Sunday 11 October 2009

بالنوسبة للمسالخة









وعمالة ادور على الفيديو اللي بيقول فيه ايام مجزرة غزة ادي اخرة انتخابكوا لحماس مش لاقياه مش عارفة ليه؟
واحنا متخيلين ايه؟ النهاردة حماس قالوا لمصر: احنا مش مش عايزين المصالحة، احنا مش قادرين.. مش قادرين، هم ايه؟ حلاليف يعني؟ طوبة ما بيحسوش؟ واحد قعدت بلده تنضرب تلات اسابيع والمناظر الفظيعة اللي شفناها دي والصدمة اللي اهالت العالم كله بما فيه ريتشارد جولدستون اليهودي الصهيوني اللي اسرائيل بنفسها قالت لولا انه يهودي كان التقرير طلع اوحش. طلع في عز الضرب يقول لناسه اللي بتموت ادي اخرة انتخابكوا لحماس، بيتشمت فيهم عيني عينك، وما رضيش يجتمع مع حماس في مؤتمر الدوحة، مش كرامة لمصر، عشان حماس رايحة، مش عايز يشوف وشهم وهم بينضربوا، وهان عليه في عز الضرب يقول ان حماس هي السبب في الضرب وبقى بيريس يستشهد بيه، ومشارك في حصار ضد بلده عقابا ليهم على انتخاب حماس، كل ده وخلاص، واللي فات مات، رايح يأجل التقرير بتاع جولدستون وهيثم مناع طالع يصرخ ويقول دي جريمة دي جريمة، ريتشارد فولك اللي لا من جنسنا ولا من ملتنا قال عليه خاااااااااااايييييييين، قالها بالمفتشر، قال باللفظ "خان شعبه" والتقرير ماهواش عادل ولا حاجة، التقرير بيدين حماس ومع ذلك حماس مستعدة تدان لو ده ح يجيب للناس حقهم بادانة اسرائيل معاها، فيه اكتر من كده؟ فيه اكتر من ان ناس تقبل الادانة الدولية عشان فرحانة ان العدو ح يدان معاها؟ والتاني، برغم من كل كرهه لحماس، مستعد انه يرفع الادانة عن حماس، اللي بيقول عليها: اذبح، بس عشان يحمي اسرائيل، وياريت عرفناها بالتخمين، ده اسرائيل هي اللي فضحته؟ احنا ايه؟ ما عندناش احساس؟ طب ما عندناش احساس، فاكرين ان كل الناس زينا ما بتحسش؟ الناس مش قادرة، مش قادرة، ح يسلموا عليه ازاي؟
ده مش بس اجرم في حق الفلسطينيين، ده اجرم في حق العراقيين والافغان اللي كان ممكن يستغلوا السابقة دي عشان يقدموا الامريكان لمحكمة دولية وبرضه كانوا ح يلاقوا مقاومين عبط زي حماس يقبلوا الادانة على نفسهم بس عشان ينالوا من الامريكان، ماهم كده، ناس بتموت نفسها عشان ام الوطن، متوقعين منهم ايه؟ لا وكمان يتشتموا ويتقال عليهم بيسعوا لمصالحهم، جاتهم نيلة ده اكبر مصلحة انهم يملوا التلاجة بخمسة جنيه عيش فينو، ومش بس كده، السابقة دي كانت ممكن تساعد لبنان على ادانة اسرائيل، دي كانت ممكن تساعدنا احنا في مصر عشان الاسرى بتوعنا بتوع سبعة وستين، دي كانت فرصة ذهبية الله يخرب بيته، الله يخرب بيته، الله يخرب بيته، الله ينتقم منه دنيا وآخرة، ربنا يورينا فيه يوم الخاين سبت الزبالة الجربان، حسبي الله ونعم الوكيل فيه، حسبي الله ونعم الوكيل فيه
ده يتصالح فيه ايه ده؟
مصالح ايه وزفت ايه؟ لو باصين لمصالح كانوا هم اول ناس فرحوا بتأجيل التقرير وطظ في ادانة اسرائيل، المهم هم ينفدوا، دي كانت ح تبقى سابقة تاريخية، دي فرصة تاريخية وضاعت، هيثم مناع تاني، بيقول ان صحيح فيه فرصة للاستدراك بس الفرصة اللي ضاعت ما تتعوضش، وفاجأونا، فاجأونا
وعشان تبقوا فاهمين، حماس لو كانت من الاساس بتلعب لعبة سياسية كانت صالحت عباس دلوقت على طول، دلوقت حاليا، حماس جابت اسرى وعملت صفقة ناجحة، وفرحت بيوت كتير، وفي نفس الوقت عباس القرد عمل عملته السودا، وحماس بقى كانت ممكن تلبس دور المتسامحة وتتصالح معاه ويعملوا انتخابات وده كان ح يرفع اسهم حماس فوق ما ارتفعت في الفترة الاخيرة، وكانت حماس ح تكتسح الانتخابات في الظرف الحالي، كل حاجة في التوقيت ده في مصلحة فوز حماس في الانتخابات، بس هو اصلا الانتخابات ما كانتش لعبتهم من الاول، انا مش فاهمة ايه اللي طسهم في مخهم وخلاهم يبلعوا نصباية الديمقراطية دي؟ ياللا اهو نصيب، وانا مش عارفة والله في الورطة اللي هم فيها دي ح يعملوا ايه؟ يعني الورطة دي كانوا يقدروا يخرجوا منها بمصافحة عباس بس الحقيقة انا احترمتهم لما قالوا مش قادرين، والله عندهم دم واحساس وانا باحترم الناس اللي بتحس عموما، حتى لو احساسها ده ح يضر بمصلحتها، ما بقاش فيه حد عنده دم ولا احساس كتير اليومين دول، ومافيش حد متضرر من مرض الاحساس اللي عند حماس غير حماس نفسها، فتح مستفيدة اربعة وعشرين قيراط، وعباس بالذات، وكان مهندس حر قال مرة قبل كده انه عمل كده عشان يوقف المصالحة ما بينه وبين حماس لان ده في مصلحته، وطبعا هو دارس ردود افعالهم وعارف ان البعدا عندهم مشاعر وبيحسوا على دمهم مش خنازير زيه 
يعني لو كان لا قدر الله اللي ماتوا دول يقربوا لنا كان فيه ناس ح تتكلم عن المصالحة؟ وماحدش يقول لي فتح مش عباس، لا، مدام فتح قابلة عباس على راسها ولسة ما قلبتوش يبقى فتح هي عباس، مش هو ده ممثلهم؟ اسرائيل ماسكين عليه سي ديهات؟ ويضيع مستقبل بلده وبلاد تانية كتير عشان شركة موبايلات؟ ما تحاول تلخصها بشكل فردي كده عشان تستوعب:
الست اللي ولادها الاتنين اتقتلوا واللي قتلهم ابن اخت جوزها، ينفع جوزها يتصالح مع اخته؟ ينفع يتصالح مع ابن اخته ويعمل زي ما اخته طلبت وينجيه بكلمة واحدة والحي ابقى من الميت؟ اللي فيكوا يقدر عليها يقول لي اقدر
ينفع تدخل على مراتك وللا تدخلي على جوزك وتلاقيها مع اعز صحابك في اودة النوم وتصالحها عشان بينكوا عيال؟ انا مش باسخن ما بينهم ولا حاجة
بس مين غليظ الاحساس اللي يقدر يستحمل حاجة زي دي؟
المصالحة الوحيدة اللي تنفع، ان فتح تشيل عباس دلوقت حالا وفورا، ده مجرم حرب، ده اتفق مع ايهود باراك عشان يموت ناسه بشهادة اسرائيل
يعني اسرائيل كدابة، وودانا كدابة، وعينينا كدابة، وجولدستون كداب، وفولك كداب، وحماس كدابة، ومافيش حد صادق الا محمود عباس و"مافيش داعي للتخوين"؟ اللي ح يقول لي مافيش داعي للتخوين لو راجل يوريني وشه عشان انسل الشبشب عليه
وبعدين هم قالوا مش ح نتصالح؟ هم قالوا نأجل، عايزين يشوفوا ايه اللي ح يحصل في التقرير، عايزين يهدوا، يهدوا شوية طيب، اذا كنت انا مش هادية
انا مش فاهمة فتح خالص، ازاي ساكتين عليه لحد دلوقت؟ كل ده عشان الفلوس والاستثمارات؟ الله يخرب بيت الرأسمالية على الرأسماليين على اللي بدعها؟ الهي يارب تنهد على دماغهم قادر يا كريم، طول عمري اقول الرأسمالية ضد حقوق الانسان، اول مرة المس بايدي ان الرأسمالية بتقتل، بتقتل، وبتقتل اطفال وابرياء، واحد قتل عرفات، وقتل ناس كتير، ده سفاح، وطالع يقول انا ضد الكفاح المسلح، يا سلااااام رجل سلام قوي، ضد قتل الصهاينة لكن مع "ذبح" الفلسطينيين؟ واي واحد تشوفه شايل صاروخ اقتله؟ ثم فين القدومي؟ ها؟ بعد ما طلع المحضر وفضح الدنيا، وواحد من فتح طلع يدافع عن عباس يقول ايه؟ هههه، لا اسمعوا اسمعوا، بيقول: هو انا عارف المحضر ده، بس عباس ما كانش موجود..دحلان بس. ده اللي بيدافع عن عباس، ودي حاجة بقت ملحوظة في كل اللي بيدافعوا عن عباس: "عباس بيرقص بشرفه، بيقدم نمرته ويروح على طول عمره ما قعد مع الزباين، هو صحيح دحلان كان بيروح  البيت مع الزباين ويقسم مع عباس، بس عباس ماله؟" راح فين القدومي بقى؟ واتصالح ازاي مع عباس بعد ما قطعوا بعض؟
اذا كان ماسك عليه ذلة هو راخر فحماس لسة ما عليهاش ذلل لحد دلوقت، يتصالحوا ازاي يعني؟ يتصالحوا في ايه؟ على رأي ماما: دول لو كانوا متصالحين المفروض يتخانقوا..انتوا اتجننتوا وللا ايه؟
يا الناس كلها اتجننت يا انا ضربت، مش ممكن الناس اتجننت، اكيد انا اللي مجنونة
هو احمد نصر كان قال المكوك راكن فين؟

44 comments:

Kalimalhus said...

بصى .. هو مفيش شك إن حماس قلوبهم معبية من عباس و ده من زمان و تأكدى إنهم عارفين عن وساخته أكتر من اللى نعرفه و مع ذلك كان عندهم إستعداد يحطوا على قلبهم حجر و يكملوا مشوار المصالحة .. لأن فى النهاية مصالح الشعوب مش مسألة مشاعر و أحاسيس..

اللى حصل إن عباس إتفضح و إستمراره بعد الفضيحة معناه إن ماعادش فيه حاجة تلمه و تفويضه للتفاوض مع إسرائيل يعتبر نوع من الإنتحار .. و المصالحة جزء منها إن عباس يتنيل على عين أمه يبدأ التفاوض مع الصهاينة .. إذن المصالحة دلوقت هى غباء سياسى ..

المؤكد إن مفاوضات التصالح هتستأنف تانى سواء عباس إتشال (و ده مستبعد ) أو ما إتشالش بس حماس هتطلب ضمانات إضافية بخصوص أى مفاوضات مستقبلية مع إسرائيل و بخصوص أى إنتخابات هتتم .. إيه هى الضمانات دى .. ما أعرفش و غالبا حماس عايزين وقت يفكروا فيها و يتفاوضوا عليها مع الجانب المصرى..

الواقع يا بنتى مريض لأقصى حد ممكن و أقصى ما يمكن فعله حاليا هو محاولة الإلتفاف من حول الخونة و الأوساخ مادام إزالتهم من الطريق أمر أقرب للمستحيل .. و إلا كنا شيلنا الأوساخ بتوعنا اللى كابسين على نفسنا و فطسونا

Unknown said...

لا ما ينفعش اللي بتقوله ده
ما ينفعش
يمشي
يمشي او يتقتل
يمشي لحاقلب على حماس هي كمان
انا السيرة دي بتطلع روحي في مناخيري
ماعندهمش راجل شنبه في وشه يخلصنا من الحيوان ده؟

ده واحد جات له الجرأة انه يقول انا ضد المقاومة المسلحة
ده ولا حسني مبارك قالها
ولا حتى بوش قالها

ده مذكور في ميثاق الامم المتحدة العهد الدولي للحقوق المدنية والسياسية: اسمه حق الشعوب في المقاومة المسلحة ضد الاحتلال

ده حق وفقا للقانون الدولي

والحقيقة عباس كيان غير شرعي زي اسرائيل كده

ده واخد شهادة من الامم المتحدة انه خاين

يمشي
يمشيييييي
ايه؟ مالهم فيه ايه؟ اتجننوا دول وللا ايه؟

Kalimalhus said...

نوارة .. غنتى مش مضطرة تتعاملى مع الواقع بشروطه لأنك مش متحملة مسئولية ناس و قضية .. هى حاجة كده زى مركب و ليها ريس و قامت فى وشها عواصف .. ينفع يقول إحنا ما إتفقناش على العواصف و مش هأقبلها و لا أتعامل معاها و خلى أم المركب تغرق و ألا تولع؟ .. أكيد ما ينفعش .. العواصف أمر واقع و لابد من التعامل معاه و محاولة الحفاظ على المركب و اللى فيها بأقل خسائر ممكنة ..

عباس جزء من الواقع .. جزء قذر و وسخ و كل العبر بس للأسف الشديد هو جزء مفروض علينا و على حماس إلى أن يأذن الله بالخلاص من وشه العكر و لكن حتى هذا الحين على حماس التعامل معاه بأسلوب يحقق أهدافهم ..

إحنا لينا نحاسب حماس على أهدافها و على عدم تفريطهم فيها و مانحاولش نحملهم فوق طاقتهم .. و صدقينى إنتى ماتحبيش تبقى فى مكانهم دلوقت و لا أى حد فينا .. دى أصلا شغلانة تكفر و تجنن العفريت

سامي said...

يعنى حماس ملهاش عنصر واحد فى الضفة يفجر نفسه فى موكب عباس ولا مؤتمر صحفى ولا اى نيله ويخلصنا دا اللى يخلصنا منه عملية استشهادية واللى يقول عليها عملية انتحارية اهو شبشبك جاهزهههه

ahmed samir said...

أقولك حاجه
يمكن في الاول كنت شايف ان دخول حماس للعبة السياسية غلط
لكن دلوقتي و بعد كل اللي حصل ده بحمد ربنا
و بسأل نفسي يا ترى لو كان قطاع غزة لسه تحت سيطرة اجهزة أمن السلطة و دحلان و جماعته قاعدين هناك و حماس فصيل مقاومة بس كان حيبقى ايه الحال؟
اكيد كانوا حيمسخوا الغزاويين زي ما عملوا في الضفة

من تصاريف ربنا انهم دخلوا في السياسة و ده معجبكش ابو مازن و تابعيه و خططوا للانقلاب على حماس بس حماس اتغدت بيهم قبل ما يتعشوا بيها
و كدة بقى في شعلة صغيرة لسه ماسكة البندقية حتى لو كل العالم عمال يهف يهف عشان يطفي الشعلة دي بأي طريقة

Unknown said...

