Thursday, 12 February 2009

الاستاذ فتحي محمود كتب عننا تاني

ربنا يكرمه ويفتح نفسه زي ماهو فاتح نفسنا، الاستاذ فتحي محمود كتب عننا تاني وجو بعت لي المقال
أمل الأمة







منذ سنوات قليلة فشل وزراء الاعلام العرب فى تنفيذ خطة اعلامية اتفقوا عليها كانت تستهدف مخاطبة الرأى العام العالمى، وكان سبب الفشل هو عدم التزام معظم الدول العربية بدفع حصتها فى المبلغ الذى تم تخصيصه لتلك الحملة وهو 20 مليون دولار.



بينما نجح عدد من المدونين بجهد شخصى فى التواصل مع بعض قطاعات الرأى العام العالمى، وفضح المجازر الصهيونية فى غزة، سواء عبر مدونة "نيو هولوكوست" التى تم تأسيسها باللغة الانجليزية، أو بالتواصل المباشر مع بعض المواقع العالمية.



وعندما أشرت الي هذا الموضوع الأسبوع الماضى لم يكن الهدف هو الاشادة فقط بهذا الشباب المبدع، وانما تنبيه الشباب العربى الى وسيلة مهمة يستطيع من خلالها ان يقدم عملا ايجابيا لأمته، خاصة قراء الطبعة الدولية للأهرام فى اوروبا والولايات المتحدة الذين يستطيعون تقديم الكثير من خلال خبرتهم فى التعامل مع الرأى العام الغربى.



وقد سعدت أن وجدت كلماتى صدى طيبا لدى هؤلاء الشباب، وأنا اعرف ان مهمتهم تحتاج الى بعض الوقت والصبر حتى تظهر آثارها بشكل فاعل، وهم يطورون عملهم بشكل سريع واستطاعوا اعداد مجموعة من الفيديوهات التى تتضمن مشاهد مشتركة من الهولوكوست الصهيونى والهولوكوست النازى، داعين الى نشرها بكثافة على صفحة اليوتيوب الشهيرة على الانترنت باسم holocaust أو new holocaust، بحيث ان أى شخص فى العالم يبحث عن هاتين الكلمتين على الشبكة العنكبوتية تظهر له هذه الفيديوهات ضمن نتائج البحث.



ونشر المدونون موضوعات كثيرة باللغة الانجليزية على موقع "جلوبال فويسيز" وهو من اهم المواقع الدولية التى تحظى بمتابعة كبيرة، واستغل بعضهم غرف المحادثة (الشات) للدخول فى مناقشات مباشرة مع الشباب الأجنبى، وقد شاهدت تجربة مماثلة خلال فترة عملى فى لبنان خلال وبعد حرب 2006 حظيت بدعم بعض المنظمات اللبنانية، وهو الدور الذى يجب أن تقوم به بعض الهيئات العربية الآن مثل اتحادات الصحفيين والمحامين لدعم نشاط هؤلاء الشباب الذين اصبحوا أمل الأمة.







فتحى محمود



الأهرام 10 ـ 2 ـ 2009

9 comments:

مواطن مصري said...

متأكدة ان دة في الاهرام؟؟؟؟؟


الصراحة راجل يشكر بس انا عم تعدد لغات المدونة

مهندس مصري said...

ما هو ربنا يكرمه بعت لنا نسخة منه على إيميلاتنا
شوفي إيميلك كده
لإنه بعته لنا كلنا

~*§¦§ Appy §¦§*~ said...

امممممم كل شويه هنشكره كده جماليله بقت كتير بجد كتير خيره ويا ريت يبقى فيه حوار دايما والناس تفهم
انتى البكره والخيط برضه يا نواره انتى صاحبه الفكره بجد وبتعملى مجهود كبير

أحمد سعيد بسيوني said...

رجل جميل

بنحيه على الخطوة الجميلة دي

Nancy said...

هاي نواره حبيبتي ازيك عامله ايه؟

معلهش لو مفيهاش رزاله يعني ممكن بما ان مدونتك بقيت بقراها كل يوم تقريبا فانا عايزه اطلب منك طلب غلس شويه بعيدا عن اي تعليق على البوست ويا ريت تستحمليني :)) عارفه؟

انا آسفه بجد بس انا كل ما باجي عايزه افتح المدونه بتاعتك وده تملي بيبقى قبل الفجر بساعه او اتنين والدنيا ضلمه وانا لوحدي والاوضه غارقه في صمت رهيب الاقي صوت راح طالعلي من السبيكرز على غفله من حيث لا ادري!! بتخض !! وبشناعه!! ثم على بال بقى ما ادور على الصوت ده جاي منين وادعبس واز فجأتن الاقي ست بشعر ابيض طالعالي في وشي ...بسم الله الرحمن الرحيم ساعتها بقى بتجيلي حالة هلع مرعبه بعيد عنك واللهي بجد زي ما بقولك كده
فانا يعني بقول لو بعد ازنك يعني لو تقدري تلاقي طريقه تقفلي بيها الفيديو ده بحيث انه ما يشتغلش كده من نفسه الا ازا حد داس على زرار البلاي وتبقى حاجه كده اختياري يعني مش اجباري اكون شاكره ليكي بجد :) وانا آسفه لو كنت طولت عليكي ميرسي يا عسوله :) مع السلامه

Anonymous said...

ربنا يكرمك يا رب يا استاذ فتحي ويوسعلك في رزقك وتجيب حته متشوبيشي لانسر 98
قولو أمين
بس أنا ليا عندك عتاب صغير
مش تنوه كده أو تقول ملحوظة صغننه عن الغتيت صاصا شوشه صاحب الفكر الوذعي الجوهري المنطقي اللا مرجعي المنفتح
والا بالحق يا جدعان هي الحرية في الحياة البشريه حريه مطلقة ولا حريه نسبيه ؟؟
ولومطلقة أيه الي خلاها مطلقة ولو نسبيه ايه الي خلاها نسبيه ؟

مصطفى شوشه

Anonymous said...

بالحق صحيح كنت عايز أنوه أني بشكر الحجه أبي وكل خرفانها وكوكو الخرفان وكل قاطنيه على مجهوداتها الأنسانيه هي وأوس أوزح
وكل الناس الحلوة الي معاهم ربنا يكتر من امثالهم ويفرجها عليهم ويركبو كلهم لانسر 98
قولو امين

مصطفى شوشه

~*§¦§ Appy §¦§*~ said...

مصطفى شوشه

اشكرك يا قندم بجد
بس انا مش عاوزه الانسر ماشين دي انا تطلعى اكبر يعنى ان شاء الله لما بطوط تكبر ودي عربيتى النونو تبقى جين تو
او مازدا ثري
انت حتى بخيل فى الدعوه يا ساتر عليك

Anonymous said...

ورحمة ابوي الحج احمد مأعرف الي بتقولي عليهم دول يا ابله ابي
ولا جين تو ولا ماذدا تلاته

المهم بس ربنا يكرمكو

مصطفى شوشة