Friday 15 August 2008

شوفتوني وانا صغننة

ياختي كميلة ياختي، المدونة دي عندها اربعتاشر سنة بحالهم، سنة تنطح سنة، ما شاء الله عليها ربنا يحميها
انا بافتكر نفسي وانا عندي اربعتاشر سنة كنت باسمع مصطفى قمر :) الا الظاهر صحيح بقى حكاية الطفل المصري اذكى طفل في العالم بقى ولما بيكبر بيجيله هطل
المدونة الصغنونة دي بتتكلم عن اطفال الشوارع وبتقدم اقتراحات حلوة جدا، ومعنية بالشأن العام مش بتامر حسني وتقرا لها تفتكر ان عندها عشرين سنة مش اربعتاشر سنة ماشاء الله يعني الله اكبر في عيني
انا فرحانة بيها قوي، كان فيه مدونة تانية عندها تلاتاشر سنة برضه بس ناسية مدونتها ايه
انا بس حبيت اعرفكوا على عيال مصر اللي زي الفل، لسة فيه امل في البراعم بس على الله الخناشير يحلوا عنا بحلولهم المهببة على دماغهم ويسيبوا مصر لعيالها

No comments: