Monday 19 October 2009

سؤال عابر

هم الفرنساويين ما وراهمش غير الاكل والطبيخ؟ كل ما اقلب على تي في سانك الاقيهم جايبين طبق اكل وعمالين يشرحوا بيتعمل ازاي من اول ما الخضار كان في الغيط واللحمة كانت بقرة والسمكة في البحر والعجل في بطن امه؟ حتى عندهم مسلسل كده لازم يجيب وجبة الفطار والغدا كل حلقة وساعات العشا... عايزة افهم بس ليكون اصلا تي في سانك دي قناة متخصصة في الطبيخ وانا اللي فاهمة غلط
والمصيبة مش باين عليهم اي اكل خالص

8 comments:

مواطن مصري said...

نوارة جربتي تاكل ضفادع ؟

اصلي معرفش هي غالية لية يعني

Kalimalhus said...

يا مواطن .. ما حدش بياكل ضفادع على بعضيها .. اللى بيتاكل وراكها بس

عبد الزهراء المصري (علي الحسيني) said...

هههههههههههههههه بصراحة من ساعة ما الدش بتاعي باظ وأنا مش بسمع أي حاجة غير عالوصلة وطبعاً مافيهاش القناة دي اللي ماأعرفهاش أصلاً .
وبمناسبة الكلام عن الأكل ففيه خبر منشور في اليوم السابع " سؤال برلمانى يتهم الحكومة بترويج الخمور "
http://www.youm7.com/News.asp?NewsID=147142
وطبعاً الخبر بالنسبة لي مش مؤكد .

مواطن شووجااع said...

http://2.bp.blogspot.com/_s_oE0OM1AV0/StxcTyJYhdI/AAAAAAAAAxw/5aI3bfnORQ8/s1600-h/shehata.jpg

Anonymous said...

أهم حاجة مش باين عليهم
الاكل
شبع و رشاقة
و لا تقولى شاي اخضر و لا ريجيم

حسن على said...

يحتفى الفرنسيون بالطعام بطريقة احتفالية مبالغ بها.عملت معهم عدة سنوات,تخش بولة السلطة تسمع هتاف هييييااااى ,يخش سرفيس مكرونة اسباجتى هيييياااى ,اى حاجة عادية يعملولها زفة كببيرة,دة طبعا غير ان العشا يستغرق اكثر قليلا من تلات ساعات, وينتهى بعد الحلو بقطعة من الجبن تزن ربع كيلو كدة مزمزة,وطبعا يحرص رئيس الجمهوربة ايا كان على الظهور معهم فى وسائل الاعلام-ليكتسب -الرئيس- شعبية !!! ويكاد يكون الشيف المشهور فى شهرة بل ومكانة رئيس الوزراء بين الفرنسيين

Sosso said...

هي الجبنه قبل الحلو مش بعدو

Unknown said...

ماهى الناس كده
لما تقضى على معظم مشاكلها وتعيش عيشه محترمه و تباه عارفه ان ليها دور فى كل حاجه بدءا" من سياسات الدوله لحد اين سنقضى الويك أند
يبأه لازم تعيش الدنيا وتتمتع بيها هايتغموا ليه ؟

وعلى فكره - أشهر وأغلى شيفات العالم فرنسيين!