Sunday, 24 January 2010

يا مبارك يا حبيب يا مدمر تل ابيب

انا مش مصدقة عينيا.. ايه ده؟ 
دي مش اول مرة، قبل كده الجماعات الاسلامية اللي قعدت سنين مولعة في الصعيد دخلت السجن خرجت بتقول: الحسين كان غلطان ومبارك هو اللي صح
الانبا كرليس وصل بيه الامر انه قال سيدنا محمد عليه السلام ومينا بيخمن انه كان يقصد سيدنا محمد حسني مبارك
ودلوقت اتنين من خلية حزب الله؟
طب تصدقوا بقى ده ذنب الانبا كرليس عشان ظلمناه وقلنا ازاي يغير اقواله؟ اذا كان اللي بيحاربوا اسرائيل لدعوا
لا تعليق لا تعليق لا تعليق لا تعليق

لا مش قادرة مش قادرة، مش قادرة اسيبكوا كده من غير ما انقل العصيدة:


مصر بلدنا وأمننا.. واللى يعاديها يضرنا.. الحزب الوطنى بشبابه، أعدائه كتير لكن خابوا.. مصر لمبارك.. ومبارك لمصر..
يا مبارك يا حبيب.. يا مدمر تل أبيب.. يا مبارك ياحبيب النور.. دا أنت بتكره قول الزور.. يا مبارك أنت أحق.. ومفيش غيرك على حق
---
يا عيني.. يا عيني... لا حرام، حرام والله، لا حول ولا قوة الا بالله، ههههههههههه، مش قادرة ابطل ضحك... بس لا، لا، حرام، حرام والله، ياعيني لا صعبوا عليا
لا حرام، حسبي الله ونعم الوكيل
طب بس عموما دول هم اتنين بس، يمكن اتاخدوا في الرجلين كده من غير ما يبقى لهم علاقة فعلا.. وللا لهم علاقة، خلاص بقى

والنبي ياريس تسيبهم، الرحمة ربنا يخليك ويديك عمر تاني على عمرك، لهم علاقة ما لهمش علاقة هم دلوقت ما بقوش ينفعوا ببصلة، لوجه الله وحياة اغلى حاجة عندك خلاص.. طلعهم بقى حتى يتعالجوا على حساب اهاليهم بدل ما يخربوا خالص ما ينفعش معاهم ولا حتى كهربا
-----------
ههههههههههههههههههههههههههههههه آآآآآآآآآآآآآآه واحد من المعلقين:
هاهم السلفيون يعودون بنا الي العصور القديمة ونفاق الحكام وهم يتصورون كما تصور الافلام والاعلام انهم يستطيعون الحصول علي حريتهم بالنفاق وهذا يثبت انهم فعلا متورطون وانهم شيعة من الالف الي الياء
لالالالالالالالا
السلفيون اثبتوا انهم شيعة على حق، والشيعي اللي على حق ما يقولش للسلفي لا، الله، ربنا يخليك ياريس، ايه الدماغ دي؟ الشعب كله عامل دماغ كيميا

اتفضلوا:


البلد اتهبلت.. طب اعضاء الخلية اتعذبوا، المعلقين وزعيم الهجانة مين اللي عذبهم؟

20 comments:

tarek momen said...

مين زعيم الهجانة ده مش ملاحظة ان خلفه تظهر صورة زيتية تقريبا لماري انطوانيت او حد من قرايبها
طب ده تفسيره ايه

أبو أمير said...

والله الواد ده عثثثل
عامللي دماغ عالية في الغربة اللي أنا فيها
بقول لك يا نونو
مش إنتي بتدرسي سيناريو
ما تعمللي لنا فيلم فنظازيا كده
تخللي الواد بشكل ما يعمل ثورة أي أي بتجان ويصل فعلا لمنصب رئيس مصر
فيقوم مطبق كللللل خططه الجهنمية دي
فيقوم إيه تتدهول الحالة زيادة ما هي متدهولة
طبعا أنا معنديش أي خيال كبدع لإكمال الفكرة بس ممكن يكون فيلم يكسر الدنيا

المشكلة هل الرقابة حتوافق عليه ولا لأ

حماده said...

يا مبارك يا حبيب يا مدمر تل أبيب
!!!!!!!!!!!!!!!!!!!!!!!!!!!!!!!!!!!
.......................

هو الناس دي مبتوبش ؟؟؟؟؟

هو عدائهم لإسرائيل اللي جابلهم الكفية

أقصد الشقيقة اسرائيل

kaed said...

اللة ينور يا نوارة .. منورة الدستور واللة .. معلش معلقتش عندك من زمان... الدكتوراة بقى وسنينها انا خليلت فيها .. دعواتك...

Rateb said...

العيال دى جامده اخر حاجة او هبل اخر حاجة وانا ارجح الاولى دى مش قضصيدة نفاق دى تريقة

احمد سعيد said...

الشيعى اللى على حق ميقولش للسلفى لأ
والسح ادح امبو ادى الواد لابوة
ههههههههههههه

احمد سعيد said...

طارق مؤمن

دا استبصار ياسيدى الفاضل
باعتبار ما سوف يفعل فيه مستقبلا
:D

ehabafndy said...

إلى أنا شايفه كده و الله أعلم إن ده نوع من أنواع التقيه بتاعة الشيعة يبدو كده إنهم فعلا من حزب الله و خليه و الأفلام دى بينها كلها صح و لااااااا هما عيال غلابه و ملهاش دعوه و عايزه أى قشايه تتعلق فيها و الا إيه و لا أه بجد أنا إتلخبط بقى مبقتش فاهم حاجه و الظاهر إن مفيش حد فاهم حاجه عشان يفهمنى معاه و لا يكون الناس كلها فاهمه و أنا بس إلى مش فاهم حاجه و لا إحتمال أنا بس إلى فاهم و محدش غيرى فاهم حاجه يووووه أنا هبطل أفكر فى الموضوع ده قبل ما ألسع بجد بأه . سلام .

