Saturday, 28 February 2009

طيب اما اشوف اخباركوا انتوا ايه

الاستفتاء ده انا عاملاه على ماي سبيس وح اسيبه لمدة تلات ايام ان شاء الله وبعدين احلله معاهم
وعايزة نفس ذات الاستفتاء اعمله معاكوا ونقارن مع بعض الردود
شروط الاستفتاء:
1- حرر عقلك واستخدم الخيال والتأمل
2- ربنا هو اللي شايفك، حاول تكون كأصدق ما يكون
3- حاول تستشعر الموقف وكأنه حقيقي وحي قدامك
4- ما تحملش الموقف اراءك وخلفياتك السياسية، اتعامل معاه على انه موقف حقيقي وبسيط
تخيل الموقف الآتي:
واحد جارك كل ما تمشي يحدف عليك طوب، وساعات يكسر لك ازاز البيت
في يوم قررت انك تخلص من جارك ده، اخدت بندقية وصوبتها ناحيته
اول ما شافك بتصوب البندقية ناحيته استخبى ورا طفلين وست
علق على الموقف وقول لي ح تعمل ايه؟
انا برضه ح اسيب الاستفتاء ده تلات ايام زي عندهم ومش ح اعلق وح انزل التعليقات بتاعتكوا
زي ما قلنا، اتعامل معاه على انه موقف بسيط وطبيعي وحاول تكون صادق

73 comments:

سكوت هنصوت said...

ايه الإستفتاء الغريب ده يا نوارة

يعني الي يحدف على بيتي طوب ويكسرلي القزاز اروح انا ماسكة بندقية...!!!! واقول هقتله

يعني بصراحة كلام غريب....طب قولي اضربله انا كمان بيته بقزاز

قولي اطلعله في الشارع واردحلة قدام الي يسوى والي ما يسواش

قولي ابلغ عنه بوليس النجده

اسلط عليه عيال صغيره تستناه في الرايحة والجاية تزقله بالطوب

لكن امسك بندقية عشان اقتله بيها عشان بيحدف عليا طوب...بصراحة ما اعملهاش

ولهذا لن ارد على هذا الإستفتاء..اصله مش اسلوبي

Anonymous said...

أولا مش هموته
لما يستخبى ورا الطفلينوالست هثبته بالبندقيه لحد ما أجيبه وأطلع ميتين أمه وأعرفه مين الي راكب على مين وأتوبه منعملته الوسخه الي بيعملها وأخليه يخاف يرمي طوب عليا

والطفلين أجيبلهم ملبس والست أسيبلها رقم موبيلي يمكن نظبط العمل
:)))

بس طبعا المثل بياظ لأن ده مش جاري ده حرامي ابن وسخه سرق بيتي وأغتصب حريمي وقتل ولادي وطلع ميتين أهلي
يبقى لما أزنقه هطلع ميتين أمه وهفشخه وهموته بالخازوق مش بالبندقيه
عمو مصطفى شوشه

مصري جدا said...

هسيبة
بس اول ما يبعد عنهم
عينك ما تشوف الا النور
وبندقية لية ما ايدي شغالة اهي

Anonymous said...

http://www.bloggers4gaza.com/?p=84

...

محمد العتر said...

هو يعني حكاية القتل دي مش داخلة دماغي ....

بس لو نفس صياغة الإستفتاء يبقى هروح أجيبه من ورا الست والولدين ، وهضربه لغاية ميوعدني انه هيحترم نفسه...


بس

Anonymous said...

أنا متفق مع سكوت هنصوت
بس بافتراض ان هو عمل فيا حاجة أكبر من كده تستدعي ان انا امسك بندقية و اقتله و لقيته احتمى بالطفل و الست طبعا مش هضرب هأستنى لغاية لما تيجي لحظة تانية مناسبة و اضربه فيها

Anonymous said...

حلوة يا نوارة
بصراحة مش عارف.. هو ممكن تقولي الحكاية بتعتمد في الموضوع البسيط اللي بدون خلفيات.. يعني من غير ما انا اكون واخد بيته وارضه ومبيته في خيمه ولا يعني مثلا قاتل نص اهله ومشرد النص التاني.... بتعتمد علي درجة الغضب اللي انا عليها ساعتها بس رؤيت اطفال بيتهيألي ح تهدي اي انسان لسه في قلبه شويه رحمة.
والسلام أحمد

دعاء said...

أمممم الصراحة مش علشان بيضرب بيتي بالقزاز هضربه بالبندقية ربما استخبى انا راخره واضرب القزاز بتاعة بالطوب أحدفه هو شخصيًا بالزلط

مش محاولة الظهور بمظهر مثالي لكن الفعل مساوي لرد الفعل.. يعني لو بيصوب بندقية عليا أو على أسرتي وقتها هرد عليه بالمثل

لكن لو تحامى وقتها في أطفال أو سيدات مش هضربه بأي حال

tamer.sala7 said...

عادي خالص ح اضرب إزاز بيته بالبندقية

Founoon said...

