Wednesday 21 October 2009

حد يجيب لي بسرعة الفيديو بتاع الواد اللي شتم توني بلير

الله ده انا لقيت فيديو احلى، ده فيه واحدة انجليزية من اصل عربي هزأته، تقدمت بوصفها بريطانية وقالت له ح تعمل ايه للفلسطينيين ابتدى يرغي فقاطعته وقالت له: لا انت بتدور على الفلوس وهنا فيه فلوس كتير... نفر مايند وسابته ومشيت
اللطيف بقى انه قال: انا متعود....هيهيهيهيييييييي يا حبيبي
اتفرجوا الفيديو ده احلى واوضح: قال لو توني بلير يو جو اوت ذا ومسك، وبعدين لما مسكوه، كان عايز يقول له يو ار اه تيروريس، فالعجنة خلته يغلط ويقول له يو ار اه
threesome
اي والله، هم ثريسوم فعلا، بوش وبلير ورامسفيلد، ربنا نطقه بالحق، رب ضارة نافعة، وبعدين كمل، يو ار ان انيمي تو موسليمز يو ار اه كلللللبببببببب
ههههههههه اظن بعد ما بوش اتقال له يا كلب، بقت شتيمة كلب دي عالمية زي
imam
hijab
kaaalllllllllllllllllb
ومش بعيد تنزل في ويبستر:
An Arabic Muslim term usually said to Western leaders when they visit the Middle East.
إليكم الفيديو

تحديث:
لقيت الفيديو

قال له يو آر اه تيروريست، وده الخبر
عايزين نعرف هو مين لبعدين يحبسوه
يعني إيه يقولوا له هس ولا كلمة، سكت حسهم، ورويترز تقول ايه: اصله كان شايل شنطة
------
هو توني بلير بيعمل ايه في فلسطين؟ وقال ايه داخل الجامع قام واحد راح شاتمه شتايم كتير بس ما ميزتش قوي قال ايه كل اللي سمعته: لا اهلا ولا سهلا في ارض فلسطين
خسارة انه كان في الجامع، اكيد ما كانش لابس في رجله حاجة عشان جوة الجامع
بس مسكوه وكتفوه وقعدوا يقولوا له هس ولا كلمة وهو مش عايز يسكت راحوا رازعينه في الحيطة

على فكرة انا عايزة اقول ملحوظة يعني لل....ت ال....ات ال....يط ولاد ال.....ة بتوع الامن والاوسخ منهم اللي بيتطوعوا عشان يساعدوا الامن من صحفيين وللا مصوروين او اي وسخ تاني
مافيش حاجة ح تغير الموقف، خلاص، يعني منتظر رمى الجزمة وخلاص... الواد ده زعق وشتم وتوني بلير ابتسم ابتسامة هابلة وخلاص
المشهد خلص، وما تقدروش تمنعوه ولا تلغوه، وضربكوا ليهم مش ح يقلل منهم ده بيرفع منهم
يعني مازادش على المشهد غير مناظركوا القذرة الحقيرة المنحطة ووشوشكوا السمجة القاسية وهي بتتحفر في ذاكرتنا ومش ح ننسى ابدا الوشوش دي ومش ح ننسى ابدا انها وشوش حقيرة
وبرضه ما عرفتوش تمنعوا حاجة، وبرضه ما عرفتوش تعملوا حاجة
وطبعا مش ممكن يوصل غباءكوا انكوا تفتكروا انكوا بتعملوا كده عشان خايفين ليكون معاه متفجرات او مسدس.... ده اي عيل لسة بيبل نفسه يعرف ان اللي بيفجر مش ح يلفت النظر ليه بانه يشتم او يرمي جزمة، مش كده؟ وللا انتوا اغبى من اللي بيبل نفسه؟ طب اشتروا بامبرز بقى
يعني ما نابكوش غير انكوا رفعتوا من قدر اللي اخد الموقف وحطيتوا من قدر انفسكوا، وكل الناس ح تعايركوا وتعاير عيالكوا انهم يقربوا لكوا ده غير انتقام ربنا منكوا بسبب قمعكوا لواحد مظلوم بيعبر عن المه
جاتكوا القرف عليكوا وعلى اللي رباكوا وعلى اللي شغلكوا وعلى اللي عايز يبص في خلقتكوا
لو عندكوا كرامة تعملوا زي ظابط الشرطة المصري اللي انتحر بالمسدس ايام حرب غزة عشان ما يروحش على المعبر ويمنع الفلسطينيين، وان شاء الله ربنا يرحمه ويغفر له لانهم زنقوه في الشغل وابوه ظابط شرطة وكان عايز يجبره وماكنش له مهرب
لو مالكمش مهرب زيه انتحروا اشرف لكوا

14 comments:

Anonymous said...

" هس ولا كلمه "

حتى الكلام بقا ممنوع .... واحنا اللي بنقمع بعضنا

مواطن مصري said...

طيب و الله الواد دة جدع بس بوش مختفي فين اخد الجزمة و اختفى

Unknown said...

انا حقيقى فخور بالشاب ده
اوووووووووى ربنا يحميه و يكرمه و يحافظ عليه

بس كمان فخور بيكى اووووى
و بإدعائك ان الضابط المصرى انتحر
هههههههههههههههههه
!!!!
رغم ان ده مكنش كلامك

Unknown said...

ما كانش كلامي انا يا بدراوي؟

انا نزلت بوست مخصوص للظابط ده بناء على تعليق مدونة من الشرقية حكت لي تفاصيل الحكاية

وفيه ناس دخلت كدبت والمدونة دخلت تاني واكدت الكلام

انا نازلة دلوقت

افتح شهر يناير ح تلاقي فيه البوست اللي انا عملته عن الظابط

لحد ما ارجع بقى واطلعه بنفسي

Unknown said...

اتفضل ياسيدي

http://www.tahyyes.org/2009/01/blog-post_6285.html

ده البوست اللي عملته للظابط اللي اطلق الرصاص على نفسه لرفضه الذهاب الى الحدود

Unknown said...

الأوساخ اللى ضربوه دول بيفكرونى بالصحفى الكلب اللى قام ورفع ايده وبعدين زق منتظر الزيدى وهو كان اقرب واحد ليه
اللى زى دول بيفتكروا انهم هاياخدوا شرف الدفاع بس اللى مش واخدين بالهم منه انهم أنجاس بيدافعوا عن كلاب

وعجبتنى طريقة البنت - دخلت بذكاء كأنها صحفيه هاتساله وبعدين ادتله الحقنه بكل أدب - تسسسسسسسسسس حسيت بحاجه ياحبيبى ؟

جلال كمال الجربانى said...

حتى التنفيس بكلمتين ممنوع
وعجبى

Unknown said...

على فكرة انا قصدى الشهيد ياسر عيسوى
اللى اتكلمت عنه الجرائد القومية و قالت انه تم قتله بأيدى حماس

مش عارف هل ده المقصود فى البوست و لا ده واحد تانى ؟

Dr Nemo said...

انا بلف اشوفلى كلمتين عدلين وشبه حيادين عن الراحل فرج فوده اقراهم.... لقيت صديقى العزيز جوجل رمانى على الجزء ده من الويكيى بيديا ...بصراحه اول مره اشوفه...... ايييه الغباااء ده .... فى حاجه اسمها تكتب بالعامية كلام علم؟؟؟؟؟؟؟ والمشكله ان اللى عامله مستفز..... يعنى مفيش اى امريكى ابن تيت من يرضى انه يكتب مقال علمى او تربوى باللغه الشارع صح؟ i wanna no z truth duuuuuuuuudes



اها الوصله اهه
http://arz.wikipedia.org/

أكون أو لا أكون said...

الله ينصره...

بس اللي ملاحظته إن المساجد صارت للفرجه والسياحه... يعني كل ما أجى رئيس أو مسؤول ركضوا بيه للمسجد وكأنه متحف أو معلم أثري...
يعني حتى لو المسجد فعلاً قديم وتاريخي... هذا لا يعني إنه يصير للفرجه للي رايح واللي جاي ويعملوه معرض أو معلم ...!
يعني قليله فيه أثار في كل بلد عربي...؟

عبد الزهراء المصري (علي الحسيني) said...

الكارثة بقى أنكم لسه شايفين إن العدو هو أمريكا وإسرائيل على الرغم إن الأعمى يشوف إن العدو الحقيقي هو حكامنا الظالمين وأعوانهم من شوية المنتفعين زي بتوع الحزب الوثني والشرطة وخاصة بتوع أمن الدولة ، والمرشدين بتوعهم ..... إلخ إلخ
أعرفوا أعدائهم وتخلصوا منهم وبعدها ستجدوا من الغرب نظرة الندية والإحترام وحتى هذا الوقت لن تجدوا إلا الذل من الحكام والغرب .

donya said...

لسه في رجاله اهو ماماتوش في الحرب كلهم يعني زي مابيقولوا
بس علي الله مايختفيش في ظروف غامضه

اول مره ادخل هنا
وشكلها مش الاخيره
وعلي العموم انا بحب العيش والحلاوه

بس بجد مدونه جااااامده
ربنا يحميكي

تحياتي *

Unknown said...

عمرو

ههههههههه
شفته وهو بيقول انا متعود اتشتم؟

ههههههههه


واحد من العمال

كلاب، والله كلاب
قال هس ولا كلمه قال


بدراوي

لا طبعا مش هو ده خالص يا بدراوي

هو اللي على الحدود ده انتحر؟ ده قتل اتنين قبل ما يموت

ده ظابط ابو ظابط برضه، طلب اجازة وبعدين طلب نقله، قاموا قطعوا له اجازته واصروا انه يرجع وقالوا له مش وقت النقل دلوقت

رفض يرجع
ابوه ظابط وضغط عليه عشان يرجع حصلت بينهم مشادة، الاب ضغط على الولد واصر انه يرجع راح الواد مطلع مسدسه وضرب نفسه بالنار عشان مش عايز يرجع يقف على الحدود

الله يرحمه

نيمو
وانت عايز تعرف عن فرج فودة ده ايه؟ هو ده ايه ده؟ اهو مات وما تجوزش عليه الا الرحمة

اكون او لا اكون

ماحدش فكره باللي اتقتلوا على ايد كهانا وهم ساجدين؟

بس ملاحظ حاجة كمان

انهم مش مانعين الجمهور

ودي حاجة كويسة
لو عندنا كانوا قفلوا الشوارع وماحدش عتب الشارع اللي فيه الجامع

يا مؤمنة لما اوباما جه قالوا لنا ما تنزلوش من البيت

اي والله

دنيا

نورت هههه وبعد الشر عنك من العيش والحلاوة

تاكليهم في الشانزيليزيه انشالله

الخوجة said...

دول معروف اخرهم واسرائيل عمالة تاخد منهم كلام رسمى
العيب دا كان اخرة زية زى بوش
احسنتى يسلم فمك يابنت الحلال
اهه والصور داخل الموضوع وهما مفضيين بطن الوله اللى بيتشطروا على واحد عبر عن نفسة


HUMAN ORGANS TRADE ,Harvesting Human Organs ,تجارة الأعضاء البشرية