Sunday, 15 February 2009

هو مش ده الانبا مكسيموس؟

شايفين الراجل اللي في اخر صف تاني واحد لو بتعد من على يمينك وخامس واحد لو بتعد من على شمالك لو بتتفرج على الماتش من التلفزيون مش ح تشوف حاجة؟
هو الراجل ده مش شبه الانبا مكسيموس وللا انا بيتهيألي؟
هو مين الراجل ده؟

20 comments:

مواطن مصري said...

هتلاقيهم من التراس اهلاوي انا بحب قداسة البابا شنودة من اول ما طلع مكسيموس دة و انا قرفان من شكلة

Anonymous said...

That's the chief Sephardic Rabbi in Israel. He's originally Moroccan and his name is Rabbi Shlomo Amar (http://en.wikipedia.org/wiki/Shlomo_Amar).

جبهة التهييس الشعبية said...

انونيمس
شكرا على المعلومة
شبه الانبا ميكي ماوس وقي اصل انا زي مواطن مصري كده ما باحبوش الانبا ميكي ماوس ده
السادات لما حبس الانبا شنودة حط ميكي ماوس بداله وفجأة سقط علينا من امريكا وعمل فتنة

TAFATEFO said...

مبحبوش؟؟!! طيب

اتمسوا بالخير بقى

TAFATEFO said...

أغرب حاجه بقى ان يتقال ان ماكسيموس هو اللي عمل الفتنة!!!!!!!! ده بأمارة ايه يعني؟؟

حنة لو بيمثل فكل أفعاله تحارب القتنة الطائفية وتسعة للقضاء عليها وسد كل الثغرات التي ينفذ منها مثيروا الفتنة وتصريحاته وقراراته واضحه

TAFATEFO said...

أنا مبكرهش الأنبا شنوده .. بعتبره رجل له مواقف بالإيجاب والسلب .. أحترم وأقدر قراره بعدم زيارة القدس تحت الإحتلال الإسرائيلي ورفضه الكامل للتطبيع .. لكن برضه بنتقد من تصرفاته وسياسته الكثير المعروف والمسكوت عنه لأسباب كثير

ماكسيموس .. أعرفه من كلامه وقراراته المثيره للجدل .. واللي شايفها شجاعه وفي مصلحة الوحدة الوطنية وتعادي كثيراً من توجهات الأنبا شنودة التي أرفضها

جبهة التهييس الشعبية said...

واحد يهبط علينا من امريكا ويعمل انشقاق في الكنيسة وتقول لي بيحافظ على الوحدة الوطنية
ما تسيبوا الانبا شنودة في حاله هو ح يلاقيها منين وللا منين
بكرة تعرفوا قيمته

جبهة التهييس الشعبية said...

يا بهيج بدل ما قاعد تقرفني وتخليني اعمل رجيكت لخمسين تعليق بتسيبهم

ما تدخل كده على البالتوك وللا على اي منتدى امريكاني من اللي عندكوا وتعمل لك منظر في معاداة الصهيونية دي الله لا يسيئك

اللي قاعدين في امريكا واوروبا والدول المتقدمة لهم عازة جامدة دلوقت

ادخل كده سيبلهم فيديوهات عذب ميتين ابوهم وكل دماغهم

على الاقل تبقى بتعمل ثواب بدل ما انت بتضيع وقتك في الغلاسة على مخاليق ربنا من غير سبب

سلط غلاستك دي على الصهاينة على النت واعملها بجميلة وخد ثواب


طبعا ما تقدرش تقول الكلام القذر ده لواحدة يهودية عندكوا في امريكا والا تتهمك بمعاداة السامية وتلحق تبعتك على جوانتانامو قبل ما يتقفل

فالح بس تتشطر علينا هنا وتقرفنا

لا راجل يا ولا

مواطن مصري said...

