Sunday 17 January 2010

عاجل: القبض على النشطاء المسافرين لنجع حمادي للعزاء




تحديث:
خلاااااااااااااااااااااااااااااااااااااااص كلهم في البيييييييت الحمد لله، باكلم ماك طبعا تلاقيه بيشخر وفي سابع نومة، وكلمت اميرة الطحاوي الاستاذة في الشغل
!!!!!!!!!!!!!
حنفي مطبق ورديتين 
ما نزلوهمش في اقسام ولا حاجة الحمد لله نزلوهم في القاهرة على طول كده
حمد الله على السلامة
تحديث:
طبعا عرفتوا ان الشباب اخدوا اخلاء سبيل وهم دلوقت في ميكروباصات راجعين القاهرة لسه بقى مش عارفين ح يسيبوهم على طول وللا ايه؟
دعواتكوا

تحديث:
البنات ح تبات في مستشفى قنا والولاد ح يباتوا في الحجز


تحديث بالاسماء كلها:

1-اسراء عبد الفتاح
2– وائل عباس
3- باسم سمير عوض
4- باسم فتحى محمد
5- احمد بدوى عبد الحميد
6– شريف عبد العزيز محمود
7- ماريان ناجى حنا
8- مصطفى أحمد محمد النجار
9- رؤى ابراهيم غريب
10- ناصر فتحى على
11- خالد محمود محمد
12-طلعت الصاوى
13- نادية الزينى بارونى "فرنسية"
14- أميرة الطحاوى اسماعيل
15-سلمى علاء الدين عقل
16- أحمد محمود مصطفى
17- اسماعيل سيد عمر
18- منى فؤاد أحمد
19- أحمد فتحى محمد
20- بولا عبده أمين
21-حسام صابر على
22- حمادة عبد الفتاح محمد
23-جمال فريد
24-محمد خلف محمد
25- الحسينى سيد أحمد
26-محمد حمدى حسن
27-محمد عبدالله محمد
28- حشمت محمد عبدالله
29- طارق صبرى عبد الله
30- شاهيناز محمد صلاح


تحديث:

الانتهاء من التحقيق مع سبع بنات وتأجيل التحقيق مع الشباب للغد
كلهم ح يباتوا
انا ما كنتش متوقعة كده ابدا، ابدا، ابداااااااا، ليه؟ ليه؟ هم عملوا ايه؟ ما عملوش حاجة، ما عملوش حاجة خالص، ايه اللي حصل لده كله؟ ايه لازمة النيابة اصلا؟ دول ما عملوش حاجة، دول اخدوهم من محطة القطر يا ناس، انا مش مصدقة نفسي
مش ممكن اللي بيحصل ده، مش معقول، دول بيعزوا، كانوا رايحين يعزوا
بكرة فيه وقفة احتجاجية عند النائب العام ان شاء الله الساعة 12 لتقديم بلاغ للنائب العام بخصوص القبض على ناس رايحة تعزي


توضيح:
كل التهم الموجهة الى النشطاء تنطبق تماما على علاء مبارك اثناء واقعة الجزائر
ارجو ان اللي سرى على الشباب دول يسري على علاء مبارك في دولة القانون
مش هو قال انه مواطن مصري عادي زي سواقين التاكسي؟

تحديث: من عند كريم البحيري
انتهت النيابة الكلية بقنا حتى الان من التحقيق مع ثلاث فتيات من اصل ثمانية وهم شهيناز عبد السلام وسلمى عقل ومنى فؤاد طبيبة من سوهاج ووجهت النيابة لهم ثلاث اتهامات وهى 1- الانضمام الى جماعة الغرض منها الدعوة الى تعطيل القوانين ومنع أحدى السلطات العامة من ممارسة عملها والإضرار بالوحدة الوطنية وكان ذلك بالترويج بالقول 2- الجهر بالصياح لأثارة الفتن 3- الأشتراك مع أخرين فى تجمهر مؤلف من أكثر من خمس أشخاص بغرض التأثير على السلطات العامة فى أداء عملها وبغرض تعطيل تنفيذ القوانين واللوائح مع العلم بالغرض من التجمهر وأرتكاب تلك الجرائم نفاذا لهذا الغرض
وفى سياق متصل مازال استمرار عرض الفتيات على وكلاء النيابة بالأضافة الى الشباب الذى علمت المدونة انهم موجه لهم تهمتين الأولى هى ترديد شعارات معادية وثانيا التحريض على التظاهر
تلك هى المعلومات المتوفرة حتى الان وسيتم عرض باقى المعلومات حال توفرها

توضيح:

نادية ما طلبتش اننا نتصل بالسفارة الفرنسية، ولا اقترحت الاتصال بيها، ولا حتى تعرف اننا بلغنا السفارة الفرنسية من اساسه
ده كان اقتراح حد على التويتر عشان من الاخر كده نتحامى في جنسيتها الفرنسية
يعني لما السفارة تعرف ان لها مواطنة اهو العيال المصريين ينوبهم من الحب جانب
ده الغرض يعني
احسن واحد عمالة افهمه على الفيس بوك وهو عمال يقول لي: يعني هي ما افتكرتش انها فرنساوية غير دلوقت؟ واعيد الكلام ومافيش فايدة


هي ما تعرفش اساسااااااااااااااا اننا اقترحنا ابلاغ السفارة من اصله، هي دلوقت بتتعرض على النيابة ومافيش اتصال بينا وبينها، ولا حتى استشرناها ولا بلغناها

ملحوظة:
كلنا قاعدين دلوقت ندعي ان نادية تطلع فرنسية بس وما عندهاش جنسية مصري عشان ربنا ينجيها
حبيت بس الطش قلمين كده وانا في السكة: قعدنا نعاير الجزائريين ونقول لهم يا احفاد نابليون.. ودلوقت بنتمناها، انا قلت لكوا الجزائريين دعوا علينا وربنا استجاب


تحديث:
السفارة الفرنسية قالت للناشطة ان لو نادية معاها جنسية مصرية مع الجنسية الفرنسية مش ح يقدروا يعملوا لها حاجة وانهم ح يتصلوا بالقنصل عشان يتأكدوا انها معاها جنسية فرنسية بس مش مصرية عشان يقدروا ينقذوها
عرفتوا بقى؟ لما تهاجروا شد السيفون على الجنسية المصرية في اقرب تلاويت
الجزيرة نشرت خبر زيارة شيخ الازهر لاهالي ضحايا نجع حمادي وتجاهلت خبر اعتقال النشطاء
القبيحة ست جيرانها يا مصر


تحديث:
يتم الان ابلاغ السفارة الفرنسية باحتجاز السلطات المصرية لناشطة فرنسية
الآن يعرض الناشطون على النيابة

تحديث:
انا خايفة.. هم عايزين ايه؟ عايزين منهم ايه؟ المقبوض عليهم اتقبض عليهم وهم نازلين من القطر، ودلوقت واحد على التويتر بيقول ان جرايد بكرة بتدعي انهم اتقبض عليهم وهم بيتظاهروا قدام الكتدرائية.. هم عايزين منهم ايه؟

تحديث:
الان يتم ترحيل النشطاء الى نيابة قنا الكلية بتهمة اثارة الشغب والتجمهر مع انهم قابضين عليهم وهم نازلين من القطر
فيه ناشطة فرنسية اسمها نادية زناني، انا حاولت اكلم السفارة الفرنسية بس النهاردة اجازتهم
بس اكيد فيه حد في السفارة، وللا ايه؟
نعمل ايه؟ على رأي فنون، نتحامى في الاجانب


تحديث:
اهالي نجع حمادي ليس لديهم ادنى فكرة عما يحدث للنشطاء... ما يحدث الآن هو اعلان رسمي من النظام المصري عن انه هو المسئول الاول والاوحد عن عزل اقباط مصر
تحديث:

المحتجزون يعلنون الاضراب عن الطعام
الامن مصر على نقلهم بسيارة الترحيلات وتخوف من نقلهم من قنا الى لاظوغلي
بعد المفاوضات، الامن يزعم انه سيفرج عنهم في العاشرة مساء

تحديث:
مديرية امن قنا تنكر وجود الناشطين لديها
بالطبع هم بالداخل، لكن اصرار المديرية على انكار وجودهم مؤشر غير مطمئن

تحديث:
بتوع القافلة رجعوا القاهرة.. هو انا كنت قلت عليهم هنا على المدونة؟ اه، كان فيه قافلة طالعة غزة اتقبض عليهم من الاسماعيلية بس رجعوا كلهم القاهرة الحمد لله
بتوع نجع حمادي لسه مافيش اخبار عنهم والبنات في حالة صحية سيئة جدا

تحديث:
الاكل اللي دخلته هالة المصري لسه ما وصلش، المفروض يخرجوا دلوقت، فيه تلات بنات اغمى عليهم، وفيه بنات كتير تعبانة
هم لازالوا في حجز الترحيلات مش في عربية الترحيلات
اسامة الغزالي حرب معتصم امام المديرية
فيه خمسة وعشرين ناشط معتصمين امام الصحفيين

تحديث:
نحن في انتظار الافراج عن المحتجزين وترحيلهم الى القاهرة عبر القطار
تحديث:
هنا كل اسماء المحتجزين وكلهم 23 واحد فقط ومعظمهم مش من حزب الغد ولا حاجة
فيه لغط في حجز البنات لانهم وعدوهم يفرجوا عنهم من ساعة ومش بيفتحوا لهم دلوقت
تحديث:

الامن مصر ينقل المحتجزين بعربية الترحيلات من قنا للقاهرة ومحامو هشام مبارك بيتفاوضوا على الافراج من مديرية ام قنا
هالة المصري دخلت لهم اكل بس ما شافتهمش
الا ان الاكل لحد دلوقت ما وصلهمش وفيه ناس ضغطها واطي وما اكلوش من الصبح


تحديث:
المحتجزون في الحجز، ماحدش بيكلمهم، المحامين قدام المديرية ومش عارفين يوصلوا لهم
اخدوا منهم كل متعلقاتهم الشخصية وحطوها في اظرف وحطوا الاظرف في كراتين
الحريق اتضح انه حرق بلاستيك
بيسألوا المحتجزين اذا كان حد عنده امتحانات او مراقبة على الامتحانات بكرة او بعده


تحديث:
انباء عن حريق في مديرية امن قنا والمحتجزين يطرقون الباب ولا مجيب
محامو هشام مبارك امام المديرية
---------

اتصل بيا هاني جورج دلوقت صحاني على الخبر ده، هو قال لي كلهم، قلت له كلهم مين (لاني مش عارفة مين اللي رايح يعزي في نجع حمادي) هو عارف صحابه مريان ناجي وشريف عبد العزيز واحمد بدوي بس فيه ناس تانية كتير راحت وكاتبين الستيتوس على الفيس بوك
اول ما نزلوا من القطر اتقبض عليهم وتليفوناتهم اتقفلت
هم دلوقت هناك ومقبوض عليهم هناك
تحديث:
لقيت الاسماء من التويتر

1-اسراء عبد الفتاح
2– وائل عباس
3- باسم سمير عوض
4- باسم فتحى محمد
5- احمد بدوى عبد الحميد
6– شريف عبد العزيز محمود
7- ماريان ناجى حنا
8- مصطفى أحمد محمد النجار
9- رؤى ابراهيم غريب
10- ناصر فتحى على
11- خالد محمود محمد
12-طلعت الصاوى
13- نادية الزينى بارونى "فرنسية"
14- أميرة الطحاوى اسماعيل
15-سلمى علاء الدين عقل
16- أحمد محمود مصطفى
17- اسماعيل سيد عمر
18- منى فؤاد أحمد
19- أحمد فتحى محمد
20- بولا عبده أمين
21-حسام صابر على
22- حمادة عبد الفتاح محمد
23-جمال فريد
24-محمد خلف محمد
25- الحسينى سيد أحمد
26-محمد حمدى حسن
27-محمد عبدالله محمد
28- حشمت محمد عبدالله
29- طارق صبرى عبد الله
30- شاهيناز محمد صلاح

------------
ولا عارفة هم اتقبض عليهم ليه؟ ناس رايحة تعزي
-------
تحديث:
لقيت ايمن نور بيقول ان الامن اعتقل تلاتين شاب وشابة من حزب الغد ومن ضمن الاسماء..إلخ
يارب يكون بعت لهم محامي لان هشام مبارك انا بعت لهم رسالة لانهم نايمين دلوقت

ولو فيه اسامي جديدة ح اقول لكوا


37 comments:

خالد كامل said...

و ربنا دى قلة أدب

دول ناس رايحة تعزى
ناس رايحة تمد ايدها بالسلام

ناس رايحة تمثل كل واحد عاقل فى شعب مصر بيرفض اللى حصل

بس نرجع و نقول
يا فرعون ايه فرعنك
ملقتش حد يلمنى

تحياتى

ashraf said...

