الله، الناس ابتدت تهلفط

دلوقت واحدة صاحبة ماما قالت لها: لا...هي الحكومة المصرية بتعمل كده في العلن، لكن اكيد في السر بيعملوا حاجة تانية خالص

على فكرة، الست دي ماهياش يعني مخلولة ولا حاجة، اقصد لحد وقت قريب، وماهياش فريدة عصرها

اتنين زمايلي في الشغل والساعي ابتدوا يقولوا لي الكلام ده مؤخرا

وبما اني بقالي مدة بايعة العربية، فباركب تاكسيات وانا بطبعي ما احبش اقول للتاكسي حاجة احب اسمعه

تقريبا حوالي خمسة وتمانين في المية من سواقين التاكسي مقتنعين بان كلللللللللللللللل اللي عوكل وعاطف السكري بيعملوه ده تمويه والحقيقة انهم في السر بيعملوا حاجة تانية خااااااااااااااااااااااااااالص

امممممممممممم

طيب الحفاظ على السلامة البدنية والعقلية للمواطنين ده منصوص عليه في حقوق الانسان، لما يأكلونا اكل مسرطن وساكتين

يوصل الامر انهم يجننوا الناس كمان؟

لا حول ولا قوة الا بالله، حاجة تقطع القلب، عليه العوض ومنه العوض