بندقية ليه ؟
بمنتهى الصراحة مش هلجأ لحل البندقية دا اساسا
في اسوأ الافتراضات همسكه اضربه والطش فيه بس حكاية ان رد فعل الطوب يبقى بندقية دا كتير اوي
ولو راح استخبى مني ورا طفلين وست هبعد الطفلين والست بأي طريقة ماتأذيهمش وهكمل ضرب فيه
وبردو من غير بندقية

بس الا ستفتاء دا على اساس ان الاسرائيليين بني ادمين زيينا وكدا :)
دول لو حد طرطش عليهم مايه من بعيد هيضبروه بالفسفور الابيض مش ببندقية
ولواللي حدفهم بالطوب استخبى ورا ست وطفلين يبقى ياهناهم يا سعدهم عشان يموتوهم بالمرة

فهمت صح انا ولا بخرف :)

احمد سعيد said...

ونا ايه اللى هيخلينه امسكله بندقيه اصلا
اخرى هروح احدفله ازاز بيته بالطوب
لو الذوق مجابش معاة نتيجه

او ممكن لو قلبى مزاجه رايق انفضله

Anonymous said...

اول حاجة اقتل الطفلين واحد ورا التانى وبعدين اقتل الست وبعدين اقلة متحدفش طوب تانى يا شاطر لحسن اشكيك لبابا
وحدى اللة

مواطن مصري said...

واحد جارك كل ما تمشي يحدف عليك طوب، وساعات يكسر لك ازاز البيت
في يوم قررت انك تخلص من جارك ده، اخدت بندقية وصوبتها ناحيته


???

مممم

احاول أٌقعد معاة و أفهم هوا بيعمل كدة لية
أحاول اتفاهم معاة و أقنعةانة ميعملش كدة تاني
لو عملها تاني أقنعة تاني مرة مع تحذير
لو مقتنعش أقعد انا و اهل الحارة
نتشاور نشوف هنعمل اية و نوصل لقرار

انما امسك البندقية عشان أقتل بيها ست و طفلين فا دي عمري ما أعملها الا و هو رفض الاقتناع و رفض كلام الحارة مرة و اتنين ممكن أهوش بيها

ايوشة said...

بصى والله مش عارفة اعمل ايه بالظبط بس صراحتنا هبدا معاه فى التفاهم واعرف سبب المشكلة وهو بيعمل ليه كده يعنى مفاوضات مش جه بالذوق هتنتصرف فى الاتجاه لجهه مسئولة تجيب حقى مفيش فايدة استخدم عقلى واتصرف معاه بنفس الطريقة والمكر والدهاء يعنى البادى الظلم مش عايز يحترم نفسه يبئا نعامله بالمثل
لكن لو استخبى وراء عيال وست معنى كده ان شخصية ضعيفة وجبانة واصلا مش اهل انى اخد عليه دى تصرفات ناس جبانة بس هبعد الست والعيال واتصرف معاه هههههههههههههه

هبة said...

السلام عليكم..
بصراحة هو الكلام مش راكب على بعضه.. يعني واحد يا دوب طوب وكسر ازاز .. اقوم انا امسك بندقية؟؟؟ !!!!
يعني رد فعل لا يتناسب مع الفعل اطلاقا.. ناهيكي بقى عن انه متحامي في ست وعيال صغيرة..


اكيد انتي قصدك حاجة تانية..
افصح ابن اوضح

Anonymous said...

ايه التهييس ده قولي قصدك ايه وبلاش تحاليل نفسيه وعصبيه ماعدش عندنا مراره هاتي من الاخر

Ahmad Tawfik said...

طبعاً إحتمال إني أمسك بندقية لقتل إنسان حتى لو كان مقرف بهذا الشكل أنا شخصياً لا أتخيل حدوثه.
لكن ممكن أتعامل معاه بنفس أساليبه التي تبعث على الضيق والقرف وأتفنن له في بعض المواقف اللي تطلع عينه وعين اللي خلفوه، وأقصى ما يمكن إني أعمله هو الاختباء له في أي مكان وضربه علقة تمام.

لكن على كل حال علشان خاطر الاستفتاء لوحصل هذا الموقف لا يمكن طبعاً إني أفكر أضربه وهو مستخبي بهذا الشكل.
وعلى فكرة والله سأكون سعيد جداً لأنه طلع بهذا المستوى من الضعف والنذالة لإنه بالتأكيد حافضل أنا وهو فاكرين الموقف ده طول العمر.

وكل ما أشوفه حاشاور عليه وأضحك بصوت عالي لحد ماأحرق دم اللي خلفوه.

تحياتي

Anonymous said...

صعب انك تحللي موقف اسرائيل واللي عملتة في غزة بالشكل دة الحالة هنا مختلفة تماما , كنتي وصفتي الحالة بانة بيدخل ويخرج بالاطفال والست دي حوالية علي طول كنت هقولك ساعتها للاسف انا مضطر اني اضربهم كلهم

Anonymous said...

لطيفة من المغرب
**************
هناك أكثر من حل لمشكلة هذا الجار وقتله غير مطروح نهائيا كرد على التصرفات التي ذكرتها

لا يحتاج هذا الجار أن يحتمي وراء النساء والأطفال، لأنه حتى لو كان بمفرده أمامي فلن أقتله.

عقل مهوي said...


لا يا سكوت معلش ..
انا اول مره اعلق هنا .. بتفررج وامشي بس المره دي لا
اولا الموقف ما استفذنيش للتعليق الا في انه استخبي ورا الاطفال والنساء

اعتقد انه لو كان ممكن اسامحه علي اللي عمله في ازاز البيت والتلفيات ممكن تدبر
انما انه يتحامي في اطفال دا يخليني اهجم عليه افرغ البندقيه في دماغه
متهيالي
علي كل حال انا عمري ما مسكت بندقيه غير بندققيه الرش بتاعت العصافير

جبهة التهييس الشعبية said...

انا كنت قايلة اني مش ح اعلق

بس للاسف فيه ناس مش ملتزمة بالشروط

الشروط واضحة

مافيش اسقاطات سياسية على الموقف اللي انا عارضاه لو سمحتوا

البوست ده مش سياسي

ده موقف حياتي بحت

مدونة كشف حساب said...

طبعاً حضربة بالنار
وحتى لو احتمى بالأطفال
لأن هؤلاء الأطفال وهذه الست بيساعدوه على الغلط وهمه يستهلوا القتل
وحتى لو الرصاص جه فى الأطفال انا مليش دعوة لأنهم ارتضوا أن يقفوا بجوار هذا الذى قذفنى بالطوب
ولو حد عاتبنى حقولة " دفاع عن النفس "
وكمان حقوله الزجاج بتاع بيتى " فاميه ازرق " وثمنه اغلى من هذا الرجل وهؤلاء الأطفال






طبعاً الأجابة مش اجابتى ولكن اجابة شيمون بيريز

احساس لسه حى said...

عزيزتى

بدل قولتى استعمل الخيال فححاول

وحددتى انى هروح ببندقيه مش اى شئ تانى

لما هصوب عليه البندقيه والاقيه استخبى ورا امرأه وطفلين

هروح ضارب فى الازاز والبيت بتاعه

وهو بدل جبان اوى كده

هيخاف

جبهة التهييس الشعبية said...

دي اخر اجابة مسيسة ح انزلها

هو انتوا صعايدة؟

انا مش حاطة شرط قد الحمار اهو ان الموقف غير مسيس
وانه ح يتجاوب على اساس انه موقف حياتي بحت؟

الامريكان ملتزمين بالشروط اكتر منكوا

أكون أو لا أكون said...

بما إن الموقف حياتي بحت... فهذا يعني أني لن أمسك البندقيه بتاتاً...
سأحاول معرفة السبب ... وحل المشكله... لابد أن يكون هناك مشكله بيني وبين جاري دعته يشن هذه الحمله العدائيه ضدي...
وإن لم أتوصل لحل... سأقذف الطوب عليه وعلى بيته...
وسأقف له بالمرصاد حتى يتأدب... ويتصرف بإحترام معي...

أكون أو لا أكون said...

لو وجدت إني في وضع لا أحسد عليه..." البندقيه في يدي... والجار إختبأ خلف الطفلين..." سأنزل البندقيه... وأترك الأمر... حتى يطلق صراح الطفلين... ثم أعود له بغته... أفاجأه في مكان نكون لوحدنا... ثم أصفي حساباتي معه...

: )

حـنــّا السكران said...
This comment has been removed by the author.
جبهة التهييس الشعبية said...

انت يا راجل انت انا مش باعتة لك ميل؟

Anonymous said...

أقتل كرمال حجارة و إزاز
!!!!!!!!!!!!!!!!!
استحالة

==

لحتى تجي مصيبة تريحني من جار السو

ممكن أحط صور أو عبارات مقدسة على الإزاز
عسى و لعل ممكن يذوق على حاله و يخجل يعملها تاني


و اذا ما مشي الحال
بكتب على الإزاز
لو كنت حمار إحدفني بالطوب
ولو عملتها... يارب تموت

حـنــّا السكران said...

معليش ..أنا لسه شايفه والله

ـ خلاص اوكي

mido said...

طبعا اول حاجة حتصل بالنجدة و اعمله محضر و تعهد بعدم التعرض ليا_لو لقيت نفسي في الموقف اللي بتقولي عليه _و أنا عارف انها فوضي _يبقي استناه لما يخرج و اضربه بس من غير مااقتله

ايوشة said...

ايه يانوارة صعايدة ايه بس طيب ماانا حاولت اتللزم بالشروط وصعيدية شوفى بئا الباقيين منين :)

arrow said...

ساعتها هاسيبه
واستناه وهو راجع من شغل أو أى مشوار
وأديه علقة محترمة
وأفرج عليه الشارع كله

الخوجة said...

