Sunday 7 June 2009

ايه اللي مبروك عطية عمله ده؟

تحديث:
استنوا استنوا استنوا، احلى كلمة في كل البرنامج عجبتني، اكتر من خليل فاضل ومن ماما ومن هيام مبروك كلمة بكل البرنامج الشيطان فكرني بيها وانا باصلي
مجدي احمد علي: هم اختاروا له المرشدة دي لانها بتتكلم امريكي وهو اصعب من الانجليزي زي ما كلنا عارفين
-----
يا جدعان اوباما المفروض انه مز للستات، للستاااااااااااااااااااااااااااات، ايه حالة الهياج الجماعي دي؟ ما الناس تمسك نفسها شوية ايه ده؟ وماسكين بس عمالين يقولوا: عايزين تمنعوا ختان الاناث وتبوظوا اخلاق ستاتنا... ستاتكوا قاعدين في حالهم واشرف من الشرف اهو، شوفوا رجالتكوا 
احلى كلمتين عجبوني في اللقاء كله:
خليل فاضل: العالم الاسلامي عامل زي المرأة المحرومة عاطفيا وجنسيا وجالها واحد مختلف وبص لها
وكلمة امي (والله مش عشان امي بس بجد عجبتني قوي) لما واحد اتصل يقول مادد لنا ايده قامت قالت له: مادد لنا ايده عشان نبوسها
---
ايه مشاعر مبروك عطية ناحية اوباما؟ زي ما قلت على التويتر
اقطع دراعي من لغلوغه ان ما كان فاكره مسلم وخافي اسلامه، وان ده مخطط اسلامي للسيطرة على امريكا، وتلاقيه شافها في حلم كمان على رأي يساري مصري، وعشان كده عمال يتغزل فيه غزل صريح خدش حياءنا وجرح مشاعرنا فعلا
على فكرة، انا عمري ما فقدت اعصابي قدام راجل، مهما كان حلو زي اوباما واحلى من اوباما كمان، بالطريقة اللي الدكتور مبروك فقد بيها اعصابه دي ابدا
مش زمان كانوا بيقولوا الست عاطفية والراجل عقلاني؟
وللا ده اخر الزمن ده اللي كل حاجة بتتشقلب فيه وللا ايه؟

31 comments:

مواطن مصري said...

مش عارف ان فية مخطط ل أسلمة امريكا


:ْDD

mido said...
This comment has been removed by the author.
mido said...

ابراهيم عيسى


أسمرنا أجمل من أسمرهم!

Unknown said...

الناس كلها مفتتنة بأوباما
مفيش في الدنيا غير أنتي و أمك اللي مش عاجبهم أوباما

على رأي عبد الفتاح القصري في فيلم إبن حميدو :
ده عليه كرافتة ترد الروح
أنا نفسي أتمناه

حـنــّا السكران said...

الحلقة جابت لي الضغط ..أنا في راسي كلام كتير بدي اقوله عن هالحلقة ككل من اّولها لاّخرها ..بس بالأول لازم أرجع أقرا تاريخ مصر في عهد كافور الإخشيدي ..هو مش كان أسمر كمان ؟؟ لازم أشوف الوضع كيف كان بزمانه ..وضع " الرجال " و الأمة .. المحرومة فعلاً .

Unknown said...

بس ايه رأيك في المرشدة اللي جابوها له عشان بتتكلم امريكي وهو اصعب من الانجليزي؟
في فيلم صعيدي في الجامعة الامريكية ابو خلف كان بيتباهى بيه قدام اهل البلد: ولدي خلف ع يتكلم سبع لغات، انجليزي وامريكاوي وفرنصاوي واسترالي

Unknown said...

جوووو

انا لسة شايفة رسالتك دلوقت

سبحان الله
نفس الجملة اللي عجبتك هي اللي عجبتني

:)

ح ابلغ ماما رسالتك
:D

Unknown said...

اه باقول لك

مش ح اعرف ابعت لك رسالة عشان مش عندي كارت

mido said...

يعنى ايه ؟

مجدى أحمد على ده بيستعبط شكله ؟

الحلم العربي said...

أنا ماشفتش الحلقة الدش كان بايظ و مش لاقط دريم بالذات مش عارفة ليه؟ تقريبا مخطط امريكي
لو نزلت على اليوتيوب قوليلنا علشان انا عايزة اشوفها

سبهللة said...

بصى انا صحيت من النوم حوالى الساعة 11.30م
فتحت الجهاز وقلت اشوفك كاتبه ايه
لاقيتك بتقولى امى فى العاشرة مساء
بصراحة ما شفتش البرنامج كله ولاسمعت كل حاجة
بس امك دمها شربات
عجبتنى وهى بتتكلم عن مذيعين القناه الاولى لما اتهبلوا يوم الخميس اللى فات
بجد موتتنى من الضحك
ولا لما قالت ان مش عاجبها لبس البت المترجمة بتاعة الجامع
بصراحة فى موضوع البت دى كان عندها حق
هو من قلة رجال الدين عندنا ولا من قلة المرشدين السياحين ؟
لازمن ولابد حد يجيبلى الحلقة دى على النت
انا كلمت طفاطيفو وقالى هاجيبهالك

عزيز عيني said...

