Saturday 23 January 2010

هيه هيه، مبارك ح يجيب لنا الاحتلال

انا مش كنت قلت لكوا على مشروع امريكا وتسميتها لمصر بالجائزة الكبرى وانتوا ما صدقتونيش؟
اهي ابتدت اهي، طلب احاطة في الكونجرس وفوق البيعة وفد جاي يزورنا وياخد واجب الضيافة
وقبل ما تعلموا زي الناس ايام التتار والمغول كل ما يجيلهم خبر ان مدينة جنبهم استبيحت من التتار يقولوا: لااااا، بس احنا حاجة تانية
اقروا المشروع وقولوا لي يعني اشمعنى الحادثة دي بالذات؟ وازاي يعني الحادثة مدبراها الحكومة وقايلة لنا في وشنا انها مدبراها بالوضوح ده وبتاخد دعم من امريكا وامريكا جاية تحقق معاها؟ ح تدين مين بقى؟ ما هي اللي بتدفع له معونة وهي اللي مقعداه وموافقة على ابنه، وهو اللي عمل الفتنة الطائفية، لا والحزب الوطني ادا عضوية لاهالي ضحايا نجع حمادي عشان يسكتهم، يعني اهو، اهو.. ايه بقى؟ جايين يحققوا في ايه؟ ومع مين؟ ح يعاقبوا مين يعني؟ ح يعاقبوا الشعب؟
هو عمال يكلمنا عن الخروج الامن وشكله عايز يسيبنا ويخلع ويسلمنا بقى اللي حطوه وفقا لكلام مصطفى الفقي اللي قال الرئيس المصري لازم تجيبه امريكا
خلاص، احنا نستعد لكل حاجة وما نتضايقش بقى، احنا مع بعض، هو فضل قاعد هو مشي، الموضوع عدا على خير ما عداش خالص، احنا مع بعض، واي موقف بقى نواجهه

11 comments:

lastcrazyboys said...

!!..يســـــــــقط الاستقــــــلال

ابو على said...

مبروك:|
لوسمحت اناعايز اعرف ازاى احط لينك ف وسط البوست

ابو على said...

هوانا بيتنفضلى ولا حاجه:d

ابو على said...

الظاهر ان انا مش مرحب بيا هنا ف مدونتك
عموما الله يجبر بخاطرك

شمس العصارى said...

هو مش حيضر كثيرا لو الاحتلال جيه - رغم انه موجود ثقافيا و فكريا و اقتصاديا الاحتلال يعنى - اصل ساعتها حيبقى رئيس برضه على طريقة خديوى مصر قبل الانقلاب الى بيسموه ثورة
يعنى حيفضل مبارك خديوى و جمال و لى العهد و سوزان الملكة
و ساعتها حيبقى الاسرة المالكة و حشمها و خدمها و و شلتها البايظة مع الاحتلال الامريكى فى ناحية و الشعب فى الناحية التانية
تفتكى بموازين القوى ساعتها مين الى يسيطر

احمد سعيد said...

الى الاماااااااااااام يااوباما

شمس العصارى said...

http://www.youm7.com/News.asp?NewsID=180817&SecID=65&IssueID=86
مبروك يا نوارة
مش اسمك معاهم برضه
ههههههههههههههههههههههه

ابو على said...

وايه فايده نشر التعليق اذا مكنش فيه رد عليه

....

Anonymous said...

من اول من اراد ان يعمل حاجة مع امريكا ولا اسرائيل تطبيع مثلا او دعم كان من تحت ل تحت بسر يعني دحين على مراء ومسمع من الشعب والعالم ..على العموم الحتلال مو جود من الاول كما قال احد اللي سبقوني ثقافي واقتصادي وفكري.وكل الاخوان العرب نفس بعض اللهم ان فية احد في اوضه الونم بتوع البيت الابيض وحد بالصالون واحد لسه بيخبط الباب عايزهم يفتحولة.فعتقد امريكا ليست بحاجة لقتحام مصر طال ما ان الحكومة المصر تفعل ما تريده امريكا..

amr565 said...

اظن كد وضحت الامور وكما قلنا قبل كده ان الهوليلة اللي عاملينا اقباط المهجر ودلادلهم هنا مش لوجه الله ولا للمسيحيين وللاسف وقع فيها الكثير من الشرفاء ومن هنا ورايح اي حادثة عادية للمسيحي مثل نشل محفظة او سرقة موبابيل سوف تصبح فتنة طائفية تستدعي تدخل الجهات المعنية الامريكية لذا من هذا المنبر الحر اتوجه للاخي النشال او الحرامي ان يدقق في ايد الضحية فان لاقته داقق صليب اتركه والا صحف ساويرس وبتوع المجتمع المدني اللي بيقبض او مشتاق يقبض سوف يجعلوها طائفية ومهلبية وفي كتير من اصحاب النوايا الحسنة حيصدقوا ويقعوا في الفخ وفي النهاية المظلوم هو المسلم العادي وهم الاكثرية الساحقة والمسيحي الشريف الغير مرتبط بالخارج ولا بطموجات هدفها استراد البلد من المسلمين الغزاة كما تردد الادبيات المسيحية المتطرفة

Sosso said...

طب ايه رايك في موقف زعيم الهجانة من ده ؟؟؟؟؟
http://www.youtube.com/user/Egyptianfirst#p/u/2/CuY5d4BUaUc