Saturday, 3 October 2009

يا جدعان ما قال له: هو انتوا تسلطونا عليهم وبعدين تقدمونا لمحكمة؟

ما ليبرمان قال كده لعباس يا ناس، يا كلاوي، ح يموتونا يا كلاوي، ما تبقاش شكاك قوي كده
انا مش عارفة الجزيرة بتتناقش في ايه؟ والراجل ده

ح يموت، ح يموت
وعمال يقول: بعد ما اللقمة وصلت الزور؟ ليش يا عباس؟ ليش يا عباس؟
هو ايه اللي ليش؟ ما ليبرمان قال لك ليش
يعني يسلطوهم عليكوا ويغدروا عليهم دي حتى تبقى قلة اصل، خلاص بقى، اديكوا عرفتوهم، ما تنتخبوهمش تاني بقى، مش عباس ده ناجح في انتخابات؟ انا ح اموت واعرف ده نجح ازاي؟
وانا مش عارفة فتح ساكتة ليه؟ ساكتين ليه؟ ما ينفعش الفصيل يبقى قبيلة ووطن، دي حركة سياسية، يا تطهروها يا تحلوها
ما اهو، اهو، البحر اهو
فيه ايه تاني؟
انا مش عارفة اجمع، عموما كويس، كويس، احسن، ادي كل حاجة وضحت وعلى وشك يبان يا نداغ اللبان، اظن مافيش بقى بعد كده بقى؟ وللا ايه؟ الحمد لله
كل اللي يجيبه ربنا كويس، ادي عرفوا منين جاية لهم المصيبة، اهو بقى، خلاص بقى، هاه؟ ده حتى هيثم مناع كان ح يموت امبارح، بيقول: يا ناس يا عالم، هو فيه حاجة اسمها ح نستنى لما نحصل على الاجماع؟ هو فيه مجلس بيبقى فيه اجماع
اه، مستنيين الاجماع، انا ماما كانت لما تنيمني وانا صغيرة كانت تقول لي: هووووه نام نام وادبح لك جوزين حمام، ما تزعلش يا حمام، بس لما النونو تنام
ده كان خلاص يا ناس، خلاص، وقلنا خلاص اهو وكده وقلنا ربنا ح ينصفنا ولو نص نصفة، ليه؟ طب ايه؟ ها؟ ايه يعني؟
انا باقول ايه؟ بقالي يومين باعيط

4 comments:

مواطن مصري said...

هو مروان البرغوثي بس يطلع

يطهر فتح

يا رب نشوف فلسطين متحدة يوم 22 اكتوبر و المصالحة تحصل

و يرجع الصراع يبقى فلسطيني اسرائيلي

مش فلسطيني فلسطيني

ahmed samir said...

يا مواطن حيعمل ايه مروان البرغوثي في مواجههة شلة بحالها من امثال دحلان و ابو مازن.. خلاص يا مواطن فتح ماتت اقرا الفاتحه عليها

مى said...

مواطن

السلطة هى الى طلبت من الصهاينة ألا تشمل الصفقة مروان البرغوثى

حتى لا تجعل لحماس فضلاً فى هذا الموضوع

سلطة عباس من شهر يناير الماضي سلمت الصهاينة
1232
صهيونى ضلوا طريقهم في مدن وقرى الضفة الغربية ومنهم من كان يحمل السلاح

يعنى لو عايزين يفرجوا عن كل الأسرى كانوا أخفوا عشرة و لا عشرين صهيونى و قايضوا بيهم

و أديك شايف الصهاينة عاملين إيه على أسير واحد

مى said...

إنتِ عارفة إن أحياناً من كتر ما بتدق على الراس طبول

بيصبح حتى العياط ترفاً لا نملكه
يمكن كمان نتمنى إننا نعرف نعيط
جايز البكا يريحنا

خطوة النهاردة تشبه اللى حصل
شهر
7
2004

ساعة ما صدر حكم محكمة العدل الدولية بلاهاى بعنصرية الجدار الصهيوني وعدم شرعيته وإنه مخالف للقاون الدولي بواقع 14 صوت مقابل صوت واحد فقط

شوفنا إن السلطة طالبت بتأجيل عرض التقرير على مجلس الأمن
!!
و لا حتى على الجمعية العامة للأمم المتحدة للمطالبة بتوقيع عقوبات دولية على إسرائيل وفقا لمبدأ الاتحاد من أجل السلام

الأدهى و الأمر إنه
في أحد المؤتمرات الصحفية سأل صحفي فلسطيني أحمد قريع رئيس وزراء السلطة الفلسطينية فى هذا الوقت عن شركاته التي تعمل في بناء الجدار فرد عليه قريع هذه تجاره وهذه سياسيه

!!