Wednesday 9 April 2008

ينفع الواحد ياخد الجنسية المحلاوي؟


والغريبة ان شوية شرابات وصنادل قالوا عليكوا همج...ما احنا مش واخدين ان يبقى عندنا رجالة
متعودين ان لما الامن يضرب بمب في الهوا كل الكتاكيت بيتك بيتك بيتك
واي حد بيفتي ويهوبص وكمان يدافع عن الامن اللي عمل احداث الشغب وكان متوقع انه لما يضرب رصاص حي وقنابل مسيلة للدموع ان اهل المحلة يستخبوا في الجحر زي الفرافير اللي متعودين يقابلوهم او انهم يتضامنوا وهم مقاطعين ويقاطعوا وهم مشاركين بدون ذكر اسماء كدهبصراحة لو انا وشفت رصاص حي وناس غرقانة في دمها، بصراحة ح اجري، بالامانة يعني، وح الاقي لنفسي عذر: انا واحدة ست، انا عندي برد، انا مالي انا ده شغل الرجالة يضربوا اللي يضربهم بالرصاص الحي، وكمان الامن هو اللي بيشتكي: ضربني بوشه على ايدي يا سعادة البيه


المحلة رجالة...آه عارفينهم؟ الكائنات الغريبة دي المنقرضة اللي بيسموهم رجالة: وستاتهم ورجالتهم رجالة، وانا وشي منهم في التراب وضفر اصغر عيل فيهم بعشرة زيي، وتفة من اعيل عيل منهم بقيمة خمسين مليون من اللي بيتهموهم بالهمجية والشغب
تصوير ناصر نوري واخدتها من عند قرد الرمال
الا هو مسمي نفسه قرد ليه؟

No comments: