Sunday, 22 February 2009

والنكتة دييييي كمان قديمة

قال لك فيه اقتراح بالغاء قانون الطوارئ مارس الجاي، قام سبحان الله حصل انفجار في الحسين
يا ترى مين اللي عمله

41 comments:

mido said...

حزب الله :)

و الشيعة الموتورون فجروا المشهد الحسينى

لقد خلقنا الله احرارا said...

مش عارفة هى الناس دى عبيطة ولا هم بيتعاملوا معانا على اساس يعنى ان احنا بريالة ولا احنا سكان الزريبة فعلا زى ما احمدسعيد قال قانون طوارى ايه اللى هيتلغى هم مش عايزين يبطلوا كدب ونصب ----المصيبة ان فى ناس كتير بتصدقهم هو عوكل مش عارف انه عاجلا او اجلا هيقابل ربنا هيقوله ايه ولا هيجيب موافى يدافع عنه؟ ياربى الواحد كل مايقول يعقل كده ويتفائل ينكدوا علينا تانى هم مش مكفيهم الناس المرمية فى المعتقلات ومش حاسين باهاليهم --يارب يا عوكل نشوف فيك قبل ماتموت ايام تصعب علينا فيها لدرجة اننا نقنع بعض اننا نحاول نسامحك------

لقد خلقنا الله احرارا said...

انا لسه ماشفتش الاخبار فى ضحايا للتفجير ده ؟ امال لو ماكانش البيه بتاع امن الدولة كاتم على انفاسنا وساحب ميزانية البلد كان حصل ايه ولا هم شطار بس على الناس المحترمة اللى بتخاف على بلدها

زهرة الجنة said...

ما الأنفجار ده زي بمب العيد
اصلهم فرحانين بالقرار قبل ما يتنفذ
فقالوا يفجروا بمبتين
(:

مواطن مصري said...

يا نوارة الي عمل كدة ارهابين يا بتوع القاعدة يا بتوع الجماعات الظلامية هوا احنا ناقصين ارهاب هو مش كفاية اقتصاد البلد واقع و السياحة مضروبة

ربنا ياخد الظلامين و يحطهم مع اسلام نبية في زنزانة واحدة


نوارة الموضوع دة مش هزار او يحصل انفجار ناس تفرح


دي مصر لو حصل انفجار البلد هضيع و ربنا يستر ميحصلش عمليات فتنة

أكون أو لا أكون said...

وإيه الحكمه من إلغاء قانون الطوادىء...
بلد فيه ٧٠ مليون ماشاء الله ... لا إله إلا الله...يعني بلد كله حركه... يعني لازم يكون فيه تطوير لقانون الطوارىء مش إلغائه...
سبحان الله...

حـنــّا السكران said...

كان متوقـّع طبعا

و لو اني مستغرب ليش تأخر اسبوعين ..كان مفروض يحصل في ذروة مشكلة المعبر و ضرب غزة

مصر تفتح المعبر شي ساعة و تاني يوم يحصل التفجير .. و يقولوا بقى : مش قلنالكم ؟ احنا لسه بنقول .. أهو .. شوفوا الأعداء الإسلاميين الفلسطينيين بيعملوا إيه .
الان رح تسمعوا الردح على التطرف الإسلامي و حماس و التغلغل الإيراني .

و رح تطلع التصريحات بهذا العمل الإجرامي الشائن ( و هو عمل إجرامي شائن طبعاً ) .. و رح تسمعي تصريحات عمرك ما سمعتيها لما اليهود قاموا بمجازرهم في غزة و جنين و لبنان ..

تماما متل لما بيصير عملية استشهادية في فلسطين و بيطلع محمود عباس بيقول هذا عمل ارهابي قذر .. و بيكونوا الإسرائيليين قبل بيوم واحد قاتلين خمسين فلسطيني .. ما بتفتح تمـّه عباس .. لا هو و لا عوكل و حاشيته و اخوتهم من عرب الإعتلال .

mido said...

اقري بوست أحمد سعيد مدونة عنبر العقلاء :)

ahmed said...

اقولكم انا مين اللىعمل كدة و اكيد كلكم عارفين مين هو

مانشيت فى الصفحة الاولى فى الصحف القومية

الكشف عن القائم بتفجرات الحسين مختل عقلياً
تم الكشف عن القائم بتفجيرات الحسين و قد تبين عدم صحة قوته العقلية

و بكرة تشوفوا

Anonymous said...