شوفى هو لو اختبى منى فين هاجيبه
مرة ماشى مرتين ماشى لكن تلاته اشدة وارجعه علقة دا ان ماكتفتوش وربطته فى العمود
هى كلمه عندى واحده واد صنايعى واقف على سطح جارى جلت له جبل العصر ماتطلعش تانى على السطح انته بتشتغل تحت ايه اللى مطلعك فوق رجعت المغرب لقيته واقف برضة على السطح دخلت شديته من امام جارى والعمال كلهم وشيلته من الحزام بتاعه وربطته بالحبل فى غطى الخزان اللى رايح واللى جاى يتعلموا فيه الدرب
خرج نهائى من البلد كلها بعدها يجابلنى ووشه فى الارض

وولد تانى
رجعت واحده من العيلة وجالت انا خايفة اعدى من الشارع علشان فيه واحد واقف بالشارع
جلتلها بسيطة يابنت تعالى ورنى اياه
ماكان منى الا جلت له انته واجف هنا لييه سروا بلدنا ممنوع تجف تصدغ وبنت معدية ماكان منى الا مسكته من جفاة وبكعب الطبنجة الى ان طرش دم جال ابوى انا هاجول انا اللى ضربتة لانى جرجرته بالارض مسافة نصف كيلو
ومستمر بضربة بكعب الطبنجة

طبعا انتو هتقولوا الواد ده بيفشر لا وحياه عينيكم لان ستى كانت بتحط امامى مترد اللبن كله وسبت العيش يبقى عيب اوى على بغل زى مايحميش بنات العيلة لو فيها ايه حتى
وبعدين ده دم اصلا
انا مش عارف الكلام ده له علاجه بالموضوع ولا لع ياستاذة

BmBm said...

هاسيبه و اتحسبن فيه
بس هترصدله
و أكيد فى لحظة هيبعد عن الست و الطفلين
ساعتها هاطخه

عارفة تعبير (يلبدله فى الدرة)؟
أهو ده اللى هاعمله.

Nancy said...

هو على رأي سكوت هنصوت استفتاء غريب شويه بس عموا اللي بيحدف طوب على الناس وهي ماشيه سواء علي انا او على غيري ما تفرقش وبيكسرلهم ازاز بيتهم والمفروض ان هوه عدى التمانتشر سنه يبقى دا ولا محتاج بندقيه ولا محتاج اشيل طوب عشان احدفه بيه كرد فعل لالالا خالص... هي حاجه من الاتنين يا اما هوه مجنون او مجنون.. والمفروض ان انا ابلغ عنه البوليس ييجوا ياخدوه يودوه السجن يا اما السرايا الصفرا علشان دا خطر على امن الناس وخصوصا انه خد عيلين وامهم استعملهم درع وقائي

عبدة مشتاق said...

هولع فيهم بجاز
دان لم افتح عليهم الغاز واولع فيهم

عبدة مشتاق said...

وبعضين ياست المضرسة هو انتى هتختبرينا ولا شغالة فى البوليس ولا ايه
خلينا فى الحريم اللى مجننا هو احنا فاضيين مش عارفيين نراضيهم ازاى يعنى انتى لو حطيتى استفتاء عن كيف تجذب قلب حبيبتك لو عاوز تتجوز واحدة منفضة ليك هتكون افيد واحسن كفاية حرقة قلب الله يخليكى
لامواخذة ماعرفش اقول كلام مزوق وانشاء زييكم انتم من الكبارات وبعدين هو احنا هنحط راسنا براسكم انتم الفهيمة احنا اخرنا دبلوم

Nisreen Basiouny said...

حأجري و راه و اضربه مباشرة بالبندقية
مش برصاص البندقيه بس بالندقيه نفسها حأستخدمها كعصاية يعني
و حادغدغ اي حاجه تخصه الاقيها قدامي
و حأعمل ده بعنف مش حيبقي فيه دم بس حيكون رد فعلي ثوري و عنيف على قد ما اقدر عشان اخوفه و يتعلم ميتجرأش عليا تاني

حسن مدني said...

قبل أن أقرأ التعليقات المنشورة
----
سوف أنتظر مناسبة أخرى لقتله بعيدا عن الأطفال والنساء، وبما أنه جاري وأعرف بيته فسوف أحطم له زجاج بيته وبعض أثاثه إلى حين تمكني من قتله وحده دون إصابة غيره.

تحياتي

Anonymous said...

بصى يا نوارة
انا من بدرى بتابع مدونتك وانت انهارده استفزتينى وليا تعليقين على الموضوع ده
1- اولا مالهم الصعايده وهل ده اسقاط انهم مش بيفهمو زى اسقاط الاستفتاء ولا ايه ياريت بلاش عنصريه .
2- بالنسبه ليا لو فى الموقف ده مش هامسك بندقيه انا هامسك شومه واديله علقه موت لغايه مايقول حقى برقبتى اصل احنا صعايده مش بنحب الدم الا لما يكون فى قباله دم يعنى العين بالعين
مصطفى ابوليله
صعيدى اون لاين

جـــــــر شـكـــــــل said...

إذا كان الموضوع موضوع إزاز البيت وبس وما لوش علاقة بالشرف والكرامة فمسألة سهلة للغاية 00 أهو واحد أهبل ونستحمله يوم أتنين تلاتة عشرة حتى لغاية ربنا ما يهديه أو تيجى بلوة تأخده 00 وده موجود فعلياً وصبرين 00 ولو أستخبى ورا الأطفال ح تف عليه وأمشى يعنى هو ح يفضل طول عمره ورا العيال مسيره ينسى ويخرج من وراهم وساعته ألبه شعلى قفاه

بـراااح said...

