Wednesday 20 January 2010

الغلابة ليهم مين غيرك يا رب؟

 تحديث:
دول ولا حتى مهتمين بغزة في السيول، هي لازم تبقى قنابل عشان يهتموا؟ واسرائيل فتحت السد ونزحت المية على غزة على اساس انها بلاعة يعني


@mohammedatef للمساعدة والتبرعات فى مواجهة سيول أسوان .. جمعية رسالة مصر , مصر الجديده ميدان الحجاز خلف سيتى بنك 0112964480
-----------

يعني اللي بيموتوا في الصعيد وفي سينا دول مش بني ادمين يا ناس؟ ولا كلمة عليهم؟ امبارح يقولوا حداشر ماتوا في سينا والنهاردة يقولوا سبعة؟ اربعة صحيوا؟
وواحدة رسامة صاحبة ماما قالت ان فيه قرية في الصعيد اتشالت باللي فيها وهي عرفت عشان هي رسمتها ولها صلة بيهم
والناس عمالة تتصل ببعض عشان تسمع اخبار ناسنا اللي في بلدنا وماحدش سائل فيهم، ولا حتى قناة الجزيرة جايبة سيرتهم، والناس اتقطع عليها الكهربا والتليفونات ومش عارفين يكلموا حد.. والظاهر بقى الصحفيين خايفين يروحوا لهم ليروحوا ما يرجعوش، طب عرفوا منين انهم سبعة بس وهم مقطوعة الاتصالات بيهم؟ طب صوروا القرى للذكرى طيب يمكن تتشال وتغرق وتبقى اثر
يارب يا بتاع الغلابة يارب، مالهمش غيرك يارب، لا حد سائل فيهم، ولا حتى عايز يعرف جرا لهم ايه؟
لا وسبحان الله، الحمد لله الحمد لله الحمد لله: الصعيد وسينا اغلب ناس.. اغلب ناس فيك يا بلد
قدر الله وما شاء فعل، الحمد لله على قدر الله، راضيين يارب، راضيين يارب، احنا امتى ما كناش راضيين؟ الواحد بس بيصعب عليه الغلبان يدفن في الضلمة ولا حتى يتصلى عليه

9 comments:

Anonymous said...

انا بقيت بكره برامج التوك شوه عما عما

عاوزين مصيبة ويشبعوا فيها واشتغلي يا اعلانات


ربنا معاهم
ربنا يجازي اللي كان السبب في الهم
وربنا يجازي اللي بيتاجر بالناس في الفضائيات كل يوم

صباحكم ياسمين

سكوت هنصوت said...

معلش بقى خبر على هامش القضية...سمعتي عن الحكاية دي
http://moheet.com/show_news.aspx?nid=333969&pg=1

تــسنيـم said...

أصل الغلابة ما بيشبعوش غلب يا نوارة

حكمتك يااارب

مواطن مصري said...

Global warming threatens Egypt's Nile Delta

http://www.usatoday.com/news/world/2007-08-23-egypt-nile-threat_N.htm

دة مقال عن غرق اسكندرية وتغير المناخ موضوع مهم اوي

دة بقى موضوع مهم عن تغير المناخ و الي بيحصل السيول سبب رئيسي ل ارتفاع مياة البحر

و نتيجةل الانحباس الحراري

و بيقولك اكثر من 12 مليون مصري متعرضين للموت و الغرق

موضوع مهم اوي يا نوارة ل الاسف مفيش اهتمام اعلامي بية

و انا شايف أن دة بدايات لغرق الأسكندرية


http://www.greenprophet.com/2010/01/02/15512/egypt-climate-change/

12 Million Egyptians to be Affected by Climate Change

شوفي الموضوع دة يمكن يمكن حد يهتم و يتحرك

مواطن مصري said...

نوارة متنسيش السيول دي نتيجة ل الانحباس الحراري الي ابما رفض يمضي عليها


و دة مجرد بداية للشو الكبير

اللهم بلغت اللهم فاشهد

ahmad said...

السلام عليكم ورحمة الله
سحان الله والحمد لله والله اكبر
اما انا يانوارة
بقول ان كل مصيبة هي كاشفة
كاشفة لهذا النظام الملهي عن الشعب مش عارف في ايه واهيه شرم الشيخ اتشرمت والمطار بتعاها باظ علشان ما يعرفوش يستقبلوا وزراء اسرائيلييين لمدة كذا شهر يعني
يارب اكشفهم كمان وكمان
ولك الله ياشعب
وعليكم الله يا اصحاب الامر

شمس العصارى said...

"المعاناة هى الوعد الذى تفى دائما به الحياة "
ده حال الناس الحقيقى هناك
بس انا معتقدش انهم قطعوا عليهم التليفونات و الكهربا هى جاتلهم منين اصلا لما يقطعوها ده اذا كان مية النيل مفيش النيل الى بلادهم و بيوتهم عليه
للاسف يا نوارة الناس مصدقة كلام وزير البترول ووزير الرى ووزير الاسكان عن الصعيد
كل وزير من دول يتكلم على الى الحكومة عملته فى الصعيد تحسى من كلامه ان الصعيد بقا صعيد على الطراز الفرنسى
منه لله مينا الله يحرقه كل يوم
مينا موحد القطرين
نلتقى بعد ما يبقوا قطرين مش قطر واحد

احمد سعيد said...

شايفه اللى بيحصل فى سينا يانوارة ؟
دا بدايه عقاب على فكرة

احمد سعيد said...

عاجبك كدة يامبارك ؟؟