Friday 6 February 2009

الله، الناس ابتدت تهلفط

دلوقت واحدة صاحبة ماما قالت لها: لا...هي الحكومة المصرية بتعمل كده في العلن، لكن اكيد في السر بيعملوا حاجة تانية خالص
على فكرة، الست دي ماهياش يعني مخلولة ولا حاجة، اقصد لحد وقت قريب، وماهياش فريدة عصرها
اتنين زمايلي في الشغل والساعي ابتدوا يقولوا لي الكلام ده مؤخرا
وبما اني بقالي مدة بايعة العربية، فباركب تاكسيات وانا بطبعي ما احبش اقول للتاكسي حاجة احب اسمعه
تقريبا حوالي خمسة وتمانين في المية من سواقين التاكسي مقتنعين بان كلللللللللللللللل اللي عوكل وعاطف السكري بيعملوه ده تمويه والحقيقة انهم في السر بيعملوا حاجة تانية خااااااااااااااااااااااااااالص
امممممممممممم
طيب الحفاظ على السلامة البدنية والعقلية للمواطنين ده منصوص عليه في حقوق الانسان، لما يأكلونا اكل مسرطن وساكتين
يوصل الامر انهم يجننوا الناس كمان؟
لا حول ولا قوة الا بالله، حاجة تقطع القلب، عليه العوض ومنه العوض

30 comments:

mido said...

ليه بعتى العربية ؟

:D

Anonymous said...

نوارة
اة ماهى هى دى ثقافه القطيع

ماهو اصل اول واحد اكتشف ان الشعوب دى قطيع
كان جوبلز
بتاع هتلر
اكتشف ان الناس ككل بيفكرو بمنتهى الغباء


واستنتج من كدة انه من السهل جدا التحكم فى الرأى العام بقواعد علمية بسيطه
لانه فعلا
اعمى


مش عارف يا نوارة مش فعلا الزمن بيعيد نفسه

ههههههههه


انا عندى شوية جرايد من الستينات

العنوان الرئيسى فيها

الصاروخ

الكلمه دى واخدة اكتر من نص الصفحة الاولى


مكتوب تحتها اييييه

اننا نجحنا فى اختراع صاروخ مخيف وفظيع وشرس ممكن يوصل لتل ابيب ويدمرها
يامى يامى يامى



اسمه طارق

والظافر

والدنيا اتقلبت
والناس فرحت
هييييييييييه
هنرمى اسرائيل فى الترنش


وبعدها بشوية

حصلت النكسة

المشكلة ماكنتش فى الهزيمه
طب محنا اتهزمنا فى 48

بس المشكلة كانت فى الصدمه

لما الناس اكتشفت انها كانت عايشه فى دوامه فى الاكاذيب
وفاقت مرة واحدة

من هنا جه الم ومرارة النكسه

وبعدين
طب احنا اتهزمنا
الصاروخ راح فين

طبعا جوبلزات عبد الناصر لازم يقدمو مبرر

قال اييييه
قالك اصل اسرائيل لما عرفت اننا جبنا خبرا المان علشان يعملولنا الصاروخين دول
راحت اغتالتهم وبعتتلهم طرود مفخخه

قام ياعيييينى المشروع باظ


المهم ان جيل الستينيات لسه مقتنع لحد دلوقتى بالموضوع دة

لسه بكلم ابويا فى الحكايه دى من يومين

قالى لاااااااااااااااااا
المشروع موجود
دول اليهود هما اللى قتلو الخبرا
وكان عايز يرمينى من البلكونه

المهم قريت بعد كده ان الفريق الشاذلى لما كانو بيجهزو لاكتوبر افتكر موضوع الصواريخ دى
قال طب ماممكن استغلها بدل رميتها فى المخازن
المهم فتحو المخازن لقو الصاروخ ضخم وكبييييير
وشكله يرعب
ولما جربوة
لقوه عامل زى بمب العيد
زى تصريحات المسؤلين عندنا بالظبط

التاريخ يكرر نفسه
مع الاسف
الناس مش هتفوق الا على خازوق مقاس 52
اكبر من النكسه
لو كانت الناس مش هتفوق الا كدة
يبقى مرحبا بالخوازيق



احمد سعيد

Anonymous said...

