Saturday 16 August 2008

تصدقوا بلا إله إلا الله إني مصدومة

عمالة احاول اطلع نفسي من ام الاكتئاب واقرا كتب لطيفة عن الاندلس عشان اتجاوز الصدمة بس انا مصدومة ومش عارفة اتجاوز الصدمة تلات ايام ورا بعض اخدت صدمة في قرار النائب العام (مش عايزة شتيمة) ايوة اتصدمت، ما كنتش متخيلة انه يعمل حاجة زي دي، وبعدين خطبة توماس جابتني الارض خصوصا بعد ما مينا قال لي كتير مقتنعين بالكلام ده، وبعدين جواب ايمن نور. التلات احداث دول فارقين في حياتي قوي وح يخلوني اعيد نظر في حاجات كتير، منها احترامي للقانون، وتصوراتي الوطنية، وفكرة الموقف المبدأي بصرف النظر عن اتفاقي او اخلافي مع المضمون
فاهمين حاجة؟
والله ولا انا، بس التلات احداث اللي عدوا ورا بعض دول حسسوني اني عايشة في كدبة كبيرة، او كدبات كبار، وكل يوم الموضوع بيكبر في دماغي مش بيصغر واقعد اسرح واعيط، اه والله باعيط، بقالي تلات ايام باعيط
يعني مافيش قانون كده خالص؟ والكلام بتاع تفعيل القانون وتفعيل الدستور بلا بلا بلا...طلع مافيش؟ هأو...طلع مافيش فرق كبير ما بين القانوني والترزي
مافيش حاجة اسمها مواطنة ووحدة النسيج الوطني والمهم مصر ومصر ح تفضل غالية عليا وكلنا سواسية امام القانون والدستور والكلام الخرا اللي كنت مؤمنة بيه وغير قابل للنقاش؟ هأوأو...طلعت الحكاية لا خط همايوني ولا دستور وقانون ده اصلا وجودي في الحياة هو المشكلة
مافيش حاجة اسمها انسان نزيه حتى لو تختلف معاه بس تحترمه من حيث المبدأ؟ هأوأوأوآآآآآآآآو طلع اللي تكسب به العب به
مافيش؟ كل اللي كنت متأكدة منه طلع مافيش
تصوروا طلع مافيش، طلع مضحوك عليا، كل الناس ضحكت عليا
وانا باعيط وعمالة اعيط

No comments: