Thursday, 5 February 2009

عمرو موسى يستاهل اني اعتذر عن قلة ادبي عليه

انا شفت حواره مع حسين عبد الغني، مش لازم اني اتفق معاه في كل رأي، بس هو له رأي وحجة قوية وله منطق، وعشان كده هو يستاهل اني اعتذر اني قليت ادبي عليه وانا فعلا اتسرعت لاني اولا ما كنتش لسة شفت كلمته اللي قالها في الاول، والحقيقة الكلمة كانت كويسة جدا، ثانيا لان المنظر كان ان اردوغان بيمشي وهو واقف متردد، وثالثا لانه حضر
هو له وجهة نظر ان مدام بيريز ح يتكلم والعالم كله ح يسمع كلمته في دافوس لازم حد يتكلم ويعبر عن وجهة النظر العربية بقوة وان هو ما كانش قاعد مع بيريز، هو كان بيوصل رسالة للعالم والصحف العالمية اشارت لكلمته وده كان مهم
والكلمة اللي هو قالها فعلا كانت مهمة
هو بيقول انه ما مشيش لان في اخر الجلسة فيه تلخيص للندوة وممكن اللي بيلخص الندوة يقول كلام فيه اكاذيب وكان لازم يبقى موجود عشان يعرض وجهة النظر او يعترض في حال ما التلخيص كان مخل
هي وجهة نظر خلافية، ممكن ناس تتفق وناس تختلف، لكن في النهاية وجهة نظر تحترم، وانا شلت البوست اللي قليت ادبي عليه فيه
وبعدين بصراحة وهو بيتكلم مالي مركزه كده ومتعلم ومتنور ومثقف وحاجة تشرف بدل عاطف السكري والواد منصور اللي ما بيجمعش اللي عمونا تصريحات وخلوا رقبتنا قد السمسمة
يعني تخيلوا هو ما حضرش واللي حضر عاطف السكري وللا الواد منصور اللي ما بيجمعش كان ح يبقى المنظر ايه؟
ومع ذلك مش لازم ابقى متفقة مع كل كلامه لكن اقدر اقول اني محترمة وجهة نظره، وفي النهاية الله يكون في عونه، واحد بيتعامل مع اتنين وعشرين محنط، ده احنا محنط واحد وماشيين نكلم نفسنا، امال هو عامل ايه
ده بقى حوار مع عزمي بشارة فيه ردود على كل حاجة عشان بقى كل حاجة تبقى على مية بيضا الكلام اللي بيقوله عزمي بشارة فصل الخطاب، بعد كلامه مافيش كلام

عباس بيلف اوروبا يشحت وبيشتم حماس، وهو عمال يشحت بالمليارات وياعيني عشان بتوع حماس دخلوا اخدوا كام بطانية عشان بردانين عملوا لهم زيطة وزمبليطة
طب ياريت بتوع اسطبل عنتر والدويقة يتعلموا منهم ويدخلوا كده ياخدوا حقهم بدراعهم

32 comments:

طالب ثانوى said...

بصى انا مارديتش اذكر انى مختلف معاكى فى بوست عمرو موسى لان الانسان دة بحبة وبحترمة جدا لانة زى ما قلتى بيتعامل مع 22منحط مش منحط واحد

Anonymous said...

عمرو موسى فنجرى بق
بغض النظر عن اتفاقنا او اختلافنا مع موقفه فى دافوس
يعنى تفتكرى لو هوه عدل و عنده ارادة كان عوكل عينه وزير خارجية و بعدها يزكيه علشان يبقى امين الجامعة
ده لو مكنش مختوم بختم التجمد و الاعتلال كان زمان عوكل عناله اودعك
غنت فاكرة ايام حرب تموز 2006 لما قلنا عملية السلام ماتت
رجع تانى فى دافوس يكلم عن جثة المرحومة على اعتبار انها حية تسعى
و حنروح بعيد ليه اديكى شوفتى موقفه من قمة الدوحة
اللى بيقول انه لم يدع اليها
مع ان المفترض انه هوه اللى يدعو لها
و كمان وزير خارجية قطر كذبه
و اثبت ان عمرو بك لما اتصلت بيه الصومال و مورتانيا قالهم مفيش قمة
بالرغم من ابلاغة عن طريق قطر
حتى لو افترضنا جدلاً إنه لم يدع ..هيى القمة ديه كانت منعقدة فى الضلمة

إنت أصلك طيبة و نفسك بس حد يطلع عدل
مش معنى كده إننا مش نفسنا نلاقى حد فيه الرمق
لكن أعتقد إن عمرو بك لا يصلح أن يكون هذا الرمق

مــــى

مهندس مصري said...

معاكي حق يا مي

مهندس مصري said...

