جايزة نوفل لضرب افغانستان

انا اصلي احتفالا بعيد ميلادي امبارح عندي تسمم النهاردة، بس على ما جمعت عرفت ان اوبابا اخد جايزة نوفل

طول عمري مقتنعة ان جايزة نوفل دي ولا حاجة، وووولللللللللللاااااااااااااااااا حاااااااجة خالص

مش عارفة مدينها اهمية ليه، وفرحانين ان نجيب محفوظ اخد جايزتها، نجيب محفوظ اهم من الجايزة، يعني انا عمري في حياتي ما شفت كويسة بالطريقة دي، الحمد لله، كلهم فشلوا زينا عشان ما يبقاش فيه حد فالح ونحس بالدونية: فيه حد في الدنيا يرشح رئيس بعد اسبوعين من توليه الحكم (اخر معاد ترشيح كان في فبراير) ويقعد عشر شهور يضرب في الفلاحين والاطفال والنساء في قرى افغانستان ويفشل في كل حاجة، كككلللللل حاجة، ويدوله جايزة؟ على اساس عمل ايه؟ ده فاشل، والجايزة دي كمان فاشلة، انا لو مكان زويل ارجع الجايزة، يا اما زويل هو راخر بقى ايه؟ مش مهم؟ والله مفروض يرجع الجايزة