لو الكلام ده صحيح يبقى لازم نقف جنب جورجيت قليني

هو الانبا كرليس قال على جورجيت مرة كدابة وش خراب

هههههه

بس فيه واحد كاتب التعليق ده وميدو اللي اخد باله منه:

كل التحية للبطلة جورجيت قلينى
أرسلها قبطى ( ) يوم الخميس, 2010-01-14 12:53.


كل التحية للبطلة جورجيت قلينى اللى هيخلص منها الحزب فى اقرب فرصة لكن احب أوضح الصورة وأقول أن الامن هدد الانبا كيرلس بمذابح شعبية ضد الاقباط فى نجع حمادى وبهجورة وفرشوط وغيرها إذا ما غيرش كلامه وشهد بالزور عن عظمة الامن الى كان متواطئ بالفعل مع المجرمين.


الانبا كيرلس متبهدل ومدبوح من الداخلية الى بتتعامل مع الاقباط على انهم رهائن فى ايدها.


وقد تم اعتقال عدد كبير من الاقباط ويتم تعذيبهم بالكهرباء والضرب


أرجو من كل المسلمين ان يتضامنوا معنا ضد الحزب الوطنى ورجاله


لأن الحزب الوطنى إستغل واقعة اغتصاب الطفلةالمسلمة (وهى جريمة جنائية حقيرة يحدث مثلها كل يوم)لأشعال قنا وتدمير الاقباط قبل الانتخابات القادمة


تدور فى قنا منذ نوفمبر الماضى حرب أهلية من طرف واحدابتحريض عبد الرحيم الغول نائب الحزب الوطنى بدأت بنهب وتدمير كل ممتلكات موارد رزق وبيوت اقباط فرشوط وتهجير أقباط الكوم الاحمر ، ولم تكن جريمة نجع حمادى التى نفذها بلطجية الغول المعروفين سوى حلقة فى مسلسل ارهاب الحزب الوطنى


اشهد أمام الله ان كل ما حدث فى قنا من جرائم لم يكن له اى علاقة بالسلفيين او الإسلامين أو الإخوان بل كله جرائم للحزب الوطنى الحاكم.


أرجوكم أن توصلوا تعليقى هذا للاستاذ الكبير إبراهيم عيسى
--------
انتهى التعليق
لازم نشوف وسيلة نتأكد بيها من الكلام ده، لان ده كلام مش عليه ادلة، كاتب التعليق ده لو شاف البوست ده وعنده ادلة، الميل بتاعي على البروفايل يبعت لي الادلة اللي عنده وانا مش ح اذكر اسمه بس لازم نشوف وسيلة نوصل بيها للحقيقة او لدليل لانه كلام خطير، مش خطير في ان الانبا اتهدد او ان الحزب الوطني اللي عامل كده، ما احنا عارفين، هم ما حاولوش حتى يحترموا ذكاءنا ويحبكوا عملتهم، كله على المكشوف
الخطير ان الانبا كرليس يتهدد بمذابح للاقباط