Tuesday, 6 October 2009

الساعة اتنين وربع

زي دلوقت من ستة وتلاتين سنة كنا في وسط القناة




الغنوة دي كان بليغ حمدي في الاستوديو بيسجل غنوة تانية، وجه خبر العبور، اخد العود وعمل الغنوة دي وهو قاعد وسجلوها في ساعتها ونزلت في الاذاعة على طول،وماما كانت بتتمشى مع طنط منى انيس عشان ولادتها اتأخرت، وقالوا لهم في الشارع اننا عبرنا وماما وطنط منى انيس ومعظم الناس اللي كانت في الشارع قالوا اكيد بيضحكوا علينا
---
فلسطين مقلوبة... وفيه تهديدات برئيس الحركة الاسلامية لحماية القدس وهو بيقول يسجنوني، واهالي الناس اللي عباس فقعهم زمبة نزلوا يعتصموا، والجيش الصهيوني نازل في الشارع يمنع الناس تروح المسجد الاقصى

5 comments:

فاروق عادل said...

حاجه تفرس اللى بيعمله عباس ده

فتاه من الصعيد said...

انا قلت كل سنه ومصر طيبه

كل سنه وانت طيبه بقا هابي بيرثداي يويو

سؤال بس جميل انك تتولدي في يوم النصر .... ولا وحش انك تتولدي في يوم اخر نصر :(

the magnificent ninja said...

6أكتوبر 1973 بدأت حرب تحرير سيناء
و اليوم الساعة اتنين و ربع كل واحد مش همه الا انه ياخد قرش حشيش و يشم بدرة .
أما الحكومة فمصرة على التنكيد على الشعب و الناس اللي بيقولوا على نفسهم مثقفين و طبعا هما لا مثقفين و لا نيلة كل همهم انهم يؤيدوا التطبيع و يشتموا في مجاهدي حماس اللي رافعين رأس المسلمون و العرب و يصفوهم بالارهابيون و أي رواية تصادر لأنها تسب الدين يدافعون عنها و يقولون ابداع و كذلك الحال بالنسبة للروايات الجنسية و الأفلام الثقافية .

يا ترى هاعيش و أشوف مصر تعود لمجدها القديم و تكون حامي حمى الأمة الاسلامية و لا هنفضل طول عمرنا دلاديل

آيوشة said...

كل سنة ومصر طيبة وكل سنة وانتى طيبة كمان

Kontiki said...

عارفة يا نوارة اول مرة اسمع الاغنية دى او انتبة لها باحساس تانى خالص اول مرة اعيط بسببها يمكن دة النضج اللى جاى من الذل والمر اللى شاربينة فى البلد دلوقت يمكن نفسى افرح بس مش على مكسب فى ماتش كورة نفسى افرح و اروح سينا عادى من غير مشاكل نفسى اركب قطر وانا مش خايفة يولع بيا او يتعطل فى السكة نفسى اشرب مية طعمها مش كلور نفسى اقرا الجرنان الاقى اخبار بجد مش ضحك علينا و نتعامل معاملة الاغبياء نفسى اكتب نفسى لو ليا حق عند وزير اعرف اخدة من غير وسايط ومن غير ما اتبهدل نفسى اختى تروح كليتها من غير متشم ريحة السجاير الملفوفة جوة المدرج نفسى يرجع لنا كرامة جوة بلدنا نفسى يبقى لنا قيمة نفسى يموت التدين الظاهرى والاحقاد والظلم نفسى نرجع بنى ادمين تانى بنى ادمين مصريين ليهم قضية ونصلح نفسنا