Tuesday 19 January 2010

امريكا تضع ايات من الانجيل على سلاح الجيش

يا حيييييلووووة، تخيل كده حاطط كلام ربنا على سلاح بيموت الاطفال والحريم ويحتل الناس في ارضهم، ايه الروحانية دي كلها؟ 
وبعدين هو ده ينفع ده يا كابتشن؟ على اي اساس امريكا دولة علمانية يعني؟ رئيس جمهوريتها بيفتتح فترة ولايته بصلاة، والجيش بتاعها حاطط ايات من الانجيل على السلاح، طب افرض الجندي مش مسيحي؟ افرض بوذي، يهودي، مسلم، ملحد، وللا هم بيمتحنوهم في الدين قبل ما يدخلوهم الجيش وللا ايه؟
وبعدين آيات من الانجيل على سلاح محتل؟ ده ينفع ده؟ اقصد دينيا ينفع يعني؟ تيجي تظبطها من ناحية ان امريكا دولة علمانية تلاقيها مش راكبة خالص، تيجي تظبطها من ناحية دينية ان سلاح يتحط عليه ايات من كتاب مقدس وهو بيقتل اطفال وستات ويحتل اراضي ويسرق ثروات برضه مش راكبة
اه.. انا عارفة انها بلطجة كده يعني.. انا بس باقول، بافك عن نفسي
لا وبعد ده كله ماشية تهزأ الناس عشان ما عندهمش ديمقراطية... شبه بتاعة العراق كده.. لا شكرا الله لا يسيئكوا او يسيئكوا.. زي ما يشوف يعني

33 comments:

elmo said...

The link lead to QASAM missile, do you mean it this way or you been hacked?!

wahat_alshohada said...

الرابط فيه صورة مش موضوع يا نوارة و قريتى موضوع سيول سيناء وغزة الوضع خطير جدا

elmo said...

the link lead to QASSAM missile, is this what you ment or you been hacked?!

Unknown said...

بالرغم انى مش مصدق الخبر مش عارف جاباه من انهى مراحيض

بص لنفرض جدلا انه صحيح و ماله هو عمرو بن العرص لما جه غازى لمصر و احتل بالاسلام مصر 1400 سنة كان حلو ليه و كخه لامريكا


قران ده و لا مناديل كلينكس

http://quran.al-islam.com/Tafseer/DispTafsser.asp?l=arb&taf=KORTOBY&nType=1&nSora=2&nAya=193

وَقَاتِلُوهُمْ حَتَّى لَا تَكُونَ فِتْنَةٌ وَيَكُونَ الدِّينُ لِلَّهِ
"البقرة 193"

" وقاتلوهم " أمر بالقتال لكل مشرك في كل موضع , على من رآها ناسخة

, ومن رآها غير ناسخة قال : المعنى قاتلوا هؤلاء الذين قال الله فيهم : " فإن قاتلوكم "

والأول أظهر

, وهو أمر بقتال مطلق لا بشرط أن يبدأ الكفار
ـــــــــــــــــ

بصى شروط بن العرص الغازى المسلم اللى حطها على اقباط مصر

--الا يُحدِثوا في مدينتهم ولا فيما حولها ديراً ولا كنيسة ولا قلاية ولا صومعة راهب،
ولا يجدِّدوا ما خُرِّب،
*** و الشرط ده موجود حتى يومنا هذا مفيش كنيسة تتبنى او تتجدد الا بقرار من رئيس الجمهورية شخصيا
ده اسمه كلام فى بلدى و ارضى و مقدرش ابنى كنيسة عن اصلى فيها و اتعبد لربنا.!!!!!!!!!

--- ولا يمنعوا كنائسهم من أن ينزلها أحدٌ من المسلمين ثلاث ليالٍ يطعمونهم،
*** ليه يعنى ؟؟ هى الكنايس فنادق للمسلمين؟؟؟!!!

--- وأن يقوموا لهم من مجالسهم إذا أرادوا الجلوس
*** يعنى حضرتك و انتى راكبة المترو كده و مش لاقية مكان تقعدى فيه و فى مسيحية قاعده تروحى تجبيها من شعرها و تقوميها علشان انتى تقعدى ،، يا سلام ايه الرحمة و الاحترام ده ؟؟!!

- أن يجُزُّوا مقادم رؤوسهم
- وأن يلزموا زيَّهم حيثما كانوا
- أن يشدّوا الزنانير على أوساطهم
- لا يُظهِروا صليباً ولا شيئاً من كتبهم في شيءٍ من طرق المسلمين
- لا يجاوروا المسلمين بموتاهم

- لا يضربوا بالناقوس إلا ضرباً خفيفاً
- لا يرفعوا أصواتهم بالقراءة في كنائسهم في شيء من حضرة المسلمين
- لا يخرجوا شعانين
- لا يرفعوا أصواتهم مع موتاهم
*** يا خبر اسود حتى امواتنا ما نقدرش نعيط و نصرخ عليهم لما يموتوا ،، ده ايه الرحمة ديه؟؟
البلد بلد ابونا و ييجوا الغرب يطردونا و عجبى عليك يا زمان

ـــــــــــــــ
يا محترمة

اللى ماترضيهوش لنفسك ماترضيهوش لغيرك

Anonymous said...

بوش رتل القران في كابل مش عارف في 2003او 2005 وصفقولة اوباما سلم بتحية الاسلام في جامعة القاهرة وكاد البعض أن يدخلة الاسلام ولم يكتفوا بذلك بل ذهبوا يعملوله اعلان في العالم ان صلاح الدين الجديد قادم منذوا بداية الحرب على العراق والجيش الامريكي يتخبط فضية معتقل ابو غريب واقالة وزير الدفاع
رامسفليد حوار الديانات التي اتى بها بوش وضفها توضيف سياسي وهي اصلا كلام فاضي لا حوار عقايد ولا غير قايدي من حق المسلم ان يتمسك بدينة وان الدين الحق عند الله الاسلام ولا يتنازل عن ايه واحده في القران ومن حق الاخر اين كانت ديانته ان يتمسك فيها ويراها انها الحق ويحترم كل منهم في اختياره اما كوني اعترف ان هناك ديانات اخرا وانها حق ف لماذا لا عتنقها ؟
طال ما انها حق..نحن امام حكومات
ممكن توظف اي شي من اجل مصالحها
الحكومة الامريكة عباره عن موسسات اللوبي الصهيوني وغيرة وما الريس الامريكي الا لينفذ مايريدون منه
.

Anonymous said...

قفي مكانك، امريكا ما بتموتش حد، وانا كنت في مصر وشايف العراق من هنا، دي دروع بشرية متخذها البعثيين وزعيمهم المجرم الميت الحي صدام...

شيرين said...

يمكن من مبدأ التسمية على الدبيحة قبل ما تندبح عشان تبقى حلاااااال

كريم البحيرى said...

نواره عاوزك تقرى الرسالة دى جايلى من فريدم هاوس

بيت الحرية تدين القبض على 19 من نشطاء في مصر -- من بينها قادة المدونين وممثلي الأحزاب السياسية والصحفيين -- وتطالب بالافراج الفوري عنهم دون أذى.

وكانت المجموعة قد اعتقلت من قبل الحكومة اثناء سفرهم الى مدينة نجع حمادي للتعبير عن تعازيهم لعائلات الضحايا الذين قتلوا الاسبوع الماضي خلال اعمال العنف الطائفية التي اندلعت عشية احتفالات عيد الميلاد المجيد حيث قتل و أصيب عشرين قبطيا عندما تعرضوا لهجوم من قبل مسلحين حيث خروجهم من القداس يوم 6 يناير.

"اعتقالات اليوم هي بمثابة مثال شديد الفظاعة لما أصبح نمطا من قبل الحكومة المصرية بالتدخل مع حق المواطنين في حرية التعبير" ، قالت جنيفر ويندسور ، المدير التنفيذي لفريدوم هاوس. "هناك شيء ما خطأ عندما ترى الناس يعاملون كمجرمين لمجرد محاولة اظهار التعاطف والتضامن مع رفقائهم فى الواطن."

