Thursday, 15 October 2009

وادي فضيحة تانية لليوم الساقع

بدراوي جابهالي، اليوم الساقع منزلة النهاردة الساعة اربعة ونص العصر خبر ان حماس خصت اليوم الساقع بصور الشهيد يوسف ابو زهري، وانا مش عارفة حماس خصتهم امتى بالصور دي اذا كان الصور دي انا شفتها امبارح على الفيس بوك هنا ومعمول لها اد من اتنين وعشرين ساعة يعني امبارح الساعة سبعة ونص، وبعدين صاحبها نزلها على التويتر وراح الشباب عملوا لها ريتويت راحت زنوبيا الساعة تسعة وشوية بالليل، امبارح، نزلت الصور رحت انا لما جيت نزل الصور الساعة حوالي اتناشر على ما افتكر، عندكوا المدونة بصوا
يبقى ايه الانفراد اللي خصت بيه حماس اليوم السابع؟ انا لو من اليوم السابع ارفع قضية على حماس وعلى ساركوزي
وميزو طبعا... ميييييييييزووووووووووو أأإإي أأإإي أأإإي آآآآآآإي... ميزو جوزي صايع على رأي فردوس عبد الحميد
الامامير مواليد التمانينات والتسعينات ما يسألونيش ايه ده يا تيتة؟ ده مسلسل قديم بتاع سمير غانم
لا وكل الناس شمتانة في اليوم الساقع على كل الفضايح دي زي ما كانوا شمتانين في فاروق حسني
الا قولوا لي، دي دعوة مسيحي وللا دعوة مسلم وللا دعوتهم هم الاتنين حاصرت الجرنال من اليمين والشمال؟
هيهيهيهيييييييييييييييي عملوا عليهم حصار دعوات
قال كلام يحرك البلد لقدام.. ده كلام عايز بردعة ولجام

8 comments:

بدراوى said...

الأجمل بقى ان مقال محمد الدسوقى رشدى اللى نازل الساعة 12 قبل الخبر ب 4 ساعات

بيكذب اليوم السابع بشكل غير مباشر


دم أبو زهرى فى رقبتنا كلنا!!

هل رأيت صورة يوسف أبو زهرى أخو القيادى الحمساوى سامى أبو زهرى؟!! .. أقصد هل رأيت صورة جثة الرجل الذى كان سجين المعتقلات المصرية؟ ابحث على صوره على المواقع المختلفة

http://www.youm7.com/News.asp?NewsID=145823

mido said...

هو اليوم السابع لامم اللى ساقطين فى اعلام و صحافة عنده فى الجريدة و لا ايه ؟

و رئيس التحرير مش حاسسس بالدنيا و لا هو زيهم برده

بس معاهم فلوس كتير اوى

غير كده مفيش

Abu ShoSho said...

الخبر لم يرفع من موقع اليوم السابع
http://www.youm7.com/News.asp?NewsID=145763&SecID=22&IssueID=0

فاروق عادل said...

للاسف موقع كنت بحبه زمان

فتاه من الصعيد said...

ههههههههههههههه

اغيب 24 ساعه عن النت الاقي فضايح اليوم السابع بالهبل كده


ازاي طيب مسألوش حتى عن ماهيه سيفون دي .... يعني من باب العلم بالشيء

انا مواليد التمانينات .... بس عرفت ميزو عادي :D

دايما حاسه انك طنط موش عارفه ليه.... انت لسه صغنونه

تحياتي

Amr said...

اكيد مادفعوش أشتراك النت ومايخشهوش أصلا"

Amr said...

الظاهر ياجماعه أن مسئول حماس ده بيشتغل مندوب مبيعات وبيفرق الصور دى وبيقول لكل اللى بيشترى انها حصرى


تقرير أمريكى: تورط أمير إماراتى فى فضيحة جنسية
http://www.youm7.com/News.asp?NewsID=144638&

يانهار مش فايت على أم الجرنال الزباله ده

احساس لسه حى said...

يعنى جت على اليوم الساقع

ده تلاقى كل قناة تذع مسلسل تقولك حصرى

وتلاقيه شغال فى 10 قنوات غيرها

ده مسلسل السقوط فى بير سبع من 10 او 15 سنة وكاتبين عليه حصرى


بس وحياتك فضايح اليوم الساقع اهون

وارحم من فضايح المهلبية والاقزام والمسمار اللى بيجبولى الضغط