نوارة
نسيت اقولك حاجه مهمه

سيبك من كلام سواقين التاكس
لان فيه فرع فى المخابرات مسرح عدد كبييير جدا من سواقين التاكس
وبيكتبو حاجة اسمها تقارير راى عام

فا فكك من اى سواق تاكس تلاقيه عمال يهلفط فى السياسه عمال على بطال

اة
كمان فيه حاجه اسمها اعداد الرأى العام

يعنى ينشرو كلام معين على اساس انه ينتشر فى البلد
طبعا الكلام دة مش هيكون مباشر
يعنى مش هيكون مثلا عوكل وطنى وشريف


لا دا كلام ظاهرة معارضه
بس تحت الامور امور


نسبه كبيرة من سواقين التاكس كدة
وبيبانو على فكرة
هتلاقيهم رايقين كدة ومزاجهم عااااالى

وهتلاقيهم كتيير فى مصر الجديدة ومدينة نصر
ووسط البلد

لو قابلتى واحد فيهم
قوليله
حمرااا






احمد عسيد

mido said...

الشعب الصهيونى ده بيعشق التطرف


حزب اسرائيل بيتنا لرئيسه المتطرف ليبرمان يتخطى حزب باراك فى استطلاعات الرأى

Unknown said...

احمد سعيد
انا كنت شاكة في الموضوع ده
خصوصا لما عرفت ان فيه ناس بتركن عربياتها وتركب تاكسيات عشان يقولوا كلام معين

يمكن عشان يوحوا ان ده الرأي العام عند الناس

بس فيه سواقين تاكسي كتير بيقولوا لي: انت عارفة، حسني ده ساكت كده ومرقد وناوي نية سودا لاسرائيل
هو ح يضربها ضربة ح تجيب اخرها
هو سايبهم يلعبوا كده بس
لكن بكرة بقى تشوفي
نهاية اسرائيل دي على ايد التعلب بتاعنا، وبعدين اسرائيل دي ح تنتهي قبل يوم القيامة عشان دي من علامات الساعة
:))))

مش ده اللي همني في الكلام
اللي همني في الكلام انهم فعلا مؤمنين ان حسني قاعد لحد يوم القيامة

مهندس مصري بيحب مصر said...

هو انتي بعتي العربية
زعلتيني يا شيخة
دي كانت تحفة أثرية
:))

هو الناس مش هاين عليهم إن حكومتنا تكون وصلت للدرجة دي من الخيانة البجحة بوش مكشوف
فبيحاولوا يضحكوا على نفسهم
و مش بعيد تكون المخابرات او أمن الدولة هما اللي مطلعين الإشاعة دي علشان يهدؤوا الناس

عاملة زي الإشاعة اللي بتقول إن عندنا نووي بس مخبيين و إننا جاهزين لإسرائيل بكل حاجة حتى النووي

TAFATEFO said...

مفيش ثعلب بيإإح على روحه

Anonymous said...

على فكرة يا نوارة
انا مش بهزر
فعلا فيه سولقين تاكسى كتير بيشتغلو لحساب المخابرات
المخابرات مش مجرد مكتب لمكافحه الجاسوسيه
بتاع رافت الهجان

لا دة مجرد قطاع صغيييير فى المخابرات

النشاط الرئيسى دلوقتى جوة البلد

بتوع التقارير

زى ايام اونكل صلاح نصر كدة


طبعا مش كل السواقين

بس الكلام العبيط دة لما بيتنشر

ويستقبله السواقين العاديين
طبعا فى الغالب مستواهم الثقافى على قدهم
اة صح
هو كدة
انتى عارفة بقى

مرة كنت راكب مع سواق وكنت ميرى

السواق شكله مدير عام مش سواق تاكسى
قعد ينكشنى
ويقولى البلد خربانه والريس مش عارف ايه
الجيش بايظ


قلتله ماتخافش
احنا عندنا تنظيمات سريه
بتحضر لعمل انقلاب خطييييير
والظاهر ان فيه حركه تمرد كبيرة عندنا
والشهر دة مش هيعدى على خير


ههههههههههه

بعدها ب4 ايام الوزير عمل لقاء
حباييييبى
والله انا بحبكم
والريس بيحبكم موت موت موت
وبيقولى يا طاطا سلملى على الظبابيط ولادى فلزة كبدى

وقام رازعنا علاوة محترمه
بدون اى داعى
طبعا مش هيبقى خيالى واسع لدرجه انى اقول ان دة بسبب كلامى

بس الاكيد ان الحاجات دى مش بتيجى من فراغ
مش كدة ولا ايه؟؟؟؟؟؟

احمد سعيد

Unknown said...

