

لعلك بخير يا تامر بك .. والله أنا عايز أتصل بيك بس مكسوف أتصل بالبيت .. متديني رقم موبايلك

Kalimalhus said...

الحبيبة بتوع 14 أذار من الموارنة بيقولوا دلوقت إنهم اصبحوا متهدين لأن حزب الله سرق سيادة الدولة و باعها لإيران و طلع يصيف فى سويسرا و همه دلوقت قاعدين من غير سيادة و الدنيا برد و برق و رعد و تلج و ريح دنيى برة مجنونة..

TAFATEFO said...

متفق مع مهندس حر .. بصرف النظر عن التنصيص

وبعدين أنا أقدر أخالف نواره هانم؟؟ هو العين تعلى عن الحاجب؟؟

نفاق منوفي أهو

ahmed samir said...

طبعاً معروف ان امريكا واقفة في صف الموالاة و بتسندهم و مش بس امريكا في اسرائيل و في فرنسا..

اللي اقصده ان جملة اوباما كانت تهديد و ضمن الحملة زي كلام بايدن و تهديدات اسرائيل و مقال دير شبيجل اللي طلع مرة واحدة قبل الانتخابات بكام يوم.

Unknown said...

" طبعا رشة جريئة و قرشين ينفعوا فى مصاريف المدارس اللى بالدولار زى أى حاجة فى لبنان دلوقت"

اسم الله عليييييييك

برررررررضه ما قلتليش
ايه اللي يخلي اوباما يجيب سيرة المارون؟
انت بتقطع خطاب اوباما من كل ما سبقه، كأن اوباما ده مالوش دعوة ببايدن اللي قال لهم: انا مش باتدخل بس انا مش عايزكوا تنتخبوا حزب الله
ولا له علاقة بهيلاري
ولا له علاقة بخطاب البطريارك صفير اللي خطب بعد ما اوباما خطب في يوم الانتخابات

كل ده طبعا مالوش دعوة بخطاب اوباما

اصل اوباما من شبرا وكل دول في الجيزة
ايه اللي يجبهم ليه؟

Unknown said...

هي اصوات المسيحيين اللي حسمت الموقف اصلا

Unknown said...

عموما كده احسن

خلي حبايب اوباما اللي لاف يو اوباما يشربوه لوحده من غير ما يلبسوا حد غيره اي مصايب

اهو الراجل استفتاحه لبن اهو وبيحكم الحصار على غزة والناس لسة بتصوت على جماله وحلاوته

TAFATEFO said...

هو ليه التشكيك .. ده وارد جداً يحصل .. ومفيهاش أي مشكله

رشاوي اتخابية دي بتحصل في كل الدنيا .. لكنها صعب تكون هي المسؤولة عن النتيجة

حزب الله قال انها إرادة الشعب .. ليه الناس تبقى ملكية أكثر من الملك؟؟

مواطن مصري said...

احنا سينا الموضوع و قعدنا نتكلم مين فاز ولا لاء

المهم الي عاجبني التجربة الديموقراطية و اسلوب الانتخاب و محصلش لا بلطجية نزلو زي المرة الي فاتتت ولا شبكات اتصلات سرية زي لاي فاتت بتاعت حزب الله

بصراحة التجربة اللبنانية نفسي تطبق في مصر

حـنــّا السكران said...
This comment has been removed by the author.
Unknown said...

ارادة الشعب طبعا

بس ايه اللي يخوف الشعب ويخليه يغير رأيه
مش فيه حاجة اسمها حملة انتخابية
امال صاحبك اوباما نجح ازاي؟
مش لما رشحوا له قدامه واحد نص اعمى ونص اطرش وبيتكعبل لما بيمشي؟

التلاعب في "ارادة الشعب" مش بس بالتزوير في الانتخابات

ده شغل الحمارة العرجا اللي عندنا اللي لسة بيشتغلوا بالمنافللا

لكن التلاعب بالرأي العام ده علم
وناعوم تشومسكي كاتب عليه كتب مش كتاب واحد

ازاي نتائج الانتخابات تيجي زي ما بعض القوى عايزة من غير تزوير ولا حاجة
هي الناس زي الشاطرة دي تيجي وتعمل اللي احنا عايزينه

والمختلف في اي ادارة ديمقراطية، مش اوباما بس، ده زيه زي اي واحد ديمقراطي ما يفرقش اي حاجة عن اي حد منهم
انهم بيستخدموا الترغيب والترهيب

ومافيش حاجة تخلي البطريارك صفير يطلع يخطب يوم الانتخابات، بالرغم من عدم قانونية الكلام ده، الا بوعود معينة من امريكا

والنظام في لبنان نظام طائفي مش نظام ديمقراطي ولا حاجة

عشان كده بيعملوا تحالفات
يعني كل طائفة تسمع كلام الريس بتاعها

يعني ماهياش ارادة حرة ولا حاجة

الديمقراطية دي اصلا كلها اكذوبة على بعضها

زي النصاب اللي انتوا مبهورين بيه ده

وتاني
انا مبسوطة قوي من النتائج كده

اولا حزب الله له مقاعد وعليه فماحدش ح يقدر يئذيه فيما يخص سلاحه

واللي شايل الليلة كلها هم الموالاة

كويس قوي
كده تمام وميت فل وسبعتاشر

Unknown said...

ثانية واحدة يا جو بس ح ارد على مواطن مصري واقرا تعليقك


مواطن

مبسوط؟ مبسوط يا حبيبي من التجربة الديمقراطية؟
ان شالله دايما تنبسط وتسعد

طب وها؟
يعني اللي انا شايفاه اننا قاعدين ننبسط عشان الديمقراطية الامريكية اللي قايمة على البروباجندا اصلا
والديمقراطية اللبنانية اللي هي محاصصة طائفية اصلا
ولسة ح تنبسط في الانتخابات الايرانية
والانتخابات التركية

والله قلبنا فيه الخير

طب واحنا ح نقعد كده ننبسط للناس زي الشاب اللي قاعد يتفرج على افلام ثقافية؟

ربنا مش ح يعدلها لنا احنا بقى؟

مواطن مصري said...

احنا ناخد المفيد منها و نجربها عندنا بعيد عن الطائفية و بعدين بيقولو ان مجلس الشعب بتعنا هيتحل

و فية 56 كرسي للمرأة بقولك اية توكلي على الله اهو يبقلنا حد في مجلس الشعب

Unknown said...

جو
يا حبيبي انت زعلان عشان ح يسرقوكوا تاني

اما انت قلبك جاحد بصحيح

طب وفيها ايه لما يسرقوكوا يا اخي
انتوا بخلا؟

على الاقل انتخبتوهم وسرقوكوا

احنا بقى

(وكل الناس اللي فرحانين لكوا زي مواطن، اصل احنا ولاد اصول بنفرح للناس والله)

ما انتخبناش حد وبيسرقونا برضه

فتحنا بقنا؟

ابدا

ما فتحناهوش غير عشان نقول: اي لاف يو اوباما

مالك انت بقى؟ فيك ايه؟ بتزعل على حاجات هايفة قوي يا اخي

قال زعلان عشان ح يسرقوهم قال

لالالالالالالالالالالالالا
ما كنتش اعرف انك جلدة كده يا جو

حـنــّا السكران said...

لا السيد حسن نصر الله , و لا أي طرف في المعارضة قال في يوم من الأيام إنه 8 اّذار تريد الحكم وحدها .. كانوا بينادوا على راس السطح انه نحن لا يمكن نحكم وحدنا , و السيد نصرالله بالذات قالها لا يقل عن عشرين مرة في الأشهر الأخيرة , الطرف الاّخر كان يردّ أنه إذا فازت المعارضة فلن نشارك في الحكم أبداً .. فردّ السيد نصرالله و أقطاب المعارضة أن لبنان لا يمكن أن يحكمه طرف واحد , لكن إذا لم يرغبوا بالمشاركة فلا نستطيع إجبارهم , سنحكم ...هذا ما حصل .. و لا داعي لرمي الكلام جزافاً , على أساس انه المقاومة هي العدو الأوحد الان و جسمها لبّيس لأي تهمة أو كلام فارغ ..
..........

لوائح حزب الله و المقاومة فازت بكل أعضائها و بفارق شاسع عن منافسيها في المناطق . لم يخسر مرشّح واحد لحزب الله ,.. الذي خسرته المعارضة هو نواب زحلة كتلة النائب إيلي سكاف .. و سبب الخسارة الأصوات السنيّة في المنطقة التي صوّتت مع سعد الحريري و حلفائه .. أيضا خسرنا النائب أسامة سعد في صيدا لمصلحة فؤاد (دمعة) السنيورة ..البطل العربي الأوحد ..هذا ما خسرته المعارضة ..و باقي الاّن النتائج النهائية لمرشحي منطقة المتن الشمالي ( مسيحية ) ..
كسبت المعارضة في زغرتا ( استعادت مقاعد مسيحية كانت خسرتها في الانتخابات الماضية )
لم يتغير شيء في المعادلة سوى أن المعارضة لم تفز بالأكثرية ..لكنها كسبت مناطق جديدة و خسرت مقابلها في زحلة .
المال السياسي هو الذي تكلم اليوم ..لا سياسة و لا مبادئ و لا أخلاق و لا زفت .