وهناك سبعة من المقبوض عليهم من الناشطين المشاركين في برنامج جيل جديد ببيت الحرية، كما تضم الزملاء الذين قدموا على برنامج الزيارة للولايات المتحدة وبرامج التبادل الدولية الأخرى، بما في ذلك ثلاثة من المقرر أن يأتو إلى الولايات المتحدة فى جولة دراسية في أواخر شباط / فبراير بدعم من وكالة المساعدات الأمريكية.

"الحكومة المصرية فشلت في التصدي للعنف الطائفي ، لأنها فقط تستخدام التدابير الأمنية لمكافحة الاضطرابات" قال دانيال كالينجارت ، نائب مدير البرامج في دار الحرية. "وأضاف " لقد قاموا بتكميم أفواه المدونين النشطين و قادة المجتمع المدني الذين أخذوا زمام المبادرة للعب دور بناء في عملية المصالحة".

Tamer said...

لا هو بيحتل و بينهب و يكسر و يدمر لا سمح الله ؟
ده بينشر الديمقراطية و الحب و السلام في العالم
اه صحيح , و بينشر احترام الاديان الاخرى كمان و علاقات الحب معاهم
بتاع السنة اللي فاتت(update) ده ال

Unknown said...

انا صلحت اللنك يا
said

انا اسفة اصلها غلطة، فيه واحد كان قال لي على التويتر ما صواريخ القسام عليها قرآن فرحت جبت صور صواريخ القسام وقلت له طلع لي القرآن اللي على صواريخ القسام

فالظاهر اما جيت اكتب البوست نسيت اعمل كوبي للخبر

Unknown said...

بالنسبة للطير المسافر انا جايبة اللنك من هنا

http://www.politicaltheatrics.net/2010/01/u-s-military-weapons-inscribed-with-secret-jesus-bible-codes/

وعليه صور لايات الانجيل على سلاح الامريكان

بالنسبة للهلاوس بتاعتك انا ماليش مزاج ارد عليها دلوقت

لاني ورايا شغل
يمكن يجيلي مزاج ارد ويمكن حد تاني يخش يسب لك وح انزل له التعليق الحقيقة لاني نزلت تعليقك

هندسة وصفية said...

طير مسافر
والله ؟؟ يعني كل الكنايس الموجودة في مصر دلوقتي من ايام الفتح الاسلامي متغيرتش و لا زادت؟
لو انت اهبل عادي انك تفتكر ان الناس كلها هبل
لو بتستهبل ملكشي غير الجزمة زيك زي اي واحد بيستهبل مسلم بقي و لا مسيحي

أبو عمر - الصارم الحاسم said...

ده ايه ام الحرية اللي في المدونة دي


عمرو بن العاص بيتشتم بقذارة وعادي وعدت ولا واحد خد باله ولا حد رد عليه...والتعليق اتنشر عادي خالص دون اي رد فعل

يعني مش ضروري اللي شتمه يتشتم...بس حد يتفاعل ...صاحبة المدونة فين...ده صحابي اللي بيتشتم وخيره على مسلمي اهل مصر كلهم..وعلى نصارى مصر ايضا لكن التاريخ دلوقت بيتقلب لاسباب سياسية وطائفية
!!!!!!!!

وعلى حد علمي صاحبة المدونة بتعتز بدينها والدنيا عندها في الدين مش حرية مطلقة وسداح مداح زي البعض الآخر.... حتى وان كانت تتبنى وجهات نظر مختلفة


للبني آدم اللي دخل شتم الصحابي الجليل عمرو بن العاص

اولا اللي انت كاتبه ده مش عمرو بن العاص اللي قضى به...بعض النقاط القليلة فيه نعم ....لكن اغلبه اللي قضى به بعض الملوك الفاطميين

وهذا جاء بعض اضطرابات ونقض للعهود واعتداءات صدرت من النصارى من اهل مصر ضد المسلمين من اهل مصر برضه...مفيش غرب هنا...خمسميت واحد جم مصر وقعدوا فيها مش هيمحوا سبعة مليون ويحطوا في سنتين سبعة مليون مكانهم
!!!!!