هم ماتجننوش
هو بس بيمنوا نفسهم
مش عايزين يصدقوا ان ده ممكن يكون موقف حكومة مصر الحقيقي
الموقف صعب عليهم بردو

Unknown said...

ياخبر اسود
يوم قيلمة ايه اللي هو هيفضل علي قلبنا لحدها
ده كده بجد يبقي ربنا غضبان علينا

Empress appy said...

ولسه كمان ما هي يا حبيبتى الناس مش عاوزه تصدق فده اسمه هروب من الواقع بالخيال وعندهم هواجس بتقول لهم كده ده اسمه رفض للامر الواقع فعلا
وبعدين مش قولنا قبل كده ناخد الكلام من ناس معتدله يعنى ولا مرفهه اوي ولا مطحونه اوي يعنى
علشان يبقى كلام واقعي ومنطقين ومتنسيش اننا فى زمن الواحد ممكن يبيع فيه عياله ويقتل مراته يبقى بالتالى ممكن يبيع فكره وتفكيره ويتوجهه لحاجه معينه

وبعدين احسن انك بعتى العربيه هاتى واحده زي بطوط يابانى وسعرها معقول وقسطها كمان وربنا يخليها بتحتاج صيانه على المدي البعيد

Nemo said...

هههههههههههههههه
كنت ناوى أقول كلام كتير
احمد سعيد لخصه

أحمد يا سعيد
انت جبت الخلاصة يا برنس

Empress appy said...

احمد سعيد
========
انا لسه قرايه كلامك بعد تعليقى اللى بعته وقعدت اضحك على حمرا دي ههههههههههههههه
بجد اسمعي كلامه يا نواره ولما الراجل يقولك ايه قولى له لا انا عينى بتوجعنى ههههههههه

بهيج لما أشوفك said...

مبارك مستمر في الحكم حتى بعد يوم القيامة ماييجي ويعدي، ده حتى الراجل عنده خبرة يحكم وهو ميت

Unknown said...

هههههههههههه
انا اسفة يا شباب

انا عارفة انكوا بتضايقوا من بهيج
بس بصراحة التعليق بتاعه المرة دي ما قدرتش ما انزلوش
ههههههههههههههه
هههههههههههههههه
هههههههههههههههههه
ههههههههههههههههههههههه

مهندس مصري بيحب مصر said...

يا ستي ما دام تعليق مؤدب مفيش مشكلة
:)

و لا انتي عايزة تضطهديه و لا ايه ؟
:)

مهندس مصري بيحب مصر said...

غوغل تطلق برنامج "لاتيتيود" لرصد تحركات الآخرين

قالت غوغل إن البرنامج يعمل في معظم هواتف الانترنت

قالت غوغل إن البرنامج يعمل في معظم هواتف الانترنت

دبي، الإمارات العربية المتحدة (CNN)-- أطلقت شركة "غوغل" صاحبة محرك البحث الشهير على شبكة الانترنت الأربعاء، برنامجاً يمكن الأشخاص من رصد مواقع بعضهم البعض، باستخدام الهواتف المحمولة، وفق تقرير.

ونقلت شبكة CBS الإخبارية على موقعها الإلكتروني أن برنامج "لاتيتيود - Latitude" يعتمد على "نظام تحديد المواقع - Global Positioning System"، وما يسمى المسح بالاستعانة بعلم المثلثات باستخدام أبراج الهواتف المحمولة.

وتتبلور طريقة عمل "لاتيتيود" بالاستعانة بأقرب ثلاثة أبراج اتصالات، وبضم البيانات المستقاة من "نظام تحديد المواقع"، يتسنى له رصد وتحديد موقع شخص ما.

