Wednesday, 14 October 2009

بالصور: يوسف ابو زهري ما اتعذبش










اياك حد يفتح بقه ويقول لي ليه كده يا نوارة، بصوا، بصوووووا كويس، يوسف ابو زهري ما اتعذبش..... ده اتهرس
حسبي الله ونعم الوكيل فيك يا احمد يا موسى، بجد يعني، اللي بيعذب ده انا باتعامل معاه على انه مش انسان اصلا
بس اللي بيدافع عن التعذيب ويداري ويبرر او حتى يطنش عليه ده ايه؟ مش خايف من ربنا؟ مش خايف من ربنا؟
الصور فكرتني بالطفل ده
بس احنا مستنيين الطبيب الشرعي طبعا، لان ممكن اللي على وش الشهيد دي تبقى اثار الصفرا والامراض المزمنة اللي الداخلية اتكلمت عنها في بيانها، لا وبص بيدافعوا عن نفسهم بايه؟ "احنا ما عذبناهوش، هو اللي كان عنده امراض مزمنة كتير وكان عنده الصفرا" طب اصلا واحد مشرك وعنده كل الامراض دي محبوس ليه؟ وزي ما انتوا شايفين اللي عنده امراض مزمنة بيبقى ده وشه لما بيموت... خلي طلبة الطب يتثقفوا بقى
الله يفضحكوا
حسبي الله ونعم الوكيل، يارب اقتص له بس مش مننا والنبي يارب... احنا رجعنا للصور دي تاني؟ طب المصري ينفع نرفع له قضية هنا، انما ده ينفع ايه؟ طب ينفع؟ يعني ينفع نعمل له قضية زي عماد الكبير والطفل ده اللي في اللنك؟ وللا ايه؟ وللا عشان مش مصري مالوش دية؟ وللا عشان فلسطيني عادي يعني كل اللي يشوف اي فلسطيني يعذبه هو حر؟ ماهم ملطشة بقى، اصل اسرائيل وحكومة عباس الضغط عليهم كتير، ودول ملايين، المساكين ح يلاحقوا على مين وللا مين؟ يبعتوا لنا شوية نساعدهم زي ما جبنا العراقيين ندربهم كده على تعذيب المقاومة، وللا عشان من حماس كل العرصات اللي بيصوتوا على اي حاجة هابلة ح يعملوا عبط؟ بقى لو مصري مات الموتة دي في السعودية ورجعت لنا جثته عاملة كده كنا سكتنا بشرشحتنا دي؟
طب بقى افتكروا الكلام القذر اللي ناس قالته هنا على السعودية ايام الطبيب المصري وتخيلوا حماس قالت زيه، ح تعملوا فيهم ايه؟ والسعوديين ياعيني استحملوا الشتيمة وسكتوا، ده احنا عشان حتة ماتش لا طلع ولا نزل مشرشحين للجزائريين وفاضحينهم ووصل الامر ان شوية اقذار يشتموا جميلة ابو حريد اللي تفتها انضف من مليون من عينتهم الفشلة التافهين العاطلين اللي لا حصلوا رجالة ولا حصلوا ستات ولا حتى القطط تستعناهم
بقى ده لو مواطن امريكاني كنا قدرنا نعمل فيه كده؟ بقى ده لو اسرائيلي كنا اتجرأنا نقبض عليه اصلا؟ بقى الجاسوس الاسرائيلي بيتعمل فيه كده؟ بقى تاجر المخدرات الاسرائيلي بيتعمل فيه كده؟ بقى الراجل الاسرائيلي اللي جه ينشر الايدز عندنا حد عمل فيه كده؟ دول رحلوه، رحلوه وماحدش مسه، فاكرينه؟ الحلوين مواليد التسعينات ما يسمعوش عنه عشان ماحدش بيفتكر اسرائيل بتعمل فينا ايه
ينفع يترفع له قضية ده؟
ملحوظة، اللنك جبته من على التويتر من عند مهندس حر اللي جابه من ميدو اللي جابه من على الفيس بوك
الله يرحمه، تخيلوا الفزع اللي كان عايش فيه لحد ما ربنا نجده وفك اسره، ده اتعمى من كتر التعذيب.. معلش يا حبيبي، ما هانش علينا نبعتك الاخرة من غير ما نديك الجنسية المصرية
نسيت اقول ملحوظة كمان:
طبعا زي ما احنا كلنا عارفين، تصوير حماس لجثة الشهيد
"ماهو الا متاجرة بالدم الفلسطيني.. كفاكم متاجرة بالدم الفلسطيني"
ما يقولوها.. ما يقولوها ما البجاحة لها ناسها



زنوبيا بتقول انهم عمرهم ما ح يحبونا.. ح يكبروا وهم بيكرهونا

42 comments:

هندسة وصفية said...

انتي ليه يعني ماشية ضد الموجة و بتخرجي عن ثوابت الامة و ما هو معلوم بالضرورة
حياة المصريين حاليا ترتكز علي 3 محاور
اولا : محتاجين كام هدف في الجزائر عشان نصعد و هل هدف ابو تريكة يتحسب بواحد و لا اتنين
ثانيا: نور الشريف تخافوا و لا متخافووووش
ثالثا : النقاب حرية شخصية و لا وهابية افغانية شيعية مسيحية
ناقص تسيبي كل ده و تتكلمي علي تنظيم الشقق المفروشة .. كان امتي ده؟

جبهة التهييس الشعبية said...

هههههه
منك لله، ضحكتيني وانا كنت باعيط

Sahran said...

الأخت نوارة المحترمة:

نحن لسنا مضطرين لمشاهدة الصور حتى نقتنع بأن أجهزة الأمن المصرية ( رضي الله عنها ) تمارس أبشع أنواع التعذيب ضد مواطنيها ,, وعلى فكرة فهو ليس أول مواطن فلسطيني يتعرض للتعذيب عندكم بل سبقه الكثيرون , فحكومتكم من كتر ما هي بتعتبرنا أهل بيت ( صحاب الدار يعني ) فهي لا تميز أبدا بين الفلسطيني والمصري ,, طبعا بالنسبة للتعامل الأمني ليس إلا

قبل فترة سمعت عن واحد من غزة خرج من السجون المصرية بعد أن ضبط بتهريب سلاح أيام ياسر عرفات , ولكن اللي بيحز في النفس أن أهله طول فترة غيابه لم يعلموا عن مصيره شيء..

التعذيب ليس بدعة من نظام حسني مبارك ,, فهناك الكثير من كبارنا في غزة يتذكروا الطريقة القذرة التي كانت أجهزة الأمن تتعامل فيها مع الفلسطينيين من غزة في زمن الحكم المصري أيام عبد الناصر

لو تغير نظام الحكم فلن يتغير واقع التعامل اللاإنساني مع البشر فقصة التعذيب تبدأ من الشارع عندما لا نحترم بعضنا البعض ولا نعطي أي أهمية لحقوق الإنسان المفقودة تماما في بلادنا

المهم إنك تبقي بعيدة عن السجون المصرية وساعتها أضمنلك طولة العمر


تحياتي

هندسة وصفية said...

خدامك احمد

جبهة التهييس الشعبية said...

انا مش عايزة طول العمر يا سهران
مش عايزاه
واول مرة اعرف ان الفلسطينيين كانوا بيتعذبوا ايام عبد الناصر كمان

ده انتوا صحاب بيت فعلا بقى

طاااب، البيت بيتكوا، اي وقت اتفضلوا، معاكوا مفتاح السجن، ابقوا تعالوا ناكل علقة مع بعض

هندسة وصفية

الا انا ايه اللي خلاني افتكرك بنت؟ يمكن عشان هندسة ووصفية الاتنين مؤنث؟
هههههه

احساس لسه حى said...

اكيد السبب حماس فى كل ده

ولولا وجود حماس والانقلاب اللى عملته كان الراجل ده ميتعذبش

ربنا يعذب من عذب ولا يرحمه دنيا واخرة

مى said...

سامى أبو زهرى قال إن التعذيب تم لأخوه يوسف
(الغير منتمى لأى تنظيم سياسى)

حتى يدلى بمعلومات عن حماس
!!

التساؤل الآن

لماذا تريد أجهزة عوكل هذه المعلومات
؟؟
و لأية جهة ستعطيها
؟؟


راجل إحتجزتوه بدون أى محاكمةو عذبتوه طوال
6
شهور
(حسب أقوال زملائه فى برج سجن العرب)

يعنى حصلتوا منه حتى على إسم الطبيب الذى أخرجه من بطن أمه

فلماذا أبقيتموه عندكم بعد ذلك
؟؟


هل يعتقد عاقل أنه

بعد التعذيب و القتل لمجرد أنه شقيق المتحدث باسم حماس

أو الضغط على الجرحى الحمساويين
الذين أتوا للعلاج أثناء مذبحة غزة للإدلاء بمعلومات عن

مكان شاليط
و أماكن تواجد بعض القيادات
كهنية و الزهار

هل يصلح نظام عوكل أن يكون وسيطاً
حتى و لو غير نزيه
فى العرض المسرحى
الجارى الآن

المسمى زوراً و بهتاناً بالمصالحة الفلسطينة

جبهة التهييس الشعبية said...

آمين

جبهة التهييس الشعبية said...

دول اثناء الحرب كانوا بيقولوا لهم: فهموا حماس انها ح تتهزم في الحرب دي واحنا ح نعمل كل ما يمكن عشان تتهزم

والله كانوا بيقولوا كده

لكن لااااا

دول كدابين
دول بيكرهوا مصر
هم ما اتعذبوش

واللي بيغيظني ان اللي بيقول كده مواطنين مصريين عايشين في مصر، قال يعني ما يعرفوش قوات الامن بتاعتنا

جبهة التهييس الشعبية said...

مي صحيح

انت شفتي بنود المصالحة؟ حماس تبقى هابلة لو مضت على البنود دي

مى said...

إحساس لسه حى
________

حماس عملت إنقلاب على مين

!!

إذا كانت هى الفائزة فى الإنتخابات التشريعية فى ال
2006

و الحكومة المشكلة كانت حكومة حماس
و تمتلك الإغلبية فى المجلس التشريعى

يبقى قصدك إنها إنقلبت على نفسها
!!

هى المشكلة يا إحساس فى المسميات

يعنى اللى حصل ده كان إسمه الحسم العسكرى لحماس

و الذى جاء إستباقاً لخطة دحلان و المدهون للقضاء نهائياً على المقاومين فى غزة
و تحويلها كما الضفة الآن
إلى معقل لدايتون و أمثاله

أى
أنه ليس إنقلاباً كما يروج البعض

_______________
(ربنا يعذب من عذب ولا يرحمه دنيا واخرة)

آمييييييييين

جبهة التهييس الشعبية said...

مي

انا متهيالي ان احساس لسة حي بتتريق

Founoon said...

لا اله الا الله
لا اله الا الله
لا اله الا الله

باعتبار اني مصرية انا اسفه والله اسفه انا ايه اللي جابني هنا دلوقتي

تصبحي على خير يا نوارة

مى said...

أيوة يا نونا شفتها

و شايفة إن كلها ألغام

و الغرض الأساسى منها إنها
تجعل أبو ماجن المرجعية النهائية للإشراف على تنفيذ بنودها المخزية

و اللى كل بند فيها أسوء من اللى قبله

يعنى إيه
مفيش أي تشكيلات عسكرية خارج إطار السلطة
!!
يعنى مفيش مقاومة
يعنى باباي حماس .. باباى جهاد
و كتائب أبو على مصطفى
و كل المقاومة

و كل كوم و الإنتخابات اللى حتكون برعاية نزيهة المصرية و أخواتها المعتدلين كوم آخر

هوه يا نوارة المقصود كله

حماس دخلت بالإنتخابات
يبقى حنخرجوها بالإنتخابات يا شابة

مى said...

ياريت و الله تكون بتتريق

بس كلام شبيه باللى بتقوله أو بتتريق بيه إحساس

سمعته النهاردة
و للأسف من دكتورة جامعية

جبهة التهييس الشعبية said...

وانت من اهله يا فنون
انا اسفة والله
بس اصل فيه ناس بمنتهى البجاحة كانت بتكدب انه اتعذب ومصدقة قال ايه؟ وزارة الداخلية
مين بيصدق وزارة الداخلية؟ اذا كان هم نفسهم مش بيصدقوا نفسهم


مي

اااااااااه ولا يراقب الانتخابات النزيهة غير مصر

عشان نروح نعلمهم ازاي يضربوا الانتخابات

بصي
انا شايفة ان حماس تبعد عن الانتخابات ووجع الدماغ ده

هم ايه اللي طلعهم من تحت الارض وخلاهم هدف سهل كده؟

ماهم كانوا بيشتغلوا من تحت الارض ويطلعوا يعملوا مقاومة وخلاص

بلا انتخابات بلا نيلة كانت شورة سودا يا شيخة

بس برضه ما جراش حاجة، اهو برضه عشان ماحدش يقول لهم ما جربتوش الطرق المشروعة

انا مش عارفة ح يعملوا ايه في الورطة اللي هم فيها لسة امبارح كنت باقول لهم على التويتر حماس مقفلة في وشهم زي الدومنة

مش عارفة ح يعملوا ايه في ده كله؟ ح يعملوا ايه؟

جبهة التهييس الشعبية said...

