Saturday, 24 October 2009

آآآآآآآآه يخرب بيتك يا عوكل القطر طلع بتاع الفقرا

حسين عبد الغني بيقول ان ده القطر اللي بيستخدمه عمال النضافة وبياعات البيض والجبنة والفطير والحاجات
وبيقول ان الدفاع المدني اتأخر، والمسطحات المائية والجيش طنشوا وقالوا مافيش حاجة ملحة لحضور الجيش!!! طبعا مافيش حاجة ملحة انكوا تنقذوا الفقرا
وبيقول ان الانقاذ بيتم معظمه من الاهالي
من الاهالي
حسبي الله ونعم الوكيل، ربنا ح يعمل فيك ايه يا عوكل حسبي الله ونعم الوكيل
وعلى فكرة، احمد نظيف بيتابع في التليفون
زينا كده ما احنا بنتابع، اشمعنى هو رئيس وزراء واحنا لا؟

3 comments:

tamer.sala7 said...

انا سامع كدة والله اعلم ان ده القطر القشاش

يعني فعلا بتاع البياعين والفلاحين والفواعليا

حسبي الله ونعم الوكيل

Amr said...

الله يصبر أهالى الشهدا دول ويصبرنا معاهم

هو ليه كده ؟ هه؟
ليه كده ؟

حسبى الله ونعم الوكيل

Kontiki said...

اقل حاجة ان وزير النقل يستقيل
ويتعمل مسح مع اصغر موظفين وسائقين القطر بالتجديدات اللى مفروض تحصل واللى هما شايفينه عشان يصلحوا احوال القطارات ، اللى قاعدين فى المكاتب المكيفة مش داريانين بحاجة عاوزين بس يلموا تمن التذاكر و وزير النقل يمشى و يشوفوا كدة مهندس من غير واسطة و لا محسوبية نفترض مثلا على اساس و ثيقة عمل تتقدم فيها مقترحاته لتطوير الهيئة ولازم و ضرورى يبقى فى تفتيش مالى على الوزير اللى حيكون سابق عشان يعرفوا بنود الصرف المليونية راحت على اية والقطارات لسة بتصطدم و بتولع والناس بتموت