Saturday 21 February 2009

عايزة حد بيعرف عبري

اللي بيعرف عبري يبعت لي على الميل ده
عايزة حد  بيعرف عبري ضروري
----
كلمتين بخصوص الواد الكوميديان الاسرائيلي اللي الس على سيدنا عيسى وستنا مريم، بصرف النظر يعني عن اي حاجة هو اصلا واد اهبل وبرنامج كوميدي ودمه تقيل كمان بالمناسبة، ما تضحكش يعني
بس انا عايزة افهم، هي الناس مافيش عندها اي احساس بالعدالة خالص كده؟ يعني هو بيقول ان ده رد على انكار الهولوكوست! بقى دي زي دي؟ بقى انكار واقعة تاريخية توازي الخوض في عرض السيدة مريم والتريقة على لب عقيدة كاملة؟ عقيدتين الحقيقة بس احنا مش مهم احنا مافيش حد طايقنا اصلا، بس يعني لما انت تقول لي يا كدابة يا نوارة اقوم اقول لك الست والدتك جابتك من البواب ولزقتك في ابوك؟ هي دي زي دي؟
يعني ده بيفكرني بالناس اللي كنا نقول لهم: افتحوا المعبر يقولوا طب ايران مش بتحارب ليه؟

7 comments:

مواطن مصري said...

يا نوارة النهاردة كان فية مظاهرة مصر اولا كان فيها 300 نفر حسب الاخبار

و بعدين لما عملو الكاركتير المسىء لسيدنا محمد علية أفضل الصلاة و السلام دعو على اليهود و المسيحين و الغرب الكافر على حسب رائيهم الان بيهينو سيدنا عيسى علية أفضل السلام

و نحن اولى ب الدفاع عن سيدنا عيسى


ولا انتي شايفة اية
يا نوارة فية مخطط بيترسم للهجوم على لبنان نت ياهو ممسك الحكومة

Zeinobia said...

اظن يا نوارة الموضوع ده علشان الكنسية الكاثولكية و موقف بعض من القساوسة اللى بينكروا الهولوكست او بيهجموا اليهود
كقتلة المسيح من مجهة نظرهم
وقف السخيف ده مش مفأجاة لو قراتى المكتوب فى مدونات اليمن المتطرف هاتجدى اسوا من كده بكتير

mido said...

محمد حمدي صاحب مدونة دماغي يعرف عبري تقريبا

Unknown said...

ما اعتقدش يا مواطن ان فيه اي نبي محتاج حد يدافع عنه
الناس بتزعل بس عشان اهانة مقدساتها سواء الرسوم المسئية او التريقة على سيدنا عيسى


بالنسبة للبنان
ان شاء الله انا مش قلقانة
باذن الله يعني
بن جوريون كان بيقول لبنان هي الحلقة الاضعف في الجامعة العربية وكان عنده امل انه يقسمها وادي ربنا اخزاه وبقت لبنان هي الشوكة اللي واقفة في زورهم بالعرض

طبعا ممكن جدا يبقى الصواريخ اللي طلعت من الجنوب دي زي عملية لافون كده
تبقى اسرائيل نفسها هي اللي عاملاها وده مش جديد عليها
بس ان شاء الله انا مش خايفة على لبنان من اسرائيل
انا خايفة على لبنان من اللي جوة لبنان والله
يا اخويا الناس لما يبقى عندها حد رافع راسها وبيعمل لها كرامة تفرح وللا تزعل؟
انا مستغربة ان بتوع اربعتاشر اذار دول لهم ناس متعاطفين معاهم وبينتخبوهم
فيه ناس تزعل ان بلدها لها هيبة وانتصرت بدل المرة اتنين وتلاتة
مرة على امريكا سنة 85 ومرتين على اسرائيل؟

فيه كده في الدنيا؟
ربنا يهديهم، انا مش عايزة ادعي عليهم لجل عيون السيد حسن بس، ربنا يهديهم له

Unknown said...

الا موضوع اليهود قتلوا المسيح ده راخر، يعني هم اللي اتآمروا على المسيح عايشين دلوقت؟
هي ليه الاديان بتخلي الناس تموت بعض مع ان المفروض تخليهم ناس احسن؟

Unknown said...

محمد حمدي؟
متأكد؟

mido said...

هو ده تعليق محمد حمدى لما انت كتبت بوست ( عاجل للشغل الجد )


Mohamed Hamdy said...

وانا عليا الترجمه للعبرى والجرافيك ديزاين

راسلينى فى اى وقت على

mohamedhamdyonline@gmail.com

21 January 2009 14:32