عندما يتم تحويل في يوم واحد , مئات ملايين الدولارات من منسق عام تيار المستقبل احمد الحريري , و من السعودية و من طرف اخر إلى موشحي الموالاة في زغرتا ..أين الفوز و أين الوطن في هذا ..و قس على ذلك .. أغلى انتخابات في التاريخ ( رأي نيويورك تايمز أيضا ) لماذا ؟؟ لأن في لبنان مناجم دهب و ألماس ؟
و عندما يخرج البطريرك ليخوّف المسيحيين إذا لم يصوتوا مع 14 اّذار ..هذا ما اسمه ؟؟
ـ أنا زعلان لسبب واحد فقط ..

كان أمام اللبنانيون فرصة لإزاحة من ركب على ظهورهم و هجّّرهم بالسرقات و المحسوبيات لسنوات طويلة ..مافيات السياسة ..أباطرة السياسة ..لكن للأسف ..
ـ جبران باسيل ( من التيار العوني ) استلم وزارة الإتصالات لأقل من سنتين ..وفـّر على البلد ملايين الدولارات و كشف سرقات بملايين الدولارات في عهد الوزير السابق ( أحد أباطرة ثورة البطيخ ـ 14 اّذار ) كان على اللبنانيين أن يتعلموا شيئا .... لكن ... خليني ساكت أحسن .

حـنــّا السكران said...

كان في أخطاء كيبوردية في التعليق ..رجعت كتبته تاني معليش ..

بشتغل و أنا بكتب ..

Unknown said...

مواطن

"احنا ناخد المفيد منها"

احنا لسة ح ناخد تاني؟ ما احنا يوم اربعة يونيو اخدنا بما فيه الكفاية
وادي احنا اخدنا على دماغنا في اول اجتماع للكونجرس اهو

عايز ايه تاني بقى؟

Unknown said...

اهو احمد عبد الفتاح اختصر كل اللي انا عايزة اقوله

http://yalally.blogspot.com/2009/06/blog-post_08.html

Unknown said...

جو

بس والنبي ما تجيبولناش السنيورة ابو دمعة ده رئيس وزرا تاني الله يخليك

ده عامل زي ابو الغيط

طب احنا بليناكوا بابو الغيط غصب عننا

انتوا بقى تروحوا تنتخبوا وتبلوا الناس بالاشياء دي؟
خلي عندكوا رحمة

انشالله يبقى الراجل المجنون اللي شبه الحشاشين اللي بيرسمهم مصطفى حسين ده
جنبلاط
زي بعضه
اهو يضحكنا شوية
لكن بلاش والنبي السنيورة، ده اسمه سنيورة يا اخي، حتى عيبة في حقكوا

يوه
مش ح ينفع جنبلاط

يعني ايه؟ سعد الحريري؟

ده عامل زي فتة اللبن
مافيش حد سني حرش شوية؟ وللا كلهم نيين كده؟

اي حاجة
المهم السنيورة لا والنبي يا جو

كلمهم
قول لهم نوارة بتقول لكوا مش ممكن السنيورة ابدا
السيدة في ضهركوا بقى

Kalimalhus said...

نوارة.. لو ما كانش حزب الله عارف إن فى الفوز مصلحة ما كانش دخل إنتخابات من أصله أو على الأقل ما كانش قام بتحالفات و حاول يدعم حلفاؤه فى المناطق المختلفة و من الطوائف المختلفة..

ثمة خسارة ينبغى الإعتراف بها و ثمة عواقب ينبغى التنبه لها..

بس أنا مش قلقان أكتر من اللازم لأن عندى ثقة فى ذكاء قيادة حزب الله..

Kalimalhus said...

على فكرة جو عنده حق يزعل .. لأن لبنان مش زى مصر يتنهب سبعتلاف سنة و يفضل برضه فيه فلوس تتنهب.. لبنان بلد صغير و لا يحتمل سرقات القطط السمان.. و بعدين البلد قربت تفضى العالم كلها هجت على برة لو النهب زاد ما حدش ها يقعد فيها..

Kalimalhus said...

زمان يا نوارة كان فيه ولاد عائلات سنية عريقة .. الحص و كرامة بس دول مش على اللستة دلوقت.. ما فاضلش غير عنكب و تابعه خيشة..

Unknown said...

مهندس حر

والله يابني عشان بس اكون صادقة معاك

لحد قبل خطاب اوباما كان نفسي قوي ائتلاف حزب الله يكسب

وكان عندي يقين انه ح يكسب
لانها بصراحة كانت حاجة سهلة قوي ويكسبها بصباع رجله الصغير

مش عشان مقاومة ولا اي حاجة من دي

عشان السبب اللي قاله جو
واللي عشانه حماس كسبت برضه

انه معروف بنزاهته ومش متهم في ذمته زي اربعتاشر اذار اللي كلهم رجال اعمال
يعني حرامية

عشان كده انهم كانوا يكسبوا دي حاجة انا كنت حاسة قوي انها سهلة وح تحصل اكيد
لان الناخب اول حاجة بيفكر فيها (طالما امنه مش مهدد)
ان لقمة عيشة تتوفر

بس بعد خطبة اوباما بصراحة ما كنتش عايزة حزب الله يتحط في الموقف ده ابدا

اصلا كفاية اصابع الاتهام اللي عمالة تشاور عليه من غير ما يعمل حاجة لمجرد وجوده في الدنيا اللي بيحسسنا بفشلنا

وبما ان الناس بعد اوباما مستنية المترو في البلكونة زي ما انت بتقول بالظبط

فما كنتش حابة ان المترو لو ما عداش من البلكونة ان حزب الله يلبس فيه

وده واد حلانجي وبتاع تلات ورقات
ومسيطر على عقول ناس ينطبق عليهم مثل: هابلة ومسكوها طبلة
وعلى رأسهم مصر حكومة وشعبا

احسن ان حزب الله يتجنب المواجهة معاه
ويبقى كده في حاله شوية لحد ما هم الناس يحكموا على الادارة الجديدة دي بنفسهم اللي مدياهم احساس انها خاتم سليمان

ده انا واحدة النهاردة وبتقول لي ياريت اوباما يبقى رئيسنا احنا

يروح فين بقى حزب الله في النصباية الكبيرة دي؟
دول ناس غلابة، بيقاموا، ويقولوا الحق عشان الكدب بيودي النار حتى لو ح يعمل لهم مشاكل مع اللي حواليهم

طب دول ينفعوا مع الواد النصاب ده؟

ده يوديهم البحر ويرجعهم عطشانين

كده احسن

حـنــّا السكران said...

السنيورة قادم ..أو سعد الحريري مع البلاي ستيشن بتاعه

لا نستحق سوى هؤلاء ..كما استحققنا أبو الغيط بجدارة

أتكلم عنا كعرب

حدا بيزعل لو تكلمت عننا كعرب بالمجموع ؟ لأنه دي لغة خشبية بقى يا نوارة , ما انت عارفة .

عاش السنيورة حرّا باكياً

و لتسقط الشعوب .

Unknown said...

جو
اللي يزعل من كلامك ده يولع بجاز وسخ

Unknown said...

لو سمحت

ماله بقى ابو الغيط؟

طب ده كل ما يشوف واحدة يحسس عليها كنوع من انواع التمثيل الدبلوماسي المشرف

نوع من انواع الدعاية بما ان مصر التانية على العالم في التحرش الجنسي

زي ما بتدي السائح سوفونير راس نفرتيتي
بنحسس عليه

عشان يفتكرنا
واولى الناس بالتحسيس ابو الغيط

شفته وهو بيليف لهيلاري ضهرها؟

حـنــّا السكران said...

طبعا لو فازت المعارضة اللي حزب الله و التيار الوطني الحر المغضوب عليه ( لأنهم مش حرامية و لا يمكن حد يمسك عليهم شي و لا يمكن شرائهم ) كانت رح تبقى حرب عالمية جديدة ضد الديمراطية اللبنانية الرجعية بتاعة الملالي و ولاية الفقيه ..

أما الاّن ..فالولاية ما تخرّش الميّة على رأيكم ...ولاية بتودّي الجنة

Unknown said...

الا قول لي يا جو

ايه اللي خوف المسيحيين من انتخاب الائتلاف بتاع حزب الله؟

انا لسة سامعاها في الجزيرة

بدل ما احنا بنضرب اخماس في اسداس

وطفاطيفو بيدافع عن اوباما بال
soul
و
ال
blood
نفديك يا اوباما

ايه بقى؟

Kalimalhus said...

يا عم جو إتكلم عن العرب بالمجموع فى قفة أو المطروح أرضا ما فيش فرق بينا..

عليه النعمة لو حد من الناس اللى بتحكى عنهم نام فى بيروت صحى لقى نفسه فى القاهرة ها يكمل حياته عادى خالص و ها يعمل نفس اللى بيعمله و يقول نفس الكلام و ها يبيع و يشترى فى خلق الله ما يفرقش معاه مصاروة و لا لبنانية و لا غيره أهى كلها سلع برسم البيع..

Unknown said...

ههههههههه
معلش يا مهندس حر
هم اصلهم خافوا مننا من ساعة اخر ردحاية تحت الشباك

ههههههههه
احنا بنضاحاك معاكوا

Unknown said...

اه نسيت اقول لكوا

غير زميلتي في الشغل اللي نفسها ان اوباما يبقى رئيسنا

واحد تاني زميلي بيقول لي: مش كفاية انه ساوى ما بين الفلسطينيين وكفاح السود في امريكا؟
انت فاهمة ده يعني ايه؟ يعني ساوى نفسه بالفلسطينيين

والله العظيم قال لي كده

وواحد تاني، زميلي برضه قال: وادا مصر قيمة بعد ما كل الناس كانت عمالة تهزأنا

:)

انا باكره الطبقة المتوسطة قوي

باكرههم قوي

Kalimalhus said...

و حضرتك من أنهى طبقة؟

يا بنتى العالم اللى بتتكلمى عنهم دول ضحايا.. المفروض تاخدى كل واحد فيهم فمين و تحاولى تغسليلوا دماغه و تفليها من القمل اللى بياكل فيها..

لو فقدنا الأمل فى الطبقة المتوسطة يبقى راحت علينا.. طبقات الفلاحين و العمال جسد بلا رأس و الطبقة المتوسطة هى القائد الوحيد لأى حراك إجتماعى أو سياسى.. دورى فى التاريخ كله عن أى ثورة قامت بيها البروليتاريا بدون قيادة من الطبقة المتوسطة مش ها تلاقى..

Kalimalhus said...

بس زمايلك دول واخدين شهادات فى إيه لا مؤاخذة؟؟ عشان أنا بسمع منك درر منسوبة ليهم ما سمعتهاش من حد تانى.. إلا ربات البيوت من عينة خالتى فكيهة و طنط شفاعات..

Unknown said...

يا سلام
هو انا عشان من الطبقة المتوسطة يبقى ما اشهدش شهادة حق؟

الطبقة المتوسطة في مصر اوسخ طبقة
وواخدة البلد في كرشها وهي اصلا خمستاشر في المية وعمالة تأوأ وتشتكي

وعندها عقد ومدعية وتشتكي من انحدار الاخلاق وهي الانحدار في حد ذاته
وطبقة قيمها منافقة

وبيحبوا اوباما

اصلا خمسة وتمانين من البلد فقرا

يبقى العدل ان البلد تبقى بتاعة الفقرا

مش الطبقة المتوسطة تشتغل عند رجال الاعمال او السلطة وتشغل بقية البلد عندها

استنى بقى اما اقرا بقية تعليقك
بس اصلي شفت السؤال واستغربت له

يعني قدر اني اتولدت اسرائيلية
ما اكرهش اسرائيل؟ مافيه اسرائيليين اتولدوا وبيكرهوا اسرائيل وشايفينها دولة ظالمة
مافيه امريكان اتولدوا امريكان وبيقولوا انهم خجلانين من بلدهم ومن فكرة نشأتها اصلا

Unknown said...

ايه ده اللي بتقوله ده؟

مين ده اللي جسد بلا رأس

ولا ماحد طاير راسه غيرنا

المفهومية مش بالعلام والله

والبلد دي بلد الاغلبية
والاغلبية فقرا

واللي مش عاجبه يدور له على بلد بقى

قال جسد بلا راس قال

انت غظتني على الصبح

بتشتم في الناس؟

انت شكلك ما قعدتش مع فلاحين في حياتك ابدا

دول بيخروا حكم

وماحدش يتكلم على الفلاحين نص كلمة

انا اصلا اكتر اللي مكرهني في زفت الطين اوباما ومش محوق فيا اي حاجة من شغل الاراجوزات اللي بيعملها انه بيقتل فلاحين

Unknown said...

وعشان بقى اتكلمت عن الثورة

اقرا تفاصيل ثورة تسعتاشر عند هدى شعراوي

الستات هم اللي تزعموها والرجالة اتلكعوا كالعادة

الهوانم كانوا في الحناطير واللي ماتوا كلهم كانوا من الطبقة العاملة كالعادة

والطبقة العاملة ما كانتش محتاجة الهوانم والبهوات في حاجة غير عشان تعملهم حجتها وهي اللي صنعت الثورة كالعادة

واللي اخد المجد كله هم الطبقة المتوسطة كالعادة

واللي لطش المجد كله هم الرجالة اللي طلعوا على قفا الستات كالعادة

يعني الهوانم طلعوا على قفا الفقرا والبهوات طلعوا على قفا الهوانم

وبضيانين وما بيعملوش حاجة

وانت ضايقتني قوي لما قلت حكاية جسد بلا راس

وخلتني اعيط

حـنــّا السكران said...

القصة مش قصة خوف من حزب الله بالذات .. بس حزب الله هو الشمّاعة الان .. هناك مسيحيون يمينيون أصبحوا أقلية بعد زعامة ميشال عون .. هؤلاء لا يمكن أن تقنعيهم بأن إسرائيل عدو و أننا علينا محاربتها إذا عتدت علينا ..و عل فكرة ..صار في من هالنوع بكل الطوائف بدون استثناء..هناك منطق جديد في البلد أفرزه المشروع الأمريكي في المنطقة و المليارات التي صرفت لتشويه المقاومة .. يعني كان ممكن تشوفي حد عربي مهما كان وسخ , يكتب في الشرق الأوسط و ينادي الإسرائيليين بأن يقصفوا الفلسطينين في غزة ؟؟ مش موضوعنا صحيح ..بس كله مرتبط ببعضه
ـ هناك تيار انعزالي مسيحي يمثله سمير جعجع و اّل الجميل و بعض الشخصيات هنا و هناك .. هؤلاء يبحثون في النهاية عن فدرالية .. حتى البطريرك يساعد هذا الصف ( البطريرك صفير ) .

هؤلاء وجدا في سعد الحريري جسراً للعبور إلى أحلامهم التي كانت قد ماتت .. الان يعيدون إحيائها .. هؤلاء الذين صعد جعحج في ذكرى اغتيال الحريري و قال باسمهم ( يا للكارثة و المصيبة .. لو كان الحريري حيّاً لأقام حربا ضد هؤلاء الذين تاجروا به و أطلقوا هكذا شعارات في ذكراه و باسمه ) و قال جعجع يومها :

البحر أمامكم و العدو و رائكم .. يقصد سوريا ..

هؤلاء .. يرفضون أي اّخر .. يكذب من يقول أنهم يطيقون سعد الحريري و لا أبو سعد الحريري ..

قالها جنبلاط في التسجيل السري الذي سُرّب قبل فترة قصيرة ..بأن جعجع كان يريد في 7 أيار أن يتقاتل السنة و الشيعة و الدروز أيضا و أن لا يتوقفوا لحظة عن القتال

ـ ميشال عون رجل دولة و يحترم نفسه , و كذلك تياره .. يدركون أنهم من هذا الشرق و ليسوا لاجئين بل هم أصل هذا الشرق و أبرز من شارك في نهضته و يريدون دورهم المحترم في هذا المحيط جنبا إلى جنب مع المكوّنات الأخرى ... هذا ما يخيفهم في ميشال عون و تياره . و لهذا لم يتركوا تهمة و كذبة إلا و أطلقوها على حزب الله لتخويف المسيحيين منه .و للقول أن عون على خطأ عندما يتحالف مع حزب الله .

Kalimalhus said...

نوارة
-----
ما تظلميش العلام الحقيقى لمجرد إن بلدك العلام فيها مغشوش و مسموم و بيمسح النافوخ..

أمراض الطبقة المتوسطة عندنا هى نتيجة لإنحدار أحوال البلد و مش طبيعة للطبفة المتوسطة فى حد ذاتها..

