Friday, 6 February 2009

هو انا ماحدش بيرد عليا ليه؟ باقول ايه العسل اللي احنا فيه ده؟

بيقول لك واحد من حماس لم تبرعات وداخل بيها من مصر لغزة راحوا ماسكينه وقالوا له جبت الفلوس منين، قالهم دي تبرعات ناس للمنكوبين، راحوا ضاربين عليها، اه وربنا، ضربوا على عشرة مليون دولار زكاة مال الناس وفلوس الايتام والمعاقين والمصابين ومنكوبي الحرب اللي هم اصلا سبب في اصابتهم لما قفلوا عليهم بالمفتاح من برة وهم بينضربوا جوة وقالوا لهم: لما تبقوا تموتوا يبقى ندخلكم
وبعدين بيقول لك قارب الاخوة اللي بيحمل مساعدات وفيه صحفيين واطباء ورجال دين مسيحيين ومسلمين واكل ومعونات طبية، قال لك بقى راحوا ناطين عليهم جوة المياه الاقليمية المصرية وظبطوهم بقى، وركاب القارب اتصلوا بمصر ومصر ما ردتش عليهم
ايه العسل اللي احنا فيه ده؟
انا مش سألت السؤال ده قبل كده؟ ماحدش بيرد ليه؟ اللي مش ح يجاوب ح اسقطه واطلعه من المدرسة واوديه المرور واقول لهم انه عليه مخالفة السير عكس الطريق عشان يدفعوه تلاتلاف جنيه ويحبسوه اربع ايام على ذمة التحقيق ويطلقوه من مراته ويدخلوا عياله الاحداث ويضربوا جوز خالته ويخلوا خالته تتفرج، مش بتذاكروا ليه؟ فين جدك اللي كان بيذاكر على اضاءة عمود النور وطلع الاول ودخل كلية الطب
- هو جدو دكتور؟
لا ماهو ساب الكلية عشان يشتغل ويساعد ابوه
الحمد لله ان امي عمرها ما قالت لي الكلام ده وانا صغيرة ابدا بس صحابي في المدرسة كان بيتقال لهم الكلام ده وكانوا مصدقينه وما استغربوش ابدا ان تقريبا تلات اربع جدود اللي في الفصل ذاكروا على عامود النور ودخلو الطب وسابوا الطب عشان يشتغلوا 
عشان كده لحد دلوقت مش عارفة افهم: ايه العسل اللي احنا فيه ده؟ اكيد صحابي في المدرسة زمانهم فاهمين دلوقت

17 comments:

حـنــّا السكران said...

مش عم نردّ أحسن ما تقولي اننا بنحسد ..

اللهم لا حسد ..لأنه الحمد لله ربنا منعم علينا كلنا بهالعسل .. بس الحقيقة عوكل غير ..الواحد يقول ضميره . ..يعني مثلاً إذ بتلفـّي الأرض كلها و الكواكب المجاورة ما بتلاقي أتفه و أزنخ من وليد جنبلاط . لكن بس توصلي لعند عوكل بتقولي ستوب .. هيدا الإبداع ..هيدا اللي ما جابت النسوان و لا رح تجيب متله . و بتصيري تنظري لجنبلاط و أمثاله بعين العطف .
ـ لم يعرف التاريخ عوكلاً كهذا العوكل.. يبتسم و الدموع في عينيه .. يبكي و الإبتسامة على شفتيه ..يقتل و هو يطبطب بيده الحانية على كتف القتيل .. يموت الناس جميعاً و عوكل باقي للأبد كورقة سقطت سهواً من التاريخ ..لم يبلغها الموت ..و لم تكشف الحياة سرّها بعد ..
عوكل اّخر الفراعنة و أقواهم .. لا يحتاج لبناء هرم باسمه .. هو الهرم الواقف في وجه الريح و الأزمان , لا البحر انشق و ابتلعه , و لا الأرض خسفت به , و لا السماء هبطت عليه , سبحان من يـُبقي عوكل حيّاً قوياً لا يرف له جفن ..لا تكسره الأزمات و لا يغشاه الندم . و لا يمكن الوصول إلى قلبه أو عقله .
عوكل اّخر أسرار الفراعنة ,,و أحد أعظم عجائب الدنيا على مرّ الأزمان .. هركليس العائد من الميثيولوجيا حاملاً بركة زيوس و كلّ ألهة الأولمب .
المجد لعوكل حتى اّخر الزمان .و ما بقي الليل و النهار ,

Tarek said...

