Saturday 3 October 2009

احمدي نجاد طلع يهودي؟

تحديث:
انا مش قادرة اخبي مشاعري اكتر من كده، انا شمتانة، آه شمتانة في اليهود، عشان يحسوا بينا لما كان اوباما "متهم" انه مسلم، خلي اوروبا تطلع كل وساخة بطنها بقى وتبين حقيقة مشاعرها ناحيتهم، اهي لما حبت "تتهم" اعدى اعداءها مالقتش حاجة تشتمه بيها غير انها تقول له: يا يهودي
!!!!!!!!!!!!!!!!!!!!!!!
كان الواد المعارض اللي بيراسلني قال لي ده يهودي واحنا شاكين فيه ان الظيطة اللي بيعملها دي عشان يغطي على حاجة
والله كل شيء جايز، ماحدش عارف حاجة
ولو ان برضه من الجائز ان المعارضة بتعمل كده بمساندة الديلي تلجراف ويبقى فعلا الحملة اللي معمولة على نجاد وراها المخابرات البريطاني
ده جائز وده جائز
كله ح يبان

31 comments:

Unknown said...

طب يهودى يهودى
و احنا مالنا
فيه سنيين يهود برده
هههههههه
معرفهمش انا طبعاً
بس بيقولوا اليهودى بيتمسك من كلمته
:-)

Sosso said...

كده قشطة ماحدش حيقول فرس و الكلام اياه اهو سامي من اولاد العم/

mido said...

و ايه يعنى ؟

mido said...

انا بقول تحطى رابط الديلى تلجراف و تشيلى بتاع اليوم الساقع

احنا قررنا نتجاهل الموقع ده

Unknown said...

why is it a problem? Its not a discovery aslan, his Jewish origins have been known for sometime. Also, many in the Middle East have Christian and Jewish origins. This piece of news is again an attempt to mix between what is Jewish and what is Israeli. I am not a fan of Negad but to be honest he has never attacked Jews and his own country is one of the few MENA countries that played it right as far as its Jewish minority is concerned and by doing so managed to make the idea of immigrating to the occupied Palestine not so appealing for them. He has always focused on Zionism and racist Israelis who are committing crimes in Palestine. And despite several attempts by newspapers to pass what is Israeli as equal to what is Jewish, Israel in the hearts and minds of millions including some Jews is never equivalent to the Jewish faith and if any thing it remains a stark example to a religion being exploited to achieve power and dominance and to spread racism and hate. So, I hope we wont see a big fuss about this because what matters to us is his actions and not his previous religion.
On another but related note, I hope Mubarak finally understood that we need to have good relations with Iran. I hope the Unesco defeat showed him how important for a country like Egypt to establish good relations on both sides and that after all what ties us with the US is interests and not friendship

Unknown said...

spoiledegy
كلام مظبوط

بس يا جماعة ايه اللخبطة دي؟
هههههههههه
واحد ابوه مسلم وبيحكم امريكا وضد المسلمين
وواحد جده يهودي وبيحكم ايران وضد اسرائيل
ههههههههههههههه

الدنيا دي غريبة قوي

Unknown said...

وبمناسبة اننا محتاجين علاقات كويسة مع ايران

اظن بقى سونة لما يعرف ان نجاد جده يهودي ح يصاحبه بقى
مالوش حجة
هههههههه

Unknown said...

وبعدين كويس انه طلع فيه عرق يهودي عشان يعرف يتعامل مع اسرائيل، اتاريه لسانه طويل زيهم

ابو على said...

هو اصلا صعيدى من ادفو

soreal said...

they said the same about hitler
and there are extensive studies about the Jewish origin of al saud


so there :P

حسن على said...

طبعا لن ازيد معلوماتك شيئا اذا ذكرتك بمؤمرات (اغتيال الشخصية )تلك التى حدثت للكثيرين ومنهم عبد الناصر وسوكارنو والسيد حسن نصر اللة مثلا.ولم اجد بالعربية شيئا يتحدث عن دلك غير كتاب صلاح نصر (الحرب النفسية- حرب الكلمة والمعتقد) ولايهمنا فى شيىء ان يكون نجاد من قبائل مط الشفاة) او الزولو والاشانتى اوحتى الاسكبمو ,كل ما يهمنا هو افعالة وتوجهاتة السياسية...مش كدة والا اية؟؟؟؟؟؟؟؟؟؟

3amar said...

يعني الدلي تلجراف بتعرف بالانساب اكثر من المعارضين الارانيين نفسهم .. لو كان اصله يهودي لكان ماعرضين نجاد اقاموا الدنيا ولم يقعدوها .. قصدي من المعارضين الداخلين امثال مير حسين موسوي والتيار الاصلاحي ..

طيب ماهو الثابت بالدليل القطعي ان ال سعود اصلهم يهودي من تاجر يهودي كان اسمو مردخاي هاجر من العراق للحجاز ..

ودا الكلام كله مكتوب في كتاب ( تاريخ ال سعود ) للمناضل اليساري ناصر سعيد .

واهم بيحكموا وبيسموهم خدام الحرم الشريف ويحللو ويحرموا براحتهم ويبحوا دماء المسلمين . محدش اعترض عليهم يعني !!

3amar said...

يعني الدلي تلجراف بتعرف بالانساب اكثر من المعارضين الارانيين نفسهم .. لو كان اصله يهودي لكان ماعرضين نجاد اقاموا الدنيا ولم يقعدوها .. قصدي من المعارضين الداخلين امثال مير حسين موسوي والتيار الاصلاحي ..

طيب ماهو الثابت بالدليل القطعي ان ال سعود اصلهم يهودي من تاجر يهودي كان اسمو مردخاي هاجر من العراق للحجاز ..

ودا الكلام كله مكتوب في كتاب ( تاريخ ال سعود ) للمناضل اليساري ناصر سعيد .

واهم بيحكموا وبيسموهم خدام الحرم الشريف ويحللو ويحرموا براحتهم ويبحوا دماء المسلمين . محدش اعترض عليهم يعني !!

حسن على said...

اة يانوار - نسيت اقولك اننى تعرضت كثيرا لهذة الحملات - ومازلت اتعرض لها من احد مواقع الهلس الفاحش. حيث يذكر اسمى متبوعا باحط وافحش الالفاظ والصفات ... بل اكثر من يستعملو هذا الاسم فى الترويج لشذوذهم ودعارتهم. الشاذ الذى يمول الموقع ينطبق علية قولة (اتقى شر من احسنت الية) نشر التعليق من عدمة متروك لتقديرك

Unknown said...

ما احنا كلنا لنا اصول حاجة
عائلاتنا قبل الاسلام اكيد كان لها دين يعني

Unknown said...

اه ال سعود من اصول يهودية
بس اكيد انا وانت من اصول حاجة برضه يا يهود يا مسيحيين

مواطن مصري said...

كلة محصل بعضو

بقولك اية جالك دعوة جوجول واف

Anonymous said...

ههههههههههههه

طيب ايه يعني ...... هي يهودي دي شتيمه

دي فخر دلوقتي في اوروبا .... بس كده نضمن ان محدش هيشتمه تاني .... هيبقا ضد الساميه على طول

وعلى رايك دلوقتي كل الحلوين بتوعنا يحبوه

تحياتي

3amar said...

لا فيك تقولين ان اصل يهودية والمسيحية

حنيفية .. مش كلهم اولاد ابراهيم ( ع ) والنبي كان حنيفي ..

اما عن قصة الاصل .. مابتهمني

لوابن نبي وبيسكت عن الظلم وعن جوع الاطفال ودموع اليتامى الي خجل منها حتى النيل وصار يجف . يبقى معندوش اصل .

المهم احنا بنقدم ايه ونلخي الكلام الاصولية للي مابيأدرش يواجهة الحجة بالحجة والمنطق ..

تحياتي

Kalimalhus said...

الموضوع ده بيفكرنى بالمسلسل الساذج شديد الهطل اللى نور الشريف عمله فى رمضان السنة دى .. محور المسلسل كان تهديده بالكشف عن إن جده يهودى .. و طبعا إتضح إن دى مجرد مؤامرة دنيئة من منظمة صهيونية ..

اللى حرق دمى من المسلسل ده طبعا مليون حاجة لأنه فى تفاهته و جهله و غباءه تخطى كل حدود المنطق لكنى إتعفرت فعلا من فكرة إن كون الواحد جدوده يهود أو مسيحيين أو وثنيين أو غيره تبقى دى مشكلة أو سبة أو عار..

جميع البشر لهم أصول مختلفة و أجدادهم أكيد كان ليهم ديانات و معتقدات إتغيرت على مر السنين ده بخلاف إن أصل البنى آدم فى الأول كان باكتيريا هههههه..

الديلى تلغراف إهتمامها منصب على إن أصول نجاد تفسر عداؤه للسامية .. و ده نوع من ترسيخ الأكذوبة بتخطيها و بناء إستنتاجات عليها .. يعنى أصلا نجاد مش معادى للسامية و لا اليهودية لكنه معادى لإسرائيل .. و الكذبة اللى تم ترسيخها فى وجدان الشخص العادى فى الغرب هى إن إسرائيل و الهولوكوست و اليهود و السامية كلها كده على بعضها شقلة واحدة و اللى يعيب فى واحدة يبقى عاب فى الكل و ده طبعا للعب على عقدة الذنب الغربية القديمة لإضطهاد اليهود و اللى هى عقدة حقيقية لأنهم فعلا إضطهدوا اليهود و طلعوا عين اللى جابوهم ..

آخر الكلام .. مفيش حد عاقل مهما كان رأيه فى نجاد يهمه إن جده كان يهودى أو زرادشتى أو أيا كان و محاولة تفسير سلوكيات و توجهات البشر بالشكل ده هى محاولة بائسة و تدل على الجهل و السذاجة..

Kalimalhus said...

مواطن مصرى

أنا عايز دعوة لجوجول ويف .. يجيبوها إزاى دى؟

مواطن مصري said...

و بعدين الدين ملهوش علاقة ب الاصل

يعني المصرين زمان كانت ديانتهم اليهوديو و بعدها المسيحية و بعدها جزء مسيحي و جزء مسلم

و جزء يهود و أغلبهم مهاجرين في بقيت الدول

Unknown said...

الاستاذ نور الدين
اعتذر عن نشر تعليق لأن المدونة لا تسمح بنشر التعليقات الطائفية

Unknown said...

ماهو ايراني

لو مش اصله يهودي ح يبقى اصله مسيحي ولو مش مسيحي ح يبقى اصله زرادشتي

الا صحيح يا مواطن

المصريين كانوا امتى يهود؟ عمرهم ما كانوا يهود ابدا
كانوا وثنيين وبعدين مسيحيين وبعدين مسلمين

مواطن مصري said...

امال سيدنا موسى و الي هاجرو مع سيدنا موسى مش مصرين ولا اية ب الظبط؟

حفيدة عرابى said...

الله يكرمك يانواره
فعلا احنا امتى كنا يهود
طول عمرهم اليهود جالية صغبرة بتتعاون مع اى محتل للبلد
وانا فى الكلية مكناش بنسيب الدكتور يكمل كلامه
كل مايقول اى فئة احتلت مصر
نرد بلا تفكير بمساعدة الجالية اليهودية

ahmed omran said...

طب ولنعتبر ايه المشكلة يعني

Dr Nemo said...

http://www.aawsat.com/details.asp?section=1&issueno=11268&article=538529

تاجيل عرض تقرير جولدستون على الامم المتحده بطلب من السلطة الفلسطينيه...... اللى يقولك حماس تعمل صلح مع الكلب عباس بعد كده ..... اديله بالجزمه......... خونه

Dr Nemo said...

طكلبوا من باكستان انها هيا اللى تاجله ............ حد يشدلى شعرى ياجدعاااااااااان
http://www.islamonline.net/servlet/Satellite?c=ArticleA_C&cid=1254573292113&pagename=Zone-Arabic-News/NWALayout

سبهللة said...

احنا مالنا ومال اصله
احنا لينا افعاله انهاردة
ودى أكبر دليل على انه متبرى من اصله

عبد الزهراء المصري (علي الحسيني) said...

أحمدي نجاد ده بصراحة شخص مهرج ياأستاذة نوارة وتحديه للغرب ده أسمه تهريج مش لاني ضد الوقوف ضد الغرب ، لأ لكن أنا ممكن بدل ما أحاربهم واصبح عدو لهم أكون ند لهم بنشر الثقافة والعلم مش بالتهريج اللي بيعمل ده وبإهدار ثروة الشعب على الظلم والظالمين .
بالنسبة لموضوع المحرقة النازية اللي بينكره احمدي نجاد حقيقي لكن طبعاً فيه مبالغة من الهيود في عدد الضحايا .