الطبقة المتوسطة هى الخاسر الأكبر فى عمليات النهب المفرط اللى ماشية فى بلدنا لأن الطبقات الفقيرة تحت خط الفقر أصلا و ماعندهاش اللى يتاخد منها و كل اللى بيتاخد دلوقت من جيوبنا و لقمتنا و مستقبل عيالنا..

العلام هو السبيل الوحيد لتكوين فرد واعى بحقوقه و عنده نظرة شمولية تتخطى إدراك الحقيقة إلى التفكير فى سبل التغيير..

الفطرة البسيطة و الحكمة التقليدية تصلح فقط لإدراك الصواب من الخطأ أحيانا لكنها تفتقد إلى الفكر المنظم اللازم للتخطيط لأى فعل من أجل التغيير..

كلامى مش إحتقار للعمال و الفلاحين لكنه تقرير لواقع إن أى فعل شعبى يحتاج تكاتف طبقات الشعب المظلومة لإنتزاع حقوقها..

و بعدين ده إنتى بنت عمنا الفاجومى الكبير اللى ثقف نفسه بنفسه و رغم إن موهبته فطرية بالتأكيد إلا إنها ماكانش ممكن توصل للى وصلت ليه بدون ثقافة..

و بعدين الهدف النهائى هو إن ما يبقاش فيه تقسيم طبقى على أساس التعليم لأن المفروض إن فرصة التعليم تكون متاحة للجميع و ساعتها مش ها يبقى فيه جسد و رأس لكن رؤوس متساوية و مرفوعة..

Unknown said...

واخدين شهادات ايه؟

خد عندك

1- هندسة اتصالات
2- اعلام
3- كيميا حيوية، مدرسة فرنساوي، يعني بتعرف فرنساوي وانجليزي وسابت الكيميا الحيوية واشتغلت في الاعلام وهي دي اللي نفسها ان اوباما يبقى رئيسنا
4- اداب انجليزي
5- السن


هي دي الشهادات اللي بتخرف التخريف ده

وعشان تبقى فاهم بقى الفراشين بتوعنا عمرهم ما بيقولوا الكلام ده

الفراش اللي ما بيعرفش يقرا قال لي: يعني يا استاذة العراق دلوقت احسن ازاي؟ هو الراجل ده مش حسيس ليه؟ هو مش عارف ان قلبنا مجروح؟

قابل

عشان عاجباك الطبقة المتوسطة

Kalimalhus said...

ثورة 19؟؟

يعنى كان ها يبقى فيه ثورة من أصله لو ما فيش سعد و اللى معاه و هو مين اللى إتنفى و مين اللى أعتقل.. و مين اللى بيعتقل فى كل حركة شعبية لغاية النهاردة.. و مين اللى قاعد دلوقت يتكلم فى الشأن العام .. إحنا ..

ليه..؟

لأن عندنا وقت نتكلم و إتعلمنا إزاى نفكر لكن الفلاح الغلبان صلى الفجر و رجع الدار سحب الجاموسة طلع على شغل الغيط و الهدة و كسرة الضهر و هايرجع آخر النهار لو فيه لسه حيل ها يناغش الولية و ينام.. و ده حاله من سبعتلاف سنة و إن ماكانش حد يلهمه و يدله على الطريق لحقه عمره ما يروح يدور عليه..

Unknown said...

والله عال
يعني ما بقاش الا سعد زغلول القمارتي ده كمان
ده ولا حاجة
ده اتعمل ايقونة زي اوزوريس كده اللي كل دوره في القصة انه مات
مش ح اقول لك اقرا مذكرات هدى شعراوي وشوف ازاي نصب عليها وعلى امانة المرأة

اقرا مذكراته هو
يعني الراجل كاتب بايده انه كل ماحد يديله فلوس يلعب بيها قمار

ولا له اي لازمة سعد زغلول ده
وكان علاقته كويسة قوي بالاحتلال
وباللورد كرومر
والناس كانت عايزة اي فاسوخة عشان تعمل عليها ثورة
زي ما واحدة بتجيب شوية عضم وتعمل عليه شوربة

يبقى البركة في العضم؟ وللا البركة في الست الشاطرة اللي عملت من العضم شوربة

Kalimalhus said...

يا ستى مش عاجبانى الطبقة المتوسطة فى حالتها الطين الحالية..

قلتلك يتاخدوا فمين عالطشت و يتعلقلهم محلول جفاف المخ و صحتهم تتعدل إنشاء الله.. غير كده ما فيش أمل و لا عمر و لا حتى مدحت..

TAFATEFO said...

بالسول بالبلود

لا حلوه .. حلوه صحيح .. وتقولك مبتتفرجش على تامر أمين .. بتحسسيني انك ماسكاه في كمين وأنا بدافع عنه .. هو حضرتك يا هانم مش ناويه تبطلي تشيلي مصطفى اللي عايزه تشيليه لحد وخلاص

أنا بقول خطاب أوباما مكنش ليه الدور الجامد ده في الانتخابات اللبنانية .. تقولك بالسول بالبلود


أنا بس عايز أعلق على نرفزتك على الصبح واستنكارك بقولك لتامر بك

انت بتشتم الناس؟

وطبعاً سعيد صالح قال ايه .. أحيه أحيه أحيه .. أحيه يا أبو سوسو أحيه

حاجه أخيره

طيب هي الطبقة المتوسطة بنت وسخه ومش عاجباكي وتدورلها على بلد تانيه .. والفقراء هما أصحاب البلد الحقيقيين وهي من حقهم

اذكري بقى *** المصطلح العلمي للي فوق ده

Kalimalhus said...

أوزوريس .. فاسوخة.. فزاعة.. أى نيلة بس لازم و لابد منه..

و بعدين أوزوريس كل دوره فى القصة إنه مات لكن بره القصة لازم يكون عمل حاجة تستاهل إن الولية تلف كعب داير تلم فيه حتة حتة..

و حتى لو ما عملش حاجة من غير أوزوريس ما كانتش إيزيس هاتلاقى حاجة تعملها و كان زمانها عنست و ما بقالهاش ذكر..

Kalimalhus said...

على فكرة إنتى بتقرى النص الأولانى فى التعليق و تجرى تكتبى التعليق بتاعك..

إنت هاتنقطينى على الصبح..

TAFATEFO said...

لا طبعاً .. البركه في العجل اللي اندبح

شوربه .. شوربه

سبيشيال ثانكس تو أونكل الجزار اللي دبح العجل وشفى العضم علشان الست تعمله شوربه

شوربه .. شوربه

Unknown said...

مهندس حر
هههههههههههههههههه
والله انا خايفة يطلع اوزوريس ده
imaginary friend
على راي الامريكان بما اننا تحولنا الى مستعمرة

لا مش ح يتغسل دماغهم فمين
عشان عندهم احساس انهم اكتر ناس بتفهم في الدنيا وهم اللي نبها ومافيش اذكى ولا افهم منهم

مفتاح الجهل ان الواحد يظن في نفسه انه افهم الخلق

وايوة الطبقة المتوسطة في مصر عندها سلسلة المفاتيح كلها

ما اعرفش كانت قبل كده عاملة ايه
وما اعرفش في بقية العالم عاملة ايه

بس اللي باشوفه بنفسي اني باستفيد من اللي بيتقال عليهم جهلة اكتر
بيقولوا لي كلام ينفعني في حياتي اكتر ولما باسمع كلامهم بتيجي النتايج احسن في كل حاجة

الظاهر العلام فعلا بيبوظ الدماغ

ســـــاره said...

حاولت ادور على اي موضوع بالإنجلش بخصوص المكتوب مالقتش حاجه ومش عارفه لو حد لقي عشان ماقريتش كل التعليقات..

عموما

من غير رصد ميزانية مخصوصة .. امريكا بتدعم اسرائيل ماديا وده شئ معروف .. فين بقى اسرائيل بتستغل الدعم ده ؟ اكيد الجواب معروف ..

انا لسه جاية من امريكا يا نوارة واكتشفت ان في قناة مسيحية مخصصة هناك لدعم اسرائيل بس حقيقي ماستغربتش لأن امريكا تعتبر دولة ليبراليه والمؤسسات هناك لها مطلق الحرية انها تعمل ماتريد ده غير ان اليهود متسيدين في امريكا ..

انا معجبة بأي رئيس دولة يسعى لمصلحة شعبه بشكل سلمي وده اللي اوباما بيحاول يعمله بس ابقى ساذجه بجد لو اتخيلت لحظه انه ممكن يعمل حاجه عشاننا .. اي حاجه بيعملها بالتأكيد عشان امريكا ..بوش دمّر اقتصاد امريكا وصورتها قدام العالم كله واوباما بيحاول يصلح ويعوض اللي امريكا خسرته

مهندس مصري بيحب مصر said...