وجنب ابوالهول قعد يقول السلام عليكم الله اكبار ........ده وصف زاهي حواس لزيارة اوباما لابوالهول والاهرام ف البيض بيضك
يبقي اكيد قالهم ف السعوديه نحن غرابه عك

Unknown said...

عزيز عيني

هههههههههههههههههههه
هههههههههههههههههههههههههه
هههههههههههههههههههههههه
هههههههههههههههههههههههههه
هههههههههههههههههههههههههه
قال الله اكبر جنب ابو الهول؟

الواد ده ولا عارف حاجة في حياته وعامل نفسه فريكيكو في الاسلام عشان اخد تانية ابتدائي من المضدرسا

mido said...

اه و طلع له رسمة علي جدار فرعوني بودان كبيرة___ طلع له أصول فرعونية :D

عابر سبيل said...

"على فكرة، انا عمري ما فقدت اعصابي قدام راجل، مهما كان حلو زي اوباما واحلى من اوباما "

هوا مين اللى طلع إشاعة إن أوباما حلو ولا وسيم؟
طيب انزلوا الشوارع فى مصر وركزوا فى الخلق اللى ماشية حتلاقى معظم الناس شبهه وأكتر وسامة ميت مرة وبالذات السمكرية والصنايعية :-)
وكمان بيقولوا إن ميشيل أوباما من أجمل 100 إمرأة على مستوى العالم ، بالذمة فيه مسخرة أكتر من كده؟

فلاشاوي said...

معلش .. سؤال سخيف
هو أوباما اصلا حلو؟؟

يعني الستات شايفينه حلو على اساس قوته وسلطته وثقته في نفسه وأسلوبه في الكلام
ولا عشان شكله

ولا الإتنين
؟؟؟

يا ريت حد من الإناث يجاوبني
!

يقول أنى امرأة said...

انا كان هيجيلى انهيار و الله العظيم
و الى شلنى اكتر الناس السطحين القلل الى اتكلموا شكرو فى الكلام الى قاله مبروك زفت
كلامهم خلاة اتنفخ و سمعنا خطبة عصماء فى اخر الحلقة
يا نهار اسود لما واحد المفروض يكون داعية اسلامى يعنى اول حاجة يتعلمها علشان يعرف يعلم الناس الدين انك لازم تفتخر باسلامك حتى لو العالم كلة كان بيحربك
مش توصل لمرحلة الحمد لله انك رفع اسم الاسلام للعالم احنا عايزين اية اكتر من كدة\
هيشلنى بحسبن علية من امبارح

simplymoi said...

I find him handsome& sexy because of his kind eyes, his smile that shines his face not the power but the goodness that shines from his face. But beware of the devil that smile that has the knife in back of his hand.Either he is the greatest of world or good man in wrong place the time only will tell. Hope to answer your question flashy

Unknown said...

ممكن اشتم شوية

مبروك ده فقع مرارتى

**************
**************
****************

اللى فى النجوم ديه شتايم
!!!

بس الصراحة استاذة صافيناز
كانت حتقوم تضربه
ههههههههههههههههههه

ده بيقول لا يحل لمسلم ان يهجر اخاه فوق ثلاث ليال
!!!!!!!!!!!!
يا حالولى

هو اوباما بقى اخاه دلوقتى

ده لخبط الدنيا خالص

Unknown said...

الاخوة اللي زعلانين اني باقول اوباما حلو وبيقولوا لي ماهو شبه المصريين

:)
طيب ما المصريين حلوين، هم المصريين وحشين؟
ما انا باحب شكله عشان شبه المصريين
هي عقدة دونية بجد وللا ايه؟ المصريين زي القمر، وانا مش باحب الشكل الخواجاتي

Unknown said...

فلاشاوي

يعني حد شاف بوش حلو عشان قوته؟

لا
انا شخصيا شايفاه حلو عشان انا باحب الشكل ده
وايوة صح هو شبه المصريين
وعشان كده باحب شكله
عينيه طيبة ومبتسم على طول واسمراني

انا بقى اللي باسأل

هو مين اللي طلع اشاعة على المصريين انهم مش حلوين؟

انا بامشي في الشارع وبابص في وشوشهم وبصراحة بقى مافيش احلى منهم
مش عشان انا مصرية
بس فعلا حلوين، عينيهم حلوة، ومبتسمين حتى وهم ساكتين وشكلهم مميز
انا كنت باعرفهم في العمرة من وسط الاف
مش عشان لهم ملامح عرقية معينة، فيه بيض وسمر وطوال وقصيرين، بس نظرة عينيهم واحدة

وعلى رأي البواب بتاعنا: شكله صعيدي زيينا

طب هم الصعايدة مش حلوين؟

Unknown said...

