Saturday, 7 February 2009

وحياة الانسة والدتك لقاعدة لك في زورك يا بايضن

بالنوسبة لارامل السيد الرئيس اوباما فيه خبر حلو كده عشان خاطرهم، بايضن بيقول حل الدولتين عفى عليه الزمن، هيهيهيهييييييي، طب صح، مظبوط، هو عمره ما كان له زمن اصلا عشان الدبان يعف عليه، يعني جناح الممناعة اللي هو احنا، والافندي بايضن متفقين ان يا احنا يا اسرائيل، وطبعا اكيد بايضن مش ح يختارنا احنا، طب وشرف الانسة والدتك لقاعدة لكم على الموقع بتاعك انت واوباما الحايس في الخطة بتاعته ده ومطلعة عينيكوا، على الله بقى يشيلوني عشان اعمل لهم فضيحة
بالنوسبة لارامل السيد الرئيس انا باقول يلبسوا قمصان مشجرة وبنطلونات....لا جيبات حمرا فوق الركبة وتحتيها كولون اسود ويحطوا شرايط في راسهم ويروحوا يقفوا جنب يسرا في اسيوط ويلفوا دايرة كاملة وهم بيعرجوا: جينجل جينجل ليتل ستاااااااااااار
لا وعلى ايه؟
ممكن يتدربوا على الرقصة دي احسن واوقع
بالنوسبة لي اشوفكوا بقى على الاكاونت اللي عاملاه على موقع اوباما انا بس عندي سؤال محرج شوية، ممكن مهندس مصري يساعدني فيه لانه عامل اكاونتت هو كمان وباقول برضه يا مهندس اعمل مدونة وطلع تلاتينهم، ياريت سبعة تمانية خمسمية كده يعملوا اكاونتات على موقع اوباما وننزل عليهم بقى بعزم مافينا كل اللي بيتكتب على اي مدونة بينزل على الصفحة الرئيسية، ح تلاقيهم بيقولوا لك انهي ولاية واسئلة كده كأنهم شارطين انك تبقى امريكاني بس طنش الاسئلة دي هم مش فاتحينها للامريكان بس، انا عايزة قوافل زي قوافل النمل بقى عشان نشوف مين فينا اللي عفى عليه الزمن وهم اصلا حايسين في حتة خطة مش عارفين يمرروها، ما تعملش حاجة غير انك تدخل هنا وتعمل اكاونت وتستلمهم كل يوم باللي ربنا يقدرك عليه وياريت تشترك في مجموعات على موقعهم كتير عشان البوستات بتاعتك تنزل عندهم، انا اقتراحي، وكل واحد حر، ان كل الناس تعمل اكاونت على الموقع ده وكل يوم نلطع لهم فيديو، تقرير، مقارنة زي المقارنة دي، وبالمناسبة المقارنة دي جربتها على كام حد لقيتها بتطلع نار من ودانهم ومش بيعرفوا يردوا، مافيش غير واحد قال لي: خلاص يبقى جورج واشنطن ارهابي، بس هو مات بقى ح نجيبه تاني ازاي؟ :) طلب خاص من كل الاخوة المقيمين في الولايات المتحدة، لو سمحتوا تعملوا اكاونتات على الموقع ده، تحسبا انهم يشيلونا بحجة اننا برة امريكا، يقوموا يلاقوكوا انتوا بقى مواطنين امريكان في زورهم، بس الاول قولوا لي اعمل امبد ازاي للفيديوهات
مش بترضى تعمل امبد ابدا
امنعوا الضحك
وانشروا الفيديو ده، انا بقى مش ورايا غير الصهاينة وفاضية لهم

5 comments:

احمد علام said...

http://my.barackobama.com/page/community/members?source=sidenav

محدش عنده خطب لنازية هتلر ضد اليهود
وصهيونية شارون او غيرو ضد الفلسطينين
عايز اعمل مقارنه بينهم زي الصور كده بس عن طريق الخطب
خطب صوتيه او فديوهات وانا هركبهم مع بعض

احمد علام said...

http://my.barackobama.com/page/community/post/ahmedallamallam/gGx2WS/commentary#comments

علي فكره في ناس بتتفاعل

مهندس مصري said...

أنا عامل مدونة هناك فعلاً
و ده لينكها
http://my.barackobama.com/page/community/blog/egyptianengineer

و برضه الإمبد بتاع الفيديو مطلع عيني و عمال أحاول فيه بكل الطرق مش عارف خالص

و انا كنت عامل محترم لقوانين الموقع و مش راضي أشترك في جروبات كتير

طيب يومهم زي وشهم
و حأشترك في جروبات كتير و أنشر بوستاتي عليها

و سيبي لي أنا بقى نقل كل خبر او فيديو مهم من قناة الجزيرة الإنجليزية و حألطعهم لهم أول بأول

Anonymous said...

ينصر دينك يا مهندس مصرى

انت و ست الكل نوارة

~*§¦§ Appy §¦§*~ said...

مش عارف ارفع حاجه بنزل توبك بس هناك ارقع بالصوت بقى حد ياخد بايدي فين طفاطيفو