طفاطيفو وحشني جدا و الله


ماكسيموس فعلا عمل انشقاق في الكنيسة المصرية

و ان الكنيسة المصرية هي من لكنائس الوحيدة المتمسكة من زمان


و نفس الوقت التطرف مش سببة مكسيموس اينعم التطرف سببة الجهل و تدنى مستوى الاقتصادي بس ملهوش علاقة بمكسيموس
ميكي ماوس هدفة انشقاق الصف في الكنيسة المصرية

بس

و نحمد الله ان هناكرجل مثل قداسة الباب شنودة كمصري احترمة و كمسلم احترمة و احبة

مواطن مصري said...

نوارة هوا انتي شفتي الملك لير


؟؟

karakib said...

انا كمان مابحبوش ماكسيموس .. لأن اللي عمله ما يتعملش

Anonymous said...

هذا الحاخام اسمه شلومو عمار
احطت به الكثير من الفضائح ومنها عندما قام ابنه واخرين باختطاف شاب عربي بدعوى له علاقة مع ابنة الحاخام
صديق فلسطيني

جبهة التهييس الشعبية said...

شفتها؟
ده انا طفحتها
شفتها عربي وانجليزي
كانت مقررة علي في الكلية

واحدة مفروسة said...

اه تصدقى هوه

جبهة التهييس الشعبية said...

لا مش هو يا مفروسة
ماهو قالوا لك انه حاخام سفرديمي اسمه شلومو عمار ومن اصل مغربي

هو بس شبه مكسيموس قوي
كأنه اخوه التوأم

اهو عشان ما يقرفوناش بموضوع الجنس السامي والجنس الرامي

اهو واحد مصري نسخة من واحد يهودي
مين فيهم اللي سامي بقى؟

جبهة التهييس الشعبية said...

اسكتوا يا عيال مش الولية المجنونة بتاعة الجماعات الاسلامية اصلهم يهود مخطوفين بتقول ان اليهود جنس ارقي من بقية البشر
:)
لا حول ولا قوة الا بالله
وبرضه الاسرائيليين اللي بيدخلوا لها مقتنعين يا عيني تماما بالنظرية دي

على فكرة ما ينفعش كده
اسرائيل دي الظاهر بتضرب مخ اللي عايشين فيها وللا ايه؟

احمد سعيد said...

نوارة
انا اول لما لقيتك حاطه البوست دة الساعه 3الفجر
عرفت ان الموضوع هيوسع
بصوا يا جماعه
ما حدش يزعل منى
عموما
الشقاق فى الكنيسه المصريه
او الكرازة المرقصيه
لانها مش بتضم مسيحيى مصر فقط

الشقاق دة موجود من زمان
من قبل ماكسيموس بكتير
وباكتر من بسبب اغلبه بسبب رفض بعض السياسات المسيطرة
بالاضافه للرغبه فى تلافى بعض اوجه القصور والفساد
يعنى الموضوع دة من زمان

وكل واحد ييجى عايز يغير يقولوا عليه عميل لقوى اجنبيه؟

تقريبا اتعلموا من ناس

اللى مش مصدق يرجع لقصه البابا كيرلس الخامس
مع المجلس المللى
لما قال انهم عملا للانجليز وعايزين يعملوا كنيسه بروتستانتيه فى مصر تدين بالولاء لانجلترا

انا شخصيا لا اوافق البابا شنودة على الكثير من مواقفه
ولن اقول الدينيه لان دى شأن خاص بالاخوة الاقباط هم حرين فيه

ومش هتكلم اكتر من كدة

علشان دة مش وقت شد وجذب فى المواضيع دى
ولان الكنيسه فى مصر تابو مغلق من الصعب جدا معرفه تفاصيله

هم احرار ,دى كنيستهم ويختلفوا مع بعض كيفما يريدون

طالما ان الموضوع لا يتعلق بامن البلد ككل


بس طلبى منكم
لو سمحتم
طالما عايزين تعرفوا اللى بيحصل ايه بالظبط
فياريت ماتعتمدوش عالكلام الرسمى اللى بيطلع من الكنيسه
وتمشوا وراة
لان الصورة الحقيقيه مختلفه عن كدة كتير
دا على حد علمى

ومش هتكلم فى الموضوع دة تانى

فهلاو said...

كنت لسه هاقولك ان ده لبس الحج عوفيديا يوسف بتاع حزب شاس تقريبا بس الصورة غريبة ربما صورته وهو صغير والله يكرمهم الولاد العسل دول فهمونا انه الرابى شلومو عمار

على فكره الرابى ترجمتها بالعربى حبر أو كاهن

فيه قصه بقى فعلا ورا كون كبار الكهنة اليهود من أصول سفاردية عربية، ومن المغرب تحديدا والمشكله انهم بيبقوا اوسخ صهاينه وتطرفهم رهيب

المغرب فيها كام ألف يهودى وفيها وزرا واعضاء برلمان يهود وفيها ناس يهود محترمين، عشان ما حدش يقول اننا بنعادى اليهود لمجرد كونهم يهود، بس المجتمع اليهودى المغربى مثير برضو للتساؤل

انتى مدينه باعتذار لماكسيموس وربما حد ياخد الصوره وما يثبتش التعليق والتصحيح من فضلك صححى البوست نفسه وده ما يقللش من قرفك من سعاته

بس حتى اللى احنا قرفانين منهم ليهم حقوق، أقلها اننا ما نقولش عليهم حاجه مش صح

TAFATEFO said...

ما هو يا أحمد سعيد بك زي ما حضرتك بتقول بالظبط .. وفي حاجات كتير جداً جداً جداً مسكوت عنها .. مع انها معروفه

كون بقى السادات حدد إقامته .. واحنا مبنحبش السادات .. نبقى ننفي كل ما يمسه .. وندين كل من يعاديه

هو أنا هستغرب لو حضرتك مش عارفه .. بس لو مش عارفه .. هتلاقي قاعد جنبك ناس كتير عارفين

الأنبا شنوده على عيننا وراسنا بحكم موقعه .. انما مش لمجرد ان السادات حدد إقامته يبقى ------------ .. دمتم بود

مصر تحت الاختلال said...

اليهود السفارديم (سفرديم) هم اليهود الشرقيون و هم يختلفون في المذهب عن اليهود الغربيين أو (الأشكيناز) ، و الذين تعود أصولهم الأولى ليهود آيبيريا (إسبانيا والبرتغال) الذين طردوا منها في القرن الخامس عشر، و تفرقوا قي شمال أفريقيا و آسيا الصغرى ،و الشام، و كثير منهم كانوا من رعايا الدولة العثمانية في المناطق التي تخضع لسيطرتها، و كانت لهم لغة خاصة هي لادينو و كانت اللغة مزيجا من اللغة اللاتينية و تحوي كلمات عبرية ، و لكنهم تحدثوا لغات البلاد التي استوطنوها ، كالعربية ، و التركية ، و الإيطالية.

و سفارد (ספרד) اسم مدينة في آسيا الصغرى تم ربطها بإسبانيا عن طريق الخطأ، فتُرجمت الكلمة في الترجوم (الترجمة الآرامية لأسفار موسى الخمسة) إلى «إسباميا»، و«سباميا»، أما في البشيطا (الترجمة السريانية لأسفار موسى الخمسة) فهي «إسبانيا». وابتداءً من القرن الثامن الميلادي، أصبحت كلمة «سفارد» هي الكلمة العبرية المستخدمة للإشارة إلى إسبانيا. وتُستخدَم الكلمة في الوقت الحاضر للإشارة إلى اليهود الذين عاشوا أصلاً في إسبانيا والبرتغال، مقابل الإشكناز الذين كانوا يعيشون في ألمانيا وفرنسا ومعظم أوروبا[1].

في إسرائيل هناك حاخمية شرقية( أعلى هيئة دينية) تضم تحت لواءها كل اليهود من باقي الجاليات الشرقية غير السفرادية أي غير اليهود الذين نفوا من الأندلس وهم البخاريون, اليمنيون, يهود بلاد الرافدين, يهود بومباي...

رابي "شلومو موشي عمار" المغربي الأصل هو الحاخام الأعظم في إسرائيل وسبقه قبل دلك العراقي "عوباديا يوسف" .