صعبانين عليا قوي

جبهة التهييس الشعبية said...

ههههه
لا بتتريق بتتريق
او غالبا ده راجل مش ست
بس من مدونته ح تعرفي انه بيتريق

والله اصدقك ماهو كلام غريب بقى بيتقال دلوقت هههههه الله يخرب بيوتهم كلهم خلونا ما نعرفش نهزر، خلاص، ما بقاش فيه حاجة اسمها نكتة بقينا عايشين في نكتة مؤلمة

Sahran said...

عزيزتي نوارة:
بالنسبة لأيام عبد الناصر في غزة فالذي ما كان له في السياسة كان عايش ملك أما الإخونجي والشيوعي والبعثي فكانوا يشوفوا الويل

راجعي كتاب عبد العظيم رمضان عن الشيوعيين وعبد الناصر

تحياتي

israaelsakka said...

الداخلية دي كدابة كداااابة انا عملتلها شير على الفيس بوك من ميدو و كذا حد لمني بجد جرام
حسبنا الله و نعم الوكيل و ربنا يرحمه و يقبله شهيد و حنستنى التقرير و إن كانوا و كعادة النظام بيطلعوا دايمن
المرحوم هو الغلطان
تحياتي

مى said...

أنا متصورة

إنها حتى لو وقعت المسالخة المزعومة

ختخليها ورقة ملهاش أى قيمة على الأرض

زى ما سبق و تعامل عباس

مع المصالحة فى مكة و فى صنعاء

لكن من ناحية إن موقفها صعب

فهو صعب فعلاً و مش من دلوقتى
ده من زمااااان

و لكنها بتحاول تعيش و تتعايش


تستخبى بقه و ملهاش دعوة بالسياسة و ألاعيبها
و الله كتير فكرت فى الطرح ده

بس برضة عايز حسابات للمكسب و الخسارة

فى ظل عدو فى الشارع و واضع ذيوله فى البيت

مهندس برمجيات مصري said...

انا اتشليت

مفيش كلام يتقال بصراحة

انا علي فكرة لسة مش متخيل يعني اية مات من التعذيب

يا بشرررررررررررررررررررر اذا كان في السجون الاسرائيلية نفسها محدش بيموت من التعذيب

و لا ده علشان المصرين مش مقطعين الدنيا ادقان في العمل لدرجة ان التعذيب بقي يموت

ههههه شر البلية ما يضحك

علي فكرة عاوزين نقول لوزير الداخلية يعمل كورسات في التعذيب و يبقي في شهادة معتمده الداخلية المصرية زي ما في شهادات ميكروسوف و سيسكو في البرمجيات كده

مممممممممم

و ممكن يبقي في مراكز تدريب علي مستوي المحافظات و يجيبوا عكول (انا اعتديت منك) يفتتحها و ياه لو فتحنا قسم للوافدين من الانظمة الشقيقة هنعمل احلي شغل

بس يا تري مين الحثة الجاية الي هيجربوا فيها الكورس ده و ياتري جنسيتها اية ممكن تبقي من حماس بردوا ولا هنوع ممكن الجهاد الاسلامي ولا اقولكوا بلاش فلسطين خالص حتي الناس بيتكلموا عربي زينا و بيعملوا دوشة ممكن الشيشان ما هي بعيد و محدش سامع عنها حاجة و عندها منهم في السجون بالهبل شوفوا الحاجات الحلوة دي كدة

http://al-chechan.blogspot.com/2009/05/blog-post_8727.html

http://al-chechan.blogspot.com/2009/05/blog-post_29.html

http://al-chechan.blogspot.com/2009/06/blog-post_9489.html


اصلهم بردوا ارهابين زي حماس و مصر زي بيتهم بردوا مش مصر ام الدنيا

كفاية كده اعتقد اني خنقتكم اكتر ما انتوا مخنوقين

عمرو فكرى said...

لا حول ولا قوة الا بالله

مى said...

سورى إستاذ إحساس إذا كنت بتتريق فعلاً

و أهيه فرصة إتعرفت على مدونتك


تصبحى على ألف خير يا نونا

و على أخبار تفرحك و تفرحنا

إزاى و منين
؟؟
مش عارفة

بس ربنا قادر على كل شئ

جبهة التهييس الشعبية said...