جحا أولى بثورة..!!؟؟

Unknown said...

هههههههههههههه
بهيج بيقول لكوا تدعوا معاه ربنا يخلي لنا السادات فاتح القسطنطينية وباب اللوق واللي عمل لنا قيمة وشربنا بيبسي وسفن اب

Unknown said...

بقى عباس بقى امر واقع؟ ايه؟ موتوسيكل يعني؟ حتى الموتوسيكل ممكن يعمل حادثة ويتقلب ويتحرق ونخلص منه

ولو ح يتقتل انا مش عايزة حماس هي اللي تقتله

فتح دي لو لسه فيها رجالة يغسلوا وشهم ويطهروا تنظيمهم ويخلصوا منه

وللا بس فالحين ... وللا بلاش

Unknown said...

حكامنا هم أجدع حكام فى العالم، إحنا بس إللى مش عارفين نتحكم (مواطن عربى عاوز يعيش)!

وشعوبنا العظيمة بخير، فيما عدا قلة مأجورة وفى قول آخر مدسوسة!

Unknown said...

If I spit downwards it fells on my beard, and if I spit upwards it fells on my moustache. (Every conduct I choose will be painful)

Unknown said...

abu
ااااااااااه
اسكت.. اسكت

Kalimalhus said...

هوه زى ماقلت إمبارح .. واحد من فتح ضميره يصحى و يلسعه الرصاصة بين عينيه و يريحنا من خلقته اللى تغم النفس .. أنا كنت هارجع و أنا بتفرج على الكلمة اللى قالها النهاردة .. ده إحنا شعوب غريبة فعلا و معدتنا بتستحمل كتير .. ده لو واحد زى ده فى حته تانية كانوا شدوا عليه السيفون و ولعوا فى الحمام..

إنتى شفتى من كره الناس فى بوش إدوا أوباما جايزة نوبل إحتفالا بالخلاص منه .. تفتكرى لو خلصنا من اللى بالى بالك مش نستاهل يدونا كاس العالم بالتزكية

مواطن مصري said...

الله يخربيوتهم دة زمنا عملنا الاتحاد الافريقي

هما دول العرب اتفقو على الا يتفقو

مي ثابت said...

نوارة

تسلمى يارب
تدوينة رائعة



بالنوسبة للمسالخة
________________________

مشروع المصالحة بقالوا متعطل
7
أشهر

و طوال الفترة ديه عباس و اللى معاه بيمارسوا أسوء أنواع التكبر و التجبر
مرات بسبب فيتو رايس على المصالحة
و مرات مجاملة لإحبائهم الصهاينة


و مصر بتتعامل معاه من منظور أمنى صرف و بتحاول تحصل لعباس على أكبر مكسب


و ده منكرهوش أحد منظرى الحكومة
مصطفى الفقى
لما إعترف إن طبعاً الفتحاوية أقرب ليهم فى النهج

و أكيد ممارسات عوكل تجاه
"الإمارة الظلامية"
!!
فى غزة لا تخفى على أحد
و اللى متخليش أبداً عوكل الشخص المناسب للوساطة

و برغم كده إستمر المقاومون فى إجراءات المصالحة

أولا: لكسر شماعة الإنفصال و اللى سلطة عباس كل ما حد يسألهم إنتوا بتفرطوا و لا أخطئتوا
و لا حتى كحتوا
يرد إن الإنقلاب الظلامى هو السبب


ثانياً :لإن مفيش قدامهم حل تانى لفك الحصار و إطعام الجوعى



المثير للغثيان هو تباكى أبو ماجن و تابعه عبد ربه

و ملئ الدنيا صياح و صريخ و صويت و بكاء على المصالحة

بجد اللى إختشوا ماتوا

و نسى أبو ماجن أن هو اللى بقاله
7
أشهر بيتكبر و يتجبر و يرفض حتى الجلوس للصلح معهم

و ترك الموضوع لصبيانه

و نسى أو تناسى إن رايس بلغتوا الفيتو على المصالحة

و رضخ أو إستحسن الأمر

دلوقتى و بعد فضيحة جولدستون عايز
:

1
يرمى الأزمة فى الجانب الآخر

2
يدارى على الفضيحة و يوجه النظر لجهة أخرى

3
يكتفى بالمكاسب اللى حصلوا عليها عوكل من خلال الضغط على المقاومين
تماماً زى الحرامى اللى إتزبط بيسرق
فيكتفى بالمسروقات اللى حصل عليها بدل ما تضيع منه

4
الإسراع بإجراء إنتخابات قد أعد لها سلفاً
و يكون الهدف منها إخراج حماس بنفس الطريقة التى دخلت بها


لذلك أنا أتفق معكى و مع مهندس حر
فى إن الحل هو الخلاص من عباس

لكن مش بالقتل
لإن التجارب السابقة أثبتت إن القتل مكنش حل
و لنا فى عوكل خير دليل

Unknown said...

فاكرة؟
فاكرة يا مي؟ فاكرة لما كان بيقول: لا تفاوض مع القتلة وهو في نفس الوقت رايح يبوس اولمرت

فجأتن بقت المصالحة حلوة؟

Sahran said...

أعزائي المعلقين

لو سمحتم قبل ما تتكلموا عن فلسطين وتسبوا في أبو مازن , فعلى الأقل لازم يكون عنكم ولو مقدار بسيط من المعلومات عما يجري عندنا , أما كلامكم المليان بالمسبات والرغي الفاضي فلن يقدم ولن ي}خر.
أنتم تقولون أن حماس حركة مقاومة شريفة وأنها لن تتنازل عن الثوابت , ولكن أنا من الواقع اللي بنعيش فيه شايف أن حماس هي أكثر من خان القضية وحطم الإرادة الوطنية الفلسطينية , إذا ما كنتم بتعرفوا شو اللي صار وقت الحرب أنا بأحكيلكم ,, لما كانت إسرائيل عمالها بتضرب فينا ونازلة فينا تلطيش ما كنا نشوف أي واحد من قادة أو عناصر حماس , ولكن بعد انتهاء الحرب صاروا كأنهم حرروا فلسطين , وقبل هيك خلينا نحكيلكم عن السرقات والنهب , وأكثر منظر مستفز في غزة الآن لما نشوف سيارة جيب آخر موديل وبداخلها واحد ملتحي

عيب عليكم تقولوا عن فتح ورئيسها أنهم خونة فعلى الأقل أبو مازن ما بيحط الشعب في معركة خسرانة ويروح يهرب ويترك الشعب يموت زي ما عمل خالد مشعل


أتمنى أن تمتلك الجرأة الأدبية لنشر التعليق
ودمت سالما

جمال الملك سلطان said...

المصالحة وضعت على نار حامية لضمان نوع من الفرملة لحماس وردات فعلها المتوقعة تجاه احداص يظن البعض انها ستقع في وقت قريب
ومايجري من هجمات مودة ومحبة تجاه سوريا وحماس واخيراً تجاه حزب الله من قبل الفرنسيين بالتحديد وجهات اخرى يصب في نفس الاتجاه
والاغتيال لشخص لا يحل مشكلة نهج وصولي ذرائعي نفعي استشرى واصبح تياراً له قاعدته الجماهيرية التي لا يمكن انكارها
وبالتالي مقتل عباس سيأتي بدحلان او مايعادله وهكذا دواليك
والحل هو حالة من اثنتين
وجود فرقة معاصرة من فرقة الحشاشين لا هم لها ولا وظيفة الا قتل كل زعيم يحيد عن ثوابت معينة
او تسريع وتيرة التنشئة الوطنية والدينية والالتزام بمقاطعة كل فرد او جماعة تحيد عن ثوابت الامة
العملاء من اصل مسيحي في جيش لحد على سبيل المثال لم يشعروا باي حرج من التعامل مع اسرائيل لان البطريرك كان يرسل ممثل عنه لتأبين كل عميل مقتول
ولم يشعروا بفداحة مافعلوه الا عندما نقلتهم اسرائيل الى احياء مسيحية في فلسطين
وشاهدوا مسيحيين متعصبين لقضية الامة اكثر من تعصب حزب الله وحماس والجهاد مجتمعين
مسيحيي فلسطين تظاهروا رفضا لدخول ابن من ابناء العملاء الى مدارس اطفالهم وبصقوا في وجه اي عميل تصادف مروره امامهم وقاطعوهم اجتماعياً واقتصاديا الى درجة انهم فضلوا العودة الى لبنان والدخول الى السجن على البقاء هناك

جمال الملك سلطان said...

ونحن كملتزمين مفترضين بثوابت الامة لم نقصر في خدمة مشروع عباس والمالكي والسنيورة والحريري وسواهم
واذكر عدداً من المع الشخصيات واكثرها ادعاءاً بابوة قضايا الامة وامومتها
وضعت هؤلاء وانصارهم في نفس خانة المقاومين عندما نجح عباس والحريري والسنيورة في جر المقاومة للصراع المسلح
واصبحنا نسمع ونرى محاكمة جائرة تساوي بين العاقل والمختل بين العميل والمقاوم بين الشريف والقواد تحت ذريعة حقن الدماء وادعاء الوسطية والحياد
وكأن الحياد جائز في حالات مماثلة
وكأن الوسطية تعنى السماح للعملاء بالمضي في مشروعهم والسكوت على مالا يجوز السكوت عليه خوفا من اراقة دم من يجب شنقهم لو كان في بلادنا قضاء نزيه

جمال الملك سلطان said...

تريدون الخلاص من ظاهرة عباس والسنيورة والحريري والمالكي بدون اراقة نقطة دم ؟
حسناً فلنقتدي بالمسيحيين في فلسطين ونعالج قضية العملاء بنفس طريقتهم
تريدون الخلاص منهم مع اراقة دم ؟
تذكروا انهم لا يحاربوننا بشخوصهم العفنة بل بكل ضمير اشتروه ودربوه على القتل دفاعا عن سلطانهم ويجب بالتالي ان ترفعوا الصوت بان من يناصر هؤلاء ويحميهم يستحق نفس مصيرهم

جمال الملك سلطان said...

الاغتيال قسمين :
القتل خارج القانون وهذا النوع عبثي ويدخل الظالم من الشباك بعد اخراجه من الباب
والقتل بموجب احكام القانون وهو نافع جداً ومؤثر للغاية ويجب تنفيذه فور اكتمال شروطه الميدانية
وهذا يتطلب وعي اجتماعي بالقانون واحترام كلي لاحكامه

احساس لسه حى said...

والله الواحد شايف ان المصالحة ملهاش لازمة

ولازم الفلسطنيين ينضفوا انفسهم ويخلصوا ويتخلصوا من القيادات القذرة الخيانة دى

ومش لازم يتحرر الاقصى دلوقتى ولا كمان 20 سنة المهم
ما فات 60 سنة اهو

المهم ما تمرش فضيحة زى التقرير وما بعدها من فضايح فتح وعباس وهما قادريين يقعدوا فى مقاعدهم

امال يبقوا رجالة امتى بقه

عاوزين ايه اكتر من كده

سلام

أكون أو لا أكون said...

السلام نواره...

هنا ايميل ورقم هاتف الصحافي دونالد بوستروم... الصحفي الذي تعرض للتهديد بالقتل من الإسرائيليين بسبب فضحه لهم من خلال مقاله كتبها يتهم فيها اسرائيل بسرقة اعضاء الشهداء الفلسطينين... غير أنه ألف كتاب أسماه " ماشاء الله" يحتوي ٢٠٠ صوره تبين حال و وضع الفلسطينيين هناك... واختار عنوان كتابه من صبر و تمسك الفلسطينيين بالله وترديدهم لجملة إن شاء الله أملاً بنصر من عند الله.

http://alrahhal.maktoobblog.com/8/ـ-الصحفي-السويدي-دونالد-بوستروم-يتلقى/

أكون أو لا أكون said...

http://www.echoroukonline.com/ara/interviews/42240.html

حسن على said...

كتبت هنا منذ عدة شهور الخبر المشهور"يا الاهى ان عباس حامل وتسألت عمن فعلها" طبعا كل شىء انكشفن وبان فعباس من (المتحولين)اللى بغيروا شكلهم وخطابهم السياسى حسب مايقول دجلان . وصادف قولك" يعني اسرائيل كدابة، وودانا كدابة، وعينينا كدابة، وجولدستون كداب، وفولك كداب، وحماس كدابة، ومافيش حد صادق الا محمود عباس ؟؟؟؟؟؟؟؟؟؟؟؟؟؟؟؟ صادف قولك هذا هوى فى نفسى باسقاطة على مأساة قظيعة اشاهدها ولا استطبع تجاهلها او حتى الكتابة عنها ,مأساة احببت ايطالها جدا لكنهم تحولوا جميعا الى"عباس"فجئاة "تعبسوا" وضلوا الطريق واستبدلوا قيمهم ومبادئهم بل اكثر من ذلك احيانا...من اجل حفنة(بذيئة مبتذلة)من الدولارات وقدياتى الوقت لأقصح اكثر دون نميمة ...فقط لأجد من يشاركنى الاستغراب - لدرجة الجنون- من تأثير المال وقلبة للاحوال. للة المنة والحمد ولة الامر من قبل ومن بغد.

Unknown said...

sahran
وايه الكلام الجرئ الفظيع اللي انت كتبته عشان يبقى ما عنديش الجرأة اني انشره؟

انا ما عنديش الجرأة اني اعمل حاجة واحدة بس: ادخل مدونتك القذرة تاني

Anonymous said...

ازيك يا نوارة..

بخصوص المكوك، الأمن الوقائي التابع للجنرال دايتون لما شافه افتكره صاروخ إيراني في طريقه لحزب الله (وسبحان الله رايح لبنان مرورا بالضفة الغربية)..عشان كدة البقاء لله، علقنا هنا يا حاجة :)))

عشان كدة لازم نتعك في حقيقة انه معدش في مجال للتخوين..

آه يا حجة معادش فيها تخوين..تخوين إيه؟

هو واضح اننا أساسا يا إما احنا مجانين يا اما هم!!
يا إما احنا بني آدمين أصلا وربنا مدينا عقل..يا إما هم..

الانتساب للعقل أو المنطق معادش يساعينا احنا وهم سوا خلاص..

حاجة تانية كنت عايز أقول للسهران (إلهي ما تنام يا بعيد) انه الفخر كل الفخر لحماس أن يتطاول عليها أمثالك..
وكل العار لعباس أن يكون المدافعون عنه من أشباهك..

وحكاية اللي استخبوا ومشفتهمش وقت الحرب دي ان دلت فإنما تدل على انك مش عايش في الدنيا دي معانا..لأن قادة حماس ووزراءها وكوادرها كانوا أغلب ضحايا الحرب..وأساميهم طارت لكل العالم..كونك انت مشوفتش يبقى العيب فيك..والكلام ده كله اترد عليه في وقته لكن انتوا طبعا معندكوش غير الصوت تاخدوا بيه الناس..

وبالمناسبة مش معقولة كل فتحاوي بيتكلم يقول لي انا عايش في غزة وشايف كأنك قاعد في الكنترول بتاع غزة!!..طب ما غيرك برضو قاعد في غزة وبيقول اللي احنا بنقوله!!

طب ما مواطن مصري قدامك اهوه قاعد في مصر، سيبه يتكلم عن الشأن المصري واضحك على راحتك!!

إيه الاختراع ولا الميزة اللي في قعدتك في غزة؟..ياريتك تسيبها وتروح تحضر ملكة إماء العالم في البورتريكو ولا أي داهية..وسيب الناس في همها..

حاجة كمان وارجع لنوارة بقى..الحقيقة يا نوارة انه أستاذة صافيناز جابت الخلاصة..

مصالحة إيه؟..دول لو كانوا متصالحين مفروض يتخانقوا!!
بالمناسبة انا مستغرب فعلا من الكلام اللي طلع عن التأجيل، هو حد كان صدّق انه في مصالحة هتحصل أصلا؟
أصل المصالحة دي في النهاية يا هتقر المقاومة كمبدأ..وساعتها يبقى عباس خد الخازوق وانتهى مبرر وجودة في الحياة..
يا هتنهي المقاومة وبالتالي تنهي حماس بعد ما ينتهي مبرر وجودها أصلا..

بمعنى آخر اننا واقعين أصلا في معركة وجود، يا آه يا لأ..يا مقاومة يا مش مقاومة..بتكلم عن المبدأ..يعني ممكن نقر المقاومة ونعمل هدنة لكن المبدأ موجود..لكن حتى دي عباس جربها وفشل في التأقلم معاها تماما..

يعني دلوقتي معدش في حلول وسط معروفة..
يا إما يخترعوا بقى حل وسط مجاش قبل كدة..

موت عباس طبعا مش هيحل الموقف..لأنه دحلان أوسخ، وموت دحلان مش هيمنع أي عسكري جربان متربي على إيد دايتون يتلمع فجأة ويبقى ريس ويبقي الأحوال على ما هي عليه، وطبقة المصلحجية والمنتفعين هينسجوا حوله القصص والروايات عن نضاله وتاريخه عشان يبقى الوضع اللي هم منتفعين منه على ما هو عليه..يعني هو زفت ابو مازن ده جه منين ولا كان إيه أصلا؟

على فكرة يا نوارة في ناس احنا ناسيينها..يعني تخيلي بكرة مثلا لو جابوا أبو علي شاهين:
اتفرجي عليه وهو بيردح لنزال وعبدالباري عطوان عالمنار
وااااااااااو..لايق عليك كرسي عباس يابن الفقرية..

Unknown said...

احمد

انت بترد على ده؟ على اساس ان ده بني ادم عادي زينا كده ينفع الواحد يرد عليه؟

هههههههههههه
بس كيفتني قوي "انت قاعد في الكنترول بتاع غزة" ههههه

انت لما بتتنرفز بيطلع منك ابداعات

انت بتسددها في وشي ليه؟ ها؟ انت جاي تسددها في وشي؟ يعني لما تبقى المشكلة في عباس ودحلان تبقى محلولة
لكن لما تقول لي ح يمشي واحد ييجي غيره انت كده بتجيب لي اكتئاب

نقتل الفلسطينيين كلهم يعني؟

Anonymous said...

لأ طبعا مش بسددها فوشك انما عشان نفكر في الاتجاه السليم..

عباس بينفذ مخطط..
والمقاومة بتنفذ مخطط..

ضرب الأفراد مش هيوقف المخطط لأنه في آلية تجديد مستمرة..
لكن افشال سياسة الطرف العدو هو اللي هينفع..
عباس لازم يفقد أسباب وجوده، لازم ميعرفش يسيطر على الأوضاع الأمنية في الضفة..لازم يفشل في تقديم أي تنازلات مستقبلية..لازم يفشل في كل تعهداته للصهاينة..

ساعتها هيتمسح خالص، وتصفصف ساحة المعركة على الفلسطينيين "اللي معادش في ساحتهم غير المقاومة، واللي مفروض ساعتها نبقى احنا وراهم" والصهاينة..

Unknown said...

طب يعني المحترمين من جوة فتح راحوا فين؟ امبارح عزمي بشارة قال: المستهدف ليس حماس، المستهدف هو المقاومة ولو كان الفصيل المقاوم ملحدا لفعل به ما يفعل بحماس

طيب يعني فتح بتاريخها ده كله مش لاقية حد يصعب عليه بلده؟

وبجد عايزة اعرف
راح في انهي داهية القدومي؟
قطع خنس ليه؟

Unknown said...

المناسبة

عباس لو فقد اي حاجة ح يفقدها باللي بيدافعوا عنه

والله العظيم

ده مش واحد ولا اثنان دول قوة قتل ثلاثية، كل ماحد يدافع عن عباس يقول كلام يضحك

ياريت يبطلوا يدافعوا عنه احسن خلوا شكله عار

Unknown said...

احمد

وانت بتكتب التعليق اياه كنت باكتب لك الكلام بتاع عزمي بشارة

ههههههههههه
سبحان الله

Anonymous said...

عزمي بشارة ده فظيييع بحبه جدا..

بس ايه رأيك في الولا؟..لخصها صح؟..دورة الـ***** فالعمالة :)))

هي كدة بالزبط :)))

Anonymous said...

صحيح يا نوارة..وصلك الخبر ده؟
http://lokmetaesh.blogspot.com/2009/10/blog-post_8779.html

نبيل زفت الطين جاتله انفلونزا الخنازير؟

شكلك انتي اللي داعية عليه..