ياريت محدش يقول انهم رايحين يعزوا وبس
اللى عاوز يعزي في اكتر من 5000 واحد بيتوفى في القاهرة كل يوم ياريت اللى عاوز يروح صوان عزى يدخل اي صوان منهم وبلاش المنظرة الكدابة بتاعتهم دي
كلنا عارفين وانتى اولنا يا نوارة ان اللى سافروا مكانوش عاوزين يعزوا
واللى بيدور على مجد شخصي ياريت مايكونش على حساب الضحايا والشهداء في نجع حمادي

شمس العصارى said...

والله انتى طيبة يا نوارة
يعنى عاوزا النظام و الامن يسيب الناس دى نوح نجع حمادى و يتكلموا مع الاهالى و المستخبى يبان
لالالالالالالالالالالالا انتى طيبة زيادة عن اللزوم

شمس العصارى said...

يارب يفرجوا عنهم بسرعة

يعنى ده كلام بنات و بهدلة يعنى هما مش عارفين الامن من الاول
ربنا معاهم

wahat_alshohada said...

فيه اسماء من اللى قريتها ومعروف هما بيعملوا لحساب مين - دول اكيد مش رايحين لا على حسابهم و لا علشان عزاء و لا لله و الوطن خالص الباقيين لا اعلم عنهم شئ لكن ارجو لهم السلامة والعودة بالسلامة
والامن عرف منين موضوع الناس دة ووقف استناهم على المحطة؟؟؟

Unknown said...

رجاء من السادة الزوار عدم اقحام الخلافات الفكرية والشخصية في الامر

دي ناس اسرى واقل ما يجب هو التضامن معهم

شمس العصارى said...

مستغربة ان الامن يلفق لهم قضية الشغب و التظاهر قدام الكاتدرائية
الامن وسخ جدا و بيستغل ان كاتدرائية قنا قصاد مدرية الامن بشارع واحد
الى متعرفهوش بقا ان تعامل الامن فى الصعيد غير الى تعرفيه هنا خالص
المحاضر و القضايا المتلفقة جاهزة حتى لو قبضوا على واحد ن بيته - امال هما كانوا بيعموا ايه مع الناس فى بداية التسعينات - ده مرة واحد مترشح فى انتخابات محلية يعنى تافهة الظابط جابوه فى مكتبه و قاله ادى المخدرات و ادى سلاح بدون ترخيص تحب انهى فيهم الراجل قاله هات التنازل امضيه و مضاه و مشى اى و الله
احمدى ربنا انهم قالوا تظاهر بس ده ممكن يجيبولهم فيديوهات تقول انهم الى جابوا السلاح للجانى و حرضوه و الله العظيم بتكلم بجد من الحسرة
اصل انتى فعلا مش تعرفى سلوك الامن هناك
ربنا معاهم و يارب يخرجوا بالسلامة

Wild at Heart said...

إيه التهم العجيبة دي؟ أنا حاسة إني بتفرج على مسرحية هزلية.

wahat_alshohada said...

مجموعة ايه اللى منضمي لها؟ و هتافات ايه اللى هيحاسبوا عليها؟ و خلاص بعد كدة كل 4 يروحوا سوا بلاش 5 حتى الاجانب بتوع مسيرة غزة برضو قالولهم 5 ممنوع.. كلام فارع لتخويفهم هما و غيرهم و لصرف النظر عن الموضوع الرئيسى مذبحة نجع حمادى و سور مبارك الفولاذى

Anonymous said...

من هشام مبارك:

وفور علم المتهمين بهذه التهمأعلنوا اضرابهم عن الطعام احتجاجا ، هذا وقد قررتالنيابة استمرار حجز المتهمين حتى باكر وعرضهم عليها بعد ورود محضر التحريات والاستماع لشهادة محرره
ويجرى الآن تجهيز مستلزماتالاعاشة للشباب حال استمرار، كما انتقل وفد من محامى المنظماتالحقوقية إلى مدينة قنا لمتابعة اجراءات التحقيق غدا .
كما ستقوم القوى الحقوقيةوالسياسية بتقديم بلاغ للنائب العام غدا الساعة الثانية عشر والنصف ظهرا .

dr.lecter said...

بصي يمكن علشان خايفين من اسراء علشان هي الزعيمه الروحانيه لحركه 6 ابريل

وخايفين طبعا من وائل عباس علشان ده اشهر من نار علي علم

بس برده ده ماينفيش ان اللي عملوه ده تجاوزات في حق الناشطين وحقوق الحريات
هم مكانوش رايحين يولعوا الدنيا ولا يزيدوا الفتنه

عجبني ردك لما بتقولي ان دول ناس اسري
انا بجد بقيت حاسس اننا مش في بلدنا وفي بلد محتله

مواطن مصري said...

نوارة سمعتي دي


http://www.youtube.com/watch?v=O-oXuIDm6EM

أغنية راب عن مذبحة نجع حمادي واضطهاد الاقباط في مصر

لا أسمعيها عشان دة قال اغلب الكلام بس مختلف معاة في نصة

اسمعيها يا نوارة

Anonymous said...

http://shayunbiqalbi.blogspot.com/2010/01/blog-post_16.html

Unknown said...

انا واخدة بالي انكوا بتحاولوا تمنطقوا الامور عشان تستوعبوها

احنا برضه على التويتر حاولنا نعمل كده

بس صدقوني

مافيش منطق خالص للي حصل ده اخر ما يأسنا بطلنا نحاول نفهم

دي تهم عاملة زي التهم بتاعة الواد محروس بتاع الوزير

Anonymous said...

الصراحة انا مو مستغرب التهم اللي موجهه لهم من نظام يحكم اكثر 28 سنةمش عارف القانون المصري سامح بكدا
الحاجة الوحيدة اللي مستغربها لم يتم اقحام ايران في الامر او ايران كانت خلف توجيهم..لانه اي واحد يتخانق مع مراته ..يكون لـ ايران ايدي خفية خلفها..لن اول كانت اسرائيل هي الشماعة بقت هي صاحبة ..مافية الا ايران.

احمد سعيد said...

نوارة

انا مستغرب من استغرابكم
المفروض انكم فاهمين كويس مصر ماشيه ازاى

بس لما بلاقى ردود فعلكم دى

بحس انكم مش من هنا خاااااااالص

مستغربه قوى من اللى حصل

دا بيحصل اسخن من كدا الف مرة

ashraf said...

اسرى
اسرى ازاي يعني نفسي افهم
هو كل واحد عاوز الناس تعرفة وتشاور عليه يروح يشتم في الحكومة وخلاص
اذا كان الاهالى نفسهم هناك قالوا مالكوش دعوة بينا يباة هما رايحين يعملوا ايه
يا ناس حرام كده وكفاية
الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها

بالله عليكم شوفوا وتر تاني تلعبوا عليه غير الفتنة والمسلمين والمسيحين

اتكلموا عن العيش اللى بأة لا يصلح حتى للمواشي
شوفوا البطالة واللى وصلت له اعداها واللى اعتقد معظم من يطلق على نفسه اسم من نشطاء العمل السياسي هو عضو فيها(البطالة يعني)
مواضيع كتير اهم كتير من موضوع نجع حمادي تقدروا تتكلموا فيها وماتعملش فتنة تاكل في سكتها الاخضر واليابس
ارحمونا ارحمونا ارحمونا
الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها

كلاكيت تانى وتانى said...

والله يانوارة شئ محزن جدا انا عاوزة افهم فية ايه اصلاااااااا ناس رايحة تعزى والمصيبه التهم انا شفت لستة التهم دول فعلا عاوزين يعملوهالهم قضية من غير شئ وفين شيخ الازهر اللى كان فقنا مراحش شافهم لية ولية محدش من الأمن قعد معاهم الاول يفهم منهم جايين ليه بدل ما يلبسوهم قضية ولية نيابه وتحقيقات هى نجع حمادى دى بلد تانية يروحوها بالبسبور واذن دخول ويعنى اية تفتييت الوحدة الوطنية وهمة مجموعة مسلمين ومسيحيين زى ماهوة باين من اسمائهم دة شئ يعرفت ويجنن لازم يبقى فية وقفه نعمل اعتصام او احتجاج قدام النقابه او فالشوارع فين بتوع 6 ابريل يعنى لية منعملش اتوبيسات وننتقل كلنا هناك على قنا خليهم يحققوا مع الف بدل 23 واحد بس هى الحكومة اصلا عاوزة تعمل صدام بين الشباب وخلاص لييييييية لييييية شئ سفيه ومؤسف جداااا

شمس العصارى said...

ها رحتى فين
ايه الاخبار النهاردة
وصلوا لايه
و افرجوا عنهم ولا لسه
تكنيش سافرتيلهم

شمس العصارى said...

للاسف يا نوارة فى منطق و اعتقد انه منطق واقعى
ببساطة بعد ما البيه خلى مصر عزبته و عملها تركة لولاده من بعده
و بعد ما اصبح المالك المتحكم فى كل مصر و مواردها قرر ان يستغنى عن نص شعب مصر - هو عاوز نص الشعب بس الى يمشولوا الاقصاد و يخلوا البلد شغالة - انما النص الفقير او المناضل او المعارض او الاخوان هو مش عاوزهم
و ده قراره بالتخلص منهم و حيدمر كل من يقف فى طريه سواء مسلمين او مسيحيين مناضلين او معارضين
والامن زى ما قلت قبل كده ليه مصلحة النظام اسيادهم
و محدش يقلى انت بتبالغ او ده منطق خاطئ
الواقع بيثبت كلامى
" ليس لها من دون الله كاشفة "

اسلام الحضرى said...

اليوم السابع قالت ان النيابة قررت الافراج عنهم من سراى النيابة

جلال كمال الجربانى said...

مش كانوا يقولوا أن العزاء والتضامن مع أهالى الضحايا الأقباط غير مرغوب فيه لأنه سيؤثر على الوحده الوطنيه

ودمتِ بخير حال

الخوجة said...


Bloggers Stifled Again in Egypt - القبض على النشطاء المسافرين لنجع حمادي للعزاء

شمس العصارى said...

افرجوا عن الولاد
و البنات لسه يعنى
ولا كانوا افرجوا عنهم قبل كده

شمس العصارى said...

هو انا كنت بسال افرجوا عن الكل ولا لسه علشان تنشرى التعليق بس ولا علشان تجاوبى و تقوليلنا عملوا ايه
و بعدين حد يسافر من قنا للقاهرة فى ميكروباصات
هما اتعقدوا من القطر ولا ايه
هههههههههههه

wahat_alshohada said...

لا مش عارفين حاجة صراحة يا نوارة الاخبار كلها عندك انا فتحت مواقع وجرائد و لم اجد شيئا فبلغينا بكل جديد ربنا يكرمك و ان شاء الله يرجعوا كلهم بالسلامة. اى احد بيعمل فى العمل العام و ناشط لازم يعرف انه معرض لهذا الموضوع و لازم يكون قوى و جدع و لازم كمان يعرف انه ابداا و لا يمكن هيكون لوحده لو تعرض لاى شئ.. الكل وراه رجالة متخافوش

karakib said...

Nawara :D
Thx for all what you did :D
thx for your support
they are free now

Unknown said...

كلهم اخدوا اخلاء سبيل مستنيين بس يوصلوا ان شاء الله

كلاكيت تانى وتانى said...

غدا استدعاء جديد من النيابه بسبب قضية لا علاقة لى بها المشكله وكيل النيابه المحترم كتب لى نمرة هاتفة على بطاقتى بخطة حين استدعانى كشاهد فى المرة الاولى وحينما طنشت يريد بأى شكل الحصول ع البطاقة ليمحو خطه ومنذ هذا الوقت وهو دائم التحرش بى ربنا يستر بكرة ادعولى فعلا مش فاهمة عاوز منى اية والقصة بتكبر بصورة غريبه ومحاولاتى للتعتيم عن عائلتى والتعامل من خلال المحامى فقط تبوء بالفشل بسبب تهورة الغير مفهوم لية انا لية

Dr. Eyad Harfoush said...

الافراج عنهم متوقع ومنطقي جدا، لأن الاتهامات الموجهة شديدة السذاجة وستحفظ عاجلا ام اجلا، الموضوع بس كارت ارهاب حتى تعلن الدولة ان صبرها ضيق في موضوع نجع حمادي الذي نثق جميعا ان المعلن فيه لا علاقة له بالحقيقي
تحياتي وتقديري

كلاكيت تانى وتانى said...