يقول اني امرأة

والله يابنتي كنت ح اتجنن
بيتصرفوا كأن الاسلام اتشرف واتنور لما الاستاذ اوباما قال عليه حلو

Unknown said...

simplymoi

ايوة هو عينيه طيبة وابتسامته حلوة قوي

بس على رأيك

الحب حاجة والجواز حاجة تانية
انما اللي عمله مبروك عطية امبارح ده جنان رسمي

Unknown said...

بدراوي

بلال ما كتبش عن الموضوع؟

Unknown said...

لأ كتب امبارح السبت
بس انتى عارفة انا بطلت اضيف المقالات من ساعت ما بقت تنزل فى المصرى اليوم

اللينك اههه


http://www.almasry-alyoum.com/article2.aspx?ArticleID=213958&IssueID=1428

Unknown said...

ميرسي يا بدراوي على اللنك

المقال مش عاجبني

Unknown said...

انا كنت متوقع انه مش حيعجبك المقال ده

هو شوية مسك العصاية من النص

بس متنكريش انه قال كلام صريح و عنده حق فيه

و متقدريش تمسكى عليه كلام يبان منه انه معجب اوووى بأوباما

خلاص ابقى اكتبى بوست عنه
-----------
انا اللى عاجبنى رغم انى اساساً بقيت بتخنق منه

مقالات ابراهيم عيسى

Unknown said...

بص يا بدراوي

انا باتضايق من شتيمة الشعب

حتى في المقالات اللي باوافق فيها على وجهة نظر اي حد

خصوصا بلال وابراهيم عيسى اللي بيضايقني في كلامهم انهم بيهزأوا الشعب

حتى لو اتفقت معاهم

لو فيه حاجة فينا غلط
يبقى لازم كل واحد يفكر انه اغلط الغلطانين

واحنا فينا حاجات كتير غلط فعلا، انا مش بانكر، لكن انا كمان مش باحب طريقة الشيخ عبد الباري في مسرحية وجهة نظر: هو ربنا عماكوا من شوية

- هو سيادتك مش معانا وللا ايه؟

- انا؟ انا مؤمن والمؤمن مصاب

احنا فينا حاجات غلط كتير
وعندنا مشاكل كتير

واغلط ناس فينا النخبة لان لو فيه اي مشكلة في الوعي وللا في الصورة الذاتية تبقى مشكلتهم هم

امال ايه دور النخبة غير انهم يعلمونا من غير ما يزعقوا لنا

انا ما احبش حد يزعق لي

ومش صحيح ان كل الناس زي بعض

احنا من اكتر الشعوب في العالم اللي مش بتتفق على رأي واحد

وبرضه بيهزأونا على الموضوع ده
"اتفق العرب على الا يتفقوا"

وبعدين يرجعوا يجمعونا كلنا

بلال بيقول كل الناس ضد اوباما

وابراهيم بيقول كل الناس معاه

لا كل الناس مع ولا كل الناس ضد

وانا مش باصدق الاخبار

انا ح اعمل استطلاع الرأي بتاعي

وح اشوف بشكل مبدأي كده على ميت واحد مختارين بشكل عشوائي ونقدر نحدد كصورة اولية منها

لكن العرب بطبعهم مالهمش رأي واحد

ودي حاجة مش وحشة

دي حاجة كويسة، ده معناه اننا ناس نبيهة وبنفكر ومش قطيع

منين يقولوا علينا اتفقنا على الا نتفق ومنين يقولوا علينا قطيع؟

ماهو يا قطيع يا كل واحد ماشي بدماغه

وللا هي شتيمة وخلاص؟

وانا مش باحب انهم يستعلوا علينا بالطريقة دي

هم ناس ربنا اداهم مخ وثقافة
ليه مش بيعلمونا من غير الاطة؟

هرطقة said...

هو مبروك عطية قال ايه بالظبط
أنا ماشفتش أى حاجة عن الموضوع ده لأنى من الأول مقتنع انه حدث غير ذى قيمة
اطلاقا مطلقا يعنى

Unknown said...

على فكرة انا لا يعنينى يزعق للشعب ميزعقش للشعب

انا يعنينى رأيه هو
و اعتقد ان حضرتك مختلفة مع رأى بلال فى الخطاب صح
؟!

و لذا حضرتك عاجبك مقالات ابراهيم عيسى عن الموضوع رغم نبرة الشخيط والزعيق المعهودة فى مقالاته

انا حسيت انه مسكنى من ياقة القميص و بيمسح بكرامتى الأرض فى مقالاته ديه
قصدى ابراهيم عيسى طبعاًُ

daktara said...

ده كان زمان يا ست نوارة دلوقتي السمك غير السمك
قصدي الزمن خير الزمن


شكلها باظت
انظر حولك
د. خالد عزب