نحن وراءك يا ميزو برغم قلة ادبك.. على الله تكون اتربيت

رد ميزو...ههههه انا في حالة لا يرصى لها على فكرة، الجيران ح يبلغوا عني الخانكة، المهم، ميزو هههههه صاحب الخبر بتاع ساركوزي

هههههههههههه

مش قادرة اكمل كلام، اه يانا، المهم يعني عنده ياعيني رد لانه خاف هههههههههههههههههه اااااااه ح اموت

معلش يا ميزو، ادي اخرة طولة اللسان، شفت ربنا عمل فيك ايه، بس ما تخافش يا ميزو، الغلطة مش غلطتك

الغلطة غلطة اليوم الساقع اللي نقل عنك وبعدين جرنال البلاد اللي نقل عن اليوم الساقع وبعدين السي ان ان اللي نقلت عن البلاد وبعدين قناة العربية اللي نقلت عن السي ان ان

هههههههههههههههههههههههه

اه يا قلبي، والسفارتين، الجزائرية والفرنسية بيعملوا تحقيق هههههههههههههههههههههههههههههههه ح اموووووووتتتتت

الواد يا قلبي عمال يقول: "حد بياخد اخباره من سيفون، حرام عليكوا، ما قريتوش ان المصدر سيفون، طب ما شمتوش ريحته؟" ههههه انت لسة بتهزر برضه؟ منك لله ههههههههههههههههههههه وبعدين بيقول لهم مصداقية ايه اللي تبقى لمنتدى؟

الا اليوم الساقع دول منايفة دول وللا ايه صحيح؟ يعني لما كنتوا فاكرين الخبر صحيح ما جبتوش سيرة منتدى كووورة، ولما اكتشفتوا انه كدب زودتوا اسم منتدى كووورة عشان تتهربوا من المسئولية؟ يا حبيبي يا ميزو، عايز الحق، انت تستاهل، هههههههه بس مش وقت حساب دلوقت

وانا عايزة من كل ولادي الحلوين يعرفوا ان ماحدش يهزر تاني في حاجات حساسة زي دي، وعشان تعرفوا اخرة العنصرية واثارة الفتن وقلة الادب والشرشحة وطولة اللسان اللي ثارت ما بين الجزائريين والمصريين، وانا باحمل المصريين مسئولية اكبر عشان المصريين عندهم امكانية اكبر للتشهير من الجزائريين، الجزائريين بيعرفوا يضربوا بالايدين بس لكن ما عندهمش الابداع في قلة الادب والتريقة والتلاسن دي هههههههههه، يا ولاد الحرام هههههههههههه، حرام عليكوا، خلاص، عموما مشرفين المنتدى مسئولين يحموا ميزو وما حدش يوصل لمعلوماته الشخصية

هو مالوش دعوة، واياك حد يمسه وللا يهوب ناحيته وللا يحمله اي مسئولية لا قانونية ولا معنوية، المسئولية الوحيدة اللي يتحملها اللي هي المشاركة في قلة ادب متبادلة ما بين المصريين والجزائريين، ودي برضه ما يتحملهاش لوحده ده مئات على النت قلوا ادبهم

ومافيش قانون بيعاقب على قلة الادب

ههههههههههههه

بس على فكرة، اليوم الساقع والبلاد والسي ان ان والعربية لو عندهم نقطة دم في وشهم يقفلوا مواقعهم وقنواتهم وجرايدهم ويشتغلوا في الملابس الداخلية الحريمي الكستور

ههههههههههههههههههههههههه