شوفتى يا نوارة المذيعة بتاعة تلفزيون الجديد و هيا بتحكى انها قالت لظابط الأسرائيلى احنا هنمشى النهاردة لأنكوا عارفين يعنى ايه لبنانى يبات بالحبس و عارفين ايه هيكون مستنيكوا تانى يوم لو طلع النهار و احنا مش فى لبنان

انا مالى بقى انا عايز زى نصرالله فى مصر

Pink said...

مصر تمنع لجنة تابعة للمحكمة الجنائية الدولية من دخول غزة

http://www.asharqalawsat.com/details.asp?section=4&article=505967&issueno=11028

في خطاب مفتوح للسفير الاسرائيلي في المجر كريستينا مورفاي زعيمة حركة اليمين المجري تهاجم عدوان اسرائيل علي غزة و تصفه بالابادة لشعب فلسطين و تعرب عن اعتقادها ان زعماء اسرائيل سوف يسجنون نظير اعمالهم. و تسترسل في الاعراب عن مشاعرها بالفرح عندما سمعت بوقوع اصابات في القوات الاسرائيلية أثناء الحرب. و قالت ان الطريقة الوحيدة لمخاطبة اناس مثل الصهاينة هي طريقة حماس و تمنت لهؤلاء القتلة القذرين الجرباء ان ينالوا قبلات حماس

http://www.haaretz.com/hasen/
spages/1061981.html

7 said...

التغيير يبدا من جوة

عايزك تتكلمي عن الاحتجاج بتاع 6 ابريل 2009

عارف ان احنا مش لازم ننسى حوار غزة و حاجة و عدت

بس نركز برضة في الاحتجاج دة ,, ممكن

7 said...

اكيد بتمشى فى الشارع و مخنوق من البلد
نفسك تسافر فى اول طياره .. أو أول مركبه حتى لو احتمال تغرق
اكيد مخنوق من الفساد و الرشاوى و عدم الرقابه على الموظفين و اكيد عارف ان الفساد بييجى من فوق و انهم قاصدين ان الفساد ينتشر

اكيد مخنوق من التعليم الفاشل اللى بنتعلمه و مالوش اى علاقه بالواقع

اكيد مخنوق من المواصلات الزحمه و الطرق المكسره و اللى بدون تخطيط
اكيد مخنوق من العشوائيه فى اتخاذ القرار

اكيد مخنوق من الاسعار اللى بتزيد كل يوم بسبب رجال الاعمال المحتكرين لجميع السلع و بيرفعوا اسعارها بدون رقيب او حسيب

مش عارف تتكلم
مش لاقى اللى تتكلم معاه

لكن ليه نخاف
و ليه نسافر و نسيب ليهم البلد
البلد دى بلدنا
و إحنا إللى هانغيرها

أكيد واحد لوحده مش هايعرف
و لا عشره و لا ألف
إحنا محتاجين كل الناس
محتاجينك انت
فكر معانا
و حاول معانا

فى شباب كتير فى دول تانيه قدروا يغيروا بلدهم للاحسن رغم كل الفساد و الاستبداد
إحنا مش اقل منهم

جرب تفكر معانا


---------------------------------
إلى أهالي الدويقه و المنكوبين

إلى أهالي المحله أبطال مصر و أهالي معتقليها

إلى أهالي سراندو و عزبه محرم و البارودي وطوسون و كل الفلاحين المُغتصبه حقوقهم

إلى أهالي أبو رجيله المظلومين

الى كل سكان العشوائيات فى مصر

إلى معلمي مصر الأحرار المتضررين من الكادر الخاص المُهين

إلى مهندسي مصر الأحرار الساعين لتحرير نقابتهم من الحراسه و النهب الحكومى

إلى الأطباء الشرفاء الباحثين عن كادر خاص يضمن لهم حياه مناسبه دون اللهاث خلف العيادات الخاصه
الى شباب الاطباء الذين لا تكفى مرتباتهم البسيطه قيمة ما يتحملنه من عناء

الى اساتذة الجامعه المصريين الشرفاء الباحثين عن كادر خاص يضمن لهم حياه كريمه

الى الاداريين فى الادارات التعليميه و المدارس الذين لا تكفى مرتباتهم ثمن العيش الحاف

الى جميع الطلاب المظلومين مع نظام تعليمى متخلف

الى كل الشباب العاطلين

الى عمال المحله المناضلين

الى موظفى الضرائب العقاريه الابطال

إلى عمال السكه الحديد و مترو الانفاق

إلى ضحايا أكياس الدم الفاسده و ذويهم

إلى أهالي غرقى عباره السلام

إلى ضحايا و قتلى قطار الصعيد و ذويهم

الى كل الشباب العاطل

الى كل موظف لا يكفى راتبه لقمة العيش الحاف
إلى أهالي ضحايا المنيا , قتلى الإهمال و التسيب

إلى أهالي و أقارب قتيله الشرطه في صعيد مصر

إلى أهالي بورسعيد الذين أعلن نظام مبارك الحرب عليهم

إلى أهالي دمياط الرافضين لأجريوم و غيره من قذارات الحكومه



إلى اهالى و انصار جميع سجناء الرأى

إلى أهالي سيناء المهُدره حقوقهم

إلى الشباب المصري الذى ضاع حاضره و يترقب مستقبله

إلى كل مصري حر شريف يعانى من الظلم و الفساد و المعاناه
.
.يوم 6 ابريل 2009 ... طالب بحقك
بأى صوره تحبها
.
إعلنوها من الآن 6 إبريل 2009 إحتجاج عام لشعب مصر ومطالبنا

Anonymous said...

يا نوارة لازم تدخلى على الرابط ده ضرورى حاجة تشيب الشعر فعلا بالله عليكى أدخلى و أرجوا منك التعليق على مثل هذا ربنا يستر على أم المؤامرات الى نازلة ترف علينا
http://islamway.com/?iw_s=Article&iw_a=view&article_id=5051

الرابطة وبناء الأمة said...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

مهندس مصري said...

لا انا اول مرة أعرف موضوع مصادرة التبرعات ده
هاتي اللينك فوراً

ثم ده الطبيعي إنهم يأكلوا مال النبي و أموال الأمة كلها
يعني هو عوكل كان رحم حد قبل كده

أما سفينة الأخوة فإتهاجمت طبقاً لكلام الجزيرة في المياه الإقليمية الفلسطينية

هما دخلوا من المياه الدولية للمياه الإقليمية المصرية لتفادي مطاردة الزوارق الحربية الإسرائيلية لهم
لكنها بقيت تتابعهم من المياه الدولية وتهددهم عبر اللاسلكي
و أول ما عبروا خط الحدود الفاصل بين المياه الإقليمية المصرية و المياه الإقليمية الفلسطينية أمام رفح الفلسطينية هاجموهم على طول و إستولوا على السفينة و ضربوا اللي فيها و إتجهوا بيهم بالعافية لميناء أشدود

عايز تفاصيل موضوع مصادرة التبرعات ده و لينك بسرعة

mido said...

طز فيهم

برده الفلوس حتعدى من الأنفاق

و حيدفعوا مرتبات الموظفين الشهر ده زى الشهر اللى فات

باذن الله

مهندس مصري said...