بركاتك يانصر الله
تحياتي

saken_asly said...

قديمة اوى
اقولكم انا السيناريو المعروف فى تلك المواقف.كمان اسبوع تلاقى مانشيتات الصحف القومية بالنبط العريض تكتب

التعرف على القائم بتفجيرات الحسين
تمكنت الاجهزة الامنية التعرف على القائم بالتفجيرات و اثبتت التحريات عن ان المتهم مختل عقليا

و كل سنة و انتوا طيبين

saken_asly said...

؟

Rania said...

البلد بقت مليانه نكت قديمه و بايخه
و معدتش بتضحك و لا بتفرح بالمرة

جبهة التهييس الشعبية said...

يا مواطن حرام عليك
هو انت وطفاطيفو عاملين اتفاق سري عليا؟

يابني ظلاميين مين اللي ح يرموا قنبلة من البلكونة
وبعدين رجعوا قالوا لا ما اترمتش من البلكونة دي كانت تحت الكرسي

تحت الكرسي الخشب بتاع القهاوي ده؟ تحتيه كان فيه قنبلة؟
ده لو تحتيه دبانة كل الناس ح تشوفها

يابني حرام عليك

انت مش بتربط الاحداث ليه؟ انت ناسي ان قبل قانون الطوارئ لازم يحصل تفجيرات؟

وسبحان الله دي دايما صدفة زي ما انت فاهم
تفجيرات ميدان التحرير كانت قبل تجديد قانون الطوارئ بشهر
تفجيرات طابا كانت قبل تجديد قانون الطوارئ بشهر
والبمبة اللي فرقعت دي كانت قبل مناقشة الغاء قانون الطوارئ

عشان اوباما اتك عليهم شوية وقال لهم مافيش معونة من هنا ورايح غير تطلعوا ايمن نور وتشيلوا التهم من سعد الدين ابراهيم وتلغوا قانون الطوارق

الاولانيين سهلين
بس الاخرانية دي صعبة
وهو حبيبي بيعمل نفس الحركة اللي بيعملها كل سنتين بنفس البنطلون بنفس الفالنة عشان يقول لامريكا شوفوا؟ انا لسة عندي ارهاب اهو

خلاص
اللعبة دي بقت مكشوفة ومملة جدااااااااااااا

بس مالك بيقول لي اوباما مش ح ياكل من الكلام ده حيث انه واد متعلم ومتنور ومتسأقف وبرضة ح يتك عليهم تاني

اما نشوف

بس على فكرة
وانا اقول لكوا اهو

لو اوباما نشف دماغه في موضوع قانون الطوارئ ده واصر على انه يتلغي في مارس زي ما بتقول الجرايد النهاردة اللي هو جرايد الاحد

يبقى قولوا على نفسكوا يا رحمن يا رحيم

البلد ح تولع بجاز وسخ
ومش بعيد يفجروا عمارات عشان يقنعوا اوباما انه لازم قانون الطوارئ يفضل موجود

العالم دي مش ح ينفع تقعد ثانية واحدة من غير قانون طوارئ

خالد فوده - Khaled fouda said...

العفاريت

مواطن مصري said...

يا نوارة انا عاوز اعرف مين المسلم الي عندة دين يفجر امام مسجد سيدنا الحسين

و اية الاستفادة لما الاقتصاد يدمر و البيوت تتقفل

مواطن مصري said...

اية دة هو انتي مصدقة ان فية صفقة ل افراج عن ايمن نور

بجد اانا مبقتش مصدق او مش فاهم دماغ الشعب يعتقلو ايمن نور يطالبو بحريتة اول ما يخرج يتهمو و يقولو لا دي صفقة


احنا لية اعداء النجاح لية اي حد عندة كاريزما نتهمو على طول


ايمن نور حلف ان مفيش صفقاتتتتتتتتتتتتت

جبهة التهييس الشعبية said...

هو عوكل عنده دين؟


الحقيقة يا مواطن انا مش فاهمة انت ازاي يعني الامور تبقى واضحة كده ومش شايفها؟

الا الامريكان بيقولوا الستات بتصدق اللي بتسمعه حتى لو مش منطقي لكن الرجالة مش بيصدقوا غير اللي بيشوفوه

النظرية دي غلط

طول عمر الامريكان بهايم وما يفهموش حاجة ابدا

انت بتصدق اللي بيتقال لك وللا بتصدق اللي انت شايفه بعينك يا مواطن؟

يعني ابو الغيط يروح امريكا قوم سعد الدين ابراهيم تتشال من عليه الاتهامات وايمن نور ياخد افراج صحي والحكومة تاخد قرار بمناقشة الغاء قانون الطوارئ الشهر الجاي قوم يحصل انفجار في الحسين بقنبلة تحت كرسي
!!!!!!!!!!!!

لكن احنا مالنا بالكلام ده

هم اللي جالوا لي وجلت لهم
وانت اتولدت ليه؟

عشان يجولوا لي
يا حبيبي الدنيا باينة زي عين الشمس اهي يا مواطن

اهي
اهي يا قمر اهي
ادي الجمل وادي الجمال وادي عيني وادي مناخيري وادي بقي
ايه بقى؟

Anonymous said...

ظهر اليوم في عدد يوم الاحد في اكثر من خمسين صحيفة امريكية مقال مثير كتبته الصحفية لين دون عن التحرش الجنسي بالنساء في مصر ... ونظن ان هذا الموضوع سيؤثر الى حد كبير على نسبة السياح الامريكان الذين يفكرون بزيارة مصر لان الموضوع مخجل بكل المقاييس ... ومسيء لمصر وللعرب وللمسلمين ... فقد قامت الكاتبة برحلة سياحية الى مصر ( القاهرة وشرم الشيخ والاقصر ) وسجلت انطباعاتها بدقة مشيرة الى انها تعرضت للتحرش الجنسي مع صديقاتها بدءا من صاحب الفندق الذي نزلت فيه في القاهرة ( فندق باريس ) وانتهاء بالعمال في القارب الذي ساح بهم في الاقصر ... ولم تنسى الكاتبة ان تشير الى ان مصر دولة اسلامية .. كما انها لم تنسى ان تشير الى ان جمعية مصرية للدفاع عن حقوق النساء ذكرت ان 98 بالمائة من النساء المصريات تعرضن للتحرش الجنسي

وتعدد الكاتبة انواع التحرش .. من الكلام البذيء المخجل ... الى القرص في الطيز ... الى التحسيس ... الى الكلام عن الاوضاع الجنسية ( كما فعل صاحب فندق باريس في القاهرة ) ... وتشير الكاتبة الى ان افلام التحرش الجنسي في مصر اصبحت متاحة على يوتوب

الموضوع مخجل .. وهو شهادة لكاتبة صحفية امريكية محترفة مرت بنفسها في التجربة ... ومقالها نشر اليوم في اكثر من خمسين صحيفة امريكية كبرى ( ومن المعروف ان عدد الاحد في الصحف الامريكية هو الاكثر توزيعا ) مما يعني ان عشرات الملايين من الامريكان سيقرأون الموضوع او قرأوه والمقال منشور في القسم الخاص بالسفر والسياحة وهو اول قسم في الجريدة يقرأه كل من يرغب بالسفر في امريكا ... وبعد هذا يقف وزير السياحة المصري ليقول ان السياحة في مصر بخير بينما يقول اتحاد اصحاب الفنادق ان فنادق مصر خاوية على عروشها ... ولا يعرفون السبب

اقرأوا هذا المقال .. لتعرفوا السبب

وهذا هو رابط لنص المقال الاصلي

http://www.chron.com/disp/story.mpl/travel/rss/6269434.html

جبهة التهييس الشعبية said...

وبعدين ايمن نور كان حريص في تصريحاته قوي: لم يتم الافراج عني في اطار صفقة ما بيني وبين الحكومة المصرية
ورجع قال انا مش ح اقول للي بيتضامنوا معايا ما تتضامنوش معايا

ايه بقى؟
فيه ايه؟ يعني فجأة الافراج الصحي ده حصل ليه؟

جبهة التهييس الشعبية said...

ههههههههههههه
النكتة بقى
ان شوية نسوان مجانين ييجوا مصر مخصوص ويسألوا على التحرش
هيهيهيههيييييييييي

مواطن مصري said...

هههههههههههههههههه سعتني عن تنظيم السري متحرشون بلا قيود

حـنــّا السكران said...

مواطن مصري

مع خالص احترامي لك طبعاً

أعتقد أنك لم تقرأ كثيراً في السياسة

ـ قد يكون هناك سياسيين شرفاء .. لكن أبداً و مطلقاً .. لا يوجد شرف في السياسة .

لا يوجد شيء اسمه حلال و حرام في الساسة .. و لا شيء يجوز و شيء لا يجوز .. كل شيء وارد في السياسة .. قد يقتل الابن أبيه كي يأخذ مكانه في الحكم و سيبدو هذا أمراً عاديا .. قد يقوم حزب أة حركة أو حكومة بإحداث قلاقل في البلد الذي يحكمونه لأسباب سياسية تصبّ في مصلحتهم .. اليهود فجّروا المراكز اليهودية في مصر و العراق و قتلوا يهوداً , لأجل قضيتهم الكبرى .. المتطرف إسلاميا كان أم مسيحيا أم يهوديا ,, يقتل مائة شخص من ملته .. من أجل فكرة يرى فيها مصلحة عليا له و لجماعته .. يتم ترويض كل شيء لأجل هدف أعظم في السياسة ..
تتم دراسة حال المجتمع و الاتجاهات التي يذهب إليها في فكره الجماعي و استغلالها للقيام بحركات و أحداث دنيئة و قذرة .. كأن يتم استغلال نفور مجتمع ما من حزب أو جماعة ما . و القيام بأحداث يـُوحى من خلالها أن هذا الحزب أو تلك الجماعة قد قامت بها ..

لا يوجد شرف و أخلاق في السياسة ..و لا معايير أخلاقية .

مواطن مصري said...

@حنا اعلم ان السياسة لا اخلاق فيها
ولككن فيما يتعلق ايمن نور ظلم ظلم شديد و جميعنا نعلم هذا ولكن


لماذا تهاجمون ايمن نور و عندما نهاجم خيرت الشاطر بموضوع مليشيات الازهر تتهمونا ب العمالة ؟؟؟؟؟؟؟؟؟؟؟ظ


اشمعنى خيرت الشاطر و تقدسون حماس عندما انتقدناها
؟؟؟؟

يعني تتهمو حزب الغد و ايمن نور انو عمل صفقة مع امريكا و لما نعارض حماس و ننتقد حماس تقولو لا حماس شرفاء حماس مقدسة
؟؟؟

ايوشة said...

نعيد التعليق التانى وامرنا لله
مصيبة ان الناس تصدق ان لسه فيه جماعات اسلامية زى ما بيسموها ولا تقول تنظيم قاعدة وقافة والكلام ده هى الحكومة الموقرة سايبه حد يتنفس فى البلد
موضوع التفجيرا وموضوع ضرب السياحة اللى ناقصة ومش ناقصة ياريت تتضرب بجد احنا شايفين من وراها حاجة غير قلة الادب والمسخرة حثالة الشعوب الاوروبية هى اللى بتيجى سياحة فى مصر علشان بيدفعوا ملاليم ال سياحة ال ليه امال اللى بيحصل فى الغردقة وشرم دى سياحة دى قلة ادب ومسخرة وسفالة الستات الاجانب بتيجى مصر علشان قلة الادب والمسخرة مش اكتر خايفين من التحرش فى مصر ههههههههه والله حلوة دى امال قضايا الاغتصاب اللى بالهبل فى بلدهم دى تكون ايه
والله البلد خربت وصعب تتعدل عايزة معجزة

مواطن مصري said...

@ ايوشة السياحة مصدر مهم الاقتصاد لو انضربت شوفي كام بيت هيتقفل احنا معدناش بترول و كفاية الازمة مش ناقصة خراب

جبهة التهييس الشعبية said...

يا مواطن السياحة في مصر مضروبة بقالها فترة كبيرة قوي
مافيش سياحة في مصر

مواطن مصري said...

على فكرة الي عاوز يطلع سيناء شارم الجونة الغردقة ينتهز الفرصة الاسعار في النازل

حـنــّا السكران said...

مواطن

طبعا أنا لم أهاجم أيمن نور الان .. خصوصا على خلفية خروجه من السجن .. أيمن نور رجل يعمل بالسياسة ..و له حساباته .. و أيضا الاخرين الذين ذكرتهم ( خيرت الشاطر ) و غيره ..لهم حساباتهم السياسية و ليسوا ملائكة .. هناك صفقات تتم بين الجميع .. و لا تستبعد أي صفقة مع الإخوان ..لحسابات سياسية .. هذا لا يعني أن أيمن نور أو الإخوان هم مجرد فاسدون يعقدون صفقات ..الكلّ يعقد صفقات ..
لبنان بحدّ ذاته كمثال .. بلد قائم على التسويات و الصفقات يشترك فيها أشرف شرفائه و أخبث خبثائه جنباً إلى جنباً .. لضرورات الواقع السياسي و الحسابات السياسية .. و قد يون هذا الواقع و هذه الحسابات من أقذر ما يكون .. و هنا تكمن الأرض الخصبة للصفقات . بعض الناس تـُرغم عليها و بعض الناس الاخرين وجودهم مرهون بوجود الصفقات .. لو كان الواقع السياسي نظيفا بنسبة 70 بالمائة .. لما وُجدت صفقات بهذا الوضوح .

ـ لا أعتقد أن شتم أيمن نور الان بسبب خروجه من السجن هو أمراً جيداً ..من حقّ أيمن نور أن يفعل كل ما هو تاح له حسب رؤيته هو لتحقيق مكاسب له و لخطه السياسي .. و الشعب في النهاية هو من يجب أن يحكم على الجميع دون استثناء .. من خلال ما يراه و يلمسه .. طبعا الشعب العربي من المحيط إلى الخليج .. خارج الخدمة .. و لا يمكن له أن يحكم أو يـُحكـّم مباراة كرة قدم بين فريقين من الأحياء الشعبية

تحياتي يا مواطن

ميشيل حبيب said...

كله بيهيس و كل واحد بيقول وجهة نظره و تبقى الحقيقة حبيسة فى أحلامنا و خيالنا و محدش عارف بكره هيحصل إيه... حد عارف؟

أنا بس صعبان عليا الغلابة، هو إحنا ناقصين يعنى؟ هى أصلاً بايظة

بس حاجة أخيرة الضرب فى الميت حرام !!!

مواطن مصري said...

@حنا انا كدة متفق معاك

Tarek said...

yanhar 2eswed ya ged3aaaaaaaaa haylabesoha le 7amas !!!!!!!!!

http://www.youm7.com/News.asp?NewsID=73159&SecID=65&IssueID=0

جبهة التهييس الشعبية said...

حلووووووو قوي

طب والله العظيم تلاتة اني كنت متوقعة انهم ح يلبسوها لحماس عشان يقنعوا اوباما ان الغاء قانون الطوارئ بيصب في مصلحة حماس
والله العظيم
هيهيهيههييييييييي

على الله ما يطلعش غبي بقى

مواطن مصري said...

نوارة كل الاتحملات ممكنة

ايوشة said...

السياحة فاتحة بيوت ناس ازاى اذا كان اصلا اللى بيقبل يشتغل فى السياحة بياكل حرام فى حرام هما الشباب اللى بيسافروا شرم وغيره دول بيرحوا يشقوا يتعبوا علشان اهليهم والله هما بتيعبوا فعلا هههههههههه بس فى قلة الادب والمسخرة

مواطن مصري said...

@ايوشة هوا انتي من بتوع السياحة حرام

طيب


ربنا يهديكي

مـحـمـد مـفـيـد said...

اسكتي بالله عليكي
لاحسن يبعتوا يجيبونا بعد موضوعنا ويقولوا احناا للي عملناها
:)

Heba said...

3ashan 7ekayet ayman nour:

http://fahmyhoweidy.blogspot.com/2009/02/blog-post_6261.html

L0vElYGh0sT14 said...

انا نفسي المتحف المصري ينفجر بالسائحين الي فيه وياسلام لو قنبلة انفجرت في نص ميدان التحرير ولا طلعت حرب يالله هيكون اسعد يوم بحياتي بجد

سـهـيـر زكــي said...

يا حبايبي إنتو ليه كل حاجة ترموها على عوكل؟

يعني إيه هيّ مصلحته من ورا الحاجة ديت؟

قانون الطوارئ؟

ما القانون ممكن يتمدد لأجل غير مسمّى يعني طول العمر ومحدّش ح يقدر يعمل حاجة أو حتى يفتح بقه

أنا هنا ما بدافعش عن عوكل ولا عن غيره, بس الاصول برضك إننا نفكر مين ورا الحكاية ديت ومين له المصلحة إنه يسبب القلاقل دي

القلاقل مش الفلافل, للعلم فقط, اصلي عارفة يمكن فيه ناس نظرهم ضعيف ومش ح يميزوا النقطتين

سلام

Anonymous said...

عارفة يا استاذة نوارة انا بموت في والدك وكان زمان الناس بتسب لي الدين بمنتهى التدين (:) شكرا علي تعبيرك بس واضخ ان هذا الشبل من ذاك الأسد انا بقالى اربع أيام بهوف على الكلمة العبقرية دى يسب الدين بمنتهى الورع وسلامي على كلامك الجميل من غير شتيمة من فضلك