وهذه الاحكام القاسية فيها بعض المبالغة نعم...وفيه بعضها له ما يبرره ....لكن الأمور ليست كما تم حكيها لك من معلميك اياهم

وبعدين الاسلوب السافل ده بيسئ ليك ولقضيتك ويبين الخلفية الفكرية لمن علموك هذه الاكاذيب

اذا اردت النقاش في هذه النقاط بأدب بالتفصيل اهلا وسهلا

أبو عمر - الصارم الحاسم said...

الاختيار لك ان ردي القادم يكون بلغتك واسفل منها او لأ


شفت تعليق صاحبة المدونة دلوقت

صوت من الجنوب said...

رد بسيط علي الطير المسافر

تمكن "عمرو بن العاص" من فتح "مصر" في أربعة آلاف مقاتل، فدخل العريش دون قتال، ثم فتح الفرما بعد معركة سريعة مع حاميتها، الرومية، واتجه إلى بلبيس فهزم جيش الرومان بقيادة "أرطبون" ثم حاصر "حصن بابليون" حتى فتحه، واتجه بعد ذلك إلى "الإسكندرية" ففتحها، وفي نحو عامين أصبحت "مصر" كلها جزءًا من الإمبراطورية الإسلامية العظيمة.
و الآن الي السؤال
لقد تمكن عمرو بن العاص من فتح مصر و طرد الرومان بأربعة آلاف مقاتل فقط !!!!!!!!!!!!!!!!!!!!!!!!!!!!!!!!!!!!!
الم يكن لديكم معشر النصارى اربعة آلاف مقاتل لتحرروا انفسكم من استعباد و ظلم الرومان ؟؟؟؟ بلى كان لديكم اربعون الف رجل و اكثر
الم تستطيعوا تجهيز عتاد لأربعة آلاف جندي للتحرروا من ظلم الرومان ؟؟؟؟؟ بلى كنتم تملكوا ما تنفقوا به على الجيش
اذا ما منعكم من تحرير انفسكم من الاستعباد و لماذا استغثتم بالمسلمين ليحرروكم بالسيف و لماذا كان السيف حلو ساعتها و لماذا لم تحرروا انفسكم بالمحبة ؟؟؟؟؟؟؟؟؟؟؟؟؟؟
ماذا كان لدي الأربعة آلاف مقاتل يزيد عما لديكم]؟؟؟؟؟؟؟؟؟؟؟؟؟؟؟؟؟؟سؤال لأخوانا النصارى مطلوب فيه شوية عدل و انصاف هل تلك الأصناف مازلت عندكم !!!!!!!!!!!!!!!

Unknown said...

انا نزلت تعليقه عشان ما يرجعش يدعي ان عندي حاجة اخاف منها او اخبيها

بس منكوا ليه بقى
زي ما نزلت تعليقه ح انزل اي تعليق عشان هو كمان يشوف رد فعل الخطاب بتاعه ده ح يوصل لفين

بس عندي رجاء

الالتزام بالاخلاقيات، يعني هو بيشتم كل المسلمين صح؟
ما يبقاش بقى رد الفعل اننا نرتكب نفس خطأه
هو يترد عليه على انه هو صاحب الكلام ده وما يتعممش على ناس مالهاش ذنب وما سمعناش منهم الكلام ده

Rateb said...

http://st-takla.org/Saints/Coptic-Synaxarium-Orthodox-Saints-Biography-00-Coptic-Orthodox-Popes/Life-of-Coptic-Pope-038-Pope-Benjamin-I_.html
يا الطير المسافر عندك اختيار من اتنين
1 ان الكنيسة كذابه
2 انك حمار

Unknown said...

الطائر المسافر
طب على الاقل اكمل الايه193 "فإن انتهوا فلا عدوان الا على الظالمين" او اكتب الاية اللي قبلها كنت فهمت السياق اللي نزلت فيه بس انت اخذت اللي يفيد رايك وتركت الباقي ، اما بالنسبة للصحابي عمرو بن العاص فهو صحابي جليل وقائد عسكري محنك وكلامك عنه لا ينقص من قدره مقدار ذره، ولن يهز من مكانته شئياً، بالعكس يوضح مدى جهلك بالتاريخ ، وانك تعتمد ثقافة التيك اوي
سها

سامي said...

الاستاذ الحاسم الصارم غاب غاب ورجع لنا بعمر ما شاء الله
استغربت من ردك على النصراني المصنن ابو ريحةوحشة اللى دخل وبال فى المدونة وخرج تاني

يعني ايه نتفاعل معاه؟؟

واحد جايب كوبي وباست من مواقعهم تقوم ترد انت عليه وتقوله دا اغلب الكوبهات والباستات اللى انت جايبها دى قضاء لبعض الملوك الفاطميين

على اعتبار ان المصنن دا باحث عن الحقيقة واول ما يقرا ردك حيعمل سيرش عن الدولة الفاطمية وحكامها؟؟

النوع دا من النصاري لما تقرا تبوله وبعد فاصل من الضحك والاشمئزاز

تقوله

امصص هن ابيك

وامسح بقك بمناديل الكلينكس بعدها

شمس العصارى said...

ايه يا نوارة هى حرية الرأى تشمل التطاول و السب فى رموز الاسلام و المسلمين
اولا الواد ده ميستاهلش حد ينزل لمستواه ويرد عليه
و انا مش مستغرب من كلامه
ده ناتج طبيعى جدا جدا جدا للثقتفة الكنسية التى تدرس فى السر
تلك الثقافة التى تسعى وراء التشهير برموز الاسلام و التطاول عليهم و ارساء الحقد الدفين فى نفوس اصحاب تلك الثقافة
عليهم من الله ما يستحقوا
ولماذا تصر الكنيسة و اتباعها على جعل ثقافتها و ما يقال و يدرس فيها سريا
الى صح و مش خايف يطلع و يقول على الملأ
و ما هى نوعية تلك الثقافة التى تحاول تشويه الاسلام - قرأن ، سنة ، تاريخ ، رموز - و بما تملا تلك الثقافة عقول متبعيها
و ما نوعها حين تسمح لاتباعها - لاى شئ - بالجرى و الاجتماع و التظاهر عند الكاتدرائية و ترديد السباب و الشتائم على اى احد و كل المسلمين
قولوا لنا اى ثقافة تملأ عقولكم و من يملؤها
" قل موتوا بغيظكم "
" قاتلكم الله "

Unknown said...

شمس العصاري
انت فظيع الحقيقة
ده الصارم الحاسم جنبك ملاك ولا حتى ينقصه الجناحين

لما ارجع بقى ابقى ارد على الكتكوت المبلول اللي مسمي نفسه الطير المسافر

كفاية عليه كده

أبو عمر - الصارم الحاسم said...

إحممم
امم

اشكرك يا نوارة الصراحة ده وسام على صدري
:)

اول مرة من فترة طويلة نتفق على حاجة


بس ....بصراحة...نفس الكلمتين اللي قالهم/قالتهم شمس العصاري مزنوقين في زوري

حرية الرأي المفروض انها لا تشمل السب اللي الاخ ده عمله لواحد من كبار الصحابة وماكانش المفروض السماح للتعليق بالنشر طالما ان فيه سب مباش كده...يعني تعليقه كان ممكن ينتشر صح...لكن دون السبة اللي حاططها لعمرو بن العاص...انتي معنكيش امكانية تحرير التعليقات...اكن ممكن تنشري تعليقه باسمك انتي دون الشتيمة وتشيري الى اسم صاحب هذا التعليق اون تنزيل التعليق بشتيمة زي دي لصحابي غير مقبولة


على الجانب التاني عندك حق ...ممكن يحصل ان حد يحمل الافكار اللي كتبها الطير المسافر نتيجة لمعلومات يتلقاها من مصادر ما كلنا عارفينها ...والحل وقتها ليس ان نسب الذين يدعون من دون الله فيسبوا الله عدوا بغير علم وان نستبق بالرد على الاساءات بالاساءات من اول طلعة كده...لكن ان نتفهم الفكرة الخطأ اللي هو واخدها والظروف اللي خدها فيها ونحاول نصححها ان كان فعلا من نتناقش معه عنده استعدادا لمناقشة عقلانية

مستنيين ردك بقى عليه

Unknown said...