بصي يا نوارة
لو افترضنا اني وصل بيا الغيظ و الغضب من عمايله لدرجة اني افكر اقتله و ابدا فعلا في التنفيذ - و لو ان دا احتمال شبه مستحيل - بس اكيد ساعة ما هيستخبي ورا الطفلين و الست هافوق من غضبي و اقول ايه اللي انا باعمله ده و اشوفله صرفة تانية غير القتل
بس اقصي حاجة ممكن اعملها اني اجيب طوب و اكسرله ازاز بيته هو كمان

عبقرينو said...

أولا طالما الموضوع بدون خلفيات ولاقيت نفسى ماسك بندقية وواحد بيتحامى بست وطفل
أظن بنسبة 60 فى المية نظر للحظة الجنونية التى تنتاب الانسان عند الامساك بسلاح هانشه رصاصة وانا باعرف استخدم سلاح كويس من غير ما هاضر الست والبنت
والنسبة 40 فى المية هاسيبه لو قعدت شويه مع نفسى يعنى مجرد لحظة للتفكير مش اكتر هاسيبه

مواطن مصري said...

لا تنسو حكاية سيدتا محمد علية أفضل الصلاة و السلام
ة ان يهودي الي كان بيرمي امام بيتة زبالة و لما بطل يرمي سيدنا محمد راح سئل علية و لما عرف انو مريض راح زارة علية

Anonymous said...

انتي شوية ماسكة الصعايدة وشوية المنايفة وبعد شوية الشرائوة , وانتي منين يابطة . عيب عيب عيب ,اللي امه مقاضياها سجون وابوه مقضيها نسوان حتما يطلع ناقص تربية .

مصطفى محمد said...

سلامو عليكو

دعيني استخدم خيالي للنهاية
لا يمكن أن أتخيل أن لي جارا يقذفني بطوب كل يوم ! حاجة غريبة جدا و شبه مستحيلة الا لو كان مجذوب يسكن في زاوية شارعنا .. اسمحي لي أن أعيد تأويل الأمر .. ان جاري كلما يراني يقذفني بطوب كلامه .. نقد لاذع سخرية خبيثة يصيب بها مناطق توجعني داخلي .. هذا الوغد بالتأكيد ستنمو كراهيتي له يوما بعد يوم .. و أنا و كما هو موضح في نص موقفك أنني تحاشيت مواجهته الا في مرة واحدة و التي كانت بالبندقية أو في تأويلي بشحذ كل السفالة التي أملكها و المعلومات المشينة التي سأجتهد في جمعها عنه لأصفعه بها عندما يلدغني بلسعاته .. و اذ بي عندما أقترب لأواجهه أجده يحتمي بطفلين و ست والذي في تأويلي أنهما -يا للخيال- مراته و ولديه .. طبعا سأبهت و أتوقف .. أعصر رأسي .. يستبد بي الغضب و أكن على شفا مواجهته لولا خوفي على الطفلين مما سيتلو كلامنا و اشتباكنا من عنف .. و فجأة تطرق ذهني فكرة .. انه لما به من شر دفين و استعداد أثير للنيل مني -والله أعلم هل هي عادة أم يفعل ذلك معي فقط- الا أنه لجأ الي جانبه الانساني .. و فجأة برضه أجد -رغم اني داخليا أغلي منه- انني لو تقربت اليه و زوجه و ولده سيملي عليه هذا الجانب الانساني و ضعفه اللحظي ان يرق قليلا و أري بعين خيالي أن هذه ستكون نقطة تحول بيننا .. من الجار الخنيء ابن الجزمة الي الجار الذي أعرفه جيدا و أهل بيته .. و سيهال على الماضي تراب التناسي أو ربما عاتبته على حمقه الفائت في اللحظات الرائقة و طبعا سيضرج حمرة من سخفه ثم لا نلبث أن نعود الجيران الحبايب .. في هذه اللحظة أختار أن أجرب ما ارتسم في خيالي .. سأنحي البندقية و أنحني على الواد اللي على اليمين أسلم عليه بجد مصطنع و أسأله في سنة كام ثم أنحني أكثر للبنت اللي على الشمال و أدغدغ خدها و أندهش من شدة براءتهم ي هذا السن .. ثم أقدم يدي الي زوجته مقدما نفسي فاتحا باب التعارف .. ربنا يستر

:)

احمد سعيد said...

معلش برضه يا جماعه
ايه اللى هيوصل الموضوع لضرب النار
دا اسمه هبل
يعنى لو حد شتمنى ونا ماشى فى الشارع
اجيب سيف واطير راسه
دا هبل
معلش يعنى
اخرها همسك فيه
او على الاقل هدشدشله ازاز بيته
ومعيله بمعيله

nournar said...

ممكن تكوني اكتر وضوحا وتوضحي ليه الجار كل ما يشوفك يحدفك بالطوب لان اكيد هناك اسباب لو كان عاقل وان كان الحل الوحيد للطوب ان ارفع عليه بندقيه بيكون اكيد مش هو المجنون علي فكره انا مبسوط ان فيه ناس فهمت قصدك وتشبيهك والمغزي الي عايزه توصلي له من خلال هذه القصه

Anonymous said...

بما انك مذكرتيش المنايفة فانا هقولك التحليل المنوفي,,اولا الشرط اللي انتي فرضاه غلط,,علمونا في الكلية ان مفيش حاجة ملهاش دعوة بالسياسة لو اتنين قاعدين يحبوا في بعض ,هيعدي فوقيهم طيارات الاحتلال زي ما قال عمنا نزار

ثانيا انا عن نفسي معرفش غير حاجتين نظرية الاخ فانون القوة مقايلها قوة,ونظرية الزعيم الخالد ابو خالد ما اخذ بالقوة لا يسترد الا بالقوة,.,,همسك البندقية واقتله,,ليه بقي مع ان رد الفعل اكبر من الفعل يعني لو واحد كسر اشارة مرور نقطع رقبته؟اقولك اي نعم وده مستوحي من قصيدة لا تصالح
وان جاؤك رأس برأس اكل الرؤوس سواء؟

سـهـيـر زكــي said...

إنتي هنا لازم تحللي الامر من وجهة نظر الطرفين

طرف البطل ابو بندقية (طبعا انا متخيلاه زي صلاح ذوالفقار, ليه ما تسأليش لأني م اعرفش السبب) , والطرف التاني الجار إلّي ب يحدف الطوب على القزاز (ده اللي ب يقوم بدوره الفنان خالد زكي أو سامح السريطي لو كان خالد مشغول بمسلسل تاني) برضه ما تسالينيش ليه, اوكي؟

الست ممكن تقوم بدورها الفنانة نادية رفيق, اصلها مناسبة للدور ده, والعيال الإتنين مش مشكلة, أي عيّلين من الشارع ممكن يوفوا بالغرض

نرجع للإستفتاء

أكيد فيه سبب ب يخللي صلاح يحدف الطوب كل مرة, مش يمكن يكون مقموص من خالد لأنه بيركن عربيته كل مرة قدام بيت صلاح بالرغم من تنبيه صلاح له الف مرة إنه ما يعملش كده؟

إزّاي خالد حصل على البندقية ديت؟ جابها منين؟ ده ما عندوش رخصة سلاح اصلا؟
يمكن يكون اشتراها من السوق السودة أو بطريقة غير شرعية وقانونية؟

طب نادية عمرها ما طلعت الصبح عشان ترمي الزبالة, إشمعنى النهار ده بس ركبت دماغها وصمّمت إنها تفرّغ الصفيحة؟ دي فيها ستين إنّ ؟؟؟؟

والولاد الاتنين مش المفروض يكونوا زمانهم ركبوا الباص بتاع المدرسة؟ إيه إلّي مقعّدهم بره بالشارع؟

افتراضات كتيرة يا نوارة, واسئلة اكتر ب تخليني محتارة ومش قادرة أوصل لنتيجة

sindebado said...

اللي يحبنا ما يضربش نار

عبدة مشتاق said...

الا صحيح ياجماعه بما اننا هنا
الواحد يعمل ايه مع واحدة منفضة له وحالقه له
وهو عامل زى الكتكوت امامها وبيتلعثم مش عارف يراضيها ازاى

كلاكيت تانى وتانى said...

عزيزتى
برغم ان الاسلوب دة مش اسلوبى يعنى القتل شئ بشع يمكن نفكر فية لكن ننفذة صعب ويحتاج لعقلية قدرات خاصة
ولكن لأن البيت بيتك والاستفتاء طلب مجاب اعتقد انك تهدفى فية لأبعد من قصة الجار والقتل
المهم ساعات لما بتعرى البنى ادم قدام نفسة بيبقى تأثيرة اشد من القتل
بالنسبالى انا هرمى البندقية واضحك واتحرك بأتجاة جارى وأقولة ان الراجل اللى بيستخبى ورا ست وطفل ميستاهلش نزع روحة يستاهل الفرجة علية وكفاية انة اصبت عدم رجولتة
يا عزيزتى الاغبياء كثر والمرضى اكثر وأكثر ولو مسكنا بندقية لكل اشباة البشر ومرضى النفوس هنقتل نص البلد

Dr.Online said...

بدل منا ماسك البندقيه من على الزناد هعكسها و امسكها زي العصايه

و امسكه زي التلميذ البيليد و اقوله يا جبــــــــــان

مستخبي ليه

طالما مش قد الشتيمه و جبان كده بتقل أدبك ليه

و بعدين ممكن اسكعه ضربتين تلاته زي العصايه كدا بالبندقيه عشان افهمه اني ممكن اني الجأ للعنف مش بس تهوييش
و اسيبه و انا ببصله بصات معناها : ابقى اعمل كدا تناي و اشاورله ان المره الجايه هيطير فيها رقاب
و امشي و انا مكشر

بس اول مدخل البيت افطس على نفسي من الراجل الجبان اللي عامل نفسه راجل و بعدين عمل نعامه ورا الحريم
بس

خيال بقا اكتر من كدا متلاقيش

BeLiEvEr said...

اكيد يا نوارة
وجود طفل و واحدة ست، حيرجعنى لعقلى
أكيد مش حعمل حاجة ، ماهو لو الواحد اتهور، الناس دى حتروح فى داهية.

بدراوى said...

الحقيقة مش حضربه خالص
ححاول انى اتصرف بطريقة أخرى
عشان متسببش فى قتل الست و الطفلين

esraa said...

الاول خالص انا كنت هحاول اتكلم معاه عشان افهم هو ليه بيعمل معايا كده
ماهو أكيد في سبب يعني مش هو اللي غاوي حدف الناس بالطوب

ولو وصلت لمرحلة اني ارد عليه بالعنف زيه همسك طوب واحدفه علي بيته مش بندقيه خالص

لكن لو مشينا علي السيناريو بتاعك ومسكت بندقيه وهو استخبي ورا أطفال وست هزعقله واقوله لما انت جبان امال بتحدف بالطوب ليه
وهسيبه وامشي

عبدة مشتاق said...

نوارة انتى كده هتخلينا كلنا نمسك فى بعض هنا

دخلتى كله على كله وان كان مالكيش ذنب الذنب

ذنب............انا نسيت
انتى خليتى البشرية انونيمس مساءك قشطة
ياض يانونيمس عمرنا ماسوفنا منوفى انونيمس انته خايف من مين ياض

هما عندنا حض بيخاف

طبعا مع تفخيم جميع الحروف علشان تفهمونى فرض عضلات طالما انتو عاوظين كضة بقى

وانتو كلكم حلويين هنا فى الضوار بتاع الحجة والموندرة كبيرة

مع تحيات

عبدة مشتاق


عنضى سؤال للمضرسة

انتى امته هتروحى لندن

زى ماسمعت ناوية تسيبنا وتروحى لنضن لييه

soreal said...

so far, sohair zaki's answer is the best :P


as an addition : where is the law and the law enforcement authority in this equation?

مواطن مصري said...

http://www.alarabiya.net/articles/2009/03/02/67542.html
مسؤول إيراني يتوعد مصر بـ"الرد" في حال استقبلت "مجاهدي خلق"



شوفي يا نوارة تصرفات ايران عشان تعرفي انها زي اسرائيل تتنهز اي فرصة لتنقض على المنطقة

جـــــــر شـكـــــــل said...

على فكرة أنا فى الأول تعمدت أن أرد بعد قراءة البوست قراءة سريعة ودون مراجعة او تأنى ودون أن أطلع على أى ردود سبقتنى حتى لا أتأثر بها 00
لكن لما فكرت شوية فى سيناريو الموضوع لقيت أنه يفتقد للحبكة الدرامية 00 ده متخلف مين ده اللى علشان يوقف جاره اللاسع عند حده يلجأ لاستخدام البندقية أوفر قوى المسألة دى وتدل على أنى متخلف أكتر من جارى أو أننا لايقيين على بعض واحد أهطل بيحدف الناس بالطوب والتانى مجنون بيرد عليه بكلاشينكوف فيقوم الأهطل اللى بيحدف خلق الله بالطوب مستخبى ورا عيلين أبرياء يا نهار أبيض ده ما يبقاش وطن ده يبقى مورستان 00
وتمشياً مع هذا المجتمع المورستانى المتخلف يبقى قدام المجنون بتاع البندقية حل من تلات حلول مجنونة تتمشى مع هذا اللامعقول الحل الأول أنه يقتل الطفلين علشان يظفر بابن الكلب الجبان بتاع الطوب وساعتها يذله بأنه يتف على وشه ويسيبه ويمشى 00
والحل الالمعى التانى أنه يقتل الطفلين برضه ويجر الجار الأهبل بتاع الطوب من قفاه على القسم علشان يعمل له محضر بالتلفيات اللى أحدثها من خلال تكسيره لأزاز بيته 00
والحل اللوذعى التالت أنه يقتل الطفلين برضه ويسلم الجار بتاع الطوب لعمنا عمرو خالد علشان يلقى عليه موعظة لوذاعيه فى حقوق الجار على جاره وأنا واثق أنه ما أن يصل إلى "حتى ظننت أنه سيورثه" إلا وسيهب هذا الجار الأهبل بتاع الطوب ويقبل رأس جاره معتذراً عن حدف الطوب فتتساقط العبرات من مقلتى صاحبنا بتاع البندقيه ويطلب من الجار الأهبل بتاع الطوب أن يعفو عنه ويصحف ويسامحه فى قتله لطفليه فييربت الجار الأهبل بتاع الطوب على كتفه قائلاً لا عليك يا صديقى هون على نفسك لأن الأطفال دى أنا ما عرفهمش من الأساس 00

فينطلق صوت عمنا عمرو خالد مجلجلاً يا جماعة يا جماعة يا جماعة أربع حاجات عاوزكم تخلو بالكم منهم 00000000000

Anonymous said...

if he evil with me do bad things thats part of his nature , when he hide behind women and child thats cowardice & mean so this man is evil , bad, coward by nature so if i ler him go he will remain the same wont change , but if i killed him even it is the necessity that will require to kill the woman and the kids there is always a price to terminate evil and this is not ONLY to make me live in peace in z future but also for make sure that this person who is the main cause of evil and sins WON'T cause any harm to any body again , just terminate evil if it is not for me for the next generation , for other person , for the idea of live in peace , in a world with out evil no matter what is the price we pay .

** please upload link for ur " my space "
thanks
Rania .

Monzer said...

قبل ما أقدم علي الخطوة دى

هاحاول اكلمه شخصيا
هاخلي مراتي تكلمه

هاخلي البواب يكلمه
هاخلي حد من كبرات العمارة يكلموا

هاخلي حد من كبارات الشارع يكلمه

هابلغ الشرطة مع انها مش هاتعمل حاجة

لو قابل كده باستهزاء وبإهانة وبصلف وحسيت انه مش خايف مني ولا من الى ممكن أعمله وبيقولي اخبط راسك فى الحيط ماتقدرش تعمل حاجة

ساعتها هاستخد وسائل غير قانونية ومنها هابدا بنفسي وهاعمل زي ما بيعمل، واكتر أأجر بلطجية
خلاص زهقت ووصلت للانتي بتقولي عليه ده
واستخبي مني ورا ست وطفل

هافضل أهزق فيه قدام الناس وأشتمه وأعري ضعفه وجبنه وأقلعه هدومه فى الشارع وأضرب طلقتين فى الهوا وأحاول أفهمهم اني مجنون وهاقلته وهاقتلهم وأنتهز أي فرصة علشان الست والعيال يجرو

أظن لو حصل كده هاهدي نفسيا ومش هابقي محتاج لقتله

فى انتظار التحليل

جـــــــر شـكـــــــل said...

ولأن فى المجتمعات المتخلفة زى مجتمعك الأفتراضى ياست نوارة ربنا ما بيحيرش مؤمن فالرد على البوست بتاعك جالك سريعاً فى اللينك ده
http://www.masrawy.com/News/Egypt/Politics/2009/march/2/torture.aspx

مخبر قمل دولة said...

طب خليها معقولة شوية
خلي جريمته اكبر من كده
عموما انا ميتهياليش هيجيلي قلب امسك بندقية على حد اساسا
بس لو استخبى ورا طفلين وست اكيد هسيبه
اصل انا حوناين

Rateb said...

هضرب طلقتين فى الهوا واهدده ان مش هيلاقى اللى يتحامى فيه بعد كده واطالبه بتمن الازاز واحاول اخلى القضية الاصلية هى تمن الازاز مش انه مايكسروش تانى لعل وعسى ربنا يهديه ولو استمر هطخه فى اول فرصة مناسبة

Pink said...

لا طبعا الاستفتاء سياسي بحت و هو ده الي نشرته احدي الصحف الاسرائلية علشان تبرر قتل الاطفال و النساء في غزة.

جبهة التهييس الشعبية said...

جميل

انا مبسوطة قوي من كل النتائج
ومبسوطة كمان من النتائج اللي على الماي سبيس

وزي ما بينك بيقول
الاستفتاء غرضه سياسي بس الموقف لازم يتم استشعاره انسانيا عشان الناس تحكم بعدالة

انا ح اراجع النتائج واظبطها وبعدين ارجع لكوا بالليل

نتكلم بالليل
:)

الفوريجي said...

بس عباس وصف الصواريخ بالعبثيه مش حجريه

Anonymous said...

it is not sane to react this way to the neighbour's action. I mean his action doesn't deserve this. for example, if he is firing missiles :) on my house, and no chance to negotiate with him coz I am stubborn or I am a mad guy, I might use the machine gun in this case.

this was first, the second thing is that I am now using the machine gun and he took the woman and the two kids as a cover but you didn't mention the state of the woman and the two kids whether they act as the bodyguards of the guy or they were forced to.

if I am an insane and the women and the two kids volunteer as the bodyguards I will kill them all and it is not my fault alone. it will be his fault too because he knows that I am insane and still took those people as cover for him. also, it is the women and the childern fault too because they accepted to be the bodyguards for the one who made an insane guy with a machine gun so pissed off :)

if they didn't want to be the bodygaurds for this guy but they were forced to do this. I will try to make him release them and make them safe then I will make him regret his acts.

Shoukry

حاجات جوايا said...

هههههههههه
أقتل جارى بالبندقية عشان بيحدف عليا طوب
؟؟؟؟؟؟؟؟؟؟
ليه يعنى ؟؟؟
طب ما انا أقدر وبكل بساطة أزوره فى بيته واتكلم معاه بهدوء أو حتى اتخانق معاه فى وقت ميكونش فيه حد فى البيت يستخبى وراه
أو حتى ابلغ عنه البوليس واعمله محضر تعدى

لكن اموته !!
كلا البته

الكلام شكله اكبر من حجمه
وشكله عن حماس واسرائيل .. صح ؟؟

Anonymous said...

استفتاء سياسى بحت
نحقق العدل لا بندقية ولا غيره لان انا كدا اللى هتحول لمخظىء وجانى بدل ما انا كنت المجنى عليه

وهخس حقى دنيا واخرة كدا
لا دين ولا عدل ولا انسانية انى ان يكون دة رد فعلى

سلام