وُصمم البرنامج للعمل على كافة هواتف الانترنت باستثناء "آيفون iPhone"، وفق التقرير.
روابط ذات علاقة

* بانتظار الجيل الثالث.. "ويب 2" تتعثر مالياً
* الصين تتفوق على أمريكا في استخدام الانترنت

ويطرح "لاتيتيود" في الأسواق كآداة قد تساعد الآباء في تقفي أثر أطفالهم، إلا أن استخدامات الجهاز مفتوحة لرصد تحركات أي شخص كان، بعد الحصول على تصريح إن أمكن.

ويتيح "غوغل لاتيتيود" للأهل والأصدقاء تحديد مواقع بعضهم البعض، وقال ستيف لي، مدير الإنتاج للشبكة: "على سبيل المثال، سيتيح للفتاة التأكد من وصول صديقها إلى المطعم.. وإن لم يكن هذا الحال، فكم يبعد عنه."

وعلى صعيد متصل، تعرضت خدمات البحث على موقع "غوغل" على شبكة الانترنت في أواخر الشهر الماضي لعطل فني أعاق قدرة متصفحي الموقع من الإطلاع على نتائج البحث.

وصاحبت نتائج البحث التي تظهر للمتصفحين تحذيرات من احتوائها على محتويات ضارة بالأجهزة الشخصية في حال زيارة تلك المواقع، إلا أن العطل استمر لفترة محدودة.
advertisement

ونسبت الشركة العطل إلى "خطأ بشري"، مشيرة إلى أنه استمر لمدة 40 دقيقة.

ويعمل موقع "غوغل" بالتعاون مع موقع stopbadware.org على التحقق من عدم احتواء المواقع باختلافها، التي تظهر في قائمة نتائج البحث، على برمجيات مؤذية لأجهزة الكمبيوتر، كما تنبه المستخدمين لأية مخاطر محتملة.

Unknown said...

كفاية اسمه
بقى ده اسم واحد محترم؟

Anonymous said...

احمد سعيد

ههههههههههههه...جامدة موت الحركة اللي عملتها



كنت
داخل انفي الكلام ده بس لقيت الشباب قامت بالواجب


حاجة ايه اللي بيرقدلها


دول جواسيس على درجة رؤساء جمهورية وملوك...بدليل ما فعله ملك المغرب مباشرة بعد طرد السفير الاسرائيلي...وما يفعله مبارك من حصار ....وما يفعله بن آل سعود ...والهاشمي الاردني


لو احسنا الظن بمبارك...ده لو ....فهنقول انه يعلم جيدا حال جيشه وحال بلده...يعلم ان الطائرات الاسرائيلية كما تركب غزة بمنتهى الحرية من الجو...وكما تركب القاهرة بمنتهى الحرية من الحو وكما ركبت لبنا...فهي قادرة فعلا على ان تركب القاهرة وكل مصر

ويعلم ان سلاح الدفاع الجوي ليس كأيام 73

واي مهندس اتصالات والكترونيات قضى فترة تجنيده في الدفاع الجوي يعلم حالة الدفاع الجوي والهرجلة في بعض قطاعاته وقدم معداته مقارنة بما تملكه اسرائيل الآن

والجيش بشكل عام لا يطمئن وكل من قضى تجنيده يعلم ذلك


وده كارثة مكملة للكوارث اللي حصلت في عهده اللامبارك


مبارك يعلم وطنطاوي يعلم ...واسرائيل تعلم بما لها من جواسيس مؤكد وجودهم داخل الجيش خاصة ان الآن اختيار الضباط وبقائهم يصر على ابعاد الوازع الديني اللي هو الحامي الاول من تحول الولاء والاستجابة للاغراءات

مهندس مصري بيحب مصر said...

النرويج تسمح لمجنداتها المسلمات في الشرطة بارتداء الحجاب

المختصر/

المختصر / سمحت الحكومة النرويجية اليوم الخميس لموظفاتها المسلمات في جهاز الشرطة بارتداء الحجاب، مؤكدة أنه من الأهمية بمكان أن يكون لدينا شرطة تعكس كل فئات المجتمع.

