Monday 7 April 2008

عاجل: اشتعال الوضع في المحلة مرة اخرى

تحديث الساعة 5:38 عصرا:
اتصل بيا احمد عبد الفتاح دلوقت وبيقول لي ان الامن قافل الطريق للمحلة
----
تحديث:
اتصل معتز من المنصورة وبيقول انه بلغه اخبار ان القتلى من اهالي المحلة اتناشر اما القتلى ما بين العساكر فهو مش عارف عددهم لان فيه تعتيم على الموضوع ده
----
دلوقت احمد عبد الفتاح اتصل بيا وبيقول لي انه في طريقه للمحلة لان الوضع اشتعل مرة اخرى واحنا محتاجين عدد اكبر من المحامين والصحفيين والاعلاميين يغطوا الوضع

انا ح اتابع مع احمد
يا اخوانا اللي حصل امبارح مسئولية احنا تحملناها، يا نبقى قدها يا اما ما كناش نحشر نفسنا اصلا
ما ينفعش نخلع ايدينا من المحلة دلوقت والا يبقى فعلا ركبنا على كتافهم مش تضامنا معاهم
لو كنت بتركب على كتافهم يبقى دور على اضراب جديد تلعب بيه
لو كنت فعلا متضامن معاهم يبقى المعركة الحقيقية في المحلة وزي ما هم مكملين نكمل معاهم لاخر لحظة
ده كان قرارنا من الاول وما ينفعش نرجع فيه دلوقت اللي ح يخلع دلوقت يبقى دم اللي ماتوا امبارح في رقبته

No comments: