Sunday 24 January 2010

اختفاء ناشطة امريكية

وصلتتتتتتتتتتت وصلتتتتتتتت بالسلااااامة، وقعوا قلبنا
خالتها بتقول انها اتصلت بيها وح تقول لنا كانت مختفية فين


Shannon Hughes
اسمها شانون هيوز، كانت في الالف وربعميت ناشط اللي جم هنا عشان يروحوا غزة، موعد وصولها الولايات المتحدة كان السبت اللي هو امبارح، ما وصلتش، والسفارة بتقول انها مش في القاهرة
لمعرفة التفاصيل روحوا التويتر
وده الاكاونت بتاع خالتها كريستين كار انا لسه عاملة لها فولو، اي حاجة ح اعرفها ح اقولها لكوا، بس اهم حاجة، تنشروا صورة البنت في كل حتة وتكتبوا انها مفقودة، وفاقدين الاتصال بيها، لانها ممكن تبقى في خطر، وتعملوا اكاونت على التويتر وتعملوا فولو لخالتها عشان نعرف الاخبار اول باول وربنا يستر
على فكرة ما ينفعش كده، لا ينفع اللي مصر بتعمله ولا ينفع اللي امريكا بتعمله، كفاية انها قفلت سفارتها هنا وادت تعليمات للامن يسيح دم النشطاء
ومش في القاهرة على حسب السفارة الامريكية
امال فين؟ خطفوها في جوانتانمو وللا ايه؟
واحنا كمان، مش معقولة البنت تيجي تساعدنا وتتخطف كده كأننا في الادغال

5 comments:

مواطن مصري said...

هو الكلب الي في الصورة نوعة اية؟

lastcrazyboys said...

كل النـــــاس تتفـــرج على اللينكات دي
اجــــــبـــــــاااااااااري
==================
http://www.youtube.com/watch?v=MNGXfxJl6hM

رغم كل مآخــذك عليـــه...لكن يحسب له الموقف ده
http://www.youtube.com/watch?v=76lESbgEg3Q
وخصوصا انه عمل كده بعــد ما اكتشـــف ان الحكـــومة محـــوشة المبالغ بتاعة السيـــول ..للاعبيــنا العظام لما يرجعوا بســـلامة الله الى أرض الوطـــن..بعد" كأس افريكيا" 6 مليون

وقررت صرف مبلغ 100 جنيه " رفعت الى 200"
لمتضرري السيــــــول

بهيج الشرير said...

مواطن مصري

من عينين الكلب ده والغباوة اللي في وشه، أقدر أقولك أن نوعه عوكلاوي

Unknown said...

صعب أمريكا تكون عارفه حاجه زى كده وساكته مثلا"

الأمريكان بيتنفضوا مع أى جمله فيها كلمة أختفاء

شمس العصارى said...

صعبت عليا
و بعد الشر على قلبك ما يقع
بس شو يا ترى اخبار المناصرين الى لسه فى غزة
و شو اخبار المختفين المصريين هنا - بسبب نفس الموضوع