يا سلام على فنجرة البق و الهجايص

مبارك يهدد إسرائيل بـ "رد الصاع صاعين" إن هاجمت مصر

التاريخ: 9/2/1430 الموافق 05-02-2009 | الزيارات: 685
المختصر /

المختصر / أطلق الرئيس حسني مبارك، تحذيرًا شديد اللهجة إلى إسرائيل، مهددًا بأن القوات المسلحة المصرية قادرة على "رد الصاع صاعين" لها، في حالة تعرض مصر لأي عدوان على أراضيها أو النيل من سيادتها، مؤكداً أن مصر تعمل على تعزيز قواتها المسلحة بهدف تأمين السلام، الذي يظل التزامًا مصريًا طالما تلتزم به إسرائيل.
وجاءت تصريحات مبارك في كلمته أمس بمناسبة احتفال بعيد الشرطة، وتعد هي الأقوى ضد إسرائيل، وجاءت إثر انتقادات واجهها النظام المصري، واتهامات له بأنه كان على علم مسبق بنية إسرائيل مهاجمة قطاع غزة، خلال زيارة قامت بها وزيرة الخارجية الإسرائيلية تسيبي ليفني إلى القاهرة عشية الهجوم الذي بدأ في 27 ديسمبر الماضي.
وأضاف مبارك "إن لمصر جيشا قويا قادرا، وإنني كقائده الأعلى لن أنجرف لما يقامر بأرواح أبنائه، إلا دفاعا عن أرض مصر وسيادتها ومصالحها العليا.. إننا نواصل تعزيز قدرات جيشنا مؤمنين بأن السلام تحميه القوة ملتزمين بالسلام حريصين عليه، طالما بادلتنا إسرائيل حرصا بحرص والتزاما بالتزام، ويبقى أبناء قواتنا المسلحة مستعدين لرد الصاع صاعين، إن وقع عدوان على أرضنا وسيادتنا والمصالح العليا للوطن".
وشدد الرئيس مبارك على أن الاتفاق الأمني، الذي وقعته وزيرة الخارجية الإسرائيلية تسيبي ليفني، ونظيرتها الأمريكية السابقة كوندوليزا رايس، بشأن "منع تهريب الأسلحة" إلى قطاع غزة، "لا يلزمنا بشيء".
وتابع قائلا: "لقد روجت إسرائيل خلال العامين الماضيين لموضوع التهريب والأنفاق.. وعاودت التركيز على هذا الموضوع بعد عدوانها على غزة.. وعاودت التركيز على هذا الموضوع بعد عدوانها على غزة.. وخلال اتصالاتنا لوقف إطلاق النار.. وأقول إن تهريب البضائع هو نتيجة للحصار.. وإن الاتفاق الإسرائيلي -الأمريكي لمراقبة تهرب السلاح لا يلزمنا في شيء".
وجدد مبارك رفضه السماح بتواجد أي مراقبين أجانب على الجانب المصري من الحدود مع قطاع غزة، "أقول إننا - كأي دولة مسئولة - قادرون على تأمين حدودنا.. لن نقبل بأي تواجد لمراقبين أجانب على الجانب المصري من الحدود، ونتمسك بأن تبتعد أية ترتيبات إسرائيلية دولية عن أرض مصر وسمائها ومياهها الإقليمية".
وغمز مبارك من إيران وحلفائها، غداة إطلاق تحرك عربي التدخلات غير العربية في الشئون العربية، مؤكدا أن الأزمة التي شهدتها المنطقة بسبب الحرب على غزة كشفت محاولة استغلال العدوان الإسرائيلي لفرض واقع جديد على الوضع الفلسطيني والعربي الراهن، "تغير معادلته وتعاد ترتيب أوراقه لصالح قوى إقليمية معروفة ولخدمة أجندتها ومخططاتها، كان الهدف سحب الشرعية من السلطة الفلسطينية ومنحها للفصائل، والهدف تكريس الانفصال القائم بين الضفة الغربية وقطاع غزة".
وأكد مبارك أن مصر لا تخضع للابتزاز، وقال "لن اسمح لأحد باستدراجنا لخطوات غير محسوبة العواقب، تنساق وراء مخططات قوى إقليمية معروفة، وتخدم أهدافها ومصالحها"، موضحا أن لمصر جيش قوى قادر وأنه لن ينجرف إلى ما يقامر بأرواح أبنائه إلا دفاعا عن أرض مصر وسيادتها ومصالحها العليا.
وحذر من الحديث عن مرجعية جديدة للشعب الفلسطيني، في إشارة إلى دعوة خالد مشعل رئيس المكتب السياسي لـ "حماس" لإيجاد مرجعية سياسة بديلة لمنظمة التحرير الفلسطينية، متسائلا: "لصالح من نهدر الشرعية التاريخية لمنظمة التحرير الفلسطينية؟.. أليس من الأولى العمل على إصلاحها وتفعيلها؟ أولم تتفق كافة الفصائل على ذلك في القاهرة عام 2005"؟.
وتابع: هل كانت مصر بدورها ومواقفها هي المستهدفة منذ بداية العدوان على غزة، وقال: إن هذا التساؤل المشروع تعززه المتابعة المدققة لتسلسل الأحداث، قبل العدوان وخلاله وبعد توقفه، لقد ترددت الدعوة لسحب مبادرة السلام العربية على مدار العام الماضي، وعادت لتتردد بقوة خلال العدوان على غزة ، وخلال اجتماع "الدوحة" والقمة العربية بالكويت، فهل كان هذا هو القصد من تصعيد الوضع في غزة؟.
وفي إشارة إلى الدعوات المطالبة بسحب المبادرة العربية للسلام مع إسرائيل، استطرد مبارك متسائلا: "بفرض سحب المبادرة أو تجميدها، فما هو البديل؟ هل هو مجرد قطع العلاقات وإغلاق السفارات؟ أم هي الحرب إلى آخر جندي مصري؟ وهل كان الهدف النهائي هو ابتزاز مصر واستدراجها وتوريطها؟.
وأضاف ملمحا إلى "حماس" التي حملتها مصر المسئولية برفضها تمديد التهدئة مع إسرائيل، أن "المقاومة ليست شعارات تستخف بأرواح الشهداء، وتتاجر بدماء الجرحى ومعاناة المدنيين الأبرياء"، وشدد على أن المقاومة لابد أن تخضع لحساب الأرباح والخسائر، وهي مسئولة أمام الشعوب تحاسبها بقدر ما تحققه من مكاسب لقضاياها أو ما تؤدي إليه من ضحايا وآلام ودمار.
وتابع قائلاً: "فلسطين كانت وستظل في قلب شعب مصر"، معتبرًا أنه "قدم الكثير من التضحيات" من أجل القضية الفلسطينية، وبينما أكد أن مصر ستواصل دعمها للشعب الفلسطيني وقضيته، إلا أنه شدد على أن "الأولوية ستبقى لمصر أولاً وأبدًا وفوق كل اعتبار، لحماية أمنها وللدفاع عن مصالح شعبها."
وتطرق مبارك في كلمته إلى جهود مصر لوقف عملية "الرصاص المصبوب"، التي قام بها الجيش الإسرائيلي واستمرت 22 يومًا، مخلفة أكثر من 1300 شهيد و5400 جريح، قائلاً إن مصر تمكنت من وقف إطلاق النار في غزة، وتواصل السعي لتثبيته.
وفي تمليح إلى ما تسمى بدول "محور الممانعة" التي هاجمت الموقف المصري، قال مبارك إن المحرضين على القتال وقفوا مكتوفي الأيدي أمام العدوان على غزة ولم يحركوا ساكنا واكتفوا بالخطب والشعارات، وقال: إن تاريخ عالمنا العربي حافل بأمثلة عديدة لمن علا صوتهم وتضاءلت أفعالهم.. ولمن عرضوا شعوبهم لمعاناة الحروب ومهانة الاحتلال بسياسات غير محسوبة..وعلينا أن نتذكر كيف استدرجت مصر لحرب وهزيمة 1967، وعلينا ألا ننسى أن المشهد العربي والفلسطيني الراهن.. هو بعض من تداعيات هذه الحرب وتلك الهزيمة.
وأكد أن مصر ستواصل جهودها واتصالاتها لتثبيت وقف إطلاق النار واستعادة التهدئة، ومساعيها لفتح المعابر ورفع الحصار وتحقيق الوفاق الوطني الفلسطيني، مشيرا إلى مصر ستستضيف الشهر القادم مؤتمرا دوليا لإعادة إعمار ما دمره العدوان على غزة.
وأكد "ستبقى مصر صاحبة الدور الأول والمسئولية الرئيسية لاعتبارات الجغرافيا والتاريخ والحجم والمكانة وستظل أكبر بكثير ممن يحاولون النيل منها دون أن يقدموا شيئا مفيدا للشعب الفلسطيني وقضيته

