Thursday 15 October 2009

اليوم الساقع بتتعامل مع سيفون سبورت/ فضيحة اعلامية عربية عالمية



وقعدت ادور على سيفون سبورت دي، ههههههههه انتوا ح تجننوني؟ على اخر الزمن اعمل سيرش على سيفون سبورت؟ لا وكتبته بالانجليزي كمان ههههههههههههههههه
sefon sport
وطلع الواد اسمه ميزو؟ الله يحرقك
على العموم، سوف اوفيكم بالاخبار... قناة سيفون سبورت..تششششششششششششش
تحديث تحديث، ده احنا ح نعيش احلى ايام، ايه ده؟ انا ابتديت اشك في نفسي واصدق ان فيه حاجة اسمها سيفون سبورت فعلا: قناة العربية نقلت الخبر هههههههههههههههه، طيب فين الفيديو اللي ساركوزي بيقول فيه الكلام ده؟ لاني ابتديت اشك، الله اعلم، يمكن عندهم السبورت بتبقى في السيفون، ماهم اجانب برضه، بس.. بس ده المنتدى نفسه بيقول احنا الفنا الخبر.. ثم نفس اليوم الساقع قالت احنا ناقلينه عن منتدى بعد ما بتوع المنتدى كركعوا من الضحك وفضحوهم قاموا شالوه وبعدين رجعوه على عهدة المنتدى
يا ناس، هو فيه حاجة اسمها سيفون سبورت؟ طب انا ح ادور بقى على الموقع ده
ما لقتش حاجة تعبر عن اداء الاعلام المصري والعربي والعالمي غير المقطع المؤثر ده
بس سيبك انت... الريادة المصرية برضه والورد مهما يدبل يفضل عبيره فيه، واد مصري واقع الف خبر، قامت جريدة مصرية اوقع منه نقلت عنه الخبر، قامت البلاد الجزائرية لسة مؤمنة بالريادة المصرية نقلت من مصر غميضي مع انها كانت تقدر تتصل بالخارجية الفرنسية وللا حتى السفارة الفرنسية بالجزائر، بس هو حد بيكدب مصر؟ قامت السي ان ان المتخلفة نقلت عن الصحيفة الجزائرية
هي دي مصر يا عبلة هيهيهيهيييييييييييي، طب لما احنا فالحين كده وبنعرف نضحك على الناس، ما نعمل حاجة مفيدة بدل ما احنا قاعدين في قعر الكوباية كده
تحديث:
هاهاهاهااااااااااااااااييييييييييييييييي
السي ان ان نقلت الخبر... واشارت الى سيفون سبورت برضه
"أكد نيكولا ساركوزي الرئيس الفرنسي أنه يصلي كل صباح حتى لا يصل المنتخب الجزائري لمونديال 2010 بجنوب إفريقيا، وذلك ردا على سؤال أحد الصحفيين العرب في مقابلة صحفية مع الرئيس الفرنسي نقلها موقع ''سيفون سبورت.'"
والسي ان ان ناقلة الخبر عن البلاد الجزائرية، طب يا ترى البلاد الجزائرية نقلتها منين؟ ما هو يا اما نقلتها من منتدى زي اليوم الساقع، يا اما نقلتها من اليوم الساقع نفسه، لا واليوم الساقع بتقول احنا نقلنا الخبر نظرا لمصداقية المنتدى... هو حد بينقل اخبار من منتدى؟ طب على كده ومنعا للاحراج ساركوزي لازم يقول كده بقى عشان ما يحرجش كل الناس دي، منهم لله العيال، اشوف فيهم سنة ههههههههه، يا جدعان ما قلنا ماحدش يخش لنا شرشحة اعملوا معروف، دي الحاجة الوحيدة اللي فالحين فيها، هههههههه مش قادرة مش قادرة، ح يجرا لي حاجة، اه يابطني، النكتة بقى لو فعلا اليساريين والمثليين والنسويات والهومليس والعواطلية يطلعوا في مظاهرة فعلا، دي تبقى حتة نكتة، هههه يا عيني يا ساركوزي، تستاهل ما انت مسحوب من لسانك اهو اتفضحت على حاجة ما قلتهاش

كانت معكم كومبينيشن شطاف، من بيديه عاصمة الحمام، قناة سيفون سبورت... تششششششششششششششششششششششششششش





ههههههههه ده ذنب التوقيع بين المسلمين والمسيحيين، عشان المصريين ناس غلابة ومش ناقصين اليوم السابع تقرفنا في عيشتنا وتنكد علينا بفتنة طائفية كفاية النكد اللي في حياتنا، قام ربنا انتقم لنا منهم، عقبال ما ينتقم لنا من كل اللي بيئذونا واحنا كلنا ولايا كده
واد على منتدى كورة عمل خبر تهريج من ضمن قلة الادب اللي بين المصريين والجزائريين، وعمل المصدر: سيفون سبورت
وطبعا بما انها من ضمن قلة الادب اللي بين مصريين وجزائريين فالخبر المتألف بيقول ان ساركوزي بيقول يارب الجزائريين ما يفوزوش عشان لما بييجوا بيوسخوا الدنيا. قامت اليوم الساقع مارست هوايتها المفضلة في الكوبي بيست خصوصا ان الخبر عز الطلب اهو، بيوقع ما بين الناس وبيسخن ناس على ناس وح يجيب تعليقات ناس تشتم في بعض والدنيا ح تولع وح نعيش احلى ايام
هم عايشين غير على كده؟ قام فيه جرنال تعبان كده اخد من اليوم الساقع ونزلها في النسخة الورقية، يعني خلاص، مافيش امل للتصليح
ههههههههههههههههه
هههههههههههههههههه
هههههههههههههههههههههه
مش قادرة ح اموت
احسن احسن احسن... وياريت بقى يرجعوا لنصيحة واحد زمان قال لهم: الصحفيين ياريت يشوفوا لهم شغلانة شريفة
وله حق، ماهي دي فلوس ناس اللي بتقبضوها مرتبات دي، مش معقولة ابدا واحد ياخد مرتب على التوقيع بين الناس والتسخين ما بينهم وياريته جايب الخبر فيرست هاند ده شغال كوبي بيست... من عند سيفون سبورت
هاهاهااااااااايييييييييييي، هاهاها، ح اموت، الله يسعدهم يارب، انا بقالي من ساعة الجدع اللي مات ده مش عارفة اضحك وصحابي عمالين يقولوا لي نكت عشان يفرفشوني مافيش فايدة، ربنا يفرح قلبهم يارب زي ما موتوني من الضحك
طب انا عايزة اعرف، هي الناس دي مش عايشة في الدنيا؟ يعني خبر زي ده لو كان صحيح، ونيكولا ساركوزي فعلا قاله، ده كان زمان الدنيا مقلوبة وكان زمان رويترز والسي ان ان والبي بي سي عاملين عليه برامج طول الليل، وكان زمان اليساريين والهومليس والمثليين والنسويات والعواطلية (هم دول بس اللي بيساندوا العرب والمسلمين في اوروبا وامريكا - وماله ربنا يحشرنا دايما في زمرة الغلابة :( هو احنا نكره؟ نكره بس نعمل ايه يعني؟) عاملين مظاهرات ونايمين في الشارع قدام العربيات وراسمين ساركوزي قاعد في سبت زبالة
يعني شراني وموقعاتي وقلنا منك لله، كسلان ومش بتجيب اخبار بنفسك قلنا خد لك معلقة عسل ع الصبح يمكن تديك طاقة، كمان مغيب ومش حاسس بالدنيا؟ ايه ده؟ اختصر وقول شامبنزي
ههههههههههه
يمهل ولا يهمل
----
سمعت ان نبيل شرف الدين جاله انفلوانزا الخنازير واتعالج في اسرائيل، الكلام ده صحيح؟ ده مش خبر، ها؟ ده مشششش خبررررررر، انا مش اليوم الساقع، هههه، انا مجرد سمعت ناس بتقول ان ناس بتقول، يعني كلام مصاطب، كنت بس عايزة اتأكد اذا كان فيه مصدر للخبر ده وللا دي خيالات الشعب المصري بعد ما نبيل شرف الدين حرق دمهم؟

19 comments:

mido said...

اقرى الخبر الاصلى المسروق قبل ميحذفوه امبارح
و خلى بالك من السيفون


:D

محمد الحسيني said...

ارجوا التواصل منك لانحا موضوعات شيقة جدا جدا وارجوا زيارة مدونتى http://slaoy.blogspot.com/

مواطن مصري said...
This comment has been removed by the author.
فلاشاوي said...

بس السي إن إن ناقله الخبر ده فعلا
بس مفيش موضوع سيفون سبورت ده

ناقله عن جريدة البلاد الجزائرية

http://arabic.cnn.com/2009/middle_east/10/15/arab.pprs_ah5/index.html

Unknown said...

ههههههههههههههه

سيفون سبورت مذكورة في السي ان ان

أكد نيكولا ساركوزي الرئيس الفرنسي أنه يصلي كل صباح حتى لا يصل المنتخب الجزائري لمونديال 2010 بجنوب إفريقيا، وذلك ردا على سؤال أحد الصحفيين العرب في مقابلة صحفية مع الرئيس الفرنسي نقلها موقع ''سيفون سبورت.'"


هههههههههههههههههههههههههههههههه

الله يخرب بيته

اذا كان الواد اللي الف الخبر قال لهم انا مألفه

ههههههههههههههههههههههه
ههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههه
ح اموت

Unknown said...

متشكرة قوي على اللنك ده

هههههههههههههههههههههههههههههههههههههههههههههههه

ح اموت

Unknown said...

شوفتى الجروب ده
شوفتى المصريين و سفالتهم
اللى هو انا منهم بس انا مش متعصب كروياً

http://www.facebook.com/group.php?gid=116173264255&ref=nf

المتفائلين بصعود مصــر لكأس العــالم 2010 ارقصــي يا خضره ... لأ مش قادره

مواطن مصري said...
This comment has been removed by the author.
Unknown said...

:-)
اليوم السابع شوفى كاتبه ايه
!!!

http://www.youm7.com/News.asp?NewsID=145941

حصل اليوم السابع من مصادر بحماس على مجموعة من صور يوسف حمدان أبو زهرى،

هذا وقد أكدت مصادر، أن الصور، التى خصت اليوم السابع بنشرها،

ههههههه اساساً الصور بقالها يومين منشورة
!!!

mido said...
This comment has been removed by the author.
محمد فوزي said...

هههههههههههههههههه
بس انا بجد مش مصدق العبط اللي حصل ده

أصلا بالعقل فيه رئيس دوله بحجم فرنسا هيطلع يقول الهطل ده ؟ لا والواد منقي أحلى مباره لمصر من عشرين سنه ومخلي دي بالذات المباراه اللي شافها ساركوزي وخلته اتعرف على قوة مصر ههههههههههههه
ههههههههههههه

يا لسخرية القدر

بالنسبه لنبيل شرف الدين فهو جاتله انفلونزا الخنازير فعلا وإستضافوه هاتفيا في تسعين دقيقه إنما حكاية إنه إتعالج في إسرائيل دي فأنا أعتقد إنها خيالات الشعب المصري بعد ما نبيل شرف الدين حرق دمهم؟ اللي إنتي قولتيها دي

Mohamed said...

نوارة انا متابع الموضوع من اوله.

ميزو دة انا عارفه و هو بيهزر.

من شهر كدة كتب الرئيس اوباما ذو الاصول المصرية يتمنى وصول مصر كاس العالم هو كان بيكتب كدة لان اخوانا الجزائريين متسرعين شوية و بيصدقوا المرة دى جات فى ساراكوزى.

على فكرة سمير عبد العظيم فى المساء ناقل الخبر و العربية كمان.

فين المصدر يا شباب يعنى سيفون سبورت دى فى اى حمام؟

BmBm said...

تبقى أحلى بقى لو الخارجية الفرنسية انكرت ، أو اعتذرت مثلا.

أنا الموقف بيفكرنى بمشهد فى فيلم اللى بالى بالك، لما كان اللمبى بينضف الحمام ، و لقى اتنين محششين بيخططوا للهرب.

Islam said...

أيوه خبر نبيل شرف الدين صحيح ، و عمل مداخلة في العاشرة مساء و هو صوته عيان و كان متبهدل ، بس يا نوارة أنا ليا عتاب عليكي ، بلاش نشمت في مرض حد حتى لو ماكناش طايقينه

و لا إبه؟

إسلام أمين

Unknown said...

انا سؤالي ما كانش انه عيان وللا لا

انا عارفة انه عيان

انا باسأل صحيح اتعالج في اسرائيل؟

Islam said...

ههههه

المصريين خيالهم جامد

لا بس انا فهمت مصدر الإشاعة دي إيه

نبيل لما طلع مع منى الشاذلي

قالها إنه إنه ماتعالجش في مستشفى الحميات عشان حالة المستشفى هناك سيئة جدا و كانو عايزين يحجزو في أودة فيها 40 عيان !!!ه
أم هو خد بعضه و راح إتعالج في نيمرو 3 ، إللي هي مركز الأبحاث بتاع المارينز هنا في القاهرة و إيدولو التاميفلو هناك ، يمكن الناس البسيطة في مصر إفتكرو نيمرو 3 حتة في إسرائيل و نشرو الإشاعة دي

:) 

Unknown said...

أصدر الرئيس الفرنسى ساركوزى قرار جمهورى بجعل موقع سيفون سبورت الموقع الرسمى للرئاسه الفرنسيه
وتعيين الكابتن زيزو المتحدث الرسمى بأسمه

مانشيت جريدة اليوم السابع""

Unknown said...

فيه ناس قالت ان النمرو 3 هو اللى وجهله الدعوه عن طريق احد الأطباء الباحثين فيه للعلاج

والنمرو 3 هو مركز ابحاث تابع للمارينز بتمويل معظمه امريكى ومعظم الباحثين فيه مصريين

بيفكرنى كده بالراحل محمد السيد سعيد وهو بيتعالج على نفقة الحكومة الفرنسية بعد ما تأخر قرار علاجه على نفقة الدولة

حسن على said...

بعدالاعتذار عن جهلى وغباوتى, مين هو نبيل شرف الدين؟؟؟ هل هو كاتب قصص المغامرات والجاسوسية للصغار؟؟؟