لا مؤاخذة لا مؤاخذة جيت اعمل ريجيكت عملت بابليش
حالا ح امسح الخرا ده

Unknown said...

طيب

انا مسحت التعليقات اللي فيها شتيمة وعملت تعليق عنصري لشمس العصاري بس والله كان نفسي انزله لسبب واحد
ان الكتكوت المبلول يعرف رد الفعل لكلامه اللي بيقوله

وبعد ما مسحت بصراحة انا لازم احيي من موقعي هذا الاستاذ بهيج الشرير لحاجة واحدة بس، عبقريته في اختراع الاسامي هههههههههههههههههههههه

يخرب بيت كده

مسميه طيز المسافر ودي مش اول مرة يخترع اسامي، مسمي عوكل: ابو التعالب ملك الفياجرا وقاهر الهكسوس ومسمي علاء مبارك ايه؟ اللهم صلي ع النبي.. اه، عيلاء ابو العلوق سفاح الامازيغ
ههههههههههههههههههههههههههههههههههههههه

دلوقت بقى نرجع للكتكوت المبلول

مع الوضع في الاعتبار يا جماعة انه باين جدا من تعليقاته اللي انا ما نزلتهاش انه عيان، بجد مش باشتمه والله العظيم، هو فعلا مسكين، فمافيش داعي للكاكيم يعني

طيب

Unknown said...

والله يا استاذ طير يا طاير انا مش متعودة انزل خطاب كراهية عندي في المدونة، اي تعليقات عنصرية او طائفية او مذهبية مش بانزلها

بس لقيت تعليق حضرتك، واللي هدفه بالاساس انك تدافع عن الاحتلال الامريكي، قلت يابت تنزليه؟ لا ما تنزلهش، لا نزليه، لا ما تنزلهش، لا نزليه، لانه ح ييجي بعد شوية هنا في المدونة يفتح زوره ويدلق خرا تاني وييجي في عقل باله المريض انه مثلا احرجني بالبقين الخايبين بتوعه دول وانا بقى يامي يامي يامي خفت

ورغم انه مش من العدل اني انزل تعليقك العنصري والطائفي وما انزلش تعليقات مشابهة للمسلمين بس انا عملت كده

اي والله، متعودة اعمل كده انا حتى اسأل الصارم الحاسم اللي اضطر يخفف من حدة لهجته عشان تعليقاته تنزل

ليه باعمل كده؟ عشان انا مش مستعدة اشارك في حملات كراهية من جانبي

اولا يا استاذ طير: انا اخر واحدة يتقال لها اللي ما ترضيهوش على نفسك ما ترضيهوش على غيرك

وانت مالكش اي عذر خالص في التعليق اللي انت سايبه عندي هنا، ابدا البتة، انا مش حاطة على مدونتي ميكرفون بيقول اللهم اهلك النصارى عباد الصليب مثلا وكاتبة عن استخدام امريكا للانجيل على السلاح تقوم تقول لي اللي ما ترضيهوش على نفسك ما ترضيهوش على غيرك

انت الحقيقة اللي حاجة من الاتنين، يا اما شرير قوي، شر يعني كده، يا اما فعلا عيان وعندك ازمة نفسية محتاجة علاج

ليه بقى؟ لانك داخل مش بس تشمت في مساكين، تلاتة مليون بني ادم ماتوا من ساعة غزو افغانستان في كل من افغانستان والعراق، مالهمش اي ذنب غير انهم مسلمين وحضرتك بتكره المسلمين ده انت كمان بتبرر قتلهم

