مين بقى هشام طلعت مصطفى؟ ايوة ايوة عارفة انه بتاع مجموعات طلعت مصطفى، بس مين يعني؟
هو مين عشان الدستور تتصادر بسببه ومنى الشاذلي تتهزأ على الهوا من احمد بهجت بسببه برضه؟ مع ان الدستور ما جابتش اسمه ومع ان منى الشاذلي ما قالتش في حقه اي حاجة وحشة بالعكس، كل اللي قالته ان كان فيه شائعات بتقول ان له علاقة بقتل سوزان تميم واللي زود الاشاعات انه برة البلد بس هم - بتوع العاشرة يعني - اتصلوا بيه وهو اكد لهم انه جاي القاهرة في نفس اليوم اللي هو اول امبارح عشان يخرس الالسنة ويبدد الشائعات وانهم بيحاولوا يتصلوا بيه دلوقت بس هو مش بيرد على التليفون وانها كانت تتمنى انه يعلم الناس انه جه من خلال برنامجها، واظن اللي شاف العاشرة اول امبارح شاف احمد بهجت وهو بيتصل بمنى على الهوا وبيبستفها ويقول لها هشام طلعت مصطفى راجل عظيم
!!!!!!!!!!!!!!!!!!
وهو موجود في مصر وانا اتصلت بيه
امبارح عند واحدة مصرية والنهاردة عند البي بي سي عرفنا ليه احنا مش لاقيين الدستور عند بتوع الجرايد، عشان الدستور اتصادرت، ليه اتصادرت عشان قالت ان مقتل المطربة له علاقة باحد رجال الاعمال الكبار قوي في مصر
طيب
الكلام ده لو مش صحيح الجرنال ينزل وهشام طلعت مصطفى يرفع قضية على الدستور لو الدستور جابت اسمه او جابت حاجة تدل عليه من شأنها انها تتهمه بالباطل في جريمة هو مالوش ذنب فيها
مش ده الطبيعي يعني وللا انا واحدة مجنونة وباخرف؟
يمكن اكون مجنونة وباخرف
بس ان رجل اعمال يقتل الف واحد ويطلع براءة بعد ما تتطبخ له قضية
ورجل اعمال تاني يتصادر له جرنال لجل عيونه وتتهزأ واحدة من اهم الاعلاميات المصريات على الهوا لجل عيونه
يبقى احنا فين؟ احنا فين؟
ماهو برضه لو كنا في دولة شمولية زي العراق مثلا واي حد بيجيب سيرة القائد بيروح ورا الشمس كنا فهمنا
لكن ده احنا بنهاجم رئيس الجمهورية وابن رئيس الجمهورية ورئيس الوزراء وطقم الوزراء كله والمفتي والبابا وشيخ الازهر ولما ناس تقول فيه شائعات بتقول ان فيه رجل اعمال ما متورط في جريمة ما لكن الشائعات يا جماعة دي مش صحيح يتصادروا ويتمسح بيهم البلاط على الهوا وقدام الناس كلها؟ ما كانش عارف احمد بهجت يستنى لبعد الحلقة ويزعق لها زي ماهو عايز؟ وبرضه كانت تاني يوم ح تصحح الموقف بدل المنظر المؤذي اللي ضايقنا كلنا وزود الشكوك حوالين هشام طلعت مصطفى
القضاء يحبس رئيس التلفزيون وظباط شرطة ويفرج عن هاني سرور وممدوح اسماعيل
انا لا معترضة ولا موافقة انا مش فاهمة
مش فاهمة حاجة خالص
مين الناس دي اللي يبدو انها اهم من رئيس الجمهورية نفسه؟ واحنا فين بالظبط؟ انا مش طالبة اكتر من ايضاح بس، برضه عشان يبقى الواحد عارف راسه من رجليه يا اخوانا في ام البلد دي
هو مين عشان الدستور تتصادر بسببه ومنى الشاذلي تتهزأ على الهوا من احمد بهجت بسببه برضه؟ مع ان الدستور ما جابتش اسمه ومع ان منى الشاذلي ما قالتش في حقه اي حاجة وحشة بالعكس، كل اللي قالته ان كان فيه شائعات بتقول ان له علاقة بقتل سوزان تميم واللي زود الاشاعات انه برة البلد بس هم - بتوع العاشرة يعني - اتصلوا بيه وهو اكد لهم انه جاي القاهرة في نفس اليوم اللي هو اول امبارح عشان يخرس الالسنة ويبدد الشائعات وانهم بيحاولوا يتصلوا بيه دلوقت بس هو مش بيرد على التليفون وانها كانت تتمنى انه يعلم الناس انه جه من خلال برنامجها، واظن اللي شاف العاشرة اول امبارح شاف احمد بهجت وهو بيتصل بمنى على الهوا وبيبستفها ويقول لها هشام طلعت مصطفى راجل عظيم
!!!!!!!!!!!!!!!!!!
وهو موجود في مصر وانا اتصلت بيه
امبارح عند واحدة مصرية والنهاردة عند البي بي سي عرفنا ليه احنا مش لاقيين الدستور عند بتوع الجرايد، عشان الدستور اتصادرت، ليه اتصادرت عشان قالت ان مقتل المطربة له علاقة باحد رجال الاعمال الكبار قوي في مصر
طيب
الكلام ده لو مش صحيح الجرنال ينزل وهشام طلعت مصطفى يرفع قضية على الدستور لو الدستور جابت اسمه او جابت حاجة تدل عليه من شأنها انها تتهمه بالباطل في جريمة هو مالوش ذنب فيها
مش ده الطبيعي يعني وللا انا واحدة مجنونة وباخرف؟
يمكن اكون مجنونة وباخرف
بس ان رجل اعمال يقتل الف واحد ويطلع براءة بعد ما تتطبخ له قضية
ورجل اعمال تاني يتصادر له جرنال لجل عيونه وتتهزأ واحدة من اهم الاعلاميات المصريات على الهوا لجل عيونه
يبقى احنا فين؟ احنا فين؟
ماهو برضه لو كنا في دولة شمولية زي العراق مثلا واي حد بيجيب سيرة القائد بيروح ورا الشمس كنا فهمنا
لكن ده احنا بنهاجم رئيس الجمهورية وابن رئيس الجمهورية ورئيس الوزراء وطقم الوزراء كله والمفتي والبابا وشيخ الازهر ولما ناس تقول فيه شائعات بتقول ان فيه رجل اعمال ما متورط في جريمة ما لكن الشائعات يا جماعة دي مش صحيح يتصادروا ويتمسح بيهم البلاط على الهوا وقدام الناس كلها؟ ما كانش عارف احمد بهجت يستنى لبعد الحلقة ويزعق لها زي ماهو عايز؟ وبرضه كانت تاني يوم ح تصحح الموقف بدل المنظر المؤذي اللي ضايقنا كلنا وزود الشكوك حوالين هشام طلعت مصطفى
القضاء يحبس رئيس التلفزيون وظباط شرطة ويفرج عن هاني سرور وممدوح اسماعيل
انا لا معترضة ولا موافقة انا مش فاهمة
مش فاهمة حاجة خالص
مين الناس دي اللي يبدو انها اهم من رئيس الجمهورية نفسه؟ واحنا فين بالظبط؟ انا مش طالبة اكتر من ايضاح بس، برضه عشان يبقى الواحد عارف راسه من رجليه يا اخوانا في ام البلد دي
No comments:
Post a Comment