فيه ازمة اقتصادية جامدة يا جدعان

ايه يا عالم، الازمة الاقتصادية في تفاقهم، ايه بقى؟ وقعدوا يقولوا لنا، احنا بقى بالصلاة ع النبي مصر هي الوحيدة اللي ح تطلع كسبانة من الحكاية دي، واهو الحكومة عملتها على روحها، انا عايزة افهم هم ازاي كانوا بيقنعونا ان خراب الدنيا في كل حتة ح يبقى في مصلحة مصر؟ ازاي يعني؟ لا وفيه ناس كانت مقتنعة، من ضمنها طفاطيفو، هو الحمد لله ان الرأسمالية بتسقط، بس الحمد لله الذي لا يحمد على مكروه سواه على خراب البيوت المستعجل اللي جاي على العالم، ده اوباما مهدي الاقتصاد المنتظر حط صوابعه في الشق قبل ما يكمل اسبوعين وقال: يا جماعة....احنا بنواجه كارثة!

يا راااااااااجل، وعرفتها لوحدك دي؟

ما بسرعة يأمموا كل حاجة قبل ما بيوتنا تتخرب كلنا