موضوع إحكام حصار غزة ده أنا قاريه في الجزيرة من إمبارح

و 100 مرة حاقولك مش كل الطبقة المتوسطة عاهات زي اللي تعرفيهم
يا سبحان الله ما انا طبقة متوسطة و كل أصحابي منها
و اغلبهم من رأيي إن أوباما بياع كلام بس بيبيعه حلو قوي
لكن فعله مفيش و حنشوف منه أيام سوداء بس الصبر حلو و بكره اللي ما يشتري حيتفرج

يعني إنت علشان منحوسة في زمايلك تسبي للطبقة بحالها

ثم أنا علشان مهندس كنت بأختلط في الشغل بعمال و صنايعية و أظن مفيش زي العامل في الفاعل
و برضه حتى اللي مش فاهم فيهم عارف ببصيرته و إحساسه إن أمريكا معادية لينا و مهما نعمل لهم مش حيعجبهم
و حيفضلوا مع إسرائيل ضدنا دايماً

يعني في محيطي أنا الطبقتين الوسطى و الفقيرة أغلبهم متفقين مع بعض على الرأي ده


إنتي اللي محيطك عجيب

مهندس مصري بيحب مصر said...

ثم ما شفتيش الحاخام الأمريكاني المتطرف اللي طالب بعد خطاب أوباما في نفس اليوم في فتوى شرعية يهودية بتدمير مقدسات المسلمين و قتلهم جميعاً رجالاً و نساء و اطفالاً و إبادتهم تماماً

أوباما صدع دماغنا بالكلام عن عزل المتطرفين و ما بيعملش حاجة لكبح التطرف عنده
مش ده يعتبر حض و تحريض على الكراهية و إضهاد عنصري

و لا تطرفهم حلو و تطرفنا إحنا اللي كخة

Kalimalhus said...

مهندس مصرى
----------
أيوه كده.. بس كان لازم تقولها إن أفراد الطبقة المتوسطة اللى نعرفهم بيفهموا عشان مهندسين ..هههههههههههههههههههههه

Kalimalhus said...

تطرفهم بيتقال بالإنجليزى .. يبقى كلام حلو و مفهوم.. تطرفنا بيتقال بالعربى عشان كده ما بيفهمهوش و بيحسوا إن اللى بيتكلم بيقول كلام أبيح و مش حلو.. يمكن المشكلة فى الكام حرف اللى موجودين فى العربى و مش موجودين فى الإنجليزى..؟ يمكن أصوات العين و الحه و الخه و القاف بتخوفهم؟؟

Kalimalhus said...

نوارة.. إسمحيلى بإضافة أخيرة فى موضوع الطبقة المتوسطة:

1 - بالنسبة لينا أفراد الطبقة المتوسطة هم المتاح التواصل معهم بكثافة سواء من خلال الإنترنت و الإعلام أو من خلال الإحتكاك المباشر فى أماكن العمل و الوسط العائلى .. إلخ

2 - الطبقة المتوسطة إذا إمتلكت الوعى السليم و تكونت لديها إرادة الفعل الإيجابى يمكنها تحقيق أهدافها لأسباب كثيرة جدا..

3 - إذا كنا فعلا مؤمنين بقضايا هذا الوطن و على إستعداد لترجمة إيماننا بشكل فعال فأول ما علينا القيام به هو الإجتهاد فى نشر الوعى السليم بين أفراد الطبقة المتوسطة و علينا ألا نيأس أبدا من إمكانية تحقيق هذا الهدف..

مواطن مصري said...

بيقولك ان البرلمان هيتحل و الحزب الوطني هيرشح عمر سليمان مش جمال

Unknown said...

مهندس حر

انا لما باتكلم عن الطبقة المتوسطة مش باتكلم عن افراد ولا عن حالة الطبقة المتوسطة دلوقت او بعدين

انا رافضة اصلا المجتمع الهرمي بالطريقة دي

بما انك مهندس بقى
واكيد ح اجي اتعالج عندك حضر الروشتات
:)

انا باحب المجتمعات اللي شكلها دائري
وممكن المجتمعات الكبير تبقى دوايرها متداخلة لكن ما تبقاش فوق بعضها بالطريقة دي

يعني مين يقول ان من العدل ان نخبة حاكمة تتحكم في قاعدة اكبر منها؟ ومين يقول ان القاعدة دي اللي ما وصلتش نسبتها في مصر الى خمستاشر في المية

تبقى هي اللي متحكمة فوق القاعدة الشعبية اللي بتكون خمسة وتمانين في المية؟ ده حتى يد الله مع الجماعة يا اخي

ازاي مجموعة صغيرة هي اللي تتحكم في المجموع الاكبر وهي اللي تستمتع بالموارد الاقتصادية والقيادة السياسية والفكرية وفرص التعليم والمناصب القيادية ويبقى الباقي شغال عندها وماشي وراها

ده عدل ايه ده؟

عدل ايه اللي يقول ان خمستاشر في المية من السكان يبقى متوسط دخله، مثلا مثلا، عشرة صاغ
وبقية الخمسة وتمانين في المية متوسط دخلهم قرش صاغ واحد

ومين قال انهم بيفهموا احسن يعني؟ عشان معاهم فلوس يدخلوا مدارس احسن ويدخلوا على النت

طب وهم ليه اصلا ياخدوا فرص اكتر من الباقي؟ ليه هم اللي يبقى عندهم فرصة يتعلموا ويطوروا نفسهم وقدراتهم وغيرهم لا

ثم ايه مفهوم بقى اصلا كلمة "حضارة" وتعليم وذكاء وفهم بلا بلا بلا

دي تعريفات مختلف عليها

مين قال ان الاوروبيين اللي دخلوا على الهنود الحمر بالديناميت اكثر تحضرا من الهنود الحمر اللي كانوا عندهم قيم واخلاقيات قمة في الرقي وعاشوا حياتهم لا يحاربوا ولا يقاتلوا وكان وضع المرأة عندهم في القياد في الوقت اللي كانت فيه اوروبا مطلعة ميتين ابو الستات

مين قال ان الناس اللي تعمل اتفاقية سلام وتدي هدوم فيها جدري للناس اللي امنت لهم اكثر تحضرا من الناس اللي عندهم اخلاق احترام الكلمة والمعاهدات؟

مين قال ان اللي خريج كلية كذا بيفهم اكتر من اللي ما بيقراش ولا يكتب

بيفهم في ايه بالظبط يعني؟ هو بيفهم في اللي درسه والامي ده عنده حاجة بيفهم فيها اكتر منه اكيد

يبقى ليه واحد فوق واحد يعني؟

وليه اصلا لازم حد فوق حد
ليه ما يبقاش دوائر متداخلة متبادلة المصالح والتعاون

انا اصلا رافضة فكرة الطبقة المتوسطة لانهم هم اصلا المتسببين في وجود سلطة وهم اللي متسببين في وجود قاعدة شعبية ضعيفة ومستغلة

واي حد بيتحط في النص كده بيبقى اناني وجبان

زي كل الطبقة المتوسطة اللي خلقها ربنا في اي حتة

في الجيش

مين اللي بيمشي على الالغام ويموت؟

العقيد؟ وللا العسكري؟

في الهبات الوطنية
ولنقل ثورة القاهرة الاولى

مين اللي اتقتل في الشارع

امثال الشيخ السادات؟

وللا بتوع الحرف والغلابة اللي تضرروا ماديا ومعنويا وبناتهم بقوا بيشتغلوا

charmante
مع الفرنساويين؟

كون الطبقة المتوسطة بقى عاملة زي عبد السلام النابلسي وبتقول: وانا ح اشرف عليكوا

فهي لا بتشرف ولا نيلة

الكلام اللي هي بتقوله ما هواش نكتة يعني
بالعكس
هم اللي تسببوا في السفسطة وبلبلة الناس

الناس لما بتتبع فطرتها بتمشي صح

هو اللي بياخد معونة امريكاني بكيفه ده من انهي طبقة؟

مين اللي طول النهار يقول: احنا خايفين ننزل؟

ما ينزلوا وللا يتنيلوا هم اللي تحتيهم دول مش بني ادمين؟

مش عشان الافراد وحشين

بس الانسان انسان
وفيه ظروف واوضاع لما الانسان بيتحط فيها بيعمل رد فعل معين

لما يتحط تحت تهديد بيتصرف بتوحش

لما بيتحط في مستوى متوسط، لا هو خسران مية المية زي الفقرا ولا هو كسبان وضامن القوة زي السلطة بيبقى جبان واناني
لانه خايف يبقى زي الخسرانين وفي نفس الوقت خايف من اللي فوقيه يزقه
وعشان كده الموظف مثلا ييجي قدام المدير يبقى شبشب

ويمسك الساعي يمسح بيه البلاط

عشان دايما الظرف ده بيطلع من الانسان ردود الافعال دي
ودي ردود افعال انا شايفاها دنيئة وجبانة

ahmed samir said...

