Thursday 9 April 2009

هي الساعة اتناشر فجرا دي تبقى امتى؟

دخل لي بدراوي الله يحظه وساب لي الفيديو ده


انا اول مرة اشوفه على فكرة، بس ايه العسل ده؟ مش ده البرنامج اللي قال فيه احنا ما رضيناش نقول اننا عارفين بضرب السودان عشان ما نحرجهاش اكمن ياختي يوميها اكلت بعيد عنك اكلت بطيخ كتير وكل شوية ع الحمام كل شوية ع الحمام، لحد ما القنبلة نزلت وهم في الوضع المحرج ده خصوصا ان الولية كانت واقفة ع الباب وعمالة تقول له للسودان: اطلع يا راجل بقى، الواد ابنك ح يعملها على روحه


بس الحتة دي مش ظاهر في الفيديو، ظاهر حاجات لطيفة برضه




زي كده












يعني بيتوعد من اساء للكبرياء المصري بعقاب رادع يخلي كل انسان يفكر الف مرة حيث انه هدد بانه لما يشوف ليبرمان ح يحط ايديه في جيوبه، وانا اكاد اجزم ان ليبرمان دلوقت بيترعش كل ما يتخيل منظر ابو الغيط المرعب الشرز المرعش وهو حاطط ايديه في جيوبه


يا مااااااااامييييييييييييييييييييي


وهنا بقى بقى بيرسخ لقواعد الدبلوماسية صح الصح، ركز بقى عشان لما تروح امتحان الخارجية تعرف ح تقول ايه










عرفت بقى ح تقول ايه؟ ح تقول ممكن جدا


ازيك؟


ممكن جدا


اسمك ايه؟


ممكن جدا


عندك كام سنة؟


ممكن جدا


انت خريئ ايه؟


ممكن جدا


وعايزين لا ننسى اطلاقا يوم عشرين يناير يوم ما دخل اوباما البيت الابيض قال هاتولي حبيبي على التليفون الساعة حداشر مساء، فالرئيس قال، ياللا نسهر شوية ما جاتش من يوم، قاموا طلبوه في المعاد بالظبط اللي هو اتناشر وعشرة فجر يوم 21 يناير


ييجي واحد جاهل يقول لي اسم الله على مقامك، اتناشر وعشرة دي اسمها بعد نص الليل، اقول له: ممكن جدا، بس ممكن جدا تبقى فجرا برضه، وده في الدبلوماسية المصرية، لان من صفات الدبلوماسي اختيار الكلمات بدقة


فهمت يا غبي؟


ولك ان تفتخر ايها المواطن المصري الاصيل، بان اول مكالمة تليفونية دولية، وشوف بقى المكالمة الدولية في امريكا بكام؟ كفاية انها بتدفع بالدورار، كانت للرئيس مبارك، اول ما تارانك دق من البيت الابيض كان لمصر ام الدنيا، اي انه راغب الراجل انه يبني علاقة، وقال للرئيس، وانا مش ح اذيع سر، وهي قالت لي، وانا مش ح اذيع سر، وانا قلته قبل كده، وانا مش ح اذيع سر، وانا ح اقول لكوا اهو، ح اقول ح اقول، ومش ح اذيع سر: احنا نرغب في اقامة علاقة مصرية امريكية حيوية مثلما كانت دوما


ييجي واحد غبي، ما يفهمش في دقة تعبيرات الدبلوماسية، يقول لي ماهي كانت دوما، بيبنوها تاني ليه، اقول له يا غبي، مش فيه حاجة اسمها صيانة؟ مش فيه حاجة اسمها وش بياض؟ مش فيه حاجة اسمها تغيير جلدة خلاط الدوش؟ وبعدين دي حيوية وقوية وكلها حنية


اغبيا


والعلاقة دي مثلما كانت دائما مبنية على الحب والتفاهم والاحترام لكنها مبنية على الحوار الاستراتيجي ما بين قوة عالمية تمسك باي مشكلة عالمية من شواشيها ما تسيبهاش الا لمن تخلص عليها، وطرف اقليمي قادر على التأثير على العالم برضه مع انه اقليمي


عرف ح تقول ايه في امتحان الخارجية؟


ياللا احفظ بقى

53 comments:

ahmed samir said...

كدة حينجح فى الخارجية لكن
حيسقط فى سادسة ابتدائى

mido said...

نوارة بتشوفي سيد أبو حفيظة مقدم نشرة الساعة الخامسة و العشرون ؟ اهو ابو الغيط ده أستاذه

حلمبوحة أخت فتكات رمش العين said...

وأخيرا ولأول مرة في تاريخ البشرية , السنوية بتاعت طنط عنايات عدت على خير من غير لا نتخانق هناك ولا نشد بشعر بعض

أنا متفائلة قوي بالتغيير اللي حصل واللي حيحصل

بركاتك يا شيخ مستكاوي

أنا طول عمري بقول إن الشيخ مستكاوي ده فيه شيء رباني

حلمبوحة أخت فتكات رمش العين said...

بالنسبة لسؤالك عن الساعة اتناشر فأنا مش متأكدة من الجواب اصل الساعة بتاعتي ديجيتال مش آنالوغ

إنتي تقصدي بيها إي أم & بي أم ؟ مش كده؟

Anonymous said...

ربنا معانا

Anonymous said...

ياستي انتي قافشة الراجل ليه ....... اسمعي السادة القادة في اي قمة عربية ...... بحقيقي لوغاريتمات تفوق الخيال , ياعني زي ما بيقولوا دفعة اولي بني ادمين ...والغريبة ان حضرتك والسيد بلال فضل خايفيين من النخبة اللي بتتعلم في مدارس انترناشونال
احنا شعوب لا ينفع معاها خارجية ولا داخلية
وربنا يخليلنا اضراب 6 ابريل , وطلاق ااونكل نور , ودعوات الحاجة كفاية
ويجعله عامر

Anonymous said...

http://www.youtube.com/watch?v=LwfFepPst38&NR=1
الريس لما يعدي يتركن ياتهدي
او
نلغي الشارع من اساسه

Ahmad said...

ليبرمان هدد بضرب السد العالي و حسن نصر الله بياجر شقق مفروشة في مصر
طبعا تاجير الشقق المفروشة جريمة اشد و اشنع و ابشع و يندي لها الجبين
و احنا محلتناش الا شرفنا
و هو حسن نصر الله ياجر شقق مفروشة في مصر ليه
معنده لبنان مليانة شقق مفروشة
و لا صحيح هو كل مشكلته في لبنان انه عايز يقفل الشقق المفروسة

Unknown said...

علاقه مبنيه علي الاحترام والتكافؤ
نسي يقول والحب المتبادل
ماهو لازم يكون في حب بينهم بردو عشان يقدرو يعيشوا مع بعض والعلاقه تنجح كده وتبقي زي الفل

هو فيه ايه!!!! said...

طبعا الدروس المستفاده كتير بس من اهمها ان اى دوله شاطره ومصحصحه تحب تختار وزير خارجيه لازم تبقى مزه علشان لما تتقع تقول الحقنى اسندنى وشلنى يشيلها الوزير بدل ما تقع على جدور رقبتها تتكسر يا عينى..حتى لو كانت بنت ستين تييييييت ومموتالها يجى عشرين الف واحد
اما الساعه اتناشر فجرا دى معناها الساعه اتناشر فجرا ..سهله يعنى...سلام

احمد سعيد said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

كل دة موكب

طب مايرمى قضبان سكه حديد ويتحرك فى قطر احسن ....

احمد سعيد said...

طب دا فاروق كان بيتحرك بعربيه واحدة ويتيمه

حتى كان لونها احمر

هههههههههههههههههههههههههه

احمد سعيد said...

لا دا فيه كليب تانى العن واضل

اتنين وتمانين عربيه

يلهوبالى ياما

لييييييييييييييه

82!!!!!!!!

داغير الموتوسيكلااااات

ههههههههههههههههههههههههههه


دا لو موكب نيرون مكانش يبقى كدة


اةةةةةةةةةةةةةةةة

فينك يارمسيس تيجى تشوف ولادك

انت خلفت اتنين وستين

ودة ماشى وراة اتنين وتمانين عربيه

وحرب الكترونيه

وشبكه موبايلات تتسقط

وسراين

ويك ويييييييييييييييك

ههههههههههههههههههه

كان ماله فؤاد

كان زى الفل فؤاد

وتوفيق

كان ابن حلال توفيق

دا حتى كان بيمشى فى عربيه كارو

لا والادهى ان الناس بتسقف وتصفرله وتهتف

بتصفروا على ايه جتكم نيله

ماداهيه لا يصدق

Fatma said...

ممكن عنوان المكتبة اللي هيبقى فيها حفل التوقيع بشكل اوضح

اقصد رقم العمارة على الاقل واسم الشارع والدور الكام

Anonymous said...

مش عيب دى وزير خارجية مصر العظمى و صاحب المنهج ممكن جداً

عيب اللي بتقوليه عن وزير الخارجية

مواطن مصري said...

وزير الخارجية بيقول كلام حلو يعني عاوزة وزير الخارجية يشتم و يسب في الناس و يقول كلام مش مدروس


يا ريت عنوان المكتبة اية فين

مواطن مصري said...

الدبلوماسية مش بصوت العالي و مش ب الدراع

Unknown said...

احمد سمير

يااااااااا ابو الغيط عدي من تانية ابتدائي وراح تالتة واتنقل رابعة لحد خامسة ونجح فيها كمان لحد ما وصل لسادسة ابتدائي؟

طب والله ما شاء الله عليه ده طلع نبيه ومتعلم اهو

ميدو

ايوة باشوف ابو حفيظة هههههه

حلمبوحة
انت ما ردتيش على سؤالي

وكمان عندك ساعة ديجيتال؟

انونيمس 1

آمين

انونيمس 2

ايوة انا دايما باشوف القادة العرب في القمة العربية

ده كفاية ثلاثي اضواء المسرح القذافي وعبد الله وحمد واحد بيشتم التاني والتاني فرحان والتالت بيشكره على المبادرة الطيبة

طب والله ولا سمير وجورج والضيف
هههههههههه

انونيمس 3

الفيديو ده بقاله تلات سنين

احمد سعيد

جته نيلة فاروق وفؤاد وتوفيق وكل العيلة الصايعة دي

هم ايه اللي كان جابهم بلدنا اصلا


Ahmad

من فضلك يا استاذ احمد
انت بتتجاهل موقف الخارجية المصرية الحازم الحاسم تجاه ليبرمان

ما تنساش ان طقم الخارجية كله لما يشوفه ح يحط ايديه في جيوبه

انتوا ليه بتقللوا من دور مصر
واذا كان حيدر بغدادي قال: اولمرت ما يخافش في حياته غير من الرئيس مبارك

فانا باقول لك: ليبرمان ما يخافش في حياته غير من جيوب احمد ابو الغيط

اسراء

بصي يا حبيبتي، الست هي اللي تحافظ على بيتها وياما البيوت مقفولة على بلاوي بس الست العاقلة اللي زي مصر تداري على بيتها ومدام امريكا مكفي بيته وبيرجع اخر النهار يبقى مافيش احسن من العقل

هو فيه ايه؟

ده التوقيت الصيفي-شتوي كده



فنون

انا ما اعرفش اقول عناوين

عارفة الجامعة الامريكية؟

قدام الجامعة الامريكية فيه سلانترو

كل الناس عارفاه

في نفس عمارة سيلانترو الباب قصاد الباب ح تلاقي مكتبة البلد


انونيمس

ممكن جدا

Ahmad said...

:) ممكن جدا علي فكرة

Ahmed Fawzi said...

واضح جدا غن عنده مشكلة كبيرة فى ثقته فى نفسه كدبلوماسى و كوزير خارجية لأننا عمرنا ما شفنا وزير خارجية أو حتى دبلوماسى حقيقى بيقعد يشرح أساليب العمل أو الحديث الدبلوماسى و التكنيكات الهايفة و يبعد عن أصل موضوع السؤال ....
ده إنعكاس لمشكلة نفسية حقيقية
و دخوله فى تفاصيل مالهاش أى معنى ده نوع من الفراغ العقلى و الهروب من إتخاذ أى موقف حقيقى .. زى لما سألوا مبارك عن معبر رفح و قعد يتكلم عن قواعد عبور المعبر و مين يبلغ مين و مين يقول إيه ..

mido said...

أفضل فيديو لموكب مبارك فى اسكندرية أكتر من 90 عربيةو موتسيكل

هو فيه ايه!!! said...

يا لهووووووووووووى
علشان كده الريس موش بيجى بلدنا ده الموكب لو اوله فى البلد اخره هيوصل المحافظه اللى بعدنا
سؤال رفيع هما اهل القاهره الساهره ليه بيصقفو بحراره ولا كانهم بيحيو ابو تريكه؟؟؟!!!....سلام

!!!هو فيه ايه said...

سورى دى باين اسكندريه
المريه؟؟؟!!
معلش العتب على النظر والسؤال لسه قائم
شكرا

mido said...

@هو فيه ايه

اه يا أخى بيصقفوا و يصفروا و كأنه مش مبهدل أهلهم

بس على فكرة هم دول المصريين

:D

Unknown said...

أ/نوارة
شكراً على نشر الفيديو
انا كنت فاضل اجيب حاجة ساقعة و لب و سودانى
و أقلبها بقى فيلم سينما
ههههههههههههههههه
بس كنت دخلت نمت
بعد ما بابا قاللى ممكن جداً
ههههههههههههههههههههههههههههههههههه


الا هو اوباما و بتوع اوروبا عندهم خط محلى
يعنى من غير مفتاح الزيرو
مش فاهم انا شغل النخع ده اول مكالمة دولية للريس عندنا ليه

بأمارة ان اوباما زار العراق و رايح اسرائيل و رايح السلطة الفلسطينية و زار تركيا
الا معبرناش

بس ممكن جداً

حاجة كمان هو ايه اللى مش حيذيع سر
هو ده كلام يتقال اصلاً
ايه اللى مش حذيع سر
العلاقة على قدم المساواة
هههههههههههه
ايه يعنى اللى مش سر

بس شوفتى حضرتك لما قالولوه على ليبرمان
طب و لو وقع
قالك العنتويل ابو الغيط
حسيبه يقع لأنه راجل
يا حبيبى يا ابو الغيط
يا مستهوك
الإتيكيت
يحتم لو واحدة ست
اسندها
ههههههههههههههههههههههههههههههههههه

مواطن مصري said...

وائل يقول تم الإعتداء علي وعلى والدتي الآن في منزلنا من قبل جار رائد شرطة وأخيه وكسرت إحدى أسناني واصبت بإصابة في الرأس -فساد الشرطة وصل بيتي وإتصلت بشرطة النجدة ولم يصل أحد حتى الآن واللي بياخد البلاغ بيتأمر عليا في التليفون كأني باشتغل عنده تضامنوا مع وائل عباس ضد بلطجية الشرطة المصرية شرطة الفساد شرطة مبارك والعادلى


???
الخبر دة صح ولا فشنك يا ريت تتأكدي

هراءات منطقية said...

لذيذ اوى ابو الغيط دة....بيقوللك اوباما كلم الريس الفجر و قالله عايز اقيم معاك علاقة


يا ترى سوزان عرفت بالموضوع دة؟

هراءات منطقية said...

بس و الله الواد اوباما دة دقرم

اتكلم الساعة 12 و عشرة عشان الدقيقةالدولى بتكون ارخص

احمد علام said...

ايام عمرو بن الخطاب مكنش فيه اهاربيين مجانيين ولاد كلب بيقتلو باسم الدين والاسلام
وعلي الرغم من كده سيدنا عمرو تم اغتياله
يعني محدش يقول ان الريس ينزل عادي كده
يتفقد احوال الرعيه بلاش هبل
*
ودلوقتي الارهابيين بيقتلو مسلمين في المسجد
في باكستان وغيرو
*
انا لما حطيت لينك الفيدو بتاع الموكب كنت اقصد الهزار
ومن حق الريس يكون له حمايه وعلي اعلي مستوي
ويوقف الناس عشان يعدي
ما هوه مش كل يومين هنجيب ريس جديد بدل الي مات مقتول او بسياره مفخخه
ولا هوه مش بني ادم وليه روح ومن حقه يعيش
ولا ذنبه انه ريس

احمد علام said...

http://www.youtube.com/watch?v=usAt2UAtaeA

اهو بيحكي فيلم اكشن

بن علام said...

http://www.youtube.com/watch?v=sTJkPCaPwGk&feature=related

اي خدمه
دراما
اكشن
رومنسيه

بيقول لعيسي حياتو
شوفو الوليه المجنونه
بتعمل ايه

Anonymous said...

الله معنا

احمد سعيد said...

نوارة

..........ز

انا لما اتكلمت عن اسرة محمد على كنت بتريق

ماداهيه لتكونى اخدتى كلامى بجد

لالا كدة ازعل قوى

نوارة

اوعى تكونى منهم

مواطن مصري said...

طيب لما كان جلالة الملك فاروق الله يرحمة كان بينزل بعربية واحدة من غير تشريفة دة شىء كويس و كان على الاقل البلد بتتغسل كل يوم

احمد سعيد said...

احمد علام
............

ياااااااااسلااااااااااااااام

والحمايه دى بقى تكون 82 عربيه ؟؟؟؟

وممكن ميكونش فى ولا واحدة فيهم ويطلع فى الاخر راح بالطيارة


حمايه مين يابا

اتحداك انك تجيبلى رئيس دوله فى العاااالم كله

او حتى فى التاريخ

موكبه فيه 82 عربيه

سيدى الفاضل

دى مش حمايه

دا غرور وجبروت واسراف واستفزاز واستعراض

Unknown said...

احمد يا سعيد

ما تعمليش مشاكل
:)

انا مش عايزة اشوط في الخرا

احمد سعيد said...

:(

مشاكل ايه؟؟؟!!!!

Unknown said...

التعليقين اللي سبتهم
:)

انا يا عم ماليش دعوة بالكلام ده

القبيحة ست جيرانها

احمد سعيد said...

اااااااااااااااةةةةةة

طب ماشى


ياخوافه

خواااااااااااافه

احمد علام said...

يا احمد
المصريين
عاملين زي الام
تدعي علي ابنها
وتكره الي يقول امين
الريس مش خاين ولا عميل
ولا يستاهل الموت
الريس زيه زي اي واحد جه بعد السادات محكوم وفي نفس الوقت عايز يعمل نهضه في بلده
وبالتالي بيحاول يساير الموجه
ويسمع الكلام
هيعمل فيها زعيم
هتبقي مصر دوله مارقه
مش هيعمل فيها زعيم
هتبقي مصر دوله صديقه
لا هينفع لون رمادي ولا بمبي ولا استعباط
حتي موضوع التفاني الي بتقولو عليه ده
مش بأيده
وبالنسبه للموكب
لو انت مكانه
وحياتك عندي هيكونو 182 عربيه

TAFATEFO said...

@أحمد سعيد و نواره هانم

يعني انتوا بتردوا على العربيات وسايبين سيدنا عمرو بن الخطاب

احم

Ahmad said...

احمد علام
انا عايش في الكويت من اكتر دول العالم بالنسبة لمعدل دخل الفرد
و الحكومة بتوزع فلل علي المواطنين
و بتدي قرض جواز حوالي 150 الف للي هيتجوز يتقسط علي 30 سنة من غير فوايد
و بتدي لكل مولود زيادة 1000 جنيه علاوة علي المرتب
للكويتيين طبعا
و احب اؤكد لسيادتك ان موكب الامير مش بيعدي 10 عربيات
و الاشارة بتقف بالكتير 3 دقايق
و في الاخر اسمها دولة صديقة مش مارقة

Ahmad said...

و مواطن مصري
امك في العش و لا طارت
فساد الشرطة وصل لحد بيتي
خياااااااااااااااااااااااااااااانة
كل داء له دواء
الا الحماقة اعيت من يداويها

TAFATEFO said...

وبعدين هو الرجل (تربية ***) فضيحة أصلاً وغلطاته كتير .. ناقص تمسكوله على الواحدة؟؟ مفيش في قلوبكم رحمه؟؟!!

يا بااااااااااااي :@

احمد سعيد said...

الاخ احمد علام
............

هوة حضرتك حزب وطنى؟؟؟؟؟؟؟؟

سؤال برىء يعنى

احمد سعيد said...

مش خاين
هههه

ومش عميل
ههههههه

ولا يستاهل الموت
ههههههههههه

احنا اللى خونه وولاد كلب

معلش اصلنا مش وش نعمه

شعب واطى صحيح

Anonymous said...

السيد حسن نصر الله النهارده حيرد علي افتكاسات أمن مبارك الساعة 8 و نص

مواطن مصري said...

@احمد

يا ريت تحترم نفسك و متغلطش ب الام

مواطن مصري said...

http://www.youtube.com/watch?v=L_ixITDOh9s
رئيس جامعة القاهرة يدعو طلاب الإخوان للحوار

http://www.youm7.com/News.asp?NewsID=87743

احمد علام said...

انا مش عارف ازاي بتقارن بين مصر والكويت

دا الاجانب اكثر من السكان الاصليين

يا عمي دول مش يدوكو فلوس وبس
دول يجوزوكو بالاربعه وعليهم عيلهم

ربنا يخلي ليكم بترولكم ويزود الدنيار ويبقي بـ25 جنيه مصري

وطبعا انتم دوله صديقه دا حتي من كتر الحب الي بينكم عملتلهم قاعده عسكريه

سنابل said...

أحمد علام

ما هوه مش كل يومين هنجيب ريس جديد ((بدل الي مات مقتول او بسياره مفخخه


هو انت من كوكو إيه بالظبط عشان اليوم عندكو يعمل اربعتاشر سنة واليومين يبقو بتمانية وعشرين سنة كبيسةعندنا
يا أخي حسستني اننا بنغير رويسا أكتر ما بنغير انبوبة البوتجاز

Anonymous said...

يا حجة!!
انتي مسمعتيش خطاب نصر الله ولا ايه؟
ساكتة يعني ومش سامعلك حس!!!

ده جاب جون جامد جدا..دانا خرجت من صمتي ودونت له مخصوص!!

Ahmed Mohamed said...

احمد سعيد
انا لا حزب وطني ولا اخوان ولا اي حاجه
واحنا مش شعب واطي والي شايف نفسه واطي تبقي دي مشكلته

*
سنابل قمح
يعني هوه يا يفضل علي ام الكرسي 30 سنه
يا ميكملش 3 ايام علي بعض
احنا هنأرخ ولا ايه