مذابح الأفغان في إيران / صباح الموسوي
التاريخ: 8/2/1430 الموافق 04-02-2009 | الزيارات: 752
المختصر/

المختصر / مابين إيران والأفغان ثارات قديمة خلفتها حروب ومجازر عديدة دارت بينهما على مدى عصور و يبدو ان الزمان عجز عن محو آثارها من ذاكرة الطرفين لا سيما الإيرانيين منهم الذين مازالت عقدة سقوط الدولة الصفوية على يد الأفغان الغلزائين (1722-1729م ) بقيادة المير محمود تأجج مشاعرهم وتثير فيهم نار الغضب الطائفي والعنصري التي لم تتمكن مجازر نادر شاه أفشار " ( النصف الاول من القرن الثاني عشر الهجري (1100-1199هـ) القرن الثامن عشر الميلادي (1700-1799م) " ضد الأفغان من إطفاءها ولهذا بقية حالة الكراهية تحكم نظرة الإيرانيين للأفغان الذين رغم فظاعة المجازر التي تعرضوا لها على يد إسماعيل الصفوي و نادرشاه و من تبعهم من حكام بلاد فارس " بقوا محافظين على هويتهم القومية و خصوصيتهم المذهبية السنية وعجز الإيرانيون من تحويلهم تابعين لهم .
لقد تسبب الاحتلال السوفييتي لأفغانستان ( 25 ديسمبر1979- فبراير1989م ) في هجرة أفغانية جماعية لإيران التي فتحت حدودها للمهاجرين و احتضنت العديد من جماعات المجاهدين بهدف استخدامهم ورقة في علاقاتها مع الاتحاد السوفييتي التي كانت بحاجة ماسة لسلاحه في حربها مع العراق و كانت إيران كل ما أرادت التقرب من موسكو ضغطت على الأفغان للحد من نشاطهم وإذا أرادت الضغط على موسكو أرخت الحبل للأفغان و فتحت حدودها للمجاهدين لتصعيد عملياتهم ضد القوات السوفيتية وفي تلك المرحلة كانت مخيمات المهاجرين الأفغان داخل الأراضي الإيرانية هي من يدفع ثمن هذه المتاجرة السياسية حيث كان المهاجرون يتعرضون لأقسى الظروف المعيشية وقد شهدت بعض مخيماتهم ظروفا قاسية لا تقل عن قساوة ظروف معسكرات الاعتقال التي أقامها النازيون في الحرب العالمية الثانية لليهود و الشيوعيون والسلاف و غيرهم .
بعد انتهاء الاحتلال السوفييتي سعى الكثير من المهاجرين الأفغان العودة الى بلادهم ولكن السلطات الإيرانية التي كانت تتلقى المساعدات من الأمم المتحدة والمنظمات الدولية بالعملة الصعبة مقابل استضافتها للأفغان" منعت سكان بعض المخيمات من العودة لبلادهم لكي لا تفقد العملة الصعبة التي كانت بحاجة إليها من جهة ومن جهة أخرى كان اشتعال الحرب بين الجماعات الأفغانية قد اوجد حاجة إيرانية جديدة لهؤلاء المهاجرين حيث كان يتم تجندي الشباب و الرجال منهم في صفوف الجماعات الأفغانية الموالية لإيران بشكل قسري و تبقى عوائلهم من النساء والأطفال شبه رهائن داخل مخيمات الهجرة .
كان الشارع الإيراني هو الآخر ينظر الى الأفغان نظرة دونية ويعاملهم بشكل مزري للغاية حيث كان الأفغان الذين استطاعوا الوصول الى المدن الإيرانية الرئيسية بحثا عن العمل لتحسين ظروفهم المعيشية والهروب من التطوع الإجباري في صفوف الجماعات المتقاتلة " يتلقون معاملة قاسية جدا من قبل الشارع الإيراني حيث ارتكبت أعمال مختلفة ضد هؤلاء الأفغان ليس اقلها عدم أعطائهم أجور الخدمة وممارسات غير إنسانية أخرى .
و في عام 1998م شهد احد مخيمات اعتقال المهاجرين الأفغان المسمى " سفید سنك " و الواقع قرب مدينة مشهد في إقليم خراسان انتفاضة ضد الظروف القاسية والإجراءات التي كانت تمارس ضد سكان المخيم لإجبارهم على التطوع في قوات ما كان يسمى " تحالف الشمال" لمحاربة حكومة طالبان وقد قامت السلطات الإيرانية باستخدام القوة المفرطة لإخماد تلك انتفاضة حد استخدام الطائرات المروحية مما أسفر عن مقتل أكثر من "2000" أفغانياَ بينهم العديد من النساء والأطفال دفنوا في مقبرة جماعية .
هذه المجزرة وغيرها من الأحداث الدامية الأخرى التي تعرضت لها مخيمات المهاجرين الأفغان في إيران" دفع بفنانين وإعلاميين ومؤرخين أفغان لتوثيقها على شكل أفلام وكتب و مسلسلات تلفزيونية وقد لقيت هذه الخطوة دعما من سياسيين و برلمانيين و زعماء قبليين و دينيين أفغان . و كان آخر ما أنتج في هذا الإطار فيلم يصور مجزرة مخيم " سفید سنك " و يمثل دور البطولة في هذا الفيلم " داوود عظیمی" احد ابرز الناجين من تلك المجزرة إضافة الى عدد من الممثلين الأفغان الذين عاشوا في إيران وشاهدوا معاناة أبناء جلدتهم عن قرب. يضاف الى ذلك صدور كتاب جديد يؤرخ لمعانات الأفغان في إيران ويقدم وثائق ومستندات عن مجزرة راح ضحيتها خمسة الآف سجين أفغاني تم دفنهم أحياء في مقبرة جماعية وقد استضافت احد القنوات التلفزيونية الأفغانية مؤخرا اثنين من الصحفيين المؤلفين لهذا الكتاب . الحديث عن معانات مخيمات المهاجرين الأفغان في إيران ربما لا يدركها إلا المهاجرون العراقيون الذين عاشوا حياة المخيمات في إيران و الذين لم تشفع لهم شيعيتهم وتأييدهم لنظام الخميني في التخلص من مرارتها تلك المخيمات و ذلتها.
هذه الأحداث وغيرها التي بقيت بعيدة عن أنظار العالم والرأي العام العربي والإسلامي لو تم كشف المزيد منها من المؤكد أنها سوف تساهم في إيضاح الصورة الحقيقية للنظام الإيراني الذي يحاول من خلال الشعارات والفبركة الإعلامية والتلبس بالدين التستر على جرائمه المرتكبة بحق أبناء الأقلية المذهبية والقومية في إيران إضافة الى قيامه بإشعال نار الفتن بين أبناء الشعوب المجاورة خدمة لأطماعه التوسعية في المنطقة

مهندس مصري said...

مشروع قانون بالكونجرس يطالب بحظر تقديم المساعدات العسكرية لمصر.. طالب بتحويل قيمتها إلى صندوق دعم للمساعدات الاقتصادية
التاريخ: 8/2/1430 الموافق 04-02-2009 | الزيارات: 352
المختصر/

المختصر / تقدم نائب يهودي بمجلس النواب الأمريكي بمشروع قانون بحظر تقديم أية مساعدات عسكرية أمريكية لمصر، وتحويلها إلى مساعدات اقتصادية لا تستفيد منها القوات المسلحة المصرية، على أن يتم إخضاع المعونة الاقتصادية لمصر لرقابة مباشرة من "المراقب المالي العام الأمريكي".
وأُحيل المشروع الذي تقدم به النائب الديمقراطي أنتوني وينر إلى المناقشة في لجنة الشئون الخارجية بالمجلس تحت اسم "قانون الإصلاح السياسي ومكافحة الإرهاب في مصر"، حيث يطالب الكونجرس بـ "حظر تقديم أية مساعدات عسكرية أمريكية لمصر في السنة المالية 2010، والسنوات المالية التي تليها، بغض النظر عن أية قوانين أخرى".
ووفق وكالة أنباء "أمريكا إن أرابيك"، فإن مشروع القانون يقترح تحويل قيمة المساعدات العسكرية المقدمة لمصر في صورة "صندوق دعم للمساعدات الاقتصادية"، دون أن تستفيد منه القوات المسلحة المصرية، لكنه يمنح الحق للرئيس الأمريكي، حق تعليقه في أي سنة مالية "إذا قرر الرئيس وشهد أمام الكونجرس بأنه من مصلحة الأمن القومي الأمريكي القيام بهذا" وذلك في فترة 30 يوما قبل تمرير أية مساعدات.
وطالب مشروع القانون باستمرار تخفيض قيمة المساعدات الأمريكية المقدمة إلى مصر وإسرائيل، وهي المساعدات التي بدأت الولايات المتحدة تقديمها لكلا الجانبين منذ عام توقيع اتفاقية السلام بينهما قبل 30 عاما.
وتبلغ قيمة المساعدات العسكرية الأمريكية الحالية لإسرائيل 3 مليار دولار، وهو رقم يزيد عن إجمالي المساعدات الأمريكية لمصر والأردن ولبنان ودول عربية أخرى صديقة للولايات المتحدة مجتمعة.
وكان الكونجرس الأمريكي قد أقر في 2007 زيادة حزمة المساعدات العسكرية لإسرائيل خلال عشر سنوات من 2.4 مليار دولار سنويا إلى 3 مليار دولار، أي بإجمالي 30 مليار دولار خلال 10 سنوات.
والنائب المتقدم بمشروع القانون اعتاد ممارسة ضغوط على مصر أثناء مناقشة الكونجرس لموضوع المساعدات الأمريكية، في إطار حملة يشنها متشددون يهود أمريكيون وأصدقاء إسرائيل يطالبون فيها باقتطاع جزء من المعونة العسكرية لمصر، بذريعة أنها لا تحكم رقابة مشددة على حدودها مع قطاع غزة، والتي تدعي إسرائيل أنها تستخدم في تهريب معونات ومواد تموينية وأسلحة للفلسطينيين.
وقالت جريدة "انفسترز بزينس ديلي"، التي تصدر في واشنطن الأسبوع الماضي أن "ستة من ضباط الجيش والمهندسين قاموا بجولة أخيرا في حدود مصر وغزة"، وادعت أن حركة المقاومة الإسلامية "حماس" عادت لعمليات الحفر، وحرضت على وقف المساعدات إلى مصر إذا لم تغلق الأنفاق.
ومنذ عام 1997م، حصلت الحكومة المصرية على أكثر من 50 مليار دولار، بمعدل 815 مليون دولار سنويًا للتنمية الاقتصادية و1.3 مليار دولار كمساعدات عسكرية في صورة أجهزة ومعدات عسكرية.
وطرحت الإدارة الأمريكية في العام الماضي فكرة تخفيض المساعدات الاقتصادية لمصر بعد عام 2008 على مدى خمس سنوات بمقدار 200 مليون من إجمالي المساعدات الحالية التي تصل إلى 415 مليون دولار، بحيث تصل عام 2013 إلى 200 مليون دولار.
ورفضت مصر هذا الاقتراح وتقدمت بعرض لتحويل المساعدات إلى وديعة مصرية أمريكية ستتحدد قيمتها بموجب مفاوضات مع المسئولين الأمريكيين.

Anonymous said...

مى
عداكى العيب
لا فض فوكِ



احمد سعيد

e7na said...

وهو يحضر ليه اساسا ويقعد جنب بيريز
وبعدين يشرح لمين يا نواره
للناس اللى قاعده يصقفوا شويه لبيريز وشويه اردوغان
ده كلام يا نواره
وعمرو موسى له باع كبير فى موضوع الكلام ده

Anonymous said...

وانا كمان بعتذرلك

هوائين اوي يا اخوانا

عمرو موسي دا شغلته انه
ميشتغلش
زي ما واحد يقولك ربنا يسهل ويقصد انه ميسهلش

وللاسف الاسيف فيه ناس
كتير معجبه بيه

انهي وجهة نظر عربية يا ست
وجهة نظر الصامت
ولا المتواطئ
ولا الواطي

ماتحاسبوا الراجل زي ما بتحاسبوا المنتخب بنتايجه يعني
عمل ايه؟؟؟؟؟؟؟؟
هه
حد عبرنا

ثورة الياسر said...

عزيوتي نوارة
كمان مرة اسمحيلي اختلف معاكي لانك بجد كتير بتتسرعي انتي والاخوان الي بيعلقوا وانا شايف كدة من الواقع الي بنعيشوا مع اني مابقدرش احكم على الواقع الي بتعيشوه لهيك بسكت
عمرو موسى وغيرو كتير من الي مش عاجبينكو عارفين وشايفين قائق كثيرة واغلبها بالفعل مرعبة فبيتصرفوا على اساسها والحقائق هاي احنا كشعوب عاديين مش شايفينها
انا فاكر مبارك الي مش عاجبكو قبل غزو العراق قال انه في حقائق شافها بتحتم علية يتخد مواقف في صالح مصر والي هي الغزو ميكونش باي حال لمصر لانه راح يكون كوارث واولها حجة اضطهاد الاقباط واليوم وبعد غزو العراق كلنا بنشوف حجم القتل والدمار والطوائف هناك
--------
وبالنسبة لان عباس بيلف دول العالم وبيشحد فانا بقولك حاجة وحدة انو مش غلط لما يجيب لشعبه دخل يعيشو منه وخاصة ان احنا بلد من غير موارد وكل اعتمادنا للاسف وبقول للاسف على الدول المانحة
ومرة سألو ابو عمار عن هاي النقطة قال اسرائيل لليوم بتاخد من اوروبا على اضطهاد وهلوكست كزب في كزب ومحدش قال بتشحد فالاولى فلسطين تاخد تعويضات وسبب ودعم الاحتلال من البداية لهلا هو اوروبا
واما بالنسبة لحماس والي حضرتك بتسميهم بردو واخدو كم بطانية ليش هي حماس ناس من الشارع وملهمش بيوت ؟
ليش ياخدو مساعدات مش ليهم مساعدات جاية لناس بيوتهم كلنا شفناها شو صار الها
لو اي واحد من حماس بيتو اتهد حقو ياخد تعويض زيو زي غيرو بس حماس كحركة تصادر المساعدات مفيش مبرر ليهم والا للي بيساندهم غير انها وقاحة وقلة ادب
عيب عليهم ياخدو البطاطين الي حضرتك بتحكي عليهم ويتركو عائلات بحالها في البرد فالاولى العائلات هي الي تتدفى والله نكتة حركة مش قادرة على مصاريفها فكيف عيلة بسيطة منكوبة خسرت كل حاجة تقدر تغطي مصاريفها
فكري كويس واحسبيها من زاوية تانية حتلاقيها تغيرت
تحياتي الك وللجميع ... ودمتي بود ...

Anonymous said...

امريكا عايزة توقف المساعدات العسكرية لمصر


هههههههههههه

طب والله كويس

يعنى هيرحمونا من المفكات والمفاتيح الانجليزى اللى بيغرقونا بيها كل سنة


والسلاح منزوع الدسم اياة

اللى مغلبنا ومطلع ميتينا واخرنا نقف نتصور جنبة ونقول عندنا سلاح جديد نوفى


طب ياريت كمان يرحمونا مش الشاويشية بتوع المخابرات اللى سارحين طول النهار فى وحداتنا بعربياتهم الجراند
على انهم خبرا امريكان ومحدش بيقدر يقولهم بم


طالما هيحولو المساعدات اقترح انها تتغير كالاتى


تقاوى فجل وخيار لمساهمة خطة التنمية الزراعية الصاعدة فى غيطان قوتنا المسلحة حاليا
اة
اصل الايد البطالة نجسة


ورق عنب وكوسة
علشان الستات ولا مؤاخذة يصبعو محشى


كروت ميمورى محملة بكليبات شفتشى تبين كل شى
لتوزع على الشباب المصرى

عصيان خرزان افريقى ممتاز
تسلم لوزارة الداخلية للمساعدة فى خطة تسليك الشعب المصرى


بديهات ستوميك وبناطيل جينز متعاصة غرا توزع على الفتيات لارتدائها ليلة العيد قبل النزول لوسط البلد

حشيش مغربى فاخر يحتوى على
تتراهيدروكنابينول-المادة الفعالة
بنسبة
,00001
فى المية

ماكستون فورت عشرين فى المية

حبوب صراصير تلاتين فى المية

فشل كلاب ناشف ستين فى المية


قال معونة عسكرية قال
سلملى عالمترو


احمد سعيد

mido said...

ده تعليق على مقال د.أحمد خالد توفيق فى الدستور


أضيف بواسطة مهندس بسام مأمون

, في 04-02-2009 18:31

أحييك يا د.أحمد .. وأحب أقول إنني أشتري عدد الدستور الثلاثاء أسبوعياً خاصة من أجل قراءة مقالك الرائع ..
وأريد هنا أن أوضح نقاط مهمة ..


أولاً : بالنسبة لعمرو موسى .. فهو للأسف يحاول أن يوهم الناس بأن له كاريزما وأنه ذو موقف واضح في جميع القضايا العربية بالمنطقة وخاصة ماحدث بغزة .. ولكن للأسف إنكشف ذلك القناع الزائف والذي كان يستخدمة لإخفاء تبعيته الشديدة والواهية للأنظمة العربية والإيعاز الواضح له من الأمم المتحدة وعلى رأسها قوى الهيمنة الأمريكية .. وليس هذا الموقف هو أول المواقف .. بل يسبقه مواقف عديدة .. مثل ذلك الموقف من عقد قمة عربية حول غزة في قطر عندما بلغت القمة النصاب الرسمي وهو 15 دولة ولكن عمرو موسى أخفى ذلك ولم يعلنه ليعطي فرصة للقوى الإقليمية والداعمة للهيمنة الأمريكية على الشرق الأوسط وعلى رأسها النظام المصري يعطيهم الفرصة ليمارسوا التأثيرات والإغواءات حتى تنسحب الدول الموافقة على عقد القمة ويقل النصاب القانوني ..
إذا فعمرو موسى ليس هو ذلك الأنيق الكاريزما الذي ننتظره بل هي حرب دعائية لا أكثر ..

mido said...

ثورة الياسر

أنت كداب

---------------
والله نكتة حركة مش قادرة على مصاريفها فكيف عيلة بسيطة منكوبة خسرت كل حاجة تقدر تغطي مصاريفها


حماس تدفع أجور موظفي غزة رغم الحصار الإسرائيلي

Anonymous said...

حسونة فقع كبسونة

شفتو خطبة عوكل

اصلى مقاطع الحاجات دى علشان معدتى تعبانة

لسة شايف العنوان فى الجورنال النهاردة


نحمى امن مصر ونحتضن قضايا امتنا
يا عينى عالام وحنان الام لا خال ولا عم

ساواصل العمل بكل جهد لتحقيق تطلع شعبنا للعيش فى عزة وكرامة
الهمة يا رجالة هانت اهى
البلد بتفيص
شدو حيلكم شوية علشان نلحق نفتح التربة قبل الدنيا ما تضلم


رجال الشرطة لهم سجل حافل ومشرف فى حماية جبهتنا الداخلية
اة ماهو اللى له جبهه يعنى قورة ولا مؤاخذة مينضريش على قفاة

اهداف ازمه غزة ترتيب اوضاع المنطقة لصالح قوى معروفة
ايوة عارفهم اللهم احفظنا
اشتاتا اشتوت
دستور يا مباركين


نسعى لفتح المعابر
اة عايزين نفتحها بس الباب مزرجن شوية
جارى استدعاء فنى لحامات اوكسوجين لحل مفصلات الباب
تمهيدا لفتحة عالبحرى



تاريخ عالمنا العربى حافل بامثلة عديدة لمن علا صوتهم وتضائلت افعالهم
اة والله صدقت
الحاجة الوحيدة اللى قلتها صح

مصر ستظل صاحبة الدور الاول لاعتبارات التاريخ والجغرافيا
والاملا والتعبير والتدبير المنزلى

هل كانت مصر مستهدفة من البدايه؟؟؟
طببببببعا
احنا مستهدفين
فيه قوى كتير حوالينا بتغير من الطفرة اللى مصر حققتها
وبتحسدنا على قيادتنا الحكيمه
اللى بتقود تروسيكل التنمية
احنا اللى مش حاسين بالنعمه اللى احنا فيها
كتنا نيلة وش فقر

قواتنا المسلحة قادرة على رد الصاع صاعين
ايوة الصاع اللى هو الكيلة
كيلة الشعير مثلا
الا صحيح
كيلو الخيار فى مزارع الفيلد مرشال طنطاوى بكام دلوقتى؟؟؟؟


الاتفاق الامريكى الاسرائيلى لا يلزمنا فية شىء
اةةةةة ربنا مايحرمك منة
الله يرحمك يا شيخ سيد درويش
سرقو الصندوق يا محمد
لكن مفتاحه معايا

انا معدتى وجعتنى تانى
اشوف فيك يوم يا عووووكل
انت وام كدمات مراتك
وابنك نوفل
وى بابا



احمد سعيد

mido said...

@ ثورة الياسر

عمرو موسى وغيرو كتير من الي مش عاجبينكو عارفين وشايفين حقائق كثيرة واغلبها بالفعل مرعبة فبيتصرفوا على اساسها والحقائق هاي احنا كشعوب عاديين مش شايفينها

مهى دى حجة البليد

الحقائق اللى الناس مش شايفاها هى اللى بتحدد التصرفات و السياسات اللى الناس شايفاها

مثال :

التعنت فى فتح المعبر لتوصيل المعونات (نقول توصيل المعونات و ليس ادخال الفلسطينيين و توطينهم-منع دخول الاغذية و اقتصر الأمر على الادوية امتثالا للطلب الاسرائيلى )

النظام كذب و قال المعبر مفتوح على طول فى ايام الحرب على الرغم من نفى شهود العيان
-------------

تقدر تقولى ايه هى الحقائق اللى الناس مش عارفاها فى موضوع توصيل المعونات؟

mido said...

@ ثورة الياسر

انا مش عارف انتم فرحانين بأبو عمار اوى كده ليه ؟

مش ده اللى كان بيكنز فلوسكم هو و مراته بالمليارات و الانتم مش فى الدنيا؟

mido said...

@ ثورة الياسر

انا فاكر مبارك الي مش عاجبكو قبل غزو العراق قال انه في حقائق شافها بتحتم علية يتخد مواقف في صالح مصر والي هي الغزو ميكونش باي حال لمصر لانه راح يكون كوارث واولها حجة اضطهاد الاقباط واليوم وبعد غزو العراق كلنا بنشوف حجم القتل والدمار والطوائف هناك

ياه ده بعد نظر رهيب اوى !

ازاى عرف ان الغزو حيسبب كوارث و قتل و دمار
ده عبقرى فعلا

طب سمح ليه للأمريكان يعدوا قناة السويس ببوارجهم و المجال الجوى بطيارتهم
ليه ؟

بعد نظر

بعد نظر لأنه بيدعم منظمة فتح و ابو مازن اللى انت بتحبهم

Anonymous said...

إلى ثورة الياسر
أنا بقى حعلق على الواقع اللى كلنا عايشيونه
الحقائق المرعبة اللى بيشوفها عمرو موسى و اللى بيتقال إن إحنا مش شايفينها بالرغم من كل شئ أصبح على المكشوف
هدى الحقائق عمرو موسى و حكماء ال22 دولة هما اللى ربوها و روعوها
مبارك فعلاً قبل حرب العراق كان شايف "خيالات"
فكما ذكر كولن بول إنه فوجئ قبل الإعداد لحرب العراق بمبارك يميل عليه و يحدثه بإنجليزية سليمة
تعرفى قاله إيه


خدوا بالكم صدام ده راجل خطر و عنده أسلحة دمار شامل

و كرر المقولة لقائد القوات الأمريكية العاملة فى الشرق الأوسط
و أرسل إبنه جمال ليكررها على مسامع الأمريكان فى البيت الأسود

عباس بقى يلف و يلم فلوس ده ما يخصناش
المهم بس تتحط فى خزينة المالية الفلسطينية

ميصحش نساوى أخذ الختيار للمال و بين إبتزاز الصهاينة للأوربين
حتى لو قال الختيار هذا
لا نكرره لإنه فيه إهانة

أما بقى حكاية حماس و أخدها للبطاطين من مخازن الأنورا
فده لأن الأونروا للأسف بتوزع المعونات لخدمة أهداف سياسية
بمعنى ..فيه فى غزة 800 جمعية أهلية
بعضها تابع لفتح و بعضها لحماس و فصائل أخرى
مع ملاحظة إن حماس برغم إنها القوة الأساسية على أرض القطاع
إلا إن عمل الجمعيات الأهلية الفتحاوية مازال قائماً
تقدر تقولى ليش سلطة رام الله أغلقت معظم الجمعيات الأهلية الحمساوية
و إستولت على مقراتها و مواردها

فحماس بأخدها البطاطين لكى توزعها على الجمعيات المحرومة منها
تبقى عملت ما يمليه عليها المنطق و العدل

مـــى

حسن مدني said...

شوفي يا نوارة

جميل جدا إن الإنسان يعلن إن غير رأيه بوضوح وصراحة، أحييك على ذلك.
عمرو موسى في النهاية وظيفته أن يعبر عن موقف الجامعة العربية. وليس موقف بلد محدد ولا موقفه الشخصي. عمرو موسى كل ما يقول عملية السلام توقفت يطلع أكبر الحكام العرب، يقول نحن متمسكين بالمبادرة العربية.
بالنسبة لعمرو موسى فأنا مازلت أحترمه وإن اختلفت معه في بعض المواقف.
ربما كان الأكرم له أن يستقيل، ولكن ياترى حيعينوا مكانه مين؟ لامؤاخذة أبو الغيط؟ واللا عندهم حد أسوأ منه؟
المصيبة الأكبر في هيكل الجامعة والقائمين عليها، وليس في شخص أمينها العام، مهما كان.
مي
قالت وجهة نظر لا بأس بها، وإن كنت أختلف معها، لأنه لو كان محنط وتعبان ومطيع قوي، كان زمانه لسه وزير خارجية زي ماهو. وعوكل مش معصوم عن الخطأ، بيحصل مرات منه إنه يعين ناس كويسين، بس الشهادة لله، بيصلح خطأه بسرعة في الغالب.
تحياتي

Anonymous said...

جلسة مجدى احمد حسين
النطق بالحكم 11 فبراير



احمد سعيد

Anonymous said...

الى المدعو ثورة الياسر

وبالنسبة لان عباس بيلف دول العالم وبيشحد فانا بقولك حاجة وحدة انو مش غلط لما يجيب لشعبه دخل يعيشو منه وخاصة ان احنا بلد من غير موارد وكل اعتمادنا للاسف وبقول للاسف على الدول المانحة

يعني اصبحت مهمة محمود عباس تتلخص في نقطتين :
انه يجيب مساعدات لشعبه (يسرقوا نصها ويوزعوا النص الثاني على المحاسيب )

ان يمنع المقاومة باي شكل ويتحول الى انطوان لحد الشعب الفلسطيني

وبهذه الحالة يكون قد تم تحويل الشعب الفلسطيني الى شعب قابل وقانع بالاحتلال ويعيش على المساعدات

شوف يا استاذ
الشلة اللي بتحكم في الضفة الغربية مجرد مجموعة من اللصوص واللي ما بيشوف من الغربال بيكون اعمى

اسمع ما اقوله لك والله على ما اقول شهيد

ظهر ياسر عبد ربه في مساء اول يوم خميس بعد بدء الحرب وكان اليوم الاول من عام 2009 ليعلن انه صدرت تعليمات لجميع مسؤولي السلطة وفتح بعدم الاشتباك الاعلامي مع حماس
مش هون القصة
انا تفاجأت انه كان يتحدث من رام الله لأنني رأيته يوم الاربعاء في عمان
بتعرف شو كان جاي يعمل ؟؟؟
كان جاي يركض على صندوق امانات في احد البنوك الاردنية ليودع فيه اخر ما قام بسلبه ونهبه من الشعب الفلسطيني
ما اقوله لك انا شاهد عليه ولم اسمعه من احد

من تدافع عنهم يا استاذ هم لصوص بالمعنى الكلاسيكي القديم للكلمة
هم لصوص من النوع الذي يحمل ما سرقه في بقجة ويركض ليخبئه في مكان بعيد ثم يعود لنفس مكان الجريمة عله يستطيع حمل شيء اخر

هؤلاء يا استاذ لا يعنيهم الشعب الفلسطيني في شيء فقصورهم في عبدون تنتظرهم وارصدتهم تضخمت بشكل لا تستطيع تخيله ، وعندما تحين اللحظة لن تجدهم لانهم سيهربون ويتركوك وحيدا مع مدونتك


على فكرة
انا شفت مدونتك وضحكتني والله عن جد
يعني طلع احمد نجاد هو اللي صهيوني

هههههههههههه



ابو ناصر

م/ الحسيني لزومي said...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

Anonymous said...

حسن مدنى
انا معرفتش انت عايز تقول ايه
يعنى بتقول حاجة و بعدين تنفيها



مى
بتعجبنى اوووووووووووووووى رجاحة عقلك
و بقيت استنى تعليقاتك
انت مكسب للست نوارة


احمد سعيد
انت بقى فاكهة القعدة




واحد من الناس

حرة المداد said...

مي/ميدو.......ربنا ينصركم ويعزكم

ضياء said...

ياجماعة المشكلة مش ان ثورة الياسر بيدافع عن ابو عمار....ادخلوا مدونته تلاقوه بيدافع عن أسوأ انسان خلقه ربنا محمود عباس

حرة المداد said...

أحمد سعيد ...أضحك الله سنك.بقالي أسابيع من أول أزمة غزة وأنا ماليش نفس أضحك وكملت امبارح والنهاردة بآخر ابداعات الكذاب الاشر عوكل في كلمته الغبية وفي مصادرته لاموال التبرعات اللي كانت مع حماس...تعليقك أروع تعليق على كلامه اللي كله كذب وضحك على الشعب......يا ترى هو فيه حد لسة بيصدقه أصلا؟!!!!!!!

حرة المداد said...

عاجل جدا:
ذكر مراسل القناة العاشرة الصهيونية تسفي يحزكيلي أن مصر أمهلت حركة المقاومة الإسلامية حماس للرد على وقف إطلاق النار حتى يوم الجمعة المقبل.

وحسب المراسل فإن مصر أبلغت حماس في رسالة مفادها أنه لا يمكن لحماس الاستمرار في روتين الردود على وقف النار؛ الذي في نهاية الأمر سيؤدي إلى قيام الكيان الصهيوني بعملية واسعة النطاق في قطاع غزة.

وكان الدكتور أشرف عبد الغفار الأمين المساعد لنقابة أطباء مصر ومقرر لجنة الإغاثة والطوارئ بالنقابة قد كشف عن أن السلطات المصرية أبلغت الوفود الطبية والإغاثية والدبلوماسية التي عبرت معبر رفح باتجاه قطاع غزة بضرورة مغادرة القطاع قبل يوم الخميس 5 فبراير المقبل.

وقال عبد الغفار إن السلطات المصرية أبلغت سفارات الوفود الطبية والدبلوماسية بمغادرة القطاع قبل التاريخ المذكور، وأن من يتخلَّف عن المغادرة سيتحمَّل هو العواقب.
يا ترى دا صحيح؟
يارب سلم

Anonymous said...

انتو بتضحكو
انا مش بهزر
والله بيبعتولنا مفكات ومفاتيح انجليزى




احمد سعيد

مهندس مصري said...

احمد سعيد
=========
يعني أغلب المعونة العسكرية اللي بيبعتوها لنا هجايص

أمال ذلينا بيها ليه ؟

Anonymous said...

مهندس مصرى

المعونات العسكرية لا تخرج عن

ادوات تصليح
مفكات ومفاتيح انجليزى وخلافة


وسلاح منزوع الدسم
يعنى يدولك السلاح الجديد
مش جديد قوى يعنى
انتاج التمانينيات كدة
طبعا دة بالنسبالنا جديد نوفى
ويشيلو لهم حاجة فية
يعنى مثلا
تخيل انا بديلك مسدس
من غير خزنة
كومبيوتر من غير بروسيسور

طبعا هى مش بتبقى كدة
بس انا ببسط الموضوع علشان ماينفعش اخش فى التفاصيل الفنية هنا

لا وكمان بمنعوك انك تحسن السلاح دة
اوتصلح الحاجات اللى بايظة فية
والخبرا بتوعهم كل يوم بيفتشو على الكلام دة

مثلا
كان فية ظابط اكتشف ان الامريكان مبوظين خاصية مهمه جدا فى اهم سلاح مصر خدتة منهم
ولاغيين حاجات مهمه فية
يعنى مخليينة من الاخر كدة
احول
قام الراجل بسلامة نية
صلح العيب
وراح قال للقائد بتاعه انا اكتشفت كذا وصلحتة
الدنيا اتقلبت
انت خاااااااااااين
ازاى تمد ايدك فى الحاجة
هو احنا هنفهم احسن من الامريكان
انت عااااارف المعدة دى بكاااااام؟
130 مليون
والموضوع وصل للوزير
وكانو عابزين يخصمو تمنها من مرتبة
اة 130مليون
وبعدين فشقه بيه
اكتفو بمحاكمه عسكرية
وطردوة من الخدمة
الراجل يا عينى صاع برة
تااااانى يوم
الامريكان راحوله البيت
معلش اصل بلدك دى متخلفه
احنا بنقدر المواهب اللى زيك
تعالى اشتغل عندنا
هنديك مرتب خرافى
والجنسيه
والاقامه
ولو عايز تجيب عيلتك كلها معاك ماشى
وتزل اجازة مصر لو عايز وقت ماتحب
ولو مش عايز تسافر ممكن تشتغل تبعنا فى مصر
بالمرتب اللى تحبة
وعربية بسواق توديك وتجيبك
بدل اللطعة فى الشوارع فى الحى السادس تستنى ميكروباص تنحشر فية
وبدل الجرى طول النهار من دوريات الشرطة العسكرية

وفعلا
سافر
طفش وهج

وبعدين يرجعو يقولو بمنتهى البلاهه
هى المواهب بتسيب البلد لييييييييه
ايه دة مافيش انتماء؟

طبعا مش عايز اعلق
علشان التعليق بتاعى هيخدش حياء ناس من اللى بتابع المدونة
كل واحد يعلق فى سرة


احمد سعيد

Anonymous said...

المعونة العسكرية ماتلزمش مصر فى حاجة
لانها زى ماقولتلك

وماتلزمش عوكل
لان عوكل لن يحارب ابدا
حتى لو نص البلد احتل

هم مش زلينة بيهاولا حاجة
كل الموضوع انه بيتحجج بيها قدام الشعب
ان المعونة مهمه وميقدرش يستغنى عنها

ثم فى نقطة مهمه
فى بند فى ميزانية وزارة الدفاع
اسمه بند التسليح
دة فى اى جيش
ودة اهم بند
وله اكبر اعتمادات
دا المفروض

فلما امريكا تدى مصر معونة عسكرية
يقوم نظام عوكل يعمل ايييه؟؟؟؟

يعتبر المعونة دى تسليح

ويلغى اعتمادات شرا السلاح

يعنى يخفضها تقريبا للا شىء

وبما ان السلاح اغلى حاجة فى الدنيا
اغلى من الدهب كمان

يبقى النظام وفر مليارات

تروح فيييين؟؟؟

تقدم فى شىء اسمه اعتمادات اجمالية
يعنى مال سايب ماحدش يعرف رايح فين
مش مدرج تفاصيله فى خطة الموازنة

يروح للسادة اللوائات مبالغ خرافية بشكل دورى
حاجة اسمها بدل ولاء
يعنى عوكل بيرشيهم وبيشترى سكاتهم

يتسرق منه
مافيش مانع
ماهو مال سايب

الصول طنطاوى يبنى بية مزارع ونافورات رخام وتماثيل عبيطة
وبوابات لادارات وهيئات الجيش بملاااييييين

فطبعا لو امريكا وقفت المعونة العسكرية
بند التسليح هيتكشف

والليله دى كلها هتنفض

وطبعا انتو عارفين ان الحكومه دلوقتى مديونه للبنوك باكتر من 700 مليار جنية

اه سارقين من البنوك 700 مليار جنيه علشان يدارو العجز اللى عندهم

وطبعا اصل الدين مش بيتسدد

والفلوس بتاع البنوك دى فلوس مودعين
يعنى فلوسنا

يعنى كدة باختصار
الحكومه بتاخد من رصيدك فى البنك الف جنيه
علشان تديك مرتبك فى اخر الشهر 600 جنيه

وطبعا ان شاء الله اول ما البومبه تفرقع
والمولد ينفض
والعصابة تطفش على برة
القطاع المالى كله هينهااااار
والشعب المصرى هياخد اكبر خازوق لبسه فى حياته

وهيكتشف انه خضع لاكبر عملية سرقة فى التاريخ

ايه رايك يا مهندس
حلوة مش كدة؟؟؟؟



احمد سعيد

Anonymous said...

على فكرة مش البنوك بس
ودفتر توفير البريد كمان


بركااااااتك يا وزير المااالية

حىىىىىىىىىىىىىى





احمد سعيد

حسن مدني said...

معاكي حق.. واضح أني لم أكن في حالة تركيز كافية. أعذريني
ما كنت أود قوله هو:
أظن أن عمرو موسى شخص محترم، ولكنه مقيد بمنصبه، وفق إرادات الحكام العرب. وأن من الأكرم له أن يستقيل من هذا المنصب. وإن كانت استقالته ليست بالضرورة في مصلحتنا كشعوب عربية.
المشكلة ليست في شخص الأمين العام أو توجهاته الشخصية، وإنما في هيكلة الجامعة نفسها، وفي الحكام العرب الذين يمثلون القيادة العليا للجامعة. ولذلك تعرض عمرو موسى إلى هجوم كثير جدا منذ توليه أمانة الجامعة العربية،
كون عمرو موسى تولى وزارة الخارجية في عهد الرئيس المصري، لا يعنى أنه سيء، لأن الرئيس المصري سبق له أن قام، على غير العادة، بتعيين بعض المسؤولين الأكفاء والجيدين.
أظن كده أكثر وضوحا، وترتيبا.
تحياتي