الساعة تلاتة ونقدر نقول ان الاضراب نجح

الحمد لله، وبرغم من القاء القبض على مائة شاب الى جانب مجدي حسين، وهو شاب برضه يعني :)، الا اننا نقدر نقول ان الاضراب نجح وفيه ادلة لكلامي وكمان عوامل ساعدت على انجاح الاضراب
الدليل ان فعلا محلات وسط البلد قافلة وجات لي تليفونات واخبار من ناس كتير، غير قناة الجزيرة والبي بي سي العربية، ان المحلات قافلة ومدارس كتير متعطلة والجامعات فاضية
انا بابص على جامعة عين شمس والحقيقة حصلت حاجة غريبة شوية
من الساعة عشرة للساعة واحدة الجامعة فاضية من الساعة واحدة للساعة اتنين عربيات الاساتذة ملت الجامعة وكام عيل كانوا بيلعبوا كورة! من الساعة اتنين لحد دلوقت الجامعة مافيهاش صريخ ابن يومين...معناتو ايه الكلام دهوت؟ هو انا كل حاجة محيطة بيا لازم تبقى غريبة؟
المهم ان اسكندرية شوارعها فاضية، الصعيد شرحه، القاهرة انا بابص من الشباك على لطفي السيد اللي في الوقت ده بيبقى فوق بعضه مافيهوش غير كام اتوبيس خايبين وفاضي خالص
النتيجة الاجمالية، الطرقات فاضية، المحال معظمها مغلق، المدارس والجامعات لم تشهد نسبة حضور الا قليلة جدا، ومافيش حد شغال بكامل كفاءته غير الاقسام وامن الدولة
اسباب النجاح:
فيه عدة عوامل
اولا: انا فعلا اتكلمت مع الناس وكانوا عاقدين العزم على الاضراب، كلهم بلا استثناء، وكلهم كانوا شايفين ان ده حقهم وانه كمان مافيهوش خطورة عليهم، انتوا عارفين المصريين مش جبنا ولا حاجة، هم بس مش ميالين للمشاكل :)
ثانيا : تعيش الحكوماااااااااااااا، اللي كان ناوي ينزل خاف ينزل لانهم دارزين البلد امن، وبيقبضوا على الناس بالشبه، واي واد لابس جينز يتشككوا في اخلاقه وسلوكه، وعليه فالحكومة نجحت الاضراب، لان الحكومة لازم تفهم ان الاضراب يعني الواحد يقعد في البيت مش يعني ينزل الشارع، هم مش اغبيا ولا حاجة، هم بس محتاجين وقت زيادة يفكروا
ثالثا: ربنا بقى، اهي دعوتي انا بقى، المركب تغرق في البحر وما يلاقوش مية يطفوها على رأي أطاطا، دونا عن بقية الايام عاصفة رملية خانقة تجتاح البلاد مش بس القاهرة، معظم محافظات مصر، اهو ده ربنا بقى، وانتوا عارفين الحكومة حكومة مؤمنة ومش بتعترض على حكمة ربنا ولا حاجة، هي بس بتحاول تجتهد في تفسير النصوص
الخلاصة:
للاخوة اللي ما شاركوش في الاضراب وكمان حطوا نظريات لتخاذلهم: بتحطوا نفسكوا في مواقف بايخاااااااااااااااااااا
======
تحية كبيرة قوي وواجبة لكل من
1- المصريين اللي اثبتوا نجاحهم مع ان بصراحة الواحد كان خايف منهم اكتر ناس
2- جريدة البديل الشريفة والمحترمة
3- مركز هشام مبارك نعمة ربنا ادامه الله علينا يا رب آمين
====
غرفة العمليات بمركز هشام مبارك:
أي حالة قبض على مستوى الجمهورية يمكن الاتصال بغرفة العمليات المركزية 0225758908 -0121519598
الاتصال المباشر بمسئول الجبهة بالمحافظة 1- ( أسيوط - سوهاج - قنا - أسوان) الأستاذ/ جمال عبد المحسن0127786150 - 0972308306
2- ( مدينة المحلة الكبرى ) الأستاذ/ فرج عزيزة 0122864515
3- (البحيرة والإسكندرية) الأستاذ/ محمد عبد العزيز 0122460834
4- (الشرقية ومدن القناة) الأستاذ/ محمد اللق 0126182618
باقي الجمهورية الأستاذ/ عبد المحسن شاشة 0125443395
الأستاذ/ سيد فتحي السيد 0122308443
الأستاذ/ احمد فوزي 0123618014
الأستاذ/ عماد مبارك 0126532303
الأستاذ/ جمال عبد العزيز 0101936884
الأستاذ/ أحمد حسن 0112806542
الأستاذ/ محمد عبد العظيم 0126273775
الأستاذ/ احمد راغب 0120624003
الأستاذ/ أسامة خليل 0105484470
الأستاذ/ حسام حداد 010135690
الأستاذ/ أحمد عزت 0103978913
في حالة الرغبة للانضمام للجبهة القانونية ، يمكن الاتصال بمقر مركز هشام مبارك للقانون أو على التليفونات التالية: 0225758908-
0121519598
=====
لمتابعة اخبار الاضراب والاعتقالات
افعص هنا