على فكرة السيد حسن نصر الله حيقول خطاب النهارده على المنار تقريباً الساعه تمانية و نص

اوعي تنسي

Kalimalhus said...

التقسيم الهرمى للمجتمع وضع قائم و لتغييره لابد من التعامل معاه أولا.. لو إكتفينا برفضه يبقى عمرنا ما هانغيره..

فيه مجتمعات مختلفة قدرت إنها تقرب من الفوارق الطبقية إلى حد إندماجها تقريبا فى كتلة واحدة من خلال عدالة توزيع الثروة و تكافوء الفرص..

لكن عشان نبدأ مجرد بداية فى طريق الوصول إلى مرحلة مشابهة علينا أولا التعامل مع الوضع القائم من خلال المتاح فيه من فرص محدودة للغاية عشان نتخلص من قيود الإستبداد اللى بتمنعنا من الحركة و بتشدنا لأسفل..

إنهيار الطبقة المتوسطة فى الوقت الحاضر لن يكون فى مصلحة طبقات الكادحين و لن يستفيدوا منه شيئا و إضافة إلى كده ها يقضى على القوة الوحيدة فى المجتمع اللى عندها قدرة الفعل..

مرة تانية الهدف النهائى مش إستمرار وجود الطبقى المتوسطة و تحقيق مكاسب ليها على حساب الطبقات الكادحة و لكن تمكين الطبقة المتوسطة من القيام بأعباء مسئولياتها تجاه المجتمع ككل و إنها تتقدم بيه إلى مرحلة مجتمع العدالة و التكافوء و حصول كل إنسان على حقه فى الحياة الكريمة و حقه فى فرصة عادلة لتحقيق ذاته و تنمية قدراته..

أنا مش سعيد بالمجتمع الطبقى و لا بموقعى منه و لست مؤمنا بأن الطبقية هى حتمية و لا يمكن التخلص منها.. لكن لكل مرحلة ظروفها و أدوات التعامل مع الظروف ديه و تحقيق المثال اللى بنسعى إليه يبدأ بفهم الواقع و التعامل معه على حقيقته..

ملحوظة أخيرة .. إظهار الإعجاب بالحكمة الفطرية للفقراء المحرومين من حق التعليم كأنه نوع من تمنى أن يظلوا كذلك و كأن العلم مرض نتمنى ألا يصابوا به و هذا ظلم للعلم و ظلم لهم .. الأصح هو أن ندافع عن حق كل إنسان فى الحصول على تعليم حقيقى و عن إسترداد قيمة العلم كوسيلة محترمة للصعود فى السلم الإجتماعى و فى تمكين الفرد من معرفة حقوقه و الحصول عليها..

Kalimalhus said...

على فكرة أنا لسة مش فاهم مصطلح المجتمعات الدائرية.. يعنى الشكل الهرمى مفهوم إن لكل واحد مكان فيه من إسفل إلى أعلى على أساس الثروة.. لكن فى مجتمع دائرى مكان الفرد بيتحدد على أساس إيه .. و هل فيه مثلا ناس فى مركز الدائرة و ليهم دور معين و ألا لأ..

هل المجتمع الدائرى "فلات" بمعنى إنه ما فيهوش أى تفاوت فى الثروة؟ و فى الحالة دى إزاى ممكن الناس تسعى لتحسين مردود عملها على المجتمع ما دام الجميع بيتساوى بغض النظر عن قدر و مردود عمله؟

Widiman said...

مهندس حر انت لازق على المدونة من الصبح

الظاهر انك مهندس عاطل مش مهندس حر

متزعلش انا بهزر معاك

ايه الصفصطة الفاضية عن الطبقة المتوسطة

احنا معندناش طبقة متوسطة - احنا عندنا طبقة مريشة وعدة طبقات كادحة وطبقة لمنع البلل.

مجتمع بامبرز من الاخر شايل كاكا لما هيتفرتك

مهندس مصري بيحب مصر said...

تشومسكي: أوباما سيواصل مسار الرفض الأمريكي للقضية الفلسطينية PDF تصدير لهيئة طباعة ارسال لصديق
07/06/2009
وكالة أنباء أمريكا إن أرابيك:

تعليقًا علي خطاب الرئيس الأمريكي باراك أوباما للعالم الإسلامي اعتبر المفكر والفيلسوف الأمريكي البارز نعوم تشومسكي أن أوباما سيواصل مسار الرفض الأمريكي أحادي الجانب في التعامل مع الصراع الإسرائيلي الفلسطيني.
وقال تشومسكي، في بيان له في أعقاب خطاب أوباما للعالم الإسلامي من القاهرة، إن أوباما دعا العرب والإسرائيليين إلي عدم تبادل الاتهامات أو رؤية الصراع من جانب واحد أو من آخر،
مضيفًا أن «هناك جانبًا آخر هو أن الولايات المتحدة لعبت دورًا حاسمًا في إبقاء الصراع الحالي، ولم يقدم أوباما أي مؤشر علي أن دورها - أمريكا - ينبغي أن يتغير أو حتي يخضع للدراسة».
وتابع تشومسكي، في البيان الذي وصلت وكالة أنباء أمريكا إن أرابيك نسخة منه: «إن العارفين بالتاريخ سيدركون بالمنطق إذن أن أوباما سوف يستمر في مسار الرفض الأمريكي أحادي الجانب».
وأشار إلي أن أوباما أشاد مجددًا بالمبادرة العربية قائلاً إن العرب يجب أن يعتبروها «بداية مهمة وليس نهاية مسئولياتهم» متسائلاً: «وكيف ينبغي أن يراها أوباما؟»
وتابع تشومسكي، وهو سياسي بارز ومن أهم علماء اللغويات المعاصرين في العالم: «يعي أوباما ومساعدوه بالتأكيد أن المبادرة تكرر الإجماع الدولي منذ فترة طويلة والداعي إلي تسوية بوجود دولتين تقومان علي الخط الحدودي الدولي (ما قبل يونيو 1967) وربما بـ «بتعديلات قليلة ومتبادلة».
وقال تشومسكي إن أوباما دعا الدول العربية إلي المضي في عملية التطبيع «متجاهلاً رغم ذلك عن عمد التسوية السياسية الضرورية التي هي شرطها المسبق. والمبادرة لا يمكن أن تكون «بداية» إذا استمرت الولايات المتحدة في رفض القبول بمبادئها الجوهرية أو بالاعتراف بها».
وتساءل تشومسكي: «ما الذي يجب علي إسرائيل فعله مقابل الخطوات العربية تجاه تطبيع العلاقات؟»
وأشار إلي أن الموقف الأقوي الذي أعلنته إدارة أوباما هو أن إسرائيل ينبغي أن توافق علي المرحلة الأولي من خطة خريطة الطريق المعلنة عام 2003، التي تنص علي أن «تجمد إسرائيل كل النشاط الاستيطاني (بما فيه النمو الطبيعي للمستوطنات)».
وقال إن «كل الأطراف تدعي القبول بخريطة الطريق متغافلين عن حقيقة أن إسرائيل أضافت علي الفور 14 تحفظًا تجعلها مستحيلة التطبيق».
وأضاف أن ما تم التغاضي عنه في النقاش حول المستوطنات هو أنه «حتي لو قبلت إسرائيل بالمرحلة الأولي لخريطة الطريق فسيبقي هذا علي المشروع الاستيطاني الكامل الذي تم تطويره بالفعل بدعم أمريكي حاسم لضمان أن إسرائيل ستستولي علي الأرض ذات القيمة داخل «جدار الفصل» (بما فيه احتياطيات المياه الأساسية في هذه المنطقة) إلي جانب نهر الأردن.

مهندس مصري بيحب مصر said...

مهندس حر
=========
أيوه يا هندسة
فهمها


بصي يا نوارة
المجتمع حيفضل متقسم طبقات دايماً زي ما ربنا قال في القرأن

و المجتمع النبوي في مدينة الرسول - صلى الله عليه و سلم - كان فيه كبار التجار وفيه أهل الصفة الفقراء

الغرض مش إلغاء الطبقات
الغرض الإرتقاء بها جميعاً و تقليل الفوارق بينهم و نشر الرحمة و الحب بينهم
و ان تحب لأخيك ما تحب لنفسك

و أن يكتسب الغني المال من حلال و ينفقه في الحلال و يخرج زكاة ماله و يتصدق عن طيب خاطر تقرباً لله

و أن الفقير ساعتها سيحب الغني و سيدعو له بأن يبارك الله له فيما رزقه

و عندما يسود العدل المجتمع و يحس كل فرد أنه يحصل على مكانته في المجتمع نتيجة لقدراته و كفاحه
و أن تعبه له مردود ملموس
و ان الكفاح هو الوسيلة الوحيدة للترقي في المجتمع و ليس ما يحدث حالياً من مهازل


ثم هي فين الطبقة المتوسطة ؟
مفيش يا أختي طبقة متوسطة زي زمان
فيه طبقة مطحونة و طبقة معدمة

و الإتنين أسخم من بعض إقتصادياً

Unknown said...

مواطن مصري
باقول لك ايه، ابعد ربنا والقرآن عن الموضوع عشان ربنا ما قالش كده خالص

ربنا بعت سيدنا موسى عشان يثور على المجتمع الهرمي اللي عمله المصريين ويروح يعيش في الصحرا بشكل المجتمع الدائري
ما كانش فيه طبقات

وربنا بعت سيدنا محمد برضه عشان يثور على المجتمع الهرمي ويعمل في المدينة مجتمع دائري

اللي هو بيتلخص: كلكم راع وكلكم مسئول عن رعيته

وبلا والنبي تفسيرات الطبقة المتوسطة دي للدين عشان كلها تفسيرات برجماتية لمصلحتهم

عايزين يعبوا في كرشهم بس


مهندس حر

لا
مش محتاج فترة ولا حاجة

المجتمعات الفطرية كلها مجتمعات دائرية

ولما بتبقى مجتمع كبير بيبقى دوائر متداخلة

على رأي اللبنانيين: لا غالب ولا مغلوب

بس العيب في النظام اللبناني حاجتين

1- انه قائم على التقسيم الطائفي
يعني زي تقسيم قبلي كده
2- ان فيه مشاركة سياسية لكن مافيش مشاركة اقتصادية

يعني صحيح لا غالب ولا مغلوب في السياسة

لكن فيه غالب ومغلوب في الاقتصاد

وده يبقى مش مجتمع دائري مظبوط

وقبل ما مينا، الله يخرب بيته، ما يوحد القطرين ويعمل نفسه ربنا عشان يسيطر على موارد الثروة

كان الناس ايه؟

"كان الناس امة واحدة"

يعني كانوا عايشين بشكل دائري مافيش حد متسلط على حد
مافيش حد اهم من حد
فيه كل حد له مشاركة باللي بيعرف يعمله وكل واحد السلطة الوحيدة اللي عليه هي سلطة المجتمع
وهو له سلطة على المجتمع

فيه مشاركة في السياسة وفي الثروة

ومش معنى كده ان كل الناس زي بعض
بس مافيش حد احسن من حد
فيه سلطة المجموع

ولو اني مش باحب ادخل الدين في المناقشة دي بالذات مش لاني مش شايفة ان كلامي له جذور دينية بس لاني باكره التفسير البرجوازي للدين عمى
تفسيرهم للدين والاخلاق وكل حاجة
حاجة اخر تعريص الحقيقة

واي حد ح يتحط مكانهم ويرقص على السلم زيهم ح يعرص طبعا امال ح يعمل ايه؟

وعشان كده ناس تكرر كلام من غير ما تعي معناه لما يقولوا: الطبقة المتوسطة هي اللي بتعمل توازن في المجتمع ومش من مصلحة المجتمع انها تنحسر

لا

هم قصدهم مش من مصلحة السلطة انها تنحسر

لان السلطة لو اتسابت منها للناس اولا مش ح تقدر تسيطر عليهم
ثانيا مش ح يبقى فيه سلطة خلاص
الناس ح تاكلهم

لان الطبقة المتوسطة دي
هي ظابط البوليس اللي بيحبسهم
هي ناظر الزراعة اللي بيشغلهم
هي ظابط الجيش اللي بيديهم اوامر يمشوا على الالغام عشان يفدوا الزعيم

هي العصايا اللي في ايد السلطة


وفي نفس الوقت
هي الدكاترة اللي بيعالجوا صدقة
والستات الطيبة اللي بيدوا للخدامة كيس رز صدقة
والناس اللذيذة اللي بتدي هدومها القديمة للفقرا صدقة

عشان يسكتوهم ويخلوهم راضيين باللي هم فيه

والقاعدة الشعبية اللي بتشكل الاغلبية مالهاش اي دور حقيقي غير انها مستعبدة

والسلطة السياسية او الاقتصادية بترمي للطبقة المتوسطة الفتات عشان تفضل تخدمها

وهكذا

لكن في المجتمعات الدائرية اللي قائمة على ان كل فرد له دور فاعل في المجتمع وله كلمة وراي وبيحرك المجتمع فعلا
زي مثلا المجتمعات القبلية
يعني القبيلة فيها شيخ القبيلة والناس
شيخ القبيلة ده واحد كده محترم بيتكلم نيابة عنهم
ما يقدرش يخالف اوامرهم لانه مالوش خدم وحشم وظباط وعساكر وتجار يحولوا ما بينه وما بين جسم المجتمع الحقيقي

ده على سبيل المثال يعني

اه لما اقول لك بقى المثال الديني بتاعي

"ان فرعون علا في الارض"

يعني بقى سلطة

"وجعل اهلها شيعا"

اللي بيقولوا عليه بالانجليزي
discrimination

طيب هل سيدنا موسى، بكل اللي حصل له ده يا عيني، كان سلطة؟ بالرغم من انه كليم الله، ومع ذلك قالوا له: بنقول لك ايه، انت كل شوية تطلع لنا على الجبل وتنزل تقول لنا ربنا بيقول لكوا، ورينا ربنا بتاعك ده

طيب
ح تقول لي ما اختار سبعين رجل

Unknown said...

مين اللي اختار؟
هل سيدنا موسى هو اللي الف الحكومة؟ وللا هم قوم موسى اللي اختاروا سبعين رجل

يعني حتى في اللي بيصاحبوه في الرحلة هو مالوش راي
الرأي رأيهم

في غزوة احد
سيدنا محمد شاف رؤيا انهم لو خرجوا ح يتهزموا
لكن الاغلبية قالت ابدا والله لنخرج

فيه اكتر من واحد بيوحى اليه؟ وقال لهم شفت اننا ح نتهزم؟ حد اهتم بالرؤيا بتاعته؟ وللا هم اخدوا القرار بنفسهم

دي حاجة تانية غير الديمقراطية القائمة

المجتمع الدائري اللي انا اقصده هو المجتمع اللي مافيهوش سلطة بالمعنى اللي احنا شايفينه

الديمقراطية مجتمعات سلطوية

انت بتختار واحد يتحكم فيك لمدة اربع سنين وفقا لبرنامجه وخطته هو

ولو طرأ طارئ ما تقدرش تتدخل وتقول: لا انا مش موافق

استنى بقى اربع سنين لما يخلصوا وهات واحد تاني

وانت معتمد على كلمته
لكن انت مالكش اي سلطة حقيقية عليه

زي ما قلت على التويتر

الفرق ما بين الديكتاتورية والديمقراطية

زي الفرق ما بين واحد محبوس في البيت ومش شغال عنده غير القناة الاولى

وواحد بيختار الفيلم اللي يتفرج عليه وفي انهي سينما

لكن في النهاية الاتنين متفرجين
ماحدش فيهم مشارك وفاعل في ادق تفاصيل حياته

الديكتاتور بيتحكم في حياتك غصب عنك
والديمقراطي بيتحكم في حياتك بمزاجك

بس في النهاية انت مالكش قول

ومش ح يبقى لك قول طول ماهو فيه قوى اقتصادية هي اللي ماسكة ثروات العالم كله في ايدها ومتحكمة فيه

مع اننا خلقة ربنا وربنا خلقنا وخلق ارزاقنا

رزقنا بيتسرق ليه؟

ويقول لك الغني ده ربنا رزقه

يا سلام؟

طب وليه النشال كمان مش ربنا رزقه؟
ورزقه هو يعني وما رزقش اللي بيدور في الزبالة؟

ما اللي بيدور في الزبالة رزقه موجود

بس مسروق

ومافيش حاجة اسمها يتغير بالراحة

طول ما اصحاب المصلحة الحقيقية بيتم اقصاءهم مافيش حاجة ح تتغير

اصحاب المصلحة الحقيقية مش انا ولا انت

اصحاب المصلحة الحقيقية اللي انا وانت عمالين ناكل في اكلهم لما تخنا وبغلنا وهم بيدوروا في الزبالة على لقمة عيش معفنة

مهندس مصري بيحب مصر said...

إنتي خدتي اول سطر و ما ردتيش على الباقي

بأقولك الناس تحب بعض و ترحم بعض و تتعامل بالعدل و الحب و الرحمة

تقومي إنتي تقولي لي لا لا لا لا
دي الناس لازم تستعبد بعض

امال ايه اللي يعجبك يا ست الكل

لو واحد تاجر شاطر و بيتاجر بالحلال و بأكرر تاني بالحلال و ربنا رزقه و إغتنى من حلال
و واحد زبال ما يعرفش غير لم الزبالة و بيقبض مرتب محدود و مفيش في وظيفته مجال للتطور

إزاي حيتساووا ؟
مستحيل يتساووا في الثروة و المركز الإجتماعي

بس الصح إن التاجر ما يقرفش من الزبال و ما يبصلوش بإستعلاء خصوصاً إنهم بيقفوا في صف واحد في الجامع جنب بعض
و الزبال لو عرف إن التاجر ده وصل لمكانته بدون فساد و لا غش و لا رشوة و لا أي وساخة يبقى حيحترمه

و برضه الغني من حلال يعطف على الفقير

و ربنا يحرق كل الحرامية اللي واكلين البلد في بطنهم

و اللي مش من ضمنهم واحد بينطحن في شغله طول النهار بما يرضى الله و يآخد آخر الشهر مرتب ملاليم خزعبلية ما يرضيش ربنا ابداً و ما يساويش تعبه و شقاه طول الشهر
و دول اغلب الطبقة المتوسطة

Kalimalhus said...

صعب جدا مناقشة أفكارك بشكل وافى فى إطار حوار مقتضب زى ده ..

فى تفاصيل كتير من اللى ذكرتيها لا يمكن التسليم بيها ببساطة و خصوصا حكمك على مجتمعات تاريخية بعينها أو على أشكال معينة من التجمعات البشرية بإنها مجتمعات دائرية و إعتقادك إن المجتمع الدائرى يخلو من السلطة أو التسلط ..

على أدنى مستوى .. من الصعب تخيل مجتمع بشرى بيتم فيه تبادل المنفعة بين أفراده دون أن يكون أحد أشكال السلطة متضمنا فى تعاملات أفراده حتى إذا السلطة دى ما أخدتش شكل مؤسسى واضح ..

اللى أقصده إن علاقات الإنتاج و علاقات توزيع السلع و بالتالى توزيع الثروة كلها متضمن فيها أشكال مختلفة من السلطة ..

الجماعات البشرية حتى فى أشكالها البدائية أو وحداتها الأصغر فيها دايما شكل من أشكال السلطة .. الأسرة فيها سلطة الأب اللى فى بعض الثقافات القديمة وصلت لحق الحياة أو الموت على أفراد أسرته .. العشيرة القبيلة .. كلها لم تخلوا أبدا من نوع من أنواع السلطة اللى لم تكن قائمة على الإختيار الحر لجميع الأفراد بغض النظر عن مكانتهم الإجتماعية اللى بيحددها إما الثروة أو القوة أو حتى فى نموذج مجتمع المدينة المنورة كان المكانة الإجتماعية يحددها السبق إلى الإسلام اللى أزاح لفترة محدودة التراتبية العشائرية داخل قريش القبيلة .. و الدليل إن مع وصول سيدنا عثمان بن عفان للحكم كأحد أفراد عشيرة بنى أمية ذات السيادة بقوة المال و العدد فى قريش بدأ تراجع عامل السبق إلى الإسلام و إنتهى الأمر بإعادة صياغة النظام الحاكم فى شكل ملكى على قمته الأمويين..

اللى بحاول أقوله إن السلطة جزء من طبيعة أى جماعة بشرية مهما صغر عدد أفرادها إن لم يكن بحكم الإحتياج و الضرورة فيبقى بحكم علاقات الأفراد و عمليات تبادل المنفعة بينهم..

الديموقراطية كفكرة أولية دون الدخول فى تفاصيلها التطبيقية بتحاول تهذب إستخدام السلطة فى المجتمع و بتحاول تحول دون تحول إستخدام السلطة إلى تسلط من خلال توزيع السلطة الخام بالتساوى على أفراد المجتمع على شكل أصوات إنتخابية يستخدمها كل فرد لمحاولة الحفاظ على مصالحه..

تساوى الناس فى تقاسم السلطة أمر مفهوم و أصبح معترف بيه من معظم المجتمعات حاليا بغض النظر عن إنه لم يتم تطبيقه بنجاح تام حتى هذه اللحظة و ده فى رأيى لأنه لم يصل أى مجتمع حتى الآن إلى الشفافية الكاملة إضافة إلى أنه لم يصل أى مجتمع إلى مرحلة أن يمتلك كل أفراده للحد الأدنى من الوعى اللى يسمحلهم بالمشاركة بفعالية حقيقية فى إدارة بلادهم و يحميهم من التعرض للخداع..

ما أفتكرش إنك قصدت التساوى التام فى تقاسم الثروة لأن ده مستحيل عمليا و غير عادل لأن الناس غير متساويين فى قيمة ما يمنحوه للآخرين من منفعة و مش من العدل إن مردود ده يكون متساوى بين الجميع..

Unknown said...

لا السلطة مش طبيعة
السلطة ضد الفطرة
الفطرة بتقول ان كل الناس سواسية وان فيه بينهم تبادل منافع
وكل شوية تقول لي سيدنا عثمان سيدنا عثمان

سيدنا عثمان بسبب كل اللي انت بتقوله ده حصلت فتنة في عهده ومات مقتول بسببها

واصراره على التمسك بالسلطة برغم مطالبة كل الناس ليه بما فيهم الصحابة بانه يتنحى
واصراره على صلة رحمه بانه يبرهم من خلال عطايا الدولة
كل دي حاجات كانت لا تستوجب قتله طبعا
لكن الصحابة نفسهم قالوا له انت خالفت سنة من سبقوك وسنة الرسول عليه الصلاة والسلام
وده ما يعملهوش امام عادل
لكن هو اتلبخ واخطأ وده تسبب في فتنة
لانه فرض سلطة ما كانش المفروض يفرضها بالطريقة دي
ولانه ما بقاش يقبل مراجعات من حد بما فيهم عبد الله بن مسعود وعلي
وايه اللي خلاك تجيب السيرة دي دلوقت؟ استشهد باي حد غير سيدنا عثمان عشان انا مش شايفة انه النموذج المثالي للحكم
ممكن يبقى صحابي مثالي
لكن نموذج الدولة في عهده هو فتح لباب الفتنة
والفتنة حصلت عشان كده
عشان لقوا واحد بيفرض عليهم سلطة ومن وجهة نظرهم بيجامل قرايبه ومش بيعمل للناس حساب
وعمل نظام شبه رأسمالي خلا الناس تحس ان مافيش عدالة اجتماعية
وهو ده اللي اثار عليه الناس

Kalimalhus said...

أنا قولتلك سيدنا عثمان قبل كده إمتى؟؟

ههههه

إنت صعبة قوى فى النقاش..

إقرى كده اللى كنت كاتبه و شوفى إذا كنت إتكلمت عن عثمان بن عفان كنموذج إيجابى و ألا كنقطة تحول من نظام كانت فيه المكانة السياسية بتعتمد على السبق فى الإسلام إلى نظام إستعاد النزعة العشائرية و القبلية..

آه إفتكرت انا فى تعليق قبل كده ذكرت مقولة عثمان بن عفان "لا أنزع قميصا ألبسنيه الله" .. و دى برضه مأثرة سلبية عن حسن نية للصحابى الجليل و كأن توليه الخلافة نزل به وحى من فوق سبع سنوات و ليس توافق ستة أشخاص فى غرفة مغلقة..

على فكرة أنا موافق معاكى فى اللى إنتى قولتيه آخر مرة ده..

أنا ماقلتش السلطة فطرية .. بس كمان الحالة الفطرية للإنسان ما هياش المجتمع المعقد اللى إحنا عايشين فيه أو حتى أى مجتمع أيا كانت بساطته .. بمعنى إن الإنسان بيفقد الفطرة اللى بتتكلمى عنها بمجرد إنخراطه فى أى بنية إجتماعية من أول الأسرة لحد الدولة..

مجرد ما الناس يبتدو يتبادلوا المنافع التساوى بيبدأ يتلاشى.. لأن بعد فترة قصيرة ها تبدأ قيمة المنفعة اللى بيقدمها س من الناس تختلف عن قيمة المنفعة اللى بيقدمها ص بسبب الندرة اللى بتنشأ عن ندرة أحد الموارد أو ندرة المهارة المطلوبة..و النتيجة إن س أو ص ها يبدأ يكون له ميزة إقتصادية..

طبعا قبل تبادل المنافع الإقتصادية فيه تبادل منافع زى الحماية و اللى بتبدأ تميز الأقوى جسمانيا .. و أقدم أشكال السلطة كانت معتمدة على التميز فى القوة الجسمانية..

يعنى حتى إذا قلنا إن السلطة مش فطرية بالنسبة للفرد فهى طبيعة مرتبطة بأى مجتمع..