انا جبت من عند زنوبيا
http://egyptianchronicles.blogspot.com/2009/10/photos-of-youssef-abu-zuhri.html

صورة ولاده لما سمعوا الخبر

http://lh5.ggpht.com/_O9R67JIvmdc/StYjLKBWtbI/AAAAAAAAKx0/M0ad9rfDvhQ/s1600-h/500x_palestinecry101409%5B4%5D.jpg

جبهة التهييس الشعبية said...

انا عايزة اعرف يعني ايه: تأجيل وثيقة جولدستون يجب ان يكون سبب للوحدة

انا عايزة اعرف السلطة الفلسطينية بتجيب الكلام ده منين؟

مهندس برمجيات مصري said...

((انا عايزة اعرف يعني ايه: تأجيل وثيقة جولدستون يجب ان يكون سبب للوحدة

انا عايزة اعرف السلطة الفلسطينية بتجيب الكلام ده منين؟))

الظاهر كده حضرتك مش بتابعي التلفزيون المصري علشان كده مش بتعرفي الافكار اللوبيه دي :D

بوصي يا افندم

النهردة كان في برنامج كدة الساعة تقريبا 8 علي القناة الاولي بتاع الهباب عبد المنعم سعيد المهم كان جايب سفير السلطة الفلسطينية -طبعا بفتح السين- المهم كان بيتكم عن البعد الخطير ده

ان اقال اية التقرير بيدين حماس زي اسرائيل بالظبط فالسلطة حبت يا عيني تدافع عن حماس فسحبت التقرير بس حماس مقدرتش المجهود ده زي ما هي بالظبط مش بتقدر المجهود المصري بس كده

كفاية علشان الصحة العامة للمواطنين

ثائر جبر said...

مصادفة أن تكون الحكومات باغية و طاغية و مصادفة ان يكون ضباط و امناء و أفراد الشرطة و الحكومة و المخابرات طغاة و وحوش .....!!!و مصادفة أن تكون الشعوب حملان وديعة ّّّ و أرانب مضحكة مصادفة أن يكون المواطن مظلوم ..!!!
و مصادفة ان نحب نصر الله و نجاد!!!! و كل من ثار على الحكام
نحنا "كشعب" ربنا نزهنا عن كل الأخطاء
و ربنا سخر إبليس للحكام و رجال الدولة

تخيلي يا جبهة التهييس انك عنصر مخابرات و جبولك واحد من الحكومة علشان تحققي معاه .....حتديلو حقوقه كمواطن ؟؟ حتصبحي انسانيه؟؟

حتقوليلي آه
أألك لأ انت مش صادقة
لأنه في ناس بتموت في سوريا و في ايران و عند حماس تحت التعذيب و عند حزب الله أكتر

أصلا الحكام دول كانوا مواطنين و عندهم أحلام برفع الظلم عن الشعوب ......طب ليه صبحوا كده !!!!

الجواب
لأنه كلنا ساقطين
بشعوينا و بحكامنا
بمعارضتنا و بموالتنا
طز في حضراتنا

مى said...

تأجيل وثيقة جولدستون يجب ان يكون سبب للوحدة
_______________________

آآآه مش ده كلام نبيل شعث

ده بالذات مشهور برص الكلام اللى ملوش علاقة ببعضه
جنب بعضه
إزاى
؟؟
متعرفيش


إستنى إستنى

و لا قصده إن أبو ماجن أجل التقرير
و حنفضا

للمسالخ

ة

و بكده حيفضل فريق أبو ماجن لوحده
و متحداً كمان
تبقى كده إتحققت الوحدة


إتحققت و لا متحققتش
يا بتوع المدارس

marwa said...

يا نوارة ايلى حصل للشهيد يوسف ابو زهرى شئ طبيعى لازم يحصل علشان " تبقى انت اكيد فى مصر "
يعنى احنا لغاية دلوقتى عارفين مكان رضا هلال وغيررررررة كتير مصر بتحب كل الناس وبتحب تسيب لهم علامة علشان ما ينسوش ماما بس العلامة دى علمت فى قلوبنا بالكراهية ورجعت افكر من جديد يا ترى بلدنا هى ايلى وحشة ولا كل واحد مستغل منصبة بوحشية هو ايلى خلاها وحشة (( اين الحقيــقة )) !!!
وامنيتى الاخيرة انى أموت فى سلام لا متكهربة ولا مسجونة ومضروبة فى مظاهرة حتى الموت .... ربنا يسترها معانا كلنا

leeno said...

