Wednesday, 11 February 2009

Watch more YouTube videos on AOL Video

9 comments:

مواطن مصري said...

ليبرمان فاز يا نوارة


لو فاز هيبقي هيطلع عينينا

جبهة التهييس الشعبية said...

والنبي يا مواطن انا الكلام ده بيغيظني
على اساس ان ليفني احسن من ليبرمان؟ هو مين اللي قتل 1300 بني ادم في اخر اسبوعين ده ليبرمان؟ المفروض ان الطرف المعتدل اللي هو باراك وليفني
دول المعتدلييييييييييييين
دوووووووول المعتدلين
اللي لسة عاملين مدبحة واحنا عينينا تطلع ليه ان شاء الله؟
بتتكلم على الشعوب العربية؟
الاتنين عينيهم طالعة
بتتكلم على مصر؟
لا احنا بنشتغل تبع الريس متقال واسرائيل قلبها وشيطنانها راضيين عننا

مواطن مصري said...

و الله انا كنت متفائل بس الان بوجود متطرفي في اسرائيل اصبحت غير متفائل مع صعود المتطرفين التيار الاسلامي


انا عارف ان احمد زي الحج احمد

بس ليبرمان بيقول لا حوار ولا سلام و جاب سيرة مصر بردو و قالفيما معناة من كلامة انو ناوي يضرب ايران و حماس و يدخل على مصر

انا غير متفائل ب المتطرفين ربنا ياخد المتطرفين

Anonymous said...

ليبرمان فاز اية بس دة اساسااقل من ليفنى ونتنياهو

اصلا اللى فازت هى ليفنى

كاديما يتقدم بفارق مقعد وإسرائيل تتجه يمينا

Anonymous said...

برضو بنتكلم مين فاز ومين احسن من مين

الكلام دا عاااااااااااااار على العرب
كلاهم كلاب كلهم كلاب

واحنا من وكستنا التقيلة بنقعد نتابع وفلان احسن وفلان معتدل

جبهة التهييس الشعبية said...

انا حطيت صوابعي في الشق خلاص

لقد خلقنا الله احرارا said...

ياحاج مواطن استهدى بالله كده وصلى على النبى انت عايز ايه؟ انا غلطانة طيب كنت عايز مين ؟ طيب مين انت شايفه احسن للقضية؟ لاااااخد عندك السؤال الكبير ده ايه هى القضية اصلا؟اقولك انا هى حكاية حرب وطار بينا وبين الاستعمار لااااااااااااااااااااا مش قصدى دى انا قصدى اصبح عندى الان بندقية ---اعمل بيها ايه؟ احارب الصهاينة ؟ ليه ؟علشان اغتصبوا ارضى بيتى وبيقول بيته يادى النيلة مش دى برده انا قصدى القدس زهرة المدائن يعنى فلسطين ياباشا يعنى ميلاد المسيح ومسرى النبى محمد عليه الصلاة والسلام يعنى صلاح الدين وكل حلفاؤك خانوك يا ريتشارد يعنى البابا فى روما والحطابين فى الجبال والفلاحون فى مزارعهم والعجائز حول نار المدفئة كلهم ينتظرون عودة ريتشارد او ليبرمان اونتنياهو او ليفينى او حتى غير الماسوف عليهم شارون وديان ورابين ومائيروشاميروالله يحرقه بجاز معاهم كلهم بن جوريون وصلت المعلومة؟ مش مشكلة نقول تانى دول ياعم الحاج اعدائنا اعدائنا اعدائنا اعدائناااااااااااااااااااااااااا ووسيلة التكاثر عندهم الاستنساخ يعنى كلهم خلقة واحده بس لابسين قناع فاكر ايبك هو اقطاى بس لابس قناع برافو عليك ايوه تحية كاريوكا هما كده بس الحقيقة فى ظروف ومتغيرات خاصة بتعاظم دور الانبطاح العربىخلت الناس دول استكتروا انهم يحاولوا يخمونا لاننا مانستاهلش حد يعملنا حساب بصراحة فظهروا دلوقت ببلطجة ملهاش حدود ماينفعش احنا بقى نفضل نعيد ونزيد مين فاز ومين خسر والصقور والحمائم لا ياباشاهما كلهم حيات وصلت؟ لو ماوصلتش تاخد درس خصوصى

حـنــّا السكران said...

أتحدى أي إنسان أن يعطيني فرقاً واحدا بين كلّ من حكموا اسرائيل منذ إعلان كيانها الغاصب حتى هذه اللحظة ,

إنّ اليمين و الوسط و اليسار .. كلهم قاموا بحروب ومجازر ضد العرب و الفلسطينيين , بل للمفارقة المضحكة أن يكون اليمين هو من عقد اتفاقية كامب ديفيد مع السادات ( و ليس مع مصر )

لا يوجد إسرائيلي عامل بالسياسة , يساري أو وسطي بالمعنى المعروف عندنا أو في العالم أجمع , كل اسرائيلي يرسم حدوده السياسية وفقاً لمرجعية صهيونية ..لا لمرجعية ( الممكن سياسياً ) أو مبدأ الفكر الحر في السياسة , لا يوجد فكر سياسي حرّ في اسرائيل , يوجد فكر سياسي يلعب في دائرة مرسومة مسبقاً و محصورة داخل الفكر الصهيوني الأساسي ..و من هنا يأتي اليساري الصهيوني و اليميني الصهيوني و الوسطي الصهيوني ..يجب إضافة تعريف ( صهيوني ) بعد ذكر هذا الفريق أو ذاك . أما الأحزاب الهامشية الصغيرة كالحزب الشيوعي مثلاً و الذي يضم يهود و عرب , فهذه أحزاب غير قابلة للحياة أو التأثير في ظلّ الدائرة الصهيونية المغلقة بإحكام على السياسة الإسرائيلية .

ليفز من يفوز في اسرائيل .. فاسرائيل ستبقى هي اسرائيل . الكيان العنصري الصهيوني الذي يبتزّ العالم أجمع و الذي لدى سياسييه و منظـّريه قابلية ارتكاب الجرائم في كلّ لحظة بدم بارد من مرجعية عقائدية تعطيهم الحق حتى بذبح النبي موسى لو عاد إلى الحياة .

احمد سعيد said...

مجدى حسين اتحبس؟؟؟
انا لسه عارف منك الموضوع دة دلوقتى
بصراحه كنت متوقع كدة
وقلت انه هيتخبط كام سنه
بس بصراحه كنت متوقع اكتر من سنتين
الظاهر الترزيه اللى قيفوا عليه مواد الاتهام اكتشفوا فجأة ان سقف العقوبه الموقعه على اتهامه هو سنتين بس
اعتقد لو كانوا قدروا يقيفو عليه حاجه اكبر ماكانوش هيترددوا
عموما الحكم لا يصبح نافذ الا بعد تصديق الظابط الامر بالاحاله للمحكمه على الحكم
وطبعا الظابط الامر بالاحاله فى حاله الاستاذ مجدى هو عوكل
عموما لسه الموضوع مخلصش
ممكن الحكم يتخفف او يتلغى تماما او تعاد المحاكمه
القانون العسكرى بيدى الظابط الامر بالاحاله الحقوق دى
ودة طبعا مش هيحصل الا لو الاستاذ مجدى نخ زى باقى السادة البهوات رموز المعارضه
بس انا اعرف ان الاستاذ مجدى مش من النوع اللى بينخ او بيساوم
يبقى الحل زى ماقولت قبل كدة فى ضغط شعبى
قبل ماالحكم يتصدق عليه
ضغط شعبى واعلامى
مع احترامى للسادة المعتصمين باالاسماعيليه
الكلام دة كله مالوش لازمه
وموقفكم ضعيف
لان الموضوع دلوقتى عسكرى
يعنى لو سيبوا عليكم عساكر الشرطه العسكريه
او احتجزوكم داخل قيادة الجيش فى فرع الامن
او حتى رحلوكوا عالمخابرات الحربيه فى مصر
ثقوا ان ماحدش هيفتح بقه
لان الجيش مع الاسف بيتمتع بحصانه اعلاميه
القانون بيكفله كدة
يا سادة القانون فى المرحله دى دورة انتهى
مافبش محامى ولا طعن هتقدموه للجنه الطعون بهيئه القضاء العسكرى هيجيب اى نتيجه
لان مافيش حاجه اسمها قضاء عسكرى اساسا
ولا طبعا تقدروا تطعنوا قدام القضاء العادى
لان بعد تشكيل هيئه الطعون فى الجيش ايام محاكمه مجدى الشاطر
اتقفل الباب امام امكانيه تدخل القضاء المدنى فى احكام القضاء العسكرى
واى حد يقولكوا حاجه من دى يبقى بيسوفكوا وبيضحك عليكم
صدقونى يا جماعه
والله العظيم انا عارف القضاء العسكرى ماشى ازاى كويس
نوارة
ياريت توصلى الكلام دة للرجاله اللى متابعين القضيه
ملحوظه:اى واحد ابن ستين كلب من بتوع المحكمه هناك يقولكوا اى حاجه من باب النصيحه اوعى تصدقوه
دول العن من اليهود
مايغركمش المنظر والاحترام