وبتبرره ازاي يا ناصح؟

بإنك تجيب ايات من القرآن موجود زيها واشد منها بمراحل في العهد القديم والعهد الجديد

وجايب نصوص انا الحقيقة ما تحققتش من صحتها لان نص المعاهدة العمرية حاجة تانية خالص غير اللي انت جايبه
ومش مهم التحقق من مصداقيتها لان دي مش قضيتي دلوقت لعدة اسباب
اولا لانها ان صحت فهي حاجة تاريخية
ثانيا لانها ان صحت مالهاش علاقة بالعهدة العمرية ولا بنصوص المعاهدات بتاعة الرسول عليه الصلاة والسلام مع المسيحيين واليهود وبالتالي فهي مش حجة على الاسلام
ثالثا: امممم ولو اني مش باحب اخش في وصلات الشرشحة، لكن يا استاذي يعني، انت فاضي امتى اخدك من ايدك على المعابد الفرعونية اللي المسيحيين الاوائل حاولوا يهدوها وما عرفوش فمشيوا يشطبوا على الكتابات اللي الحيطان، لحد دلوقت موجودة المعابد دي
وسبحان الله يا اخي، سبحان الله، الاسلام المتوحش مافيش بلد دخل فيها الا وكل الديانات السابقة عليه فضلت موجودة، حتى الديانات اللي مش سماوية زي الزرادشتية في ايران والبوذية في افغانستان والهندوسية في الهند
بينما، فين الديانة المصرية القديمة؟ فين الديانة الرومانية القديمة؟ فين الديانة الاغريقية القديمة؟ فين الديانات اللي كانت سابقة على المسيحية في اي بلد وصلت فيها المسيحية الى سدة الحكم؟ اختفت بقدرة قادر وده طبعا من فرط المحبة والتسامح
لكن انا مش باحب كده
اقصد، اسلوب التطقيم والرص ده، مش باحبه
لانه، وان كان بيكتم الطرف التاني، بس مش ح يوصل لحاجة، انا مش عايزة اكتم الناس انا عايزة اتعايش معاهم ونبقى كلنا سواسية كأسنان المشط

Unknown said...

نوارة

بجد أرفع لك القبعة و أنحنى لكى مع خالص الاحترام لردك المفحم على الطيز المسافر

وعلى رأى خالد الذكر تامر حسنى : شابوه يانوارة

بهيج الشرير said...

والله ياأبلتي ردك محترم على الواد اللي مش محترم طيز بشارب ده، وأعتقد أنه هو نفسه الواد عبد المسيح إبن شفيقة القبطية اللي جه هنا قبل كده لأنه بيكتب بنفس الأسلوب، وعلى فكرة لو كان هو، فالواد ده مختل عقليا وفاكر نفسه أنه هو المسيح

أبو عمر - الصارم الحاسم said...

معلش تعليق بعيد شوية عن سير الموضوع

انا ما كتبتش تعليقي بالصورة دي خوفا من الحذف

وانتي عمرك ما حذفتيلي تعليق مهما بلغ من "فاشية" -كما تسمينها انتي مش انا

لكن برضه ابدا لم استخدم الفاظا خارجة في اي مناقشة كما فعل هو

وماكانش عندي شخصيا مشكلة اني اقرأ تعليقه ده وارد عليه طبعا لكن بدون شتيمة لصحابي

كتبتي تعليقي بهذه الصورة ليس خوفا من حذف او استرضاءا لاحد - مع احترامي - لكن لان هذا هو ما رأيته مناسبا وما يرضي الله في هذه اللحظة من وجهة نظري

شمس العصارى said...