شمس العصارى said...

ههههههههههههههههه
ههههههههههههههه
دول على كلام زعيم الهجانة
هههههههههههههههههههههه
هههههههههههههههه
ههههههههههههههههههههههه
ده لمدمر تل ابيب
بس تصدقى العيال دى بتكتب كويس اهه و شاعرين كمان
بس شاعرين بايه - الله اعلم
ههههههههههههههههههههههه
المفروض تعزريهم يا نوارة الى بيحصل فيهم مش قليل
تفتكرى عملوا فيهم ايه خلاهم يقولوا الكلام ده
اكيد ده سر و ليه براءة اختراع مسجل باسم وزارة الداخلية
بس برضه اس المصايب فى مصر الحزب الى مش وطنى
ـــــــــــــــــــــــــــــ
ان تعطى ابنك موبايل ..... فانت طيب
ان تعطى ابنك عربية .......فانت كريم
ان تعطى ابنك بلد بشعبها يلهو بها و اصحابه ......... فانت مبارك
ـــــــــــــــــــــــــــــ
على ما يبدوا " ليس لها من دون الله كاشفة " ...
عن نفسى انا بايد زعيم الهجانة و بديله رايى اهه " انا معاه " بس مش عارف قظز و بيبرس حيكون موقفهم ايه
نلتقى بعد واسلاماه

wahat_alshohada said...

يا مبارك يا مدمر تل ابيب .. دة كدة هيودوا الراجل فى داهية دة الكلام دة يجيبلهم اعدام
انا استنقصتهم جداا و نزلوا من نظرى و بقى لا يهمنى ان كانوا مظلومين و الا لا؟ يا اخ منك له خلى عندك كراااامة

اسد الجيزة said...

الحسين غلطان قوليلي بس جبتيها في اني كتاب ياستاذة تفتكري واحد مخزوق شعب بقاله تلاتين سنة الراجل ده ميستهلش يتعمل عليه افلام علي عبقريته في خزوق الشعب يقول لسه مبصتشي في قانون الضرايب العقارية وبعدين تاني يوم يعد مع عز وغالي ولا الخازوق المازوخي الي خدنا ساعة 30% بس انت منورة الدستور الصراحة مع ان عرفتيان زاهي حواس بقي زميلك في الجريدة ايه شعورك يسلام بقي لو تكمل وجابوا فردوس عبد الحميد

فتاه من الصعيد said...

حلو اوي مقال حضرتك

ربنا معاكي وتمتعينا ... شكرا " ده بس حفاظا على اخلاق القريه

بالنسبه للناس دي ... فربنا معاهم ... اصل الفولت في امن الدوله عالي :(

تحياتي

lastcrazyboys said...

انا مش عارف الاستغــراب من ايه اذا كانت " التقيـــة " دي من اساسيــات التشيـــع
واذا ماكانوش يستخدموهادلوقتي..هيبقى يستخدموها امتى

Anonymous said...

ياأيها الاحرار لماذا ما تكتبوة هذا بس, نحن ندعوا الي الوحدة والتحرير, وسنبدأ قريبا بتحركات فعليه علي ارض الواقع فلماذا ما تكتبوة هذا بس, افضل مما تكتبوة ان تعلنوا التاييد, وننتظر التحركات قريبا, وشكرا جزيلا, اني اراقب هذة المدونه جيد جدا, واراقبها كل يوم واحفظ كل ما تكتبوة عندي, فلماذا ما تكنبوة هذا.

جبهة التهييس الشعبية said...

استاذ
anonymous
مدونتي اتشرفت بحضور حضرتك وما احبش ان اي حاجة في مدونتي تضايقك
وده شرف ليا انك بتسجل اللي على مدونتي المتواضعة عندك
على اي حال، اي اقتراحات عندك احنا نتشرف نسمعها، انا وكل اللي بييجوا المدونة

اسد الجيزة said...

اهلا بيك يازعيم ونحن نتشرف بك دائما ونحن من مريديك ومتابعيك الي الامام الي المجد للشجاعة والكل هنا من عشاقك بداية منصاحبة المدونة لغاية انا اتشرف بيك يازعيم في مدونتي http://abotl7a.blogspot.com/

mido said...

يا أستاذ

Anonymous

حضرتك لازم تعمل مدونة علشان نقدر نتعرف على افكارك كويس

:D

Anonymous said...

شكرا ياجماعه انا مسجل المدونه ديه عندي وبتابعها كل يوم مدونه جميله جدا,هم مرروا قانون بيع الآثار فانا نازل الصبح هكلم محامي ومن المحتمل ان ارفع بعض القضايا سأبلغكم عنها بس بعد معملها, لا حول ولا قوة الا بالله هم يريدون بيع آثار مصر كيف هذا بس

justicentric said...

مانتا كنت ماشي كويس يا عم أنونيمس والله. عارف انت الحته الأخرانية بتاعة "هذا بس" دي؟ أيوه. هي دي. إيه دي بأه بالظبط؟ توقيعك؟

احنا يا عم ناس متحضرين وبتفرق معانا الأسماء شويتين. معلش. حبه حبه حتتعلم

Anonymous said...

استاذ :Anonymous
هو سؤال واحد أنت مرتبط ؟ طيب مش عاوز حد أو حداية تشاركك الجهاد ؟