مهندس مصري said...

حماس تنفي التوصل لاتفاق تهدئة بالقاهرة وتؤكد فشل المباحثات
التاريخ: 9/2/1430 الموافق 05-02-2009 | الزيارات: 357
المختصر/

المختصر / نفت حركة المقاومة الإسلامية "حماس" ما أوردته صحيفة "الأهرام" المصرية اليوم الخميس عن أن مباحثات التهدئة تقترب من إعلان اتفاق بشأنها، وأكّدت أن جولة الحوار الحالية بين وفد "حماس" إلى القاهرة والمسئولين المصريين انتهت إلى الفشل، وأرجعت الحركة ذلك إلى "التعنّت الإسرائيلي"، ورفضه فكّ الحصار وفتح المعابر.

وأكّد المتحدث باسم "حماس" الدكتور سامي أبو زهري في تصريحات خاصة لـ"قدس برس" أن وفد الحركة إلى القاهرة قدم استفسارات محددة إلى الطرف الصهيوني عبر مصر، وأنه بناء عليها سيتحدد موقف الحركة من التهدئة.

وقال: "جولة الحوار التي جرت بالقاهرة لم تتمخض عن شيء بسبب التعنت الإسرائيلي، وتمسك الاحتلال بشروط مرفوضة، وتقديم صيغ ملتبسة يستطيع من خلالها تفسيرها بالطريقة التي تناسبه، ولذلك هذه الحوارات لم تنتهِ إلى شيء، ووفد الحركة سيعود".

وأشار أبو زهري إلى أن سبب الفشل الرئيس هو رفض الجانب الصهيوني فتح المعابر بشكل كامل والحديث عن فتح جزئي، وقال: "هذا أمر يعني أن الاحتلال سيتحكم في المعابر كما يحلو له عدا عن عدم وجود أية ضمانات لإلزام الاحتلال بأيّ اتفاق، لذلك وفد الحركة قدم استفسارات محددة نحن بحاجة إلى إجابات دقيقة وواضحة عنها، وإذا ما تلقينا هذه الإجابات بطريقة مرضية يمكن لوفدنا أن يعود إلى القاهرة لإتمام التهدئة"، على حد تعبيره.

