Thursday 3 April 2008

الثقافة

واحد صاحبي بيحكي لي على ناس صحابه المفروض انهم في مستواه الثقافي او على الاقل قريبين منه شوية - هو مثقف قوي - منهم اساتذة ودكاترة ومحاسبين ومهندسين وبتوع بزنس وفنانين، بيقول لي ان اكتر من واحد منهم قال له بالنص: انا عايز اتجوز واحدة ولا حتى استعمال طبيب
!!!!!
امبارح ركبت مع سواق تاكسي وقال لي الكلام التالي: هيفاء وهبي مش بتغني بس الرجالة بيقعدوا يتفرجوا عليها ويتحسروا ان مراتاتهم مش كده...طب ما انت اول ما اتجوزتها كانت حلوة وجميلة ومعاملتك ليها هي اللي خلتها مش حلوة...ويقول لك انا عايزها خاتم في صباعي...طب وانت متجوز بني ادمة وللا متجوز خاتم؟
!!!!!!
مين بقى اللي مثقف هنا؟ سواق تاكسي وللا خريجين الجامعة؟
يعني ايه ثقافة اصلا؟ وايه لازمتها اذا مش ح تخلي البني ادم اكثر انسانية

No comments: