Wednesday 13 January 2010

صباح الكورة

انا بس حبيت اعمل الرياضة اليومية وافكركوا بالستاشر اسرة المهجرين
احنا نمنا في سرايرنا وهم باتوا في بيوت غير بيوتهم وسراير مش بتاعتهم

24 comments:

شمس العصارى said...

كمان اسرة البنت الى اغتصبت مش عارفة حتقوم من النوم بعد سنة و تورى وشها للناس ازاى
كمان البنت بعد 10 سنين مش عارفة حيبقى وضعها ايه و نظرة و تعامل الناس معاها حيبقى ازاى
قبل ما نتكلم على رد الفعل لازم نشوف الفعل و ابعاده

Unknown said...

يانوارة

المحافظ قال من يومين ان كل الأسر دى رجعت بيوتها ماعدا أسرة المغتصب هى اللى لسه مارجعتش لأسباب أمنية

يساري فلسطيني said...

اصيلة يا نوارتنا ... يمكن نوم المهجر هوه و اطفاله خارج بيته و قلقه على اللي تركهم ورائه اسوأ حالة يمر بها الانسان ... مرارة الذل و نفاق الاقربين

مواطن مصري said...

انا جايبلك حاجة حلوة قصيدة حلوة

لواحدة اسمها حليمة صالح العبادي من برنامج شاعرة المليون

تستاهل انك تسمعيها و مش بعيد تكتبي بوست عنها

قصيدة عن مباراة مصر و الجزائر لا بجد لازم تسمعيها


حليمه صالح العبادي لايقلبي من برنامج شاعر المليون

http://www.youtube.com/watch?v=vhvfhB8eHks

مواطن مصري said...

دي كلمات القصيدة

http://forum.mashaa3l.com/showthread.php?t=11406

Kontiki said...

ازيك يا نوارة
وحشتينى و الله
نفسى يبقى فى حملة تنوير
وتغيير شامل و اصلاح
بعيد عن الفكر الدينى
بعيد عن استقطاب الناس و زرع بذور الفتن و الضغائن بين اصحاب الديانات
حيث يعيش الجميع متساوون يحكمهم قانون
ولندع المسجد و الكنيسة و المعبد للصلاة
المسلم و المسيحى واليهودى اللادينى والبهائى يعيش فى سلام وسط حقوق و حريات مدنية وانسانية
فالحياة و الحرية حق انسانى مقدس للجميع
لنتخلص اولا من نظامنا المستبد الذى لا يتورع عن ارتكاب الجرائم والفتن لالهائنا لمصالحة فقط
ولنتخلص بعدها من الاخوان و السلف
وكل اصحاب الفكر العنصرى
وبعدها
قد نتحرر بافكارنا وقوانينا ويصبح بعدها لنا ثوابت انسانية نعيش بها
وساعتها حنعيش كلنا
مسلم و مسيحى او اى ملة فى سلام
حيكون لنا حقوق
من حق كل مصرى يعيش فى بيتة
ويشعر بامان
مش يطرد وكمان طرد جماعى
مش يتسلط علية من يحكم علية بالكفر او بالطرد
عنف و افتراء وتسلط ولا انسانية وجهل وتقصير حكومة
بس اكيد طبعا انا بحلم انتى فاهمة
:)

Unknown said...

والله انا مش فاهمة شمس العصاري ده بيتكلم ازاي

يعني لما مسلم يغتصب طفلة كل المسلمين يتهجروا من بيوتهم؟

خاف ربنا

خبر رجوع الاسر دي لازم نتأكد منه عشان ده المحافظ يعني مش حد موثوق فيه

شمس العصارى said...

لا يا ستى لما مسلم يغتصب مسلمة يجيبوا المغتصب و يعدموه رجما امام الناس
علشان على الاقل نفسية الناس المظلومة تهدأ
لكن لما مسيحى يغتصب طفة و بكرر طفلة مسلمة و يجى الامن يحميه كمان
اه ده الى مش مقبول ولا معقول
زى ما قلت لو مسلم ارتكب الجريمة دى يعدم رجما امام الناس برضه المفروض يجيبوا الواد المسيحى و يعدموه امام الناس
ساعتها لو الناس المهجرة رجعت على الاقل المظلوم اخد حقه
زى ما الوحد تالم لصراخ امهات الموتى اثناء قداس الجنازة - زى الفيديو الى جبتيه - لازم كمان نزعل على البنت المغتصبة و امها و اهلها كلهم
ولا ده فى نظرك مينفعش
بحاول و الله اخاف من ربنا - ادعيلى بالهداية

الخوجة said...

حوار نوارة أحمد فؤاد نجم لإسلام أون لاين

the magnificent ninja said...

تتخلص من الاخوان ايه يا كونتيكي
الاخوان دول تاج راسكوا كلكم
و على فكرة الاخوان لا يحملون أي مواقف سلبية من المسيحيين
فعندك مثلا حكم حماس في قطاع غزة المسلمين هناك يعيشون مع المسيحيين و زي الفل مع بعض
و تحت حكم الاخوان

Dr. Eyad Harfoush said...
This comment has been removed by the author.
Unknown said...

شمس العصاري
الواد طلع مقبوض عليه وبيتحاكم عايزين ايه تاني؟ هم زعلوا عشان ما عرفوش يموتوه بنفسهم

ثم مال المسيحيين ومال الواد اللي اغتصب البت

ماهو احنا بنحاول جاهدين عشان اللي بيفركوا زي حضرتك ما يبقوش هم اللي بيحكموا البلد

احنا عايزين قانون يحكمنا

عم مينا said...

شمس العصاري

يعدموه رجماً ايه و بتاع ايه
شكلك مش من هنا..
مش البلد اتطورت و بقي فيها محاكم
و الواد اللي انت بتتكلم عليه ده دلوقتي
محبوس و بيتحاكم و انشالله هياخد اعدام
مطلوب حاجة تانية؟

عم مينا said...

أه و كمان ايه موضوع أسرتها اللي مش هتعرف توري وشها للناس دي
هي كانت عملت ايه غلط علشان الناس تبصلها بصة وحشة؟ البنت دي ضحية و المفروض الناس تبقي مشفقة عليها مش تبصلها بصة وحشة

شمس العصارى said...

اولا انا مش بفبرك والا هاتى من كلامى ما يثبت انى بفبرك
الواد من اول يوم اترحل من القرية هو و اهله بحماية الامن واذا كان قبض عليه يبقى الكلام ده جيه بعدين
و مين قالك ان اهل البنت زعلوا انهم مش موتوه ابدا دول باين عليهم غلابا جدا لدرجة انهم اكتفوا بتحرير محضر للواد و لو هما زعلانين او فى نيتهم يعملوا حاجة مكنوش قدموا بلاغ اساسا و بعدين ايه الدليل على ان الواد مقبوض عليه – من الاول – و بيتحاكم مش يمكن كلام زى موضوع اعادة المهجرين مثلا .
و بعدين انا من اول كلامى و تعليقاتى على كل بوست كتبتيه فى الموضوع ده كنت باكد على حق اسر القتلى و محصلش خالص انى جمعت بين المسيحيين – كل المسيحيين – و بين المغتصب و تعليقى الى فات فى نفس البوست ده بيثبت كلامى
يبقى تعليقك على كلامى جانيه الصحيح
اكدت و باكد – سواء موضوع نجع حمادى ليه علاقة بموضوع فرشوط او ملوش – اسر القتلى ليهم حق و دى جريمة و كمان البنت و اسرتها ليها حق و دى جريمة
ولا يكنش الى يرضيكى ان المظلومين فى نجع حمادى ياخدوا حقهم و المهجرين يرجعوا – بما فيهم اسرة الواد و يمكن الواد نفسه – الى بيوتهم لكن البنت و اهلها دول ميستاهلوش انهم يبقى ليهم حق
الى يتكلم و الى يحكم لازم يبقى حيادى و على اساس مرجعية ثابتة و عادلة .
و انتى ليه مستغربة و مستنكرة ان البنت يبقى ليها حق ..... ده انتى حتى مكتبتيش بوست تقولى رايك فى موضوع البنت ولا تعاطفتى معاها حتى
و ارجعى لكلامى و تعليقاتى كلها من الاول و شوفى فين الفبركة و شوفى انا قلت ايه من الاول
الا صحيح مين هما الى عايزين ايه تانى ؟ انا بتكلم عن نفسى و برايى الشخصى ولا انتى مضايقة ان فى اراء كتير زى رايى مثلا ............
نلتقى بعد القانون الى يحكمنا

Unknown said...

انا كان قصدي اكتب: بيفكروا مش بيفركوا

بس هي غلطة كي بورد

Unknown said...

اه طبعا واضح ان اهل البنت غلابة بدليل انهم حكموا على ستاشر اسرة بالتهجير من بيوتهم من غير ما يعملوا لهم حاجة

مش قادرين على الحمار قادرين على البردعة

حقهم عند الواد اللي اغتصب بنتهم انشالله يطخوه

الامن تستر على الواد يبقى حقهم عند الامن مش عند اسر مالهاش ذنب

وللا هم خايفين من الامن وبيتشطروا على الاضعف منهم وخلاص

Unknown said...

عم مينا

لا انا فاهمة هو بيتكلم باي منطق

بس حتى بالمنطق اللي هو بيتكلم بيه اللي هو بيقوله ده مافيهوش اي جدعنة ولا مرجلة ولا يتسق مع اخلاقيات المنطق اللي هو بيتكلم بيه

الحق يتاخد من اللي عليه الحق او من اللي بيتستر عليه

مش اي واحد ماشي في الشارع

ابه.. الصعيد ع يوبجى موضرن وللا ايييه

شمس العصارى said...

يعنى تفكيرى طلع جريمة و مش مناسب كمان هههههههههههه
انا شايف ان وجه الخلاف فى كلمى و كلامك انى انا بتكلم على الواقع بس انتى بتتكلمى فى الموضوع بافكار مسبقة
بالله عليكى لو قتلوا الواد مش كان المسيحيين برضه حيعترضوا و يمكن كنتى انتى كتبتى بوست تدينى افعال الصعايدة هههههههه صح
حقهم – شوية – عند الامن ماشى و كمان المسيسيحيين حقهم عند الامن برضه طيب انا مش قلت قبل كده الامن يطلع من الموضوع
بس انتى مقلتيش لعم مينا اى منطق انا بتكلم بيه حتى علشان اعرفه انا و اضفله جدعنة و مرجلة ساعتها يمكن يبقى كويس
" اقتباس من كلامك : الحق يتاخد من اللي عليه الحق او من اللي بيتستر عليه

مش اي واحد ماشي في الشارع" – انتهى
هو انا فى كلام قبل كده قلت ان الى قتل الى فى الشارع اخد حق انا تطرقت حتى لفكرة زى كده يا سبحان الله على العموم الكلام موجود و ابقى شوفيه تانى
ـــــــــــــــــــــــــــــــــــــــــــــــــــــــــــــــــــــــ
عم مينا – ازيك
انا من هنا و الله او من هنا و هناك يعنى من قوص و متواجد فى القاهرة
المهم انا مطلبتش منك او حتى من المسيحيين شئ ولا اتجنيت عليهم ولا اتبليت عليهم وولا حملتهم فوق طاقتهم علشان متبقاش زعلان بس و تقول مطلوب حاجة تانية ....
لو نات كنت بتقرى كلامى من الاول كنت حتشوف انى انا قلت كل واحد ياخد حقه و خصوصا اهالى القتلى وده مش محاباة ولا لبس لعباءة التعقل ولا المواطنة او غيره لالالالالالا ده نزولا على مبادئ الاسلام التى لا تجيز قتل انسان – اينا كان – ظلما .... ده حتى اهل الكتاب ليهم معاملة خاصة جدا فى الاسلام
و بعدين المادة التانية فى الدستور بتقول ان الشريعة الاسلامية هى المصدر الاساسى للتشريع و الشريعة دى هى الى بتقول الرجم للزانى المسلم ........ فى رايك عقوبة المغتصب تبقى ايه حتى لو كان مسلم
يبقى مش مفاجاة انك تلاقى حكم صادر من محكمة بهذا الكلام
وانا لما تكلمت عن اسرة البنت تكلمت عن الواقع الى هما عايشينه مش اتكلمت بمنطقك او منطق القاهرة مثلا
روح الصعيد وشوف جرايم الشرف عاملة ازاى و بين المسلمين و المسلمين مش حقلك بينهم و غيرهم
و انا مش ححكيلك عن تعاملى مع المسيحيين ازاى لانى مش مطالب بده و انت مش مطالب بتصديقه
بس حقلك على موقف متكرر – ايام الجيش كنت بصحى زمايلى المسيحيين من النوم علشان يقفوا بدالى خدمة و انا اروح اصلى الجمعة ...... انا مسلم و عاوز اصلى مفيهاش حاجة دى بس تفتكر هما كانوا ليه بيقبلوا و خصوصا فى الصلاة
عم مينا و الله و الله و الله لن يجد المسيحيين حقهم و ياخدوه الا فى تطبيق الاسلام - اختلفنا او اتفقنا فى ذلك – التاريخ و الواقع بياكد
ــــــــــــــــــ
نوارة صباعك فى عينى و الناس فاكرة انى انا الى اتجنيت على افكارك ههههههههههههههههههه

Unknown said...

انا قلت تفكيرك جريمة؟ انت فهمتها ازاي يابني؟

انا قلت الناس اللي بيفكروا بالطريقة بتاعة حضرتك دي ما ينفعش يحكموا البلد

عايزين قانون يحكمنا

او على الاقل اخلاق

انما لا قانون ولا اخلاق.. غل وبس؟ كتير كده احنا ناقصين؟

Unknown said...

ثم انا حطيت صباعي في عينك فين؟

انا ما كنتش اعرف ان فيه صعايدة جدد زي المصريين الجدد كمان

كنت فاكرة ده انتاج القاهرة بس

شمس العصارى said...

ايه فهمتها ازاى دى – قصدك انى انا صعيدى هههههههههههههه
فهمتها زى ما الكلام بيقول ........صح
و ليه ميحكموش البلد ههههههههههه و الله احسن ناس
ماهو دولا الى حيعملوا قانون كويس يحكم البلد بما يرضى الله و تلقائيا حيرضى الشعب
و الاخلاق اتكلمنا فيها و قلنا ......... يووووووه طيب هو مصدر الاخلاق ايه يبقى نروح للمصدر و نطبقه
و مين جاب سيرة الغل و كمان بس ..... ابدا و الله ما حصل هههههههههه
و بعدين انا كنت قايلك قبل كده ان البلد تبقى اسلامية مدنية او حتى مدتية على طريقة النخبة .... بس انتى الى مش رضيتى هههههههههههههههههههههههههههههه

عم مينا said...

المادة التانية من الدستور بتقول ان "مباديء" الشريعة الإسلامية هي المصدر الرئيسي للتشريع
كلمة مباديء دي مهمة قوي
علشان كدة معندناش و لا رجم و لا قطع ايد
و مفيش أي حكم محكمة بالمنظر ده
و بعدين هو ليه كل ما خش في نقاش مع حد يقولي الإسلام بيقولنا نعامل المسيحيين كويس.. هو مين قال ان الموضوع ده له علاقة بالإسلام.. محدش فينا عنده شك ان الإسلام كأي ديانة اخري بيدعو معتنقيه علي معاملة الناس كويس

شمس العصارى said...

الا الاحكام الفقهية دى متعتبرش من مبادئ الشريعة
طب ازاى.... امال ايه الى يبقى من مبادئ الشريعة
معندكم رجم او قطع يد لكن ان شاء الله حيبقى عندنا كل الاحكام قائمة من اول الحدود الى احكام العدل و الاتفاقيات و الحرب و تسيير حياة الناس
و مفيش حكم محكمة بالمنظر ده لاننا ماشيين فى الاغلب بالقانون الفرنسى و المشرعين مش حاطين الاحكام الفقهية فى القانون الا فى موضوع الاسرة و الميراث فقط
و لعلمك كان فى حكم من قاضى بجلد الزانى و الحكاية بتقول ان المحامى لعلمه بالتزام القاضى طلب القضية تبقى من اختصاصه و القاضى حكم بالجلد – اى نعم الحكم متنفذش علشان القانون مش نصه كده – الا ده بيثبت ان للقاضى الحكم بما يراه حتى لو مش فى القانون طالما الحكم عادل ولا يضر بالمتهم ولا يكون الحكم بدعاً من الاحكام
و بعدين انت زعلان ليه لما نقول الاسلام بيقول و يقول
احنا مسلمين و الدولة مسلمة و ثقافتنا مسلمة – مش ناقص غير حكمنا الى يبقى على طريقة الاسلام – و بعدين ده المرجعية بتاعتنا و احنا مش عاوزين نسيبه و نروح لمرجعية وضعية يعنى مثلا قانونا فرنسى طيب و الانجليزى لا ليه و الامريكانى وحش مثلا كل الدول و كل الناس بتختلف فى قوانينها المحلية او حتى اعترافها بالقوانين الدولية
لكن احنا عندنا مرجعية شاملة و ثابتة و متكاملة و مش عيب اننا نحدث بيها كل الناس
و بعدين من اول ما الموضوع حصل و الاعلام و الكل بيقول مسلم اغتال مسيحيين
فاحنا بنقول ده مخطئ و الاسلام مش بتاع كده
ولا كان المفروض نقول ان الهندوس بيقدسوا البقر و بيعطلوا المرور بسبب كده
انا قبل كده قلت ان اسر القتلى معزورين فى شعورهم تجاه المسلمين
الملخص اننا بنرد فى صلب الموضوع و ده بيودينا تلقائيا للاسلام و مبادئه و احكامه
بس انا لسه برضه مش فاهم فكرة و تحليلك للموضوع ازاى