المصدر: الإسلام اليوم

حماس: القاهرة رفضت الإجابة عن استفساراتنا واعتبرتها "ترفا".. ونحن تعتبرها هامة جدا
المختصر / حذر اللواء عمر سليمان رئيس المخابرات المصرية، وفد "حماس" في اجتماعه معه أمس بالقاهرة من عواقب وخيمة تهدد الفلسطينيين في حال تبنت الحركة دعوة رئيس مكتبها السياسي خالد مشعل بإيجاد مرجعية سياسية لمنظمة التحرير الفلسطينية، في وقت أكد فيه قيادي في "حماس" أن وفد الحركة الذي يبحث في مصر إمكانية التوصل إلى اتفاق تهدئة مع إسرائيل، لم يتلق من المسئولين المصريين أي ضمانات يمكن أن تلزم إسرائيل بفتح المعابر ورفع الحصار عن قطاع غزة.
ووفق مصادر، فقد أبلغ سليمان وفد "حماس" برئاسة عماد العلمي أن القاهرة لن تدعم فتحا دائما لمعبر رفح إلا في حال موافقة "حماس" على حزمة من المطالب، منها التخلي عن سيطرتها الأحادية علي قطاع عزة والدخول في مصالحة مع حركة "فتح" تفضي إلي تشكيل حكومة وحدة وطنية، والقبول بوجود دور للسلطة الفلسطينية في تسيير معبر رفح، وكذلك التعاطي بشكل ايجابي مع جهود إقرار هدنة لمدة عام ونصف.
وأبدى قادة "حماس" استعداد الحركة لإمكانية القبول بالمطالب المصرية في حال وضع ملاحظاتها موضع الاعتبار من خلال حوار فلسطيني موسع يضم كافة الفصائل، وسط ترجيحات بالتوصل لصيغة توافقية للتهدئة بين إسرائيل والفصائل الفلسطينية خلال الساعات القادمة رغم التباينات حول قضية الضمانات الدولية التي تطالب بها الحركة، كما قالت المصادر.
وربطت المصادر بين إقرار التهدئة بين الفصائل الفلسطينية وإسرائيل ودعوة القاهرة لحوار غير رسمي بين الفصائل الفلسطينية يسبق دعوتها المتوقعة لجولة رسمية جديدة من الحوار بين الفصائل برعاية عربية وحضور سعودي إماراتي أردني مكثف.
من ناحيته، أكد السفير رخا أحمد حسن مساعد وزير الخارجية إمكانية التوصل خلال الساعات القادمة لتوافق مصري مع حركة "حماس" علي إقرار التهدئة رغم وجود بعض التباينات، لافتا إلي أن مسألة الضمانات الدولية لدعم هذه التهدئة لا تزال من النقاط الخلافية رغم إمكانية تسويتها.
وأوضح أن القاهرة لا تتحفظ على فتح نوافذ أوروبية مع "حماس" وتري ذلك مهما جدا في التوصل لحل المعضلة الفلسطينية بشكل يعيد الوفاق ويبعد الملف الفلسطيني عن سياسة المحاور التي أضرت بالفلسطينيين كثيرا
وكان صلاح البردويل القيادي في "حماس" وعضو وفدها لاجتماعات القاهرة أكد في تصريح لفضائية الجزيرة"، أن وفد الحركة في اجتماعه مع المسئولين المصريين "يراد منه تحديد موقف بالقبول أو الرفض دون الدخول في التفاصيل، ولا يراد الإجابة عن استفساراتنا لأنهم يعتبرونها من قبيل الترف، لكننا نعتبرها هامة جدا".
وقال إن الجانب المصري نقل عن إسرائيل أنها تريد أن ترفع الحصار بنسبة 80% فقط، "فسألنا ما طبيعة الـ20% المتبقية، لأننا نخاف أن تتحول إلى حصار 100%"، وأكد أن وفد "حماس" طلب أن تحدد إسرائيل ما هي البضائع التي تقول إنها تخشى أن تدخل في صناعة الأسلحة، "لأنها قد تأتي مستقبلا وتقول إن الماء يدخل في صناعة الصواريخ".
وأضاف أن إسرائيل تريد أن تربط فتح المعابر بالإفراج عن الجندي الإسرائيلي جلعاد شاليط الذي أسرته فصائل المقاومة الفلسطينية في يونيو 2006، و"تريد أن تتحكم حسب مزاجها في السماح بدخول ما تريد ومنع ما تريد".


-------------------------------------------

السلطات المصرية تحتجز 10 ملايين دولار مع وفد حماس المفاوض
التاريخ: 9/2/1430 الموافق 05-02-2009 | الزيارات: 696
المختصر/

المختصر / ذكرت مصادر فلسطينية اليوم الخميس أن السلطات المصرية في معبر رفح الحدودي احتجزت 10 ملايين دولار مع أيمن طه المشارك ضمن وفد حركة المقاومة الإسلامية "حماس" المفاوض بشأن التهدئة والعائد من القاهرة على المعبر.

وكانت مصادر فلسطينية قد أعلنت في وقت سابق اليوم أن وفد حماس المفاوض مُحتجز منذ ساعة ونصف على المعبر، وأن سلطات أمن المعبر طلبت منهم تفتيش حقائبهم الشخصية، وأنهم لم يعلموا حتى الآن لماذا هم محتجزون، وأضافت: "أن الوفد اتصل بالمسئولين المصريين في القاهرة وأنهم ووعدوهم خيرا، وإلى الآن لم يحدث شيء".

يشار إلى أن وفد "حماس" يخرج ويدخل عبر المعبر دون أي قيود، حيث يجري مفاوضات مع المسئولين المصريين حول التهدئة.

المصدر: الإسلام اليوم

السلطات المصرية تحتجز القيادي في الحركة أيمن طه أثناء عودته إلى غزة

المختصر / في خطوة غريبة ومستهجنة قامت السلطات المصرية اليوم باحتجاز وفد "حماس" الذي كان في القاهرة يجري في القاهرة مباحثات حول التهدئة وتثبيت وقف إطلاق النار.

وقال المهندس علاء البطة مدير العلاقات العامة والبرتوكول بمعبر رفح في تصريح لفلسطين الآن: " أن السلطات المصرية احتجزت الوفد لمدة لثلاث ساعات في المعبر وتم التعامل معهم بطريقة غير لائقة".

وأكد البطة أن السلطات المصرية قامت بتفتيش الوفد ثلاث مرات، مشيرا إلى أنها سمحت بدخول القيادي في الحركة جمال أبو هاشم والدكتور صلاح البردويل، وبقيت تحتجز حتى هذه اللحظة القيادي في الحركة أيمن طه، داعيا في الوقت ذاته السلطات المصرية إلى تسهيل عودته.

وأعرب البطة عن استغرابه واستهجانه إزاء سوء المعاملة التي تلقاها وفد الحركة من السلطات المصرية أثناء عودته إلى قطاع غزة بعد أن أجرى مفاوضات مع القيادة المصرية بشان تثبيت التهدئة.

ونوه البطة إلى أن هذا الوفد خرج بطريقة رسمية وبدعوة رسمية من القيادة المصرية وأنه يجب أن تقدم لهم التسهيلات أثناء عودتهم إلى غزة.

المصدر: فلسطين الآن

جبهة التهييس الشعبية said...

جو
ههههههههههههههههههه
هههههههههههههههههه
ههههههههههههههههههه
هههههههههههههههههههه

لا، بس فيه يوم قيامة لعلمك يعني والقوي فيه الاقوى منه
وللا هو ح يفضل عايش حتى بعد يوم القيامة؟ ما داهية نبقى كلنا بنتحاسب وهو لسة بيخطب في القناة الاولى

جبهة التهييس الشعبية said...

يا منهدس ما صادروهاش

قالوا له ح نحطها لك في البنك
:)
والله

جبهة التهييس الشعبية said...

مصر ليه منعت المحكمة الدولية من الدخول؟

ايه العسل ده؟

جبهة التهييس الشعبية said...

http://www.aljazeera.net/NR/exeres/054AC9D3-94F2-42AA-98D3-2B85CE3BBFBF.htm

Anonymous said...

نوارة
مش قلتلك يا بنتى
مافيييييش ولا مليم من اللى الناس
اتيرعو بيه فى مصر دخل غزة
وان كوووول المساعدات اللى خرجت من مصر يااما اتسلمت لليهود على معبر العوجة وكرم ابو سالم
يا أما اترمت فى رفح والعريش
مافيش جرام دخل غزة
وسيبكو من الصور الهبله اللى بيجيبوها فى العاشرة مساء
لعربيات نقل داخلة من بوابة
قال يعنى بتعدى
يا ساااادة معبر رفح
مش مجرد بوابة
تعديها تلاقى نفسك فى فلسطين

دول كذا بوابة وبعدين ساحة كبيييرة
بتاع تفتيش واجرائات
العربيات دى كانت داخلة المعبر نفسة
مش داخلة فلسطين

هههههههههه
نعيما


مش قولتلك التغيير لازم يبدا من الداخل
ومافيش قشاية هينصلح حالها الا لما الزيالة اللى فى البلد دى تتكنس


...............


7

اشكرك بجد على تعليقك

ارجو فعلا انكم تتابعو موضوع اضراب الجاى دة وتتبنوة

نوارة اية رايك

بس خلو بالكم
الموضوع السنة دى هيبقى اصعب من السنة اللى فاتت
والحكومة عاملة حسابها كويس قوىىىى
ومش هتغلط الغلطات الهبلة اللى غلتطها السنة اللى فاتت
وانسو المحلة
لانى اشك ان الناس هناك ممكن تكرر السيناريو دة تانى
باستثناء عمال شركة الغزل



احمد سعيد

~*§¦§ Appy §¦§*~ said...

انا سمعت الموضوع ده وسالت سؤال تانى الناس دي اكيد معاها ما يثبت ده هى اكيد مش راح تسرقه يعنى وتدخل بيه عينى عينك وبعدين ده وفد يعنى كان داخل مصر رسمي
مش لاقيه ولا فاهمه ايه مبرر اللى عملوه والله ومصدومه منه