انا عنصرى ورجعى و اصولى و راديكالى
ههههههههههههههههههههههههههههههههه
لا و فوق البيعة فظيع كمان
ههههههههههههههههههههههه
طيب و حياة الاخوة انا لو شفت الواد ده حكسرلك دماغه وواحدة بواحدة و انتى البادية
هههههههههههههههههههههه
ابدا انا فاكر انى قلت ان هذا و اماثله فى الفكر لا يستحقون مجرد التعاطف و بعدين عادى يعنى انا مش بتكلم على التعليقات الى بتحجب فداكى كل التعليقات المحجوبة
وعلى فكرة انا مش رديت عليه و انا عارضت افكار بس و الواد زعل منكم اساسا هههههههههههههه بعد كل التعليقات دى و الردود و انتى كمان مرحمتهوش ههههههههههه
على الاقل هو اكيد مش فهم كلامى اساسا ههههههههههههه
و كمان انا برد على كل مسيحى حسب ما يقول ولما مينا اتكلم ووجهلى كلام رديت عليه بكل ذوق و هدوء
ودايما فى مثل هذه المواقف كنا دايما بنرد رد مخرس و ساكت لاى واحد كان بيقول مثل هذا الكلام او على شاكلته
كنا بنرد و نقول " هذا هو ديننا .... حدثنا انت عن دينك " ساعتها هما مش بيعرفوا يردوا لانهم بالكتير حافظين كلمتين من الى بيتقال ليهم فى السر
سيبك انتى من ده كله كل الردود و التعليقات كانت موجهة للرد على كلام الواد التافه ده لكن كلنا سبنا صلب الموضوع و البوست الاساسى
و انا ساعها علقت مسرعا و مشيت
اولا انا ضد تسمية كلام الانجيل بالايات لكن لفظ الايات ده لم يرد الا فى القرآن و عن كلامه فقط
يعنى ايه الانجيل فيه ايات كلام الانجيل اساسا كلام سرد الى حكوه تلاميذ المسيح - ده اذا كانوا هما الى فعلا حكوه - ما علينا المهم مينفعش نطلق كلمة ايات الا على كلام القرآن
ثانيا هو انتى منتظرة ايه منهم يعنى
هو انتى مكش فاكرة قبل غزو افغانستان لما بوش صرح انها حرب صليبية
قالها بكل بجاحة يبقى ليه تستغربى انهم يكتبوا انجيل على الاسلحة
" انا مش شايف اى بروبلم "
هو احنا حنقيس افعالهم حسب اعتقادنا و فهمنا ولا حنقيسها حسب حقيقتهم هم
نلتقى بعد السلاح
بالمناسبة : الواد شرير مش مريض

elmo said...

Follow up
Please watch the CBS story, in a healthy socity you can discus any and everything.

http://abcnews.go.com/Blotter/secret-bible-verses-guns-marines-concerned/story?id=9602030

شمس العصارى said...

http://www.youm7.com/News.asp?NewsID=180831&SecID=88&IssueID=86
مش قلتلك
صليبية صليبية صليبية

مسلمة حرة said...

إسرائيل وأمريكا وبرطانيا وفرنسا واسبانيا وغيره وغيره كلهم دول دينية ومتعصبة بإمتياز وعلى فكره بيقولوا كدة ومش بيخبوا يعنى بيقولوا بالافعال مش بالاقوال إحنا بس اللى علمانيين وبنسمع الكلام اللى بيضحكوا علينا بيه من عينة فصل الدين عن الدولة ودع ما لقيصر لقيصر ومالله لله واحنا ماشيين وراهم زى الغنم ومدعى الثقافة اللى جايبنا ورا يرددوا كلامهم زى البغبغانات لما قتلوا فى الناس كل همة هو فى انسان عنه روح يقدر يعيش من غير دين حتى مدعى العلمانية لما يتزنقوا بيرجعوا برضه للدين يارب نفهم

hema said...

شكرا على المعلومات الممتعة جدا والتى تستحق التحية مواضيع مميزة فعلا شكرا لك
www.egypt-panorama.com
منتديات بانوراما مصر منتدى مصرى للحوار والنقاش و يهتم ,أخبار مصر ,أخبار منوعة أخبار التعليم ونتائج الامتحانات اخبار الفن والفنانين الرياضة المصرية أفلام الموسم الرشاقة والتخسيس الموضة والمكياج والازياء كلمات الاغانى برامج مجانية تحسين نتائج البحث وغيرهم الكثير من المنتديات الفرعية .
فاتورة التليفون