حسبنا الله و نعم الوكيل !

دمنا رخييص

هي باختصار كدة

الناس اتدبحو و اتشردو و اتشوهو في غزة و المعابر مقفولة و الناس كانت بتقول اااه احنا مالما و مالهم ! محنا كمان مش حنجيبو لنفسنا !

اللي عمل كدة فيه ميفرقش عن اللي سكت و قفل المعابر على غزة

اللي عمل كدة فيه عربي و ممكن اوي مسلم و ممكن اوووووي بعد ما خلص قام يعزم عياله على الغدا و يقفسحهم بدم باااااااااارد

احنا شعب دمنا رخييييييص

مفيش غير كلمة حسبي الله و نعم الوكيل

مصر 30 said...

وللا عشان مش مصري مالوش دية؟ !!!!

و هو المصرى له دية فى مصر يا نوارة ؟؟؟؟

BmBm said...

مصر قدمت مئات الألوف من الشهداء فى سبيل فلسطين.
مصر خاضت أربع حروب فى سبيل فلسطين.
مصر هى قلب العروبة النابض.
مصر هى بلد الأمن و الأمان، و السلم و السلام، و الفل و الجمال.

أنا مش عارف ليه الفلسطينيين ولاد الكلب زعلانين مننا، و بيشتمونا و بيكرهونا.
لعلمك العيب فى الفلسطينيين.

طب أنا هاقلب الكلام بجد
أنا فيه واحد صاحبى قاللى باللفظ "هما الفلسطينيين دول يعن هايخسروا ايه لو قعدوا فى أى حتة ياكلوا و يشربوا لحد مايموتوا، بدل المقاومة و الكلام الفاضى ده"
اللى يغيظك ان انا الوحيد اللى الكلام ده استفزنى فى القعدة كلها.
هو فيه إيه؟

lost * steps said...

حسبي الله ونعم الوكيل

مصر 30 said...

بالنسبة للمعتقلين الفلسطينيين فى مصر فالقصة د حكاها لى والدى اللى كان معتقل فى الفترة من 58 إلى 64
وصل أمر للمسئولين عن المعتقل إن فيه فلسطينى سيأتى من غزة متهم بجريمة قتل عايزينه يعترف فأعد المسئولين العدة و بمجرد وصول الفلسطينى إنهالوا عليه بالتعذيب إلى أن إعترف فعلا ... و بعد فترة وصل الفلسطينى المتهم بالقتل و المطلوب إعترافه !! ... فأحضر المسئولين عن المعتقل الفلسطينى الأول و الذى إعترف بالقتل و قد جن جنونهم و سألوه كيف يعترف بجريمة لم يرتكبهاو أنه بذلك كان حايودى نفسه فى داهية !! فسألهم و هو فى داهية أكتر من اللى أنا فيها ؟؟؟ ؟؟

Rana Al Sha'bani said...

لا حول ولا قوة إلا بالله.

farah said...

آآآآآآآآآآآآه يا رب
والله العظيم ما في كلام قادرة اقولوا
الكلام وقف بزوري يا نوارة
انا لله وانا اليه راجعون
البقاء لله في أمة الاسلام بجد
يا رب

Amr said...

لا اله الا الله سيدنا محمد رسول الله
انا لله وانا اليه راجعون

نفسى أحضر لحظة وفاه واحد من اياهم
ياترى ربنا هايكلف ملك الموت يعمل معاه ايه ويقوله ايه ؟
وشكله ايه لما يفتكر كل واحد مسلم

وأخرة كلامى انه اعتقد فعلا" ان الشهيد كان عنده صفرا!!

Amr said...

أه صحيح نسيت اقول
الصوره الأخيره دى بتاعة أرملة الشهيد وأطفاله بتفكركوا بأيه ؟
اللى يعرف نواره تسيبه يشتم ولاد التيييييييت دول 3 ايام وماتمسحش البوست

مهندس برمجيات مصري said...

معلش يا نوارة

انا عاوزك تردي علي ثائر هنا لانه قال كلام خطير

جبهة التهييس الشعبية said...

لا مش ح ارد على ثائر لانه محتاج معالج متخصص

انا مش متخصصة في الحالات دي

layth said...

انا اول مرة ادخل المدونة واحب ان اقول لكم انني احني راسي احتراما لكم يا ابناء مصر الكنانة فقد احييتم فينا الامل بمصر بعد ان نجح او كاد صهاينتكم بقتله