وأصدرت وزارة العدل النرويجية بيانا جاء فيه إنه " بعد الاطلاع على رأي رئاسة الشرطة في هذا الشأن، تقرّر إجراء تعديل على زِيّ الشرطة بشكل يمكن الموظفات المسلمات من ارتداء الحجاب".

وأضافت "أن قيادة الشرطة أبدت تأييدها في وقت سابق للسماح بارتداء الحجاب بهدف الزيادة من إمكانية أخذ مجندات من داخل الجالية الإسلامية بالنرويج".

وقالت آنجلين كليننجرين (رئيسة الشرطة) : إننا نرى أنه من الضروري أن يكون في استطاعتنا تجنيد قاعدة أوسع وتشكيل شرطة تعكس كل فئات المجتمع بغض النظر عن معتقداتهم أو عرقياتهم، وأنه من الواجب تغليب هذا الأمر على شرط الحيادية الذي يتّسم به الزِّيّ الرسمي.

جدير بالذكر أنه يوجد العديد من الدول الأوروبية مثل السويد وبريطانيا قد سمحوا فعليًّا للشرطيات بارتداء الحجاب الإسلامي.

المصدر: الإسلام اليوم

77Math. said...

ايه يا نوارة ليه تروحي لبعيد

قصده بهيج من البهجة والسعادة !

بهج يبهج بهجة فهو بهيج !

البهجة والسرور بقت ممنوعة كمان وقلة أدب؟

Unknown said...

يا احمد يا سعيد
انت بتقنعنا احنا؟
على اساس اننا حاطين امل انه بعد تلاتين سنة بيرقد للقضاء على اسرائيل يوم القيامة؟
ماهو يوم القيامة الدنيا كلها ح يتقضي عليها ومعاها اسرائيل
بس الله اعلم موقف مبارك ح يبقى ايه ساعتها ماحدش عارف

وبعدين ده لو مرقد على بيضة ديناصور كان زمانها فقست
ده احنا اللي فقسنا يا شيخ

Anonymous said...

يا نوارة

ماهو علشان دة شعب مبلط فى الخط

وسلبى وجبان وعندة تخلف عقلى

ومش عايز يتحرك

ومستنى الملايكه تنزل من السما علشان تخسف الارض بالظلمه



عمر ماحاله هيتعدل
ولا ربنا يعينه
ومش هينصلح حاله
الالما ياخد حقه بايدة


الملايكه مانزلتش فى غزوة بدر
وال313 مسلم كانو قاعدين فى بيوتهم
لا دول اخذو بالاسباب وقامو واتحركو
رغم التفاوت الرهيب فى القوى
ساعتها الملايكه نزلت
وتحقق نصر ربنا
علشان اخذو بالاسباب


مش زينا


انا مبقنعش حد
اياكش تولع
اللى ياكل على ضرسه ينفع نفسه
البهوات اللى سرقاهم السكينه ومصدقين الكلام الاهبل دة
بكرة يتسكو فوق دماغهم

لما شوفو الامريكان ولا اليهود سارحين فى شوارع القاهرة

وهم فاتحين بقهم على وسعه
فى بلاهه
هو الريس فين؟؟
فين الجيش؟؟؟
هو ماحدش بيحارب ليه؟؟

ولا اضعف الايمان
انتو مستنيين مبارك يموت؟؟؟؟

بتستسهلو
طيب
ربنا اهو مطول فى عمرة
ويمكن كمان يقفل130 سنه
مسالتوش نفسكم ليه
اشمعنا مبارك بيعمر بينما الشباب بيموتو من السكر والسرطان؟؟؟


خليهم يا نوارة
مش كانو بيقولو زمان خليك فى حالك وكل عيش

ادى العيش مش لاقيينه

وطول ما حاله التناحه دى مستمرة فى البلد

ربنا هيضيقها علينا كمان وكمان

ولو كانو فاكرين ان مافيش اسوأ من كدة
وهم مستحملين
طيب
لا دا فيه الاسوأ والاسوأ

الهاويه اللى مصر بتقع فيها مالهاش قاع
يعنى مش هيستريحو ابدا

المشكله انهم مش عايزيين يتعلموا ابدا


فعلا مبارك معاة حق يعمل فينا كدة واكتر

لان شعب دة حاله
ودا تفكيرة
يستحق اكتر من كدة بكتيييييييير

ولسه




احمد سعيد

Anonymous said...

first post to read in 2 month while not being ANNOYED like hell with the .... comments of mowaten masry.

Unknown said...

لا يا احمد
الشعب مش وحش ولا حاجة
بس حط اي حد في الظروف اللي محطوط فيها الشعب المصري وعرضه لكمية غسيل المخ اللي هو اتعرض له وشوف ح يطلع منه ايه؟
احنا بنمر بظروف لا انسانية بقالنا تلاتين سنة
واي شعب بيمر بظروف وحشة او بيتعرض لغسيل مخ بيطلع منه حاجات وحشة

ده اكيد
ومصر اتعزلت بقالها تلاتين سنة وهم مستفردين بينا في التلاتين سنة دي نازلين تلطيش وغسيل مخ لما عجنونا
وبعدين مين شاب في الدنيا اول ما يفتح عينيه للعالم يلاقي عربيات الامن المركزي محاوطة الجامعة ويطلع شجاع
ده لسة بيقول يا هادي في حياته
ومن اول لحظة بيتعامل في الجامعة على انه مجرم متحاصر

Unknown said...

الناس محتاجة حد يحبها مش يكرهها
على فكرة موضوع غزة الاخير ده كشف قد ايه احنا شعب مرهق وتعبان ومحتاج مساعدة اكتر من الفلسطينيين كمان
بس مساعدة نفسية مش مادية

من امتى الناس بتموت بعض على الفلوس في مصر؟
ماحنا طول عمرنا يعني جعانين
انت ملاحظ ان في الفترة الاخيرة جرايم القتل زادت قوي
وجرايم بشعة، اب يقتل ولاده بنت تقتل امها ابن يقتل امه
الناس مساكين

Unknown said...

وبعد كده هم بيقولوا كده لانهم مش قادرين يصدقوا ان ده بيحصل
مش قادرين يصدقوا يا احمد

Anonymous said...

صدقتى يا نوارة
امبارح نفسى هفتنى عالفول
نزلت اكل
الراجل يا عينى مش ملاحق عالطلبات
واحد جنبى طالب بطاطس
البياع بيستعجل الراجل اللى بيعمل البطاطس
بسبب الزحمه يعنى
اتاخر 5 دقايق
اللى واقف جنبى
ليه وليه
هواحنا فاضينلوكو
وقام ماسك فى البياع ونازل فيه طحن

مع العلم ان الساعه كانت الواحدة فجرا

الناس مبقتش طايقه نفسها

من شويه كنت بتفرج على برنامج الكاميرا الخفيه
just for laughs
استغربت ايه دة فى ناس كدة
ترخم عليها وتضحك برضه
النس ماشيه فى الشوارع مبتسمه

مش زى عندنا

لما شفتلى كام حلقه
قلت يا سلااام
اهو لو عملو حركه من دول فى مصر
الواحد فيهم هيلاقى مصارينه عالارض

ههههههههههه


كل ماتلمى واحد يقولك روحى فى مناخيرى
روحى فمش عارف ايه



احمد سعيد

بهيج لما أشوفك said...

طبعا مبارك أبو التعالب راقد في الدرة، بصواعليه كده وعلى خباثته وهو قاعد يقصف في عمر خلق الله ومن غير حرب ولا يحزنون، طيب بصوا كده على العالم إللي جاب أجلهم؛ السادات راح، رونالد ريجان راح، جيرالد فورد راح، بيجين راح، رابين راح، الملك خالد راح، الملك الحسن راح، الملك حسين راح، صدام راح، حتى السرطان والبواسير إللي جاتله راحوا وهو مارحش، علشان كده أنا بأقترح رفع شعار إستخدموا أبو التعالب في القضاء على البلهارسيا

Dornen said...

ده من الصدمة يا نوارة, الناس مش مصدقة انه بقي علني عينك كدة

فا بيوهموا نفسهم انه اكيد فيه سر خفي, مش فاهم ليه الصراحة

زي الاسطورة بتاعت الحرامي اللي بيسرق قال عشان يدي للفقراء

و علي راي احمد سعيد, هو جوبلز السبب, مش الشعب لا, يعني نسيب الغيبيات و ناخد باللي قدامنا