Friday, 30 October 2009

الطب الشرعي بيستعمانا؟

اذا كانوا يقصدوا وفاة فلسطينية طبيعية، فآه، دي الطريقة الطبيعية اللي بقى الفلسطينيين بيموتوا بيها، دي اقل طريقة وفاة عندهم
وطبعا مافيش جولدستون ح يقدر يكتب تقرير، عشان مصر شقيقة كبرى، وما يصحش تشتكي الشقيقة الكبرى في الامم المتحدة
وشاقين بطن الواد ومخيطينها ويقولوا ما اخدناش اعضاء، امال الشق اللي بالطول ده ايه؟ تصدع حصل في جته بسبب الامراض المزمنة؟
طب هم ح يعملوا ايه دلوقت؟ اهله يعني
دلوقت بقت انشط تلات دول في تجارة الاعضاء اسرائيل ومصر والاردن... الدول المعتدلة يعني
عرفت تبقى معتدل ازاي؟ ايييييوة اقف معتوج وكلمني معتدل، بس الغريبة، هو مين عايز اعضاءنا؟ اقصد المصريين والفلسطينيين، طب الاردنيين ممكن يكونوا بياكلوا اكل انضف شوية، لكن احنا البعدا مية ملوثة واكل مروي بمية مجاري وحاجة تقرف الكلب الحزين، مين عايز اعضاء متربية على المجاري؟
لا كده كتير، كده كتير، مش لدرجة ان الطب الشرعي يستعبط كده

19 comments:

Amr said...

كل الناس كانوا متأكدين أن الطب الشرعى هايطلع التقرير بالمنظر ده
لأن دى أوامر عليا وممنوع أحراج البلد دوليا"
كلام الشفافيه والنزاهه والعباطه والهباله ده للأستهلاك المحلى بس تحرجنى قدام جيرانى ,أوعى
أسحب الكرسى من تحت أتخن تخين فيكوا - اللى عايز ياكل عيش يكتب اللى نقوله عليه

الفراشه الحائره said...

ادعوك لزياره مدونتتى و لي الشرف

احساس لسه حى said...

انتى مش فاهمة كويس

هما يقصدوا انها وفاه طبيعة لاى معتقل وهو مش احسن من المصريين يعنى

وزى ما هيجرى على معتقلين مصريين هيجرى على اى معتقل فلسطينى

ودى حماس حبيبت مصر

Anonymous Farmer said...

Hello Nawara,

First time commentator on your blog, long time supporter of it.

فآه، دي الطريقة الطبيعية اللي بقى الفلسطينيين بيموتوا بيها

Best line on there.

Yes, unfortunately, the most obscene and the most unimaginable is the normal existence of Palestinians now. Old and young. They are walking targets, or rather, walking corpses.

The only parties who advocate for them are private groups and/or private humanitarians and concerned citizens like yourself. You surely will find many local groups in Egypt (I know some in Kuwait) that provide Palestinians with a form of relief, financially speaking. Try posting up links of such organizations.

As for solutions, it's really in our hands as individual citizens, never our government who has no dignity whatsoever.

مهندس حر said...

بغض النظر عن إن طبعا تقرير الطب الشرعى المصرى مضروب .. حاجة بس للتوضيح أى حد بيتعمله تشريح لمعرفة أسباب الوفاة بيتفتح صدره و بطنه بالطريقة دى .. ممكن تراجعى أى حلقات من سى إس آى و هتشوفيهم فاتحين الجثث و بيلعبوا فيها..

ده ما ينفيش إمكانية سرقة الأعضاء و بشكل عام كده أقدر أبصم بالعشرة إن بيحصل عندنا سرقة أعضاء فى عمليات التشريح و لو إن ده بيحتاج ظروف خاصة لأن الأعضاء لابد من حصادها و زراعتها خلال مدة قصيرة من وفاة الدونر عشان كده بيسرقوا الأعضاء عادة من ناس صاحية مش ميته

جبهة التهييس الشعبية said...

عمرو
انا ما كنتش اتخيل ابدا ان الطب الشرعي يعمل كده
قول عليا عبيطة
ما انا عبيطة

الفراشة الحائرة
ايه اللي حيرك بس؟
:)
نورتيني

احساس لسة حي

بس الطب الشرعي لما بيفحص حالات زي دي مصرية مش بيعرص كده لا مؤاخذة

Anonymous farmer

انا مش عارفة المنظمات دي
لو ممكن تجيب لي لنكاتها اكون شاكرة

مهندس حر

انا مش عارفة الصورة الاخيرة دي قبل وللا بعد التشريح

بس ايه اللي يخلي حماس تقول لقينا اعضاء ناقصة؟
والهبل بيقولوا: اخدوا الاعضاء عشان يخبوا اثار التعذيب
لا دول هبل فعلا

انه يتاخد منه وهو صاحي ده ممكن هو حد عارف الراجل ده مات ازاي؟
وايه اللي خلاه يتعمي؟ ما يمكن اخدوا قرنيته

احنا عندنا تجارة اعضاء بالهبل وفي اطفال بيختفوا كتير

مهندس حر said...

الطب الشرعى عندنا بيعرص كل يوم .. حسب الأوامر فى بعض الأحيان و بالفلوس فى كتير جدا من القضايا العادية من أول الخناقات الزوجية لغاية قضايا القتل و غيرها ..

أمال هوه مين اللى مطلع حكاية إن كل اللى بيموتوا فى الأقسام و السجون بيموتوا من إنخفاض حاد فى الدورة الدموية نتيجة لمتاعب صحية

الخوجة said...

والدليل على كلام استاذة الصوت الحر
اهه
بالشهود والمستندات والصور داحنا اخر من يعلم
بالفيديو وكان فية شهود فى حادثة سابقة
HUMAN ORGANS TRADE ,Harvesting Human Organs ,تجارة الأعضاء البشرية

يكدبوا الكلام دة

سومه...مجنونه فى بلد عاقل said...

ممكن سؤال هو احنا كشعب فى نظر حكومتنا او اى دوله اخرى بنى ادمين يستحقوا الحياه؟؟؟
يبقى حيعملوا حساب لفلسطين اللى كل يوم بيموت منهم عشرات المواطنين
كتر الف خيرهم انهم مكتبوش كلب وراح :((
والله شىء محزن بجد

فتاه من الصعيد said...

امال عايزاهم يحرجونا دوليا

ده العادي .... بس الشيء السخيف سرقه الاعضاء

بصراحه دناءه وحقاره كمان

تحياتي

لورنس العرب said...

ولله لو أحد شكك في تقرير الطب الشرعي المصري فكان عليه بأخذ المرحوم وتشريحها قبل دفنها
أما التحدث بهذا الكلام فهو غير منطقي
وهناك شيء غري قاله الأخ المهندس الحر وهو ان الطب الشرعي عندنا ب --- ولا ادري كيف يكون هذا أصلا
والسبب ببساطه هو انه يمكن لأي طبيب شرعي تعرض عليه الجثه ان يكذب ما جاء بالتقرير "المضروب" ويفضح الدنيا وهذا شيء بسيط وسهل ويمكن لطبيب شرعي لم يأخذ المجستير ان يعرف سبب الوفاه وبسهوله
يعني هذا التقرير لا ينفع معه ان يكون مضروب
وانا بصراحه لا أعلم ما الذي دفعه إلى دفن اخيه بدون تشريح طالما انه يريد ان يصل للحقيقه
وكان هناك تصريح أكثر من ساذج في اسلام اون لاين حيث قال شقيق المتوفي ان السلطات المصرية اخفت الوفاه 4 أيام حتى تختفي معالم التعذيب من الجثه!!!! هو بيكلم هنود حمر مثلا ولا ايه؟
ده الدكتور المتخصص في الطب الشرعي لو جاء له الجثه هيكل عظمي سيعرف سبب الوفاه
اما انهم ياخدوا اعضاء وتتباع فده معلش صعب شويه
والسبب ان ناس بالاخلاق الواطيه اللي احنا نعرفها بيبقوا خائفين جدا على انفسهم
ممكن يعملوا كده مع حد جوه مصر - لكن حد جثته هاتطلع بره ويتعمل عليها مشكله فأعتقد انه صعب

صحيح احنا مش طايقين الحكومه
لكن ده مش دافع إلى ان كل حاجه نصدقها

Amr said...

انا متفق مع استاذ لورنس أنه موضوع سرقة الأعضاء ده مستبعد شويه
ما المصريين كتروا فى البلد وبيموتوا كل يوم وبتتسرق أعضائهم كل يوم

أشمعنى الشهيد ده اللى هايسرقوا أعضائه وهما عارفين أنه أى عبث بالجثه هايسببلهم مشكله

لكن فى موضوع التعذيب أعتقد ان حضرتك مشفتش صور الشهيد قبل الدفن

Dr. Kafy said...

و الله أنا طول عمرى ملاحظ إن الحرامية لازم يطلع لهم حاجة بايظة فى اللى سرقوه. و ده أول عقاب ليهم إن المسروقات تكون فاسدة و بكده يكونوا يستقوا اللى هيحصلهم لما يسرقوا أعضاء من المصريين الملوثين و المرضى!

الناطق بلسان الباب الاخر said...

بربك في مثل الكلية المصرية؟! الكلية اللي بتحلل مية النيل وما بتقولش اخ !
حلم كل الماني يكون عنده كلية مصرية
حلم كل فتاة فرنسية يكون عندها عريس بكلية مصرية...انا مش عنصري بس منحاز للكلية المصرية اللي صامدة زي ما بتقولو في المصري ب " الأرف دة" وطبعاً القلب الفلسطيني اللي من كتر الذل صار زي الحجر ويصمد في اتخن جلطة واي تضخم في الشرايين مايهزش شريان من شرايينه...
وعلى كل حال هذا ما يريده العالم منا... واحنا منقدملهم ايه على توابيت الراحة

مواطن مصري said...

متفق مع رأي لورانس

نوارة مصطفى محمود البقاء الله


مش مصدق انة مات

مواطن مصري said...

انا مع لورانس

حماس طول عمرها بتحقد على المصرين و انا لم اعد أصدق اي كلام منهم

مواطن مصري said...
This comment has been removed by the author.
donya said...

جيت اطمن عليكي مش باينه يعني

طبعا مش معقول مشغوله في المؤتمر

ان شاء الله تكوني بخير

تحياتي

Amr said...

أولا" البقاء لله فى دكتور مصطفى محمود
الراجل ده ماكناش نستحق زى ناس كتير أوى ربنا رزقنا بيهم وأحنا رفضنا النعمه فأهو
أهووووو- ربنا بيسلط علينا الحراميه والمتخلفين .

ثانيا "
شفتوا أحمد عز - وتهديده للمعارضه والأعلام؟!!!!

بنفس الصباع ؟ بنفس الصباع ؟