Unknown said...

لا
ماما اللي دعت عليه هههههه
انا داعية على عباس
الهي يجيله حصبة

Unknown said...

الا صحيح يا احمد
انت ايه الفيديو اللي انت جبتهولي ده؟ مين مجذوب ابو حصيرة ده؟ ابو علي طحين هههه

على فكرة الواد بيكتب حلو قوي

غير انه عامل تحليل حلو اسلوبه كمان فني

Anonymous said...

أيوة انا بس بديكي نموذج للشخصيات الهم اللي موجودة على الساحة وكلها مرشحة..

انتي سمعتي صائب عريقات قبل كدة وهو بيتكلم؟ هههههههه

ولا قريع وما أدراكي ما قريع..

الدنيا مليانة بلاوي عباس مش البلوة الوحيدة اللي في الدنيا..

الواد كويس وأسلوبه رهيب وانا شخصيا بقراله وباسخسخ وباستمتع فعلا..

بس كلامه يفزز يعني معرفش اديه للناس عالعام كدة ههههههه

Al said...

كل الحديث عن المقاومة، والجهاد، والكفاح.. هو من باب المزايدة التي تخدم فقط مشروع الصراع على السلطة بين الطرفين، فلا توجد مقاومة.. وكيف يمكن لشعب اضنته الفصائلية وسلطاتها.. جوعاً وهجرة.. وبؤساً اقتصادياً.. واعتقالاً وتعذيباً.. ان يُقاوم؟! كيف يمكن لسلطتين حولتا معركتيهما من مقاومة الاحتلال الى معركة ضد بعضها تعبئة، وتحريضاً وصل حد السوقية ان ينتج عنهما مقاومة ضد الاحتلال؟!
ان هؤلاء الذين يتحدثون عن انتفاضة ثالثة.. هم المرضى الذين يعتقدون بان (الناس) تتحرك على الرموت.. الموجود في مكاتبهم الفاخرة.. وفيلاتهم وهم يعلمون او لا يعملون ان لا مكان لهم بين الناس.. كي لا يقال اكثر..
ان خيار المقاومة شطبته الفصائل المتصارعة على الكراسي.. والسلطات والمناصب وخيار المفاوضات مشطوب من اصله.. وما تبقى خيار الاحتلال في فرض الامر الواقع الذي كان الخروج من القطاع جزءاً منه، ومقدمة له.. وفقاً لمخطط صهيوني استراتيجي، كان لا بد للانقسام والصراع على السلطة ان يكون حتى يسهل تنفيذه.. ويبشروننا بالنصر والتحرير والمقاومة والجهاد.. والمفاوضات.. بينما القدس تم تهويدها ما تبقى من ارض يقل عن سبعين بالمائة حسب ذروة التفاؤل..

LiNa Sh said...

حماس قالت إنها مش قادرة تتجاهل مشاعر الشعب الفلسطيني وتحط إيديها في إيد واحد زي عباس عمل اللي عمله دا
وإن جينا للحق ،، واحد زي دا خاين ،، ماينفعش أي حد شريف يحط إيده في إيده ولا حتى يقعد معاه في مكان واحد

Unknown said...

al

قريت ياسر الزعاترة وهو كاتب عنك؟

سامي said...

ياريت تمسحى تعليق الاخ بتاع غزة هاشم! ان كان ينفع يعنى

عشان مدونته فيها تطاول بشع بالصور كمان على سيدنا النبى وام المؤمنين صفيه

ايه دا

انا عمرى ما شفت كدا

احذفى التعليق

واحذفى معاه واحذفى معاه رابط مدونته

وصوره الفاجرة عن سيدنل النبى

ايه دا !!!!!!!!!!!!!!!!!

Al said...

انا متابع لما يكتبة الزعاترة(وهو من ابواق حماس وتنظيم الاخوان فىالأردن ( .. لذ اتمنى عليك ان تتفهمي بكل دقة ماورد بتعليقي.. فالمفارقة ان الذين يتهمون ويولولون نرى دمنا على اسنانهم وعلى ايديهم ويكابرون مثل الطواويس او النسانيس لا فرق.
وصار لزاما الدفع بالتقرير الى الامام طالما ان حماس تحاول الافلات من التزامات المصالحة وطالما ان حكومة اليمين الاسرائيلي تحاول الافلات من التزامات المفاوضات، وامام استحالة المصالحة والتفاوض فليكن الطوفان.

..القدس تهودوالارض تقضم !!؟ ولازالوا يتصارعون .. على ماذا!!؟؟

سامي said...

ول يا ول

كل ما اقرا تعليق ليك اقول فى نفسى عبقرى ياسر الزعاترة دا!! اومال لما الارض بتقضم والقدس بتهود
مفاوضات ايه دى اللى قلقان عليها وخايف من هروب اسرائيل من التزاماتها
احييييييه

Unknown said...

عشان مواطن مش قليل الادب

Shady Shrif an Egyptian Software engineer said...

عاوز اضيف الفيديو ده بس

للفيدبوهات الي فوق

http://www.youtube.com/watch?v=HO0mhsRhqX0&feature=related