بس تعرفى فية نقظة ضوء فكل اللى بيحصل على قدر الفسادوقلة الدين وحالة التوهان العام على كل المستويات وبرغم مشكلتى الشخصية اللى واخدة نص عقلى بس اسم اسراء عبد الفتاح اللى موجود مع مجموعة النشطاء ادانى قوة ملهاش حد لانها وبرغم اللى حصلها لسة عندها طاقة وبرغم كلامها ايام الاعتقال عن انها مش هتدخل نفسها فسياسة بعد كدة زى ما المانشتات قالت وقتها الا انها قامت تانى وبتعلن عن رأيها بقوة ربنا يوفقها ويقويها ويقدرنا نبقى زيها فيوم ويبقى عندنا القدرة دى على التعبير والثورة والسقوط والوقوف مرة اخرى اقوى واكثر ايجابيه ولو شفتيها بلغيها تحياتى وحبى

wahat_alshohada said...

يا كلاكيت
هو ممكن نكتب على البطاقة البلاستيك الجديدة؟؟ عموما روحى شوفيه عايز ايه و خدى معاكى المحامى و خليه يمسح رقمه علشان الكل يرتاح او اعملى بدل فاقد و ريحى الجميع
احنا متابعين هنا كلنا يا نوارة

- أحمد صبحي - مصرى فى فرنسا said...

عيب يانوارة،تقولي إن نشد السيفون علي الجنسية المصرية في أقرب تواليت،عيب،هازعل منك بجد!
وحمد الله علي سلامة الرفاق،مصطفي،وأميرة،ووائل،وكل الباقيين،ومش أفتح بُقي بسيرة أيمن نور!وأتمني إنه يكون عمل لكل الإتجاهات،مش من الغد بس!

مواطن مصري said...

شفتي دة

http://www.youtube.com/watch?v=V41tN6ICUX8

عظة البابا شنودة بعد مذبحة نجع حمادي..جزء ١

شمس العصارى said...

اولا حمد لله على سلامة الجميع
اعتقد انها اعلان من النظام عن سلوكه فى المرحلة القادمة
ـــــــــــــــــــــــــــــــــ
شوفتى اسر النشطاء و التعاطف الى كان معاهم
امال المعتقلين من الاخوان و ما يعانونه من تعذيب و ما تعانيه اسرهم من بعدهم
على الاقل تعامل الامن مع المعتقلين السياسيين بيكون تعامل بدون تعذيب مش زى تعامله مع معتقلى التيار الاسلامى
" ليس لها من دون الله كاشفة "

Anonymous said...

جنسية فرنسية إيه بس إللي بتتكلموا عليها
ما العيال الفرنسيين المعتصمين علشان غزة أتبهدلوا من الامن ومحدش عملهم حاجة

دول كفاية إن كان معاهم وائل عباس
وده معاه حصانة أكبر من أي جنسية

الامريكان والفريدم هاوس أتصلوا بالحكومة المصرية وقلبوا الدنيا
وبعدها أفرجوا عنهم

بعد كده إللي عايز يروح مكان وخايف يحصله حاجة يأخد وائل عباس معاه

Anonymous said...

تحديث أخير و توضيح:


و اجب الشكر الجزيل لمن سأل أو ساعد المحتجزين حتى الخروج سالمين.
واجب -في رأيي الشخصي- أن ال 30 ناشط - بنفسهم- اللي كانوا محتجزين يطلعوا بيان جماعي انهم راحوا من دافع العزاء و المواساة، و هذا يعني ضمنيا أنه ليس لاهداف اخرى و ليس تبعا لأجندات خاصة!!! و هذا لا ينفي اختلاف انتماءاتهم الفكرية التي من حق كل واحد انه يذكرها في أي وقت.

لكنهما ذهبوا للعزاء والمواساة فقط
فمنعوهم و احتجزوهم
و عندما خرجوا زايد البعض عليهم

هذا ما يجب أن يفهمه الشعب و العالم و الإعلام جيدااااااااا
لأن الناس بتصدق بس التلافزيووون و الجرايد و موقع مصراووووي

أو يقولوا انهم كانوا رايحين يشاهدوا منظر خسوف الشمس الشهير بجنوب مصر بالمرة علشان ما حدش يزايد عليهم!!! فكرة عبقرية؟ صح؟ و بالتالي ماحدش يطلع كل شوية يقول دول تبعنا و لا احنا اللي بعتناهم

بالنسبة لخروجهم ربنا اللي ستر اولا و اخيرا!!!

بالنسبة لذهابهم، الموضوع كان إنسانيا و سيظل كذلك في رأيي المتواضع....لكن هل الموضوع انتهى؟