ده مش بس ذليل ومعقد....ده كمان عبيط

آآآآآآآه احنا كنا ناقصين...كنا ناقصينك يا اوباما...كنا ناقصين ام عقدك ووضاعتك وتزلفك لاسيادك على قفانا وكمان عبيط، قال اوباما بيشك في نوايا ماكين! يا جمالي؟ ليكون لا سمح الله ماكين عايز يسقط اوباما ويكسب هو وللا حاجة وبيستغل كل حاجة بما فيها العنصرية طب ايه رأيكوا بقى ان ماكين، بالرغم من انه شرشوح من حواري واشنطن دي سي (هي واشنطن دي سي فيها حواري؟) ونازل سلخ في اوباما، الا انه الحقيقة وبالرغم من قلة ادبه كل اللي بيقوله على اوباما صحيح اوباما فعلا ح يموت على الرئاسة ومستعد يخسر نفسه ويخسّر امريكا كمان عشان بس يكسب الانتخابات الكلام ده قاله ماكين وكلامه صح ييجي واحد يقول لي ما اي مرشح كده اقول له لا...مافيش ولا مرشح كان كده ابدا، عايزين يكسبوا الانتخابات، لكن مش مستعدين يقلعوا ملط ويقلعوا امهاتهم عشان يكسبوا الانتخابات اوباما هو الوحيد اللي كده عشان يبقى اول رئيس اسود للولايات المتحدة عشان كده ماكين قال عليه عنصري صح اوباما عنصري عنصرية مضادة، هو عايز يكسب عشان هو اسود ونفسه يحس ان فيه اسود كسب الانتخابات ومستعد يمارس كل انواع العهر السياسي والفعلي واللواط كمان ان لزم الامر عشان يدخل البيت الابيض وبعدين يموت بعد كده عشان كده ماكين شبهه ببريتني سبيرز وصح معاه حق ماكين راح اسرائيل زي اي رئيس للولايات المتحدة ما لازم يروح ياخد البركة من المستعمرة الامريكية الاهم بس كان معزوز...مش لاقي نفسه مضطر يلبس الطرطور اليهودي ولا لاقي نفسه مضطر يمسح بلاط حائط المبكى ويتمرمرغ على الارض ويقول تصريحات من قبيل: اسرائيل معجزة! معجزة في ايه؟ ايه المعجزة في كيان عسكري واخد دعم من العالم كله عشان يموت الناس بقاله ستين سنة؟ فين المعجزة في كده؟ آه المعجزة انه بيموت بقاله ستين سنة ولسة ما تعبش؟ وانه تمكن من انه يعيش عوالة وشحات على مدى ستين سنة؟ ماكين قليل الادب وعنصري ومحتقر اوباما بس ما بيقولش حاجة غلط على اوباما...كل تريقته حقيقية، وله حق يحتقر اوباما ماهو حقير فعلا اذا كان هو نفسه محتقر نفسه وعمال يسيق الارض ويغسل لهم الملابس الداخلية...ويغليها ويزهرها ويحط رجلين البيض في طشت فيه مية وملح وينزل على السلم وهو بيبخر اسرائيل: من شر النفاثات في عووووووووووئد وكل ماحد من السود (قس وللا سياسي وللا اي حاجة) يقول تعليق يعبر بيه عن الامه او حتى يقول حقيقة زي ان حداشر سبتمبر نتيجة اللي زرعته امريكا في العالم يطلع اوباما يزغر لهم وينزل فيهم عفق ويبص للبيض وهو عمال يقرص السود ويقول: ما يقصدش ما يقصدش زي الخدامة اللي متربية في بيت اسيادها وما اتجوزتش من كتر ماهو مش هاين عليها تسيب الهانم والبيه وتنزل ضرب في الخدامة الصغيرة عشان كسرت كوباية من غير ما تقصد وللا عشان لما ستها نادت عليها البت قالت نعم بدل ما تقول افندم، وبعدين كمان متخلف ويقول انا شاكك في ماكين؟ يعني خدام وغبي؟ لا هو مش غبي....هو عارف ماكين بيبص له ازاي....بس هو ما يقدرش يغلط في ماكين عشان ابيض والعين ما تعلاش عن الحاجب انتوا شايفين المعركة بينهم عاملة ازاي؟ عاملة زي باشا بيتخانق مع السفرجي بتاعه عارفين حد ييجي يقول لي واحنا مالنا ح اشنقه امال مال مين؟ هو مين اللي بيحكمنا؟ على الله يطلع راجل ويقطع المعونة عن مصر....وللا هم كانوا عاملين استطلاع الشريعة ده عشان يشوفوا ح يقطعوها وللا لا؟
وعارفين حد ييجي يتذاكى عليا ويقول لي امال انت متوقعة ايه؟
ح انتف شعر مناخيره
عشان كلنا بما فينا اللي بيقول امال كنتي متوقعة ايه...بصراحة كنا متوقعين
عشان حاجات كتير
عشان فعلا اوباما لما كان سيناتور كان عنده رحمة بينا، مش رحمة رحمة يعني، بس كان بيطرح احتمال اننا نكون بني ادمين وبنحس زي اي بني ادمين تانيين
وعشان هو قال انه ح يخرج من العراق...بلا نيلة طلع عايز يخرج من العراق عشان يركز في افغانستان ويضرب ايران
وعشان ماحدش يقدر ينكر الكاريزما والحضور بتاعه
وعشان اي حد عنده معلومات اولية عن السود في امريكا يعرف انهم هم الوحيدين المتعاطفين معانا وبيقولوا لنا براذر وبقية الاعراق بتتف علينا في الرايحة والجاية حتى اللاتينو
وعشان كلنا شفنا السود لما عملوا مظاهرات ضد كوندوليزا ايام حرب لبنان وقالوا لها انت عار على السود
وايوة انا مصدومة ومتغاظة وحالة التذلل اللي ماسكاه دي فعلا مثيرة للشفقة وح تبقى مصيبة سودا لو نجح
ح يبقى زي الخدامة الكبيرة اللي بتفش غلها وذلها في الخدامة الصغيرة لحد ما الخدامة الصغيرة تصعب على صاحبة البيت
الله يعرك يا زفت الطين....الله يخزيك يا شيخ لو مالكوم اكس وفانون عايشين كانوا نسلوا القبقاب على راسك
الاتنين ماتوا في عز شبابهم عشان انت يبقى عندك كرامة
مش عشان تفضل خدامة طول عمرك
يا ويلنا ياااااااااااا ويلنا لو اوباما نجح ....ح يتفنن يطلع ميتين ابونا ازاي ويحطنا في البدروم عشان يثبت لاصحاب البيت انه مش متواطئ